تو گولی

تو گولی ئەز بسای تە تێم و دەرم
ل پەی دیتنا تە سەر گزدان دگەرم
خەریب و دل ب ئەرمان و کەزەب کول
بوومە بێ تە نکارم ئەز ڤەگەرم

وەرە با سەر ژ هەردێ سا تە را کم
نکوم ئەز بێ پشت ل ڤی کەلا کم
دیتنا تە ژ من را بوویە هێڤی
مامە سا تە ب خوە را ئەز سەلا کم

شادم ئەو دم ببهیزم ئەز تو شایی
تو د ژینا من دا هەر تم چرایی
کو ژ من را بوویی نرخا ئەڤینێ
د دلێ من دا هینە تو بهایی

هەلبەست و دەنگ؛
#ئەلی_هەیدەری

@kaniyadil

داگەر شیرین یار

ئەز ل چێ مە چاڤ ل رێ مە
داگەر شیرین یار
بەر ب تە تێر ژ دنیێ مە
داگەر شیرین یار
ژ نینکێن دەست و پێ مە
داگەر شیرین یار

داگەر شیرین یار
رها من مەکە ژ من قار
تونە بوونا تە من دکە
ژ ژینێ دل سار
خورین و تی چاڤ ل رێ ئەز
سبێ تا ئێڤار

دل دگرە ژ دووریا تە
ب خودێ ئار
دین ژ تە را مە ل ڤرا
خەریب و بێ وار
ببهیز خجاوێ من بسای
خوەدێ، تو گولنار

هەلبەست و دەنگ؛
#ئەلی_هەیدەری

@kaniyadil

پەریشان

ئاشفتەدل و دل ب‌کولم بەخچا رەویشان
زانی کو بسای دیتنا تە ئەز بوومە پەریشان
ژان‌کوورم و بێ‌دل، دە ڤەگەر بەر ب من دلنشت
بفکر تو ل هالێ من، ل من خوە بدە نیشان...

هەلبەست و دەنگ؛

#ئەلی_هەیدەری

@kaniyadil

هەر چ بخوازی دکم...

هەر چ بخوازی دکم
تو بێژە ناڤ ئێر دچم
دلێ من کریە تە خوین
بێ تە خەریبم ئەز تم

هەلبەست و‌ دەنگ؛
#ئەلی_هەیدەری
@kaniyadil