قصائد للإمام الحسن عليه السلام 🔺

دخول الشام
طور : أنا بقلبي چبیره النار
أو طور : يا دار الأهل يا دار

=======

ما أنسی مرار الشام
ما أنسی مصايبها
يوم البيها طبينا
راوتنه عجايبها
ريت اوياي .. يا خويه
تشوف إعداي .. ياخويه
=======
من جينه ووصلنا الشام
شفنه الماخطر عالبال
حاطتنه العده كل صوب
وحاطتنه جموع ارجال
حال اقشر يخويه حسين
وادينه امربطه بحبال
كل ساعه ويتيمه اتنوح
وهاي اعداك تضربها

ريت اوياي .. يا خويه
تشوف اعداي .. يا خويه
=======
كل ساعه العده يحسين
بأرض الشام ايدورونه
لو شاف الصخر حالي
والله يبچن اعيونه
وتالي ابباب ابو الساعات
بيه يحسين دخلونه
خلونه ابخرابه اشلون
واقعدنه ابترايبها

ريت اوياي .. ياخويه
تشوف اعداي .. ياخويه
=======
كل ساعه اشوف الضيم
ماچن آنه بت حيدر
شقد شفت الهضم بالشام
ومن محنها شتصور
يذلونه العده يحسين
شحچیلك بعد أكثر
بالشمس قعدنه اهواي
ابلا سقف اللي يحجبها

ريت اوياي .. ياخويه
تشوف اعداي .. ياخويه
=======
قصر الطاغي ما انساه
يوم البيه طبينه
يشتم والدي اسمع
يزيد وينظر اعلينه
ما انسی فعلته اشلون
ابراسك يا ابو اسكينه
يضرب بالعصا اشفافك
وسال الدم وخضبها

ريت اوياي .. ياخويه
تشوف اعداي .. ياخويه
=======
أنا اتمنيت ابو فاضل
يجيني يشوف احوالي
يشوف ايزيد يشتمني
يقلي ما إلچ والي
ابلا عباس اظل اشلون
ابد ما چانت اببالي
يا وسفه اخت عباس
هالدهر يحاربها

ريت اوياي .. ياخويه
تشوف اعداي .. ياخويه


تمت بحمد الله تعالی
✒ بقلم / فاطمہ كريم



✍لطمية

على الأقتاب..مشينا..على الأقتاب
لبلدة أجناب..لفينا..لبلدة أجناب
من عفت لك ياالبطل
وخويا لحسين النفل
ويّا لحباب..ويّا لحباب2

〰➰〰➰〰➰〰➰〰

من وصلنا ياخليصي نشروا اعلام
عيدوا كلهم شماتة خاص والعام
عيدوا ودقوا الطبول وزادوا الاسقام
مارعوا جدي ولابوي الچانوا علَّام
قطