بدايه القناه بيها قصائد للعشرة🔺

أنا الزهرة ودمعي علخد سجاب 🏴🏴

أنعى بحزن وبالهم جرحي سجاب 🏴🏴

حزني ياشيعي ما ينتهي سجاب 🏴🏴

وين الايواسيني بصوته ويعزيني🏴🏴


نسأل الله التوفيق لنا ولكم 🌑
✍🏻wasela/Alsaede

   مقدمه رقيه         احمد العكيلي

يالتحضر إبعزيه    خل دمعتك جريّه
امسح اثر دموعك   واهديهن لرقيه
ــــــــــــــــــــــــــــــــــــ
اترك ادموعك على خدودك حراير
لا تخليهن حبيسات النواظر
ابجي عالسحكو ابوها بالحوافر
تدري هالدمعه شكثر تجبر خواطر

هيه التجازي دمعك    لمّن تون تسمعك
هذا البجي ينفعك      تشفعلك الزجيه
ـــــــــــــــــــــــــــــــــــ
من تلاكيك بدرب طفله يتيمه
اذكر اشعاشت رقيه من ظليمه
بعد ابوها اتعلمت معنه الهضيمه
شلون ظلت بالبراري بلايه خيمه

خيمتها جان ابوها   بعده الغرب ولوها
بدرب السبي خذوها    ما تحمل الاذيه
ــــــــــــــــــــــــــــــــــــــ
طفله محتاره وتدور وين ابوها
شلون يرضه اعلوج اميه ايعذبوها
بنت الحسين العزيزه يضربوها
وحتى ترجيّة اذنها ايسلبّوها

مره الشمر يطكها   مره الجمر حركها
ضلوعك اذا تدكها    يبرد جمرها هيه
ــــــــــــــــــــــــــــــــــــــ
حسين فاركها وصعب تحمل غيابه
بعد حضنه الدافي نامت بالخرابه
من يضربوها بمتنها تصيح يابه
وانت صيح اوياها يحسين ومصابه

من تشعر ابيتمها   وتعاني وي المها
بلكت تزيحه همها    وتشكرك السبيه
ـــــــــــــــــــــــــــــــــــــ
تكلها حاجيني يعمه يالعقيله
هاي سفرتنا كصيره لو طويله
خطوتي بلايه ابو خطوه ذليله
لو تركني العيشه بعده مستحيله

عمّتها صبرتها      بحالتها حيّرتها
والدنيه هاجرتها    واختارت المنيه
ــــــــــــــــــــــــــــــــــــــــــــــ

الأرض يحسين صارتلك حسينيه
وعلى كد المسامع صرنه لطميه
الأرض كلش قليله وانت الهوايه
يعني الدنيه الك يحسين ملايه

حبيب العالمين أبو اليمه حسين
*****
بيك الناس صارت حيل مفتونه
بمعنى الكلمه صارت بيك مجنونه
الماشابع لطم ويموت يلكونه
بالمغيسل ويلطم من يغسلونه

اليتنفس لطم خاليلچم بروحه
كون الدمعه من اطيح مذبوحه
ترى العطشان يندل بالفعل مايه
يعني الدنيه الك يحسين ملايه
كريم الاكرمين أبو اليمه حسين
******
يبو جود الچبير المانفذ جوده
أنه بدشداشتي لو نمت بالسوده
وگض بيدي قصيده ونزله موجوده
اخافن بالحلم وقرايه معگوده

اخافن بالحلم لو شفتك اگبالي
وانته تصيحلي وتگلي اقرالي
أحَسبْ بالحلم وتصيرلي قرايه
يعني الدنيه الك يحسين ملايه
رئوفاً وحنين أبو اليمه حسين
****
اليدگ بابك وينعه وبالشعر يقره
اضن تشلعله بيدك گبةْ الحضره
انت حسين زهره وامك الزهره
اكيد وبالكرم بس الله البكبره

يحيل الله القوي من عندك انطيني
انت حسين بس والمرتضى حسيني
اعرفنك بكلشي واكف ويايه
يعني الدنيه الك يحسين ملايه
جنون العاشقين أبو اليمه حسين
*****
اليمد ايده عليك تغمض عيونك
اليطلبك انه حاير ينخطف لونك
انت حسين عاد شلون وشلونك
چه كلك خجل صرت انه مجنونك

يبو ثغر الترف من تبتسم گوه
لشسع نعلك الدنيا تنحسب فدوه
العرش يحسين هم يصيرلك بايه
يعني الدنيه الك يحسين ملايه
دعاء الواهلين أبو اليمه حسين
*******
اشمه بكل فجر وتخبل أنفاسه
مثل جنح الفراشة وشايل إحساسه
ارزقني وعبدك يرتفع راسه
أريد مجلسك مسؤول مكناسه

