نعي ( للسبي )
..................... 

عالنوگ  رحنه  امجتفينه
و فوك الرمح روس اهالينه
واحدنه ما بطلت عينه

رحنه بيسر و الناس ضلام
و اعيونه من الخوف متنام
و اجروحنه جا بيش تلتام

الحادي لا لا ما رحمنه
يمشي ابعجل واحنه وگعنه
و انصيح لحگونه يهلنه

النوگ هزله و حيل تعرج
و مامش على الهزلات هودج
مدري شوكت ياربي تفرج

احبالهم  بيدينه  خشنات
و امجرحه اجفوف اليتيمات
من الوجع تذرف الدمعات

تبجي اليتامه و حرت بيها
و الروح ضيم شگد عليها
ناديت الاخوه خل تجيها

ناديت بلكي تجي الخوان
لن الضبابي هز الاسنان
كلش هضمني و دمعي جريان

ونيت يهلي شكد عليكم
كلساع اسولف ضيمي ليكم
و عن حالتي ويلي ابجيكم

يا عازة   الخوان   كلفه
يصعب عليه هضمي اوصفه
ردت الولي دمعي ينشفه

شمحله اخوتي لو تجيني
و بجفوفهم تمسح دمع عيني
وين اليجي واليباريني

وين اليباريني من اهلنه
و انصيح محد يسمع النه
و ذباحكم لا ما رحمنه

حادي الضعن مسرع بممشاه
و كلساع اگله ابهيده و انخاه
توگعت صفيه شگد اويلاه

وگعت حميده بنص الادروب
و انصيح وين احنان الاگلوب
تلحگ علينه نبقه جندوب

لو ردنه ماي ايجر بالاحبال
و طاحت يتيمه من الاجمال
ويلاه يصعب حال الاطفال

يهل المحنه و الامروه
الحادي مامش بيه نخوه
بلوه التودينه اعله بلوه

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

هوسات ( للسبي )
..................... 

مشو  بضعونه  العدوان  عالهزلات
و احنه بس حرم بهمومنه امحملات
صعبه اعله الحرم من غير والي اتبات
*( اتباريها .. يا محله اخوتها )*


فارگت   الاخو   الكله   محنيه
بعد منهو اليجي والينشد اعليه
ما بيه  صحت  يحسين  ما بيه
*( محتامه .. و الشخصك خويه )*


محتامه  عليك  شكثر  يبن  امي
تعال اسمع نخوتي و اشرك ابهمي
گوه اوداعتك هالشايله هدمي
*( تعبانه .. ياخويه اخلافك )*


تعبني الدرب و السوط و الحادي
بس هاي البقت تلجم ترا افادي
ما خلوني ليكم انصب احدادي
*( بگليبي .. نصبيت الجادر )*


بنص گلبي عزاكم يهلي نصبيته
و بهداي  الدمع  يخواني  هليته
و بالمحمل تراني الراس ضربيته
*( و بدماته .. ضل ينزف راسي )*


محد   گابلاني   و لا   يعزيني
ولا وحده الاجتي و تسمع اونيني
وين اللي تجي و تنعه و تبجيني
*( مهضومه .. و ارد اعمي اعيوني )*


اريد  الطم  لطم  ما  لطمته  امتون
واريد اعله الجفوني اعمي الاعيون
جا  ليش  الاحبهم  عني  يمشون
*( عافوني .. للهم و الونه )*


الليله اوياي الطمن حيل لحبابي
تعبني اليسر  و امخزن  اصوابي
اون و لايگ اعله احبابي اعتابي
*( ابدلالي .. ما تبرد ناري )*

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

قصيده فزاعيه ( لسابع الحسين )
..................... 

