پاییزاو خەزان ، واۮەی دەورشەن
زەمانەی ناهاڵ ، فەسڵ جەورشەن

هۆبەو یارانیچ ، مات و بێدەنگەن
بڵبڵ وێم ئاسا ، دوور جە ئاهەنگەن

ژەڕەژێ لاڵێ و کەشێ خەمینێ
باخێ ڕەنگ زەردێ و کوێ تەمینێ

مەرەجیۆت روێ وەهار دەورش بێ
تاف جوانی وشرێخەی هەورش بێ

ئیسە بێ ناڵە و بێ نرکە و زەوقەن
گیروودەی پیری و ئەسیر تەوقەن

شنیایای شەماڵیش بڕیا جە باخان
زاخر خانەیوەن کاوان و شاخان

لاڵە زوانێ ، بێ خانە و لانە
مەلێ ئاوارێ و نەمەن هیلیانە

چەرخوو دەورانی هەرئینەن کارش
ئینە بیەن رەویە و بەزم و بازارش

فەرموودەی مەعدووم هەڵقەی گۆشمەن
تا ڕوێ هەنا ، هەر جە هۆشمەن :

هەرچیت دی وەچەم شی وەسەفەردا
هەرچی مەوینی هانە گوزردا

کەس حاڵی نەبی وهیچ کەس نەفاما
ئەوپەیچێش ویەرد ئێۮ پەیچێش ئاما "

✍ #فەهیم
📷 #هوشمند_قنبری

🇯‌🇴‌🇮‌🇳👇
🍇 @KANDOOLEH
#کانال‌کندوله‌‌

گەلە بێ شۆت و بڕیا ماس و دۆ
ماچی وێرانەن سارا و کەش و کۆ

شوانە مەردوو ،،، هەوارگە ماتەم
دماگەلەویاران نەمەپێویۆ بەچەم

بێرە و بێرەگایچ ، فاتێحەش ونیا
دەوارەو شاۮێ ، چێخش هۆرکنیا

پەچە بێ ئاسار ، سکۆڵە خاپوور
ئایر مەردەرەو ئارگا خاکێ سوور

هلێزە کەوتە ،،، جە هاوار و دەنگ
کاسیارە بێ نق وینەی سیا سەنگ

هەتیمان ئاسا ،،،،، هۆبێ بێنازێ
گر کۆرێ بیێوەچەمێ و ڕێوازێ

هۆبە نشینا ،،،، هەرکام فیاتێ
بیێ مێمانوو ،،،، خاکوو وەڵاتێ

#فەهیم

#کانال‌کندوله🇯‌🇴‌🇮‌🇳👇
https://t.me/joinchat/bMiMQnBqOTxjY2U0