صباغ اخذيه والوادم تحبني
ترى المكناسه بالعباس تعجبني
انه عامل نظافة بدرب مشايه
يعني الدنيه الك يحسين ملايه
بكاء الفاقدين أبو اليمه حسين



عبد زينب
محمد الابراهيمي

بعيونهه : وداع الحسن
بعيونهه : دموع الزمن
جسام گالت يالـــــولد
يا يمه ما اشوفك بعد
يوليدي جسام :: يوليدي جسام
--------------------------
مخنوگه شفتچ بالحرب يا يمه وانتي
گلتيلي عمك وحده ولا ما صبــــــرتي
لبستي ابنچ بدلته ودرعه وصرختـــي
لحسين فدوه انته وبعد انا وكبــــــرتي
چا ليش بعيونچ دمع
يا يمه الحسين الشمع
والله ما اخون الوعد
يا يمه ما اشوفك بعد
يوليدي جسام :: يوليدي جسام
----------------------------
ودعيني خل اشبع وفى بآخر حياتي
ودعيني يا يمه وشمع خلي بوفاتي
رايح اتمم بالحرب صومي وصلاتي
بدم الشهاده هناك عافيـــتي وحلاتي
عريس متحني بدمى
وافيت لابنچ فاطمه
انا ابقى لحسين السند
يا يمه ما اشوفك بعد
يوليدي جسام : يوليدي جسام

يلگاعده وعينچ على وليــــدچ حزينه
يا يمه الموادع صعب بس شبديــــــنه
لهاي انتي ربيتيني يم روح الحنـــــينه
بس باچر انتي لوحدچ بارض المديـنه
يم گبره گعدي وهلهلي
گوليله ابنك وفى الي
ها يلحسن طاح العمد
يا يمه ما اشوفك بـعد
يوليدي جسام :: يوليدي جسام
--------------------------
لو شفتي ابنچ بالحرب وانحز وريــــــده
صيحي العرس هسه اكتمل والليله عيده
يا ربي اقبل هلفدى وروحه الشهـــــــيده
يا رمله ابنچ ما يرد كلش بعيـــــــــــــده
يا حنه حضريله الچفن
گولي الورد ليش اندفن
ميت واخاف من الحسد
يا يمه ما اشوفك بــــعد
يوليدي جسام :: يوليدي جسام

يمه بعباتچ لو متت غطيـــــــــــني يمه
حضريني لو حان الاجل سمعيني چلمه
يوليدي ما عفتك واجيت الــــنحر اشمه
يرباي عمري بغيبتك ياهو اليــــــــــلمه
متبديه برمــال الالم
امك واحسن باليتم
نام ابني لكن ما گعد
يا يمه ما اشوفك بعد
يوليدي جسام :: يوليدي جسام

لخادم الحسين / رعـــد الفريــــجي
1440 للهجره / 2018 ميلادي

الامام القاسم ع

تحـول دمـه لــون الـعـرس
والدم صبغ وجه الشمس
ما چنت أظــنــك يالــولد
ترجعلي مگطوع النفس

ًوين يوليدي خذك مني زماني
يمّه يالقاسم غـيــابك عـذبـاني
ساعه ساعه اليوم عرسك چنت أتاني
يالولد بس انت عندي ومالي ثاني
كبرتك ابلوعه وسهر
مــو ليله يبني ولا شهر
تاليها نايم عـالتـرب
والحافر ابجسمك عثر

يالرباب الـمن بعد نشعل شمعنا
كل فرحتي وحلم عــمـري ماتهنا
من خظابه حنى إصبعه موبحنا
وبالعجل صوت الهلاهل صار ونا
بثيابي طفيت الشمع
والفرحة غطاها الدمع
بعرسك ييمه وتنذبح
وابأذني ونتك تنسمع

طيحتك عالگاع يبني أتألم اكثر
وباوعتلي وابمكانك گمت تـفـتر
ويّلي صدرك من حوافرهم تكسر
يمه من حّر الشمس وجهك تّغـير
رًوحي بدمعها نادتك
للحومه صارت زفتك
راحن يعريس الحرب
كل امنياتي بروحتك

يمّه بـاچــر توگع الخيمه عليه
تقبل أمك يالولد تمشي سبيه
فوگ كل هذا الجره ايشدون اديه
تدري ما عدهم رحم گوم ال اميه
بچفوفي لو شد الحبل
تعبانه وادموعي تهل
يا يمّه تــقـبل غـيــرتك
مچتوفه وأركب عالهزل