صارن  سبع  تيام  يحسين
و احنا يساره و تدمع العين
ووجوهكم ضلت على الطين


اليوم سابع    فاگده خواني
و اليسر هد   حيلي و اذاني


اليوم سابع فاگده الوهامه
و لا عزه  سويت  لا لطامه
اسبوع صار امرافگه ضلامه
الشال راس حسين بي هضماني

الشال راس حسين يتعمد يجي
اگبال عيني ايهزه واني اشبع بجي
و اني يدري بحالي ماعندي نخي
و اليسر دربه بعيد اذاني

فوگ عالهزلات و ابلايه حمه
ابلا هوادج نمشي واني امألمه
و راس اخوي حسين يتگاطر دمه
و الحبل يوجعني و لچماني

احبالهم خشنات ادينه اتجرحت
و شفت سكنه اگبال عيني فرفحت
من يجر بالحبل حيل اتألمت
و اسمع ارقيه تصيح اذاني

من سطرها لجم ياويلي الاذن
و الدرب بسكوت ضلت بس تون
خايفه ايسمعوها كاتلها الحزن
اتصيح وينه بابا شو ماجاني

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

لسان حال خادمات الحسين ع (خاف اموتن)

ـــــــــــــــــــــــــــــــــــــ

خاف اموتن ياخدم ذكروني
بالمجالس هايه لا تنسوني

كولو جانت خادمة
تبجي ضنوة فاطمة

خاف اموتن ياخدم ذكروني


⊱━━⊰✾ياصاحب الزمان✾⊱━━⊰


الموت حكَ وخاف اموتن ياهلي
كولو هاي الخادمة الحبت علي
جان ونها بالمجالس يعتلي


وي طاري المنذبح
جانت اتون للصبح


حيل يستاهل ابجيله اعيوني
خاف اموتن ياخدم ذكروني


⊱━━⊰✾ياصاحب الزمان✾⊱━━⊰


من يصير الطم ذكرو لطمتي
لجل زينب جفي يلطم هامتي
لطاري اسمها افياض تنزل دمعتي


كولو جانت كل وكت
دموعها لزينب تكت

زينب ونحر الولي يبجوني
خاف اموتن ياخدم ذكروني


⊱━━⊰✾ياصاحب الزمان✾⊱━━⊰



هاي دنيه وبيها مااثقن ابد
يجوز اموت وليه ماينفع احد
غير درب حسين مااعرف بعد

هو ديني ودنيتي
لجله اصبن دمعتي


ودام الماحبو يلوموني
خاف اموتن ياخدم ذكروني


⊱━━⊰✾ياصاحب الزمان✾⊱━━⊰


خاف هذا اخر محرم ليه انه
ياهو يضمن عدله اضلن هل سنه
عله ياساعه الاجل لنه دنه

خاف هذا اخر حزن
بالكبر محد يون

شلون الطم للعزيز امتوني
خاف اموتن ياخدم ذكروني


⊱━━⊰✾ياصاحب الزمان✾⊱━━⊰


بالمكابر لا بواجي ولا لطم
الخادم ابلايه مجالس ينهظم
فدوه اذكرو شلون حيلي منهدم


جنت بالمجلس صدكَ
لطاري ابو اليمة احتركَ


حسين احبه ياهلي وتدروني
خاف اموتن ياخدم ذكروني


الشاعرة فاطمة هاشم الحسيني


https://t.me/kararAil0



https://t.me/kararAil1
للتواصل مع الناشركرار ميديه

لطميه  لسبي 

ياهي الراكبه  وتبجي عله النوك
ومتروسه  العبايه  تراب  وحروك
كالو  هاي زينب / فوك النوك تنحب
ياهي  الراكبه  وتبجي عله النوك
..........
هاي مدللة  حيدر  واخوها
شلون عله المهازل  ركبوها
وين البيه محنه وابن ابوها
ضنه مادره   بزينب خذوها
ونار الكلب تلهب .. فوك النوك تنحب
ياهي الراكبه  وتبجي عله النوك
.............
مجتوفه عله ناكه وعينها تسيل
نحيله  والمحامل  بيها  اتميل
تنادي ياهلي ماضل بعد حيل
جاوين  اهلي خل تسرج بليل
كلبي بنار عطب / فوك  النوك تنحب
ياهي الراكبه وتبجي عله النوك
...............
كالو  هاي  زينب   يالتنشدون
موش اخوانها البالضعن يحدون
مجتوفه  بحبل  ومورمه المتون
شابت  من حزنها  هدب العيون
يهلنه الكلب شيب / فوك النوك تنحب
ياهي الراكبه وتبجي عله النوك
..............

تنحب عالهزل ومفاركه احباب
سلتها  الهظيمه ورفج الاجناب
عبايتها  عليها   حروك  واتراب
تعتب  والأهل  ماسمعو  عتاب

عالوليان تعتب / فوك النوك تنحب
ياهي الراكبه  وتبجي عله النوك
.............
ويه  عباس  جني اسمع عتبها
تجر  اعتاب    والدمعه  تصبها
اخته  بلاولي  ويصعب   دربها
من ضيم الدهر  ذايب  كلبها
ونت والدمع صب / فوك النوك تنحب
ياهي الراكبه   وتبجي عله النوك

✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب
المآسي  الفاطميه الجزء السادس والعشرين

https://t.me/kararAil0



https://t.me/kararAil1
للتواصل مع الناشركرار ميديه

قصيده فله و فزاعيه ( للحسين ع )
.....................


ياحيف ووسف يحسين
اعيالك من تخليها


ياحيف و الف وسفه
نايم عالترب كلفه
گلبي اعليك ما يشفه
يا روحي و بواجيها

ابجي اعليك و اعيالك
خويه ضربو اطفالك
وانته امگطعه اوصالك
و اختك حيل ما بيها

حيلي راح يبن امي
انته اعله الثره مرمي
امسلب خويه و مدمي
و الاعمامه هوسو بيها

شفتك اعمامتك يحسين
من شالوها الاملاعين
ونيت و لطمت العين
و الدمعات اجريها

ريت تشوفني شوضعي
عليك امكدره و انعي
و يچوي يالولي دمعي
اهمومي عدمن احجيها

يا هم الگلب يكتل
خويه و انته الامعدل
ما تقبل ابد بالذل
اعيالك جا منو ليها

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

قصيده مربعه ( للحسين ع )
.....................

طر گلبه السهم   و شلون اطلعنه
شفته حسين موجوع و يجر ونه


طر گلبه السهم يامن عمت عيني
رحت  يمه  اطلعه  و ما  يخليني
ياذيني   يگلي   يختي   ياذيني
يلوج اگبالي وسفه شلون الامجنه

يلوج اگبالي اخوي السهم طر گلبه
اخو و اگبال اخيته يا خلگ صعبه
ياذينه   الوكت   وسفه   بالانحبه
و ااه ياحالته شگد صعبه تهضمنه

هضيمه انشوف سبط النبي اموذرينه
امسلب كلشي حتى خنصر ايمينه
صحت ابحرگة اصوابه يبو اسكينه
و بسوطه الشمر من عنده باعدنه

اجيته شايطه و الشمر باعدني
گتله ارحم دليلي هذا خال ابني
گلي لا اذبحج و النذل سبني
على صدره گعد و ايگول اذبحنه

يريد ايذبجه شفته شلون گدامي
گتله انطيه اميه بله هالضامي
ارحم حالته متشوفه هالدامي ؟
ترا اخلافه نضل الوكت يكسرنه

تدري العيله لو راح الولي تنذل
كل احنه غرايب بعده ما نندل
صعبه فرگته و بگلوبنه تكتل
و من ذبحاه والله صدگ مرمرنه

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده مربعه وفزاعيه ( للحسين ع ) 🌺
---------------------------------------------------

عشر اخيول صدرك حيل داسنه
حافرهن تگلي شلون اوخرنه


تدري الخيل ماعدها رحم تدري
گلي شلون اوخرهن بعد عمري
سمعت اضلوعك انكسرن شنو صبري
و اني اوياك اجرن خويه بالونه

