هوسات ولادة الامام الحسين ع…

محفل للحســــين اليـوم سـوينه
وبيـه ام الحسـن حضـرت تهنينه
ابسجل خدامهه اتسجل اسامينه
… وهنياله التشفعله اذنوبه …

للمحفل اجينه اليــــــــــوم متعنين
نشارك بالولاده وحيــــــل فرحانين
انبارك للصميده ابمولد ابنه حسين
--- ونهني الزهره ابميلاده---

حناجرنه تضل لحســين محجــوزه
نهــتف بسمه نبــقه الكَطعت ألـوزه
الصراط اويا ابرمشت عينه انجوزه
..... بس حب حسين اينجينه ......

خل يسمعني كلمن حـارب الشيعه
ترى حـب الحسن وحسين منبيعه
احنه انصــارهم والمذهب انطيعه
.... مجنون ابحبهم سموني ......

الحشد فوگ السواتر داگين اوتاد
مو چكليت طشو فشگ بالميــلاد
بفراح الحســين العزم عدهم زاد
--- والتفگه اتهلهل خلوهه ----

الخادم
✍كامل السعيدي

مولد الامام الحسين ع… .

يا نبض دلالي … ياحسين الغالي
انته شمعت ديني
حبــــك امسليني
ياحسين الغالي
@🌷@🌷@🌷@

انتــه عشگك جنه
واني بيـــك امهنه
گلبي بالحب هايم
واللـه مامل مـــنه
انته عشـگي الأول اختــاريته
اسمك اويه الدم جره حسيته
راسـي عالي ابخدمـتك عليته

وياك اضل للتالي … ياحسين الغالي
خدمتك تكفيني
حبــك امسليني
ياحسين الغالي
@🌷@🌷@🌷@

بيــك يكبر شــاني
ومنـــــبرك ربــاني
من الزغر حسيتك
عايش ابوجــداني
يـا هـواي العـايش بأنفــــــاسي
انته محبوبي وملكت احساسي
انته صيتي وانته رفعت راسـي

دوم شاغل بالي … ياحسين الغالي
انتــه المعليني
حبك امسليني
ياحسين الغالي
@🌷@🌷@🌷@

اشگد خدمتك حلوه
لروحــي صاير سلوه
سيــــدي ابميـــلادك
نـور وجـــهك ضــوه
ياطبيب اجروحي يا دكتوري
انتـه بالدنيه مـلاذي وسـوري
ضامن ابحبك جناني وحوري

اوياك ابد مابالي … ياحسين الغالي
انتـه التنجيني
حبك امسليني
ياحسين الغالي
@🌷@🌷@🌷@

يـا نجــــات الأمــــه
اسنيني دونك ظلمه
المثل شخصك غالي
بالارواح انضـــــــمه
بيك محســودين يا مولانه
انتـــه نعمه وكرمك غطانه
الباري خدامك الك خصانه

بيك الف هنيالي … ياحسين الغالي
خيرك امكفيني
حبـك امسليني
ياحسين الغالي
@🌷@🌷@🌷@

انزف تهاني وبشره
للزچـــــــيه الزهـره
شــعر نقــــره اليله
ونحتفل بالحــظره
نشعل اشموع الفرح والزينه
انتـه رحمه وآيـه مـن بارينه
تبــقه واليــنه وابن واليــنه

غيرك شيحلالي … ياحسين الغالي
الك فدوه اسنيني
حبـــك امســليني
ياحسين الغالي
@🌷@🌷@🌷@


الخادم
✍ كامل السعيدي

https://telegram.me/joinchat/CeHakD_QN04Rx7L1XpqRiA

الرادود المبدع ميثم الشويلي

سيتم نشر بقية البرنامج في مابعد👇

🌹🌹 💐💐 🌹🌹
الكعبه اتمنت حسين ابحضنهه ايصير
وعـــند المقتـــدر يا نـاس موصعـــــبه
بس الله اكتفاهه ابنور ابوالحسنــــين
الأن فاطمه الزهـــره اتمثل الكعــــــبه