قبل موتك يبني جاسم كون موتي
شلّي بالـدنيا بغـيـابـك يا سلـوتي
اذكـر ايـامـك ونـاغـيـك بـخـلــوتي
يمّه نـاديـتـك لـحـد مـا راح صوتي
اول جــرح بـيـه اسـتـقـر
من فرگتك ضهري انكسر
يا يمّه بـاچــر بالســبــي
راح امشي محنية الضهر


الشاعر عقيل زيدان الفريجي
https://t.me/joinchat/AAAAADyvNcFdjoQh-74liA
رابط القناةّ نشر قصائد خدام الحسين دخلوا الرابط التلګرام كل ما هو جديد بالقناةّ قصائد كل الشعراء

زيارة عاشوراء مع المبدع
المُلا احمد الكربلائي
مشاركته مع الشيخ
زمان الحسناوي ♦️

بالغرب خايف اظل لآخر حياتي // امنيتي واحد من هلي يحضر وفاتي
راح اموت ابدونهم // وما اشوف عيونهم
*****
باخر انفاسي وعيني مشبوحه وما شفت منهم حبيب
عمري كَضيته بغربه وبحسره وعشت بالدنيه غريب
القاسم اني ياخلكَـ وبـقصتي تـــدرون
عمري كَضيته غريب وتجري العيون
الغريب اسنين صار الهم يكَولون
وحلمي جان باسمي اسمعهم ينادون
حته من اسمي انحرم اشهل مصيبة // للرضا اشتاكَيت انه ولمي الحبيبة
اهلي هسه شلونهم // وما اشوف عيونهم
*****
روحي مشتاكَة الشوفت احبابي الياوكت عنهم بعيد
خلصت اسنيني بالغرب وحدي وغير شوفتهم شريد
امنيتي اشوفنهم ولو من عمري لحظه
اكَــعـد ويـــاهم وجــرح الغربه يمضه
واسمع امي بشوكَــها اسمي تـلـفظه
هـله بـالـقاسم تكَـلي وعـني ترضه
حلمي اشوفنها واظل لحظه بحضنها // وتكَر عين الوالدة بشوفت ابنها
وخاف اخيب اضنونهم // وما اشوف عيونهم
*****


الدنيه ماترحم غربتي وحزني بالغرب خلتني اسير
جانت امنيتي ارجع الداري حلمي الاول والاخير
ارجـع وكـل عيلتي يلـتم شمـلهـا
ارجع وانسه ليالي الغربه كلها
وليه ترجع فرحتي الماكو مثلها
خل تعيش الباقي روحي يم اهلها
روحي لاجن ضاع وتبدد حلمها // العايش ابغربه اكيد ايحس بألمها
بحالتي ايخبرونهم // وما اشوف عيونهم
*****
غاركَـ بحلمي وعايش اوهامه ولن شفت منظر صعب
ابنيتي اشوفنها تمشي محنيه ويمي كَعدت تنتحب
احجيلي عن جرحك يبويه وعن مصابه
صدك ما عندك اهل بويه وكرابه
ليش ما عندك اسم شنهو الغرابه
وليش احسك مو غريب اهلك نجابه
كلي شسمك بويه خليهم يعرفون // اعليه شو بنت الغريب اسمع ينادون
واهلك ايعرفونهم // وما اشوف عيونهم
*****





بويه اسمعيني راح اسولفلج لايك اعليج العتب
اسمي القاسم وانه ابن موسى الكاظم امن اشرف نسب
انه ابن اشرف نسب واعظم سلاله
جدنه يابويه محمد واحنه آله
بيوتنه مهبط وحي رب الجلاله
بنهجه نمشي ونتبع اثار الرساله
انتي مو بنت الغريب انتي اغله ناسي // انتي بنت القاسم العاش بمآسي
بحالي لتعذبونهم // وما اشوف عيونهم
*****
حان الموادع كربت امنيتي واحجي راح اخر كلام
اوصيتي احفضيها ولمي اخذيها واخذي وياج السلام
اعله امي سلميلي يبنتي واشكي حالي
وعن غربتي احجيلها وذيج الليالي
اسنينه خلصها غريب ودمعه هالي
اتعذب القاسم تره بفكد الغوالي
امي بس اتشوفج اتحن وتقبلج // راح آه يا ريحة القاسم تكلج
بويه كحلي جفونهم // وما اشوف عيونهم
*****
تمت
ميثم العمري

🌹 علي الحبيب الغزي🌹
🌹 يحضر وفاتي🌹
🌹 كلمات الحبيب ميثم العمري 🌹
🌹 إعادة توجيه للتحب يسمعها وياك 🌹
@Mulaali4

اللهم صلِ على محمد وال محمد🌹
اهلًا وسهلاً بالاعضاء الجدد🌹