اسمعنك تون يحسين يبن امي
اشوف الخيل تسحگ صدرك ومدمي
ما رحموك خويه و ضال هالمرمي
و ما ضلي ولي و اعليك احشمنه

ما ضلي ولي و انخاه يفزع ليك
اجيتك وحدي يحسين ردت احميك
صحت يا خيل بسج كون متأذيك
و كسر ضلعك ابأذني ويلي اسمعنه

اسمع كسرة اضلوعك يبو اليمه
صحت بصوت وينج لحگي يايمه
ابنج هذا لحگي امفيض ابدمه
و خيل الداسته ياحيف تهضمنه

الخيل التسحگ ابجثتك اشوفنها
ما بيدي يخويه شلون اوخرنها
ضلينه حرم جا منهو احشمنها
من گد السحك و ثوبك وصل يمنه

---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

قصيده فزاعيه سربعه ( للحسين ع )
.....................

محلة البواجي واللطم
للكسروها اضلوعه


تحلاله   كل  النايحه
ضلت دمومه سافحه
و اخته غريبه رايحه
و روس الاهل مرفوعه

اليوم  نلطم  عالصدر
لحسين محزوز النحر
و عباس كفال الخدر
و لجفوفه المگطوعه

نلطم  على  راعي  العلم
و العين  ممروده  ابسهم
حسين من شافه انهضم
و بحظنه طلعت روحه

الله  يعين   ابو  علي
اوحيد ضل برض الخلي
متعيني  حاير  مبتلي
اعليه الخلك مجموعه

استوحد وكلها حاطته
واگبال  اخيته  ذبحته
ويلاه   سمعت   ونته
و اعليه بقت مفجوعه

داسوه  من  بعد  الذبح
احتارت تداوي يا جرح
لبن امي لو بيدي يصح
انطي العمر لرجوعه

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

انا اسف ما نشرت العشره الاولى 😔😔😔

قصيده ثقيله ( للسبي )
.....................

اليوم زينب يا وضع
عالنوك بس تجري الدمع
و الكلب منها منفجع
فاكده احباب - ٢


اليوم زينب بالسبي و اتهل الاعيون
فاگده احباب الگلب و الفگد ميهون
ااه يالراحو اهلها تصبر شلون
كون تنصب فاتحه و ادگ الامتون
المتن منها منوجع
اليوم زينب يا وضع
فاكده احباب - ٢

امورمه امتون العقيله من الاسياط
ادليلها من الضيم بيه متگطعه الانياط
و العده ما بيها رحمه و شرطو اشراط
اليوگع ايلوعونه ويلي ابذيج الاسياط
ميهمهم الطاح و وگع
اليوم زينب يا وضع
فاكده احباب - ٢

اليتامه اتطيح ويلي مثل الاوراگ
الحادي ما همه اليطيح و بالضعن ساگ
و الفرح منهم حسافه راح و انباگ
و الهضم مثل الجمر شيحمله حراگ
الضيم لا ما ينجرع
اليوم زينب يا وضع
فاكده احباب - ٢

الضيم مر ما ينجرع يا ناس تدرون
اليوم مجتوفه العيله و تجري الاعيون
الفاگده تشبع مناحه و زينب شلون
اويا العده راحت و بيها ما يرحمون
هواي الشتايم تنسمع
اليوم  زينب  يا وضع
فاكده احباب - ٢

شتم و اهموم و بلاوي و شابحه العين
من يضربوها تهل ادموع الحسين
ابحيره زينب ضاله و ماعدها امعين
مدري وين اتروح هيه اويا المعلاعين
ادليلها اهواي انصدع
اليوم  زينب  يا وضع
فاكده احباب - ٢

