تذكروني لا

هسه شتريدون نسوي بالليل :
١- فقرة اسئلة التيل
٢-ارشحلكم اشياء شفتها هل فترة

اكتشفت انو عندي فلوس حاطتهن ببطاقة و ناسيتهن ، احلى شعور بالدنيا لو مو احلى شعور

https://tellonym.me/zayneb.taher

سولفوا

صراحة بدون زعل ، ماكو شي اسمه صديق مزوج ، هي صديق لوحدها ماكو مو عاد متزوج .
ف انتِ من البداية غلطانة اي رجل راح تطولين حجي وياه بطبيعة الحال راح ينعجب بيج خاصة اذا انت امراة جميلة

ف اني اشوفها نتيجة حتمية لقرارت غلط

موضوع طلب الفلوس ملازم يكون هيج سهل عند اي رجل ، احس اذا كلش كلش مفروض انت تشوفي متضايق و تعرضين عليه ، بس من هو يطلب يعني اكو خلل

لازم سبح يومياً جسم
شعر ٣-٤ مرات بالاسبوع
استخدمي زيوت و بدي لوشنز تبقي ريحة طيبة بالجسم

ابتعدي عن المكياج المبالغ و استخدمي شي بسيط

شعرج بقي طبيعي قدر الامكان بدون مبالغه بالتصفيف

استخدمي معطرات جسم

الترتيب كالاتي
سبح، بدي سبري، معطر ، عطر
مو گبل عطر .

الاهتمام بنوعية الاكل مهم لان جسمنا يبعث رائحة الشغلات الي ناكلها .

حافظي على نظافة اسنانج و اظافرج دائماً .

عامليها بنفس الاسلوب.

اذا كلتلج داحس الابيض ميلوكلج مطلعج جنج مومياء
كليلها تدرين سبحان الله توني جنت دافكر نفس الشي باللون الي لابسته بس استحيت اكلج كلت خاف تضوجين

اكو ملايين الاسباب انو تنتهي علاقات المدرسة مو كلها اسباب سلبية

مرات تنتهي لانه
We outgrew it
بمعنى انه هل علاقه ويا هل شخص ما عاد تناسب شخصيتنا الجديدة او شخصيتهم الجديدة ، وهل شي مو غلط

صح هو حبه مو صحي
بس انت هم سألي نفسج شنو المو صحي الي بيج الي خلاج تقبلين بهل علاقة من البداية،؟
حبيتي الاهتمام و هسه من مليتي ما عاد تريديه .

بالعلاقة الجاية راح تريدين اهتمام و مراح يهتم و راح تسوين كل الحيل العقلية انو تخليه يهتم و مرات يهتم وراح تنهارين


بالحالتين ، اكو شي خلل بداخله و بداخلج وهل شي راح يظل ينعاد بغير اوقات و بغير وجوه

اكو قنوات مال وضائف راح اخلي رابط بالتعليقات

روحي مراكز صحية تخصصية يعني مركز اسنان فقط هناك اكو ناس اخصائيين و شغل زين

والله احاول ،

يعني الموضوع يرادله علاج نفسي حتى الواحد يوصل الى جذور النرفزة و ليش دا تصير و بعدين يعالج طريقة تفكيره و بالتالي ردود الافعال راح تتغير تلقائياً

بس كعلاج سريع جربي اخذي نفس عميق من تحسين تريدين تحجين

اذا واكفة كعدي و اخذي نفسي

اذا بالبيت نامي شويه قبل ما تتعاركين

اذا بالدوام اخذي وياج stress ball هاي الكرات الطرية الي تنجعص بالايد

مشلكة اغلب العراقيين ما ينطبق عليهم حجي الكتب و البودكاست

الله يساعدج و يكون بعونج🙏🏼

اي طبعاً ، محد يتحمل هيج شي حتى البنات ، وخاصة اذا ماكو اسباب مقنعة لهل شي