✍كامل السعيدي

يا عطـر جنــة عدن عشـنه ابهواك
النشـــمه ابدونـك اصلن مو هــوه
حســـين لو مانور وجهك بالوجود
كلشي ظلمه ايصير وبعازت ضـوه
كون نتوضــه قبل لا نحجـي بيـك
احروف اسمك ويه غيرك مو سوه
محفلك اتحـــــــفه وتعنــــاله كون
مثل ما موســـى دخـل وادي طوه

✍ كامل السعيدي

مولد الامام العباس ع🌹🌹

اليوم زينب ضاحكه ومستبشره
بمولد العبـاس ســــبع الگنطــره
ــــــــــــــــــ✮✩✮ــــــــــــــــــ

منـــــولد كافلهه ــ الباچر ايدللهه
حظرت محفلهه ــ بالولاده……….
ألگـــمر ضـــوانه ــ وزهرت دنيانه
اتهلهل وفرحـانه ــ بالولاده……...
استبشــــرت هليله ــ اتلعبه وتناغيله
وبين اديهه اتشيله ــ بالولاده………

اتصيح سبحان الألآه الصوره
بمولد العباس ســـبع الگنطره
ــــــــــــــــــ✮✩✮ــــــــــــــــــ

ابرايته امگمطـــينه ــ الكافل امسمينه
احزام ظهر احسينه ــ ابوفاظل........
هـوه مرجـــع غيـــره ــ سر صعب تفسيره
ابوصفه اضل ابحيره ــ ابوفاظل……..
سور زينب هوه ــ هوه رمز الخوه
نوره شع وضوه ــ ابوفاظل……..

استبشرو طه الرسول وحيدره
بمولد العبــاس ســـبع الگنطره
ــــــــــــــــــ✮✩✮ــــــــــــــــــ

للمحـافل رحنه ــ بصوت واحد صحنه
مولده ايفرحنه ــ هذا عيده……..
زينــب انهنيــــهه ــ بالگمـــر واليهه
اشگد ورد نهديهه ــ هذا عيده……..
بالفـرح مــن نقــــره ــ نشم ريحة عطره
انحبه حب عالفطره ــ هذا عيده……..

الشعر وهل العقول امحيره
بمولد العباس سبع الگنطره
ــــــــــــــــــ✮✩✮ــــــــــــــــــ

اسمه بالدم يجري ــ هوه روحي وعمري
المـادره خل يدري ــ بيه هايم………
افـرح ابطـــاريه ــ حبه عايش بيه
انفاسي عباسيه ــ بيه هايم…….
دار حيدر داره ــ مولده احلى ابشاره
اتبركت بنواره ــ بيه هايم……..

لغز حبه ابگلي محد فسـره
بمولد العباس سبع الگنطره
ــــــــــــــــــ✮✩✮ــــــــــــــــــ

الخادم
✍ كامل السعيدي

https://telegram.me/joinchat/CeHakD_QN04Rx7L1XpqRiA

وحـق المرتضـى وهيــــبة ولاده🌹
شفيت وما بقه ابجســمي ولاده🌷
احتفلنه ابهل مسه وعدنه ولاده🌹
الگمر عباس شــــع بالكون ضيه🌷

✍كامل السعيدي

مولد الامام السجاد ع… ..

ابعث اشواقي وسلامي
الحظرت السجاد امامي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

بخمسه شعبان انولد نـــوّر المعــــموره
وكل الامـــلاك انزلت اتبركت مـن نوره
ألعـرش وهل الارض بالفرح مســـروره
سـور يصبح للمحب ومحتمين ابسوره

عاشگ ومحبوبي غالي
وهايم ابحـــبه المثالي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

العلـــــم والمعرفه انوجدن ابشخصيته
ابدار طه وحيدره نشـــأته وتربيــــــته
حافظ دروب السمه واخذ منهن صيته
هوه حبـي الاولي وبالگلب ضميــــــته

سيدي وزهرت زماني
ابمولده انقــدم تهاني
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

صلو ياشيـعة علي عل رســـول وآله
علي السجاد انولد وهل علينه اهلاله
كل محب ذايب صبح بالعشـگ دلاله
ياعشگ غـيره بعد يرهـم ويحــلاله

سولفت قصـة غرامي
وبينت ملخص كلامي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

سوله بالعاشگ يضل يلهــج ابمحبـــــوبه
والرســــــايل تنبعث بالـورد مصحـــــوبه
مدمعه وشوگه سوه ايمزجه وي مكتوبه
ابلاحبيبه يختــــنگ تصير ظلمه ادروبه

ابهه لحظات السعاده
مـرّن ابهــاي الـولاده
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

بمولده اطيور السعد ابفـرح كلهن غــردن
يا هـله وميــت هـله بصــوت واحد رددن
فرفحن فــوگ المهد احس چن مولد قرن
ويه خُلّص شيــعتك بالــولاده استبشــرن

گمر بين انجوم ضاوي
الكل علل حـبه يداوي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

الخادم
✍ كامل السعيدي

https://telegram.me/joinchat/CeHakD_QN04Rx7L1XpqRiA

مولد علي الاكبر ع..لحن المستهل وختام النص هوسات…

ميــــــلاد الأكبــر هليله
يستاهل فرحه انسويله
@🌹@🌹@🌹@

هله وميت هله بأصل البساله
ورث من حيدر افنونه وقتاله
من جده النبي ماخـذ خصاله

وماخذ من غيرة عباسه………
@🌹@🌹@🌹@

الاكـــبر نـور ميـــــــــلاده تـلاله
شبيه المصطفى ابخلقه وجماله
ومن حـــيدر اخذ قدره وجلاله

يستاهل صفگه وهلهوله………
@🌹@🌹@🌹@

يوم اهدعش من شعبان ســـرنه
وبمـــــولد علـي اليـله احتفلـــنه
حتى الزهره اجت تحظر فرحنه

وتهني حسين ابميلاده………
@🌹@🌹@🌹@

حســـين ابتشر هليله وتبسم
وصله اعله النبي وعليه سلم
باســه ابجبهــــته أويا تكلــم

يمكن عالطف ضل يحچيله………
@🌹@🌹@🌹@

حرت شكتب شوصفك انته آيه
جمــــــيل وصــورك رب البرايه
الك هوســــــاتنه اقبلهن هدايه

وسجلنه ابحبك وفايه……
@🌹@🌹@🌹@


الخادم
✍كامل السعيدي

https://telegram.me/joinchat/CeHakD_QN04Rx7L1XpqRiA

يمهدينه يمهدينه بلمولد انسرينه يمهدينه
بخمس طعش شعبان
گلب المحـب فرحــان
بلمولد انســـــرينه يمهدينه
🌷🌷🌷🌷

گلب المحب فرحان اليله الولاده
يلمهدي نورك بات نور الســـعاده
دين اللـه رحب بيك ونته عماده
نورك يضـــي اعلينه ...... يمهدينه
🌷🌷🌷🌷

ربنـه هـــــداك اليـــوم للرافضــيه
وبسمك عرفنه سرار هاي الهــديه
ارض اوسمه اتحييك يبن الزجيه
وبشخصك اتبـاهينه ....… . يمهدينه
🌷🌷🌷🌷

يا قائم آل البيت حبك جمعـنه
نورك يشــــع مولاي نور ارضنه
ماينوصف بلكون هذه فرحــنه
غيرك فلا حبينه ...… .... يمهـدينه
🌷🌷🌷🌷

اخمس طعش شعبان عيد اومسره
ولينطـــرك مـــولاي صارتله بشــره
والعــدل يا مــولاي بيــــدك تنشـره
ونتـــــه تضـل واليـنه ......... يمهدينه
🌷🌷🌷🌷

بيك الفــرح مرسوم من الطفـوله
يلمهدي نشأن بيك غيره اورجوله
انته الشلت مــولاي رمــز البطوله
ألكل يومك امتانينه ......... يمهدينه
🌷🌷🌷🌷

يبن الحسن اهديك احلى المشاعر
وبحبكـم آل البت سمـوني شــاعر
انتم سفينت نوح ولضدهه خـاسر
بس حبك اينجينه ...…...... يمهدينه
🌷🌷🌷🌷


الخادم
✍كامل السعيدي

https://telegram.me/joinchat/CeHakD_QN04Rx7L1XpqRiA