امجتفه و اعداها يمها ضاله اتحوس
و عينها صوب اليتامه الخايفه انفوس
ابد ما بيهم رحم و بلايه ناموس
ايروعوهم بالسياط و هزت الروس
طشرو ذاك الجمع
اليوم زينب  يا وضع
فاكده احباب - ٢

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه ( للسبي ) 🌺
---------------------------------------------------

جادر عالهزل لهلج اتنصبينه
وحتى النوگ تبجي لجل ابو سكينه


جادر بالحزن عالهزل سويتي
تبجي النوگ من سمعتج ونيتي
الله ايساعدج گلتي انهجم بيتي
حتى الگلبه مرمر هم تبچينه

الله ايعين گلبج رايحه ابعيده
بس الروس واخوانج على البيده
وراس حسين شفتي ينزف اوريده
و هوه ايصد عليج و دمعته ابعينه

يصدلج راس اخوج و حيل متأذي
و انتي اجروح گلبج ضاله تدي
و گلتيله يخويه ويا بعد ولدي
و متگدرين متنج من تلطمينه

ندري باليفارگ ينصب اعزيه
و انتي اعله الهزل ودوج مسبيه
اديج امجتفه و العين مجريه
جا عدمن ثواب اهلج تسوينه

ثواب اهلج يزينب شنهو حاجيني
شوزعتي عليهم يا بعد عيني
كون اوياج ابجيج و تبجيني
انعه امصيبتج و حسين تنعينه

---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

قصيده مربعه و فزاعيه ( للسبي )
.....................

مأتم عالهزل سويت لخواني
اصد لروسهم و الحبل اذاني


مأتم عالهزل نصبيته للخوه
ما عندي مكان و بلوتي بلوه
خشنه احبالهم من عدها اتلوه
مااگدر ادگ و اتصدلي عدواني

مجتوفه ابحبال و حالتي حاله
اون اعله الهزيله و عيني هماله
شلون الشال اخوها لمن تنعاله
و ما عندي ثواب لروح ولياني

ما عندي ثواب و عيني اجريها
و الراحو اخوتها شلون جا بيها
تبقه امصوبه و الدهر ياذيها
بخواني الدهر يا حيف صاباني

صوبني زماني و غرب ادلالي
وابجي اعله الهزل محد التنعالي
ولا مثل الخلگ الطم على الوالي
و ذباح اخوّتي للشام وداني

ودوني يسيره و احبي عالناگه
ابلا هودج مشيت وناري حراگه
و لو حنيت اصد للراس مشتاگه
يهز بيه الضبابي و حيل هضماني

ندري بالتفارگ تبقه مهضومه
جمرتها جبيره و حيل ملجومه
اه يا روحي عالوليان مندومه
وين انصب عزاكم وين يحناني

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

قصيده فله و فزاعيه ( للسبي )
.....................

يا جمّال بالله اعليك
خلي انودع الوالي


يا حادي الضعون اصبر
شلون انروح ما نگدر
خلي انودع الامطبر
و نلطم و الدمع هالي

نلطم للبقو عالگاع
ياحادي الضعون ابساع
و خلي ندفن الاضلاع
ترا مصدوع دلالي

خل ادفنهم و امشي
اني الضيعت كلشي
ما يغمض ترا رمشي
و ما يهده ترا بالي

شلون اهده و اريح البال
و اني امجتفه بحبال
ارحم حالي يا جمال
و الله بالهضم حالي

مهضومه وغصب عني
بالله اعليك تسمعني
عنهم لا تباعدني
اموتن يمهم اشوالي

اموت و لا افارگهم
تعمه اعيون اخيتهم
روحي اليوم رادتهم
لهلي النوح يحلالي

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/kararAil0



https://t.me/kararAil1
للتواصل مع الناشركرار ميديه

*﷽*
اللهم صل على محمد وال بيت محمد وعجل فرجهم الشريف ياالله 🤲
🌺قصيده فزاعيه ( للسبي ) 🌺
——————————————-———

بهداي ياحادي الضعن
خليني اودع احبابي


بهداي بينه لو رحت
من الموادع مشبعت
ياريت وياهم متت
ريض ابگلبي اصوابي

بهداي ريض ناگتي
خليني اودع اخوتي
جنها طويله سفرتي
و يمهم افل اعتابي

وياهم شمحله العتب
اخواني كلها عالترب
ياحادي فرگاهم صعب
بلكي تردلي اجوابي

ياحادي ما بيه بعد
تدري الاهل سور وسند
شلون مني تنفگد
و ثوب الحزن جلبابي

راح امشي عنهم محزنه
اهل المحنه و الهنه
اطيني ساعه شويه انه
شويه ابرد اصوابي

—————————————————
*تمت بقلم خادمة اهل البيت ع✍️الشاعره 🎤و الملا رغـد الـبـهـادلـي*
ذمة عدم حذف الاسم
https://t.me/kararAil0



https://t.me/kararAil1
للتواصل مع الناشركرار ميديه

هوسات للخدام

يخادم لبوسكينه الف هنيالك
يشد حيلك علي والزهره تبرالك
كله يضيع بس هالخدمه تبكالك
(خدامه / حسين يبشر)
..........
نعمه خدمته يالخادم اتباها
رحمه الشيعته المعبود خلاها
شما تتعب تكول الخدمه محلاها
(واتباها / اخدم لحسينك )
.........
اذا حلت الساعه وشاهد ومشهود
يالتخدم حسين هناك تحجي بزود
بشفاعة فاطمه وسبط النبي موعود
(تتلاكه / هناك وياهم)
........
حسين بعينه ينضر والكفيل وياه
ويسمع من تصيح الزايره حياه
شفيعه حسين باجر وامه تتلكاه
(تحييله / يطب الزهره)
..........
اليوكف بالمواكب والسخي جفه
ومتحزم المهدي اواكف بصفه
ينضر لليسير ورايته بجتفه
(هاي الرايه / مشهوده الكم)
..........
رساله المعتني لحسين يمشيله
خل يذكر الردت للولي نحيله
يغطيه الحزن والمدمع يسيله
(حزنانه/ يلاكي الردت)

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم 

https://t.me/kararAil0



https://t.me/kararAil1
للتواصل مع الناشركرار ميديه

فزاعيه للاربعين

يحادي النوك عالخوان مر بيه
ازور حسين وانصبله اربعينيه
.................
يم كبر الذبيج ارجوك وديني
اريد عليه اون ويسمع ونيني
مشتاكه عله الخوان تدريني
واكله من اليسر ردت المسبيه
....... . .
من بعد السبي ردت الحزنانه
ومشتاك الدليل ينوح لخوانه
راحت والاخو مانصبت احزانه
وضلت نارها بالكلب سعريه
..........
ردت لبن ابوها بضيمها تكله
تمنت يكعد الوالي وتسولفله
ياهظم الوكت كل حيل ماخله
اكعد شوفني من الضيم محنيه
..........
تمر بحسين وترد عله كافلها
تكعد عالكبر ودموعها تهلها
ياخوان روحي الضيم نحلها
شلون ايام صعبه مرت عليه
..........
هذا حالها وهايه مأ سيها
يشيعه بالدمع كومو نواسيها
بصرخات الحزن زينب نلاكيها
ندك عالراس والدمعات مجريه

✍أم زينب كربلاء غير مبري الذمه من ياخذ الكلام وينسبه له او يحذف الاسم
https://t.me/kararAil0



https://t.me/kararAil1
للتواصل مع الناشركرار ميديه

فزاعيه للاربعين لشموخ زينب ع عندما رجعت منتصره

بيارغ كون     بت حيدر تلاكيها
اجت والشام  كلبتها عله اهاليها
............
هله بالجايه وعلت رواياها
ياهيبة علي ونصيح  حياها
بهوسات وبيارغ خن تلاكاها
هاي الشيمت بالزود   واليها
..........
الها الزود  زينب بت الهيابه
حطت تاجها بشدت العصابه
ضالم وبحزنها هدت اعتابه
هيبه وكل اهلها تشيمو  بيها
...........
ردت مواسيره ورافعه الهامه
زينب بت ابوها واخت وهامه
هزت عرش اميه وذلت ازلامه
يكون  برايته  الكافل يحيها
...........
اذا عباس مات ونامت عيونه
الج شيعه  يزينب دوم ممنونه
هوسات  والج  بيرغ يشيلونه
هله  بالجايه   والزود  عاليها
...........
بيج تفاخرت  يازينب الشيعه
تمشي كل سنه وتجدد البيعه
يابت الصميده وبت   الوديعه
وتفوز    الخدم لو  سجليتيها

✍ام زينب كربلاء غير مبري الذمه من ياخذ الكلام وينسبه له او يحذف الاسم  الجزء  السادس عشر من المآسي الفاطميه  

https://t.me/kararAil0



https://t.me/kararAil1
للتواصل مع الناشركرار ميديه

(يحادي النوگ)

يـحـادي الـنـوگ زيـنـب عـيـنـك اعـلـيـهـه ٢

*---------------*---------------*

راح الــدلـلاهــه وراحـــت الــــرايــــه
تدري امـخَـدّره وما سامـعـه احـچـايـه
صـعـدت عالهزل وجـروحـهـه اهـوايـه
مـــا سـوّت لـهـلـهـه مــأتـــم اقــرايــه

خـاف الــنـاگــه مـــن تــعـثـر تــأذيـهـه

*---------------*---------------*

اگـول امـچـتّـفـه مــا لايـگـه وصـعـبـه
وبـعـيـد الــدرب مــا تــرحـم الــغــربـه
يــاهــوّه الـعـلـيـهـه يـنــكـســر گــلـبــه
حـگـهـه لـلـغـوالــي الــمـدمــع اتـصـبـه

عـگـب عباس انـتـه الـصـرت حـاديـهـه

*---------------*---------------*

افــتــر الـوكـت وتـحــمّـلـت ضـيــمـه
عـمرهـه امدلله وما ماشـيه ابـهـيـمـه
دمــعـتـهـه جــريـه اتـشـابـه الـغـيـمـه
خـلـهـه لـلـكـفـلـهـه الـمـأتـم اتـقـيـمــه

هــــاي ام الـــدلال الـــراح والــيــهـــه

*---------------*---------------*

چـانـت بالـخـدر والـهـيـبـه مـصـيـونه
هــاي الـرخـصلـهـه الـكـافـل اعـيـونـه
حــتــى اخـيـالـهـه الــوادم يـهـابـونــه
ابـوهـه المرتضى الـكـلـكـم تـعـرفـونـه

مـصيـبـة كـربـلـه اشخلت بـعـد بـيـهـه

*---------------*---------------*

اجــروح ابـگـلـبـهـه ونــار حــرّاگــه
عـذّبـهـه الـكـفـيـل ويـصعـب افراگه
ريّـض بـالـمـشـي لا تـعــثــر الـنـاگــه
اگـبــال الـعـقـيلــه الـروس تـتـلاگــه

ابهذا الحـال تـنـظـر روس اهـالـيـهـه

*---------------*---------------*

لأرض الـشـام لو وصلت الـمـضلـومـه
مهضومه تـراهـي الـحـره مـهـضـومـه
بـمـتـون العقـيـلـه اسـيـاط مـرسـومـه
جـفـنـهـه بـالـمـدامـع حـرّمـت نــومــه

شماتـه وكلهه غـربـه الـنـاس تـدريـهـه

*---------------*---------------*

✍خادم السيده زينب (ع)
الشاعر رعد الجريخي


https://t.me/kararAil0



https://t.me/kararAil1
للتواصل مع الناشركرار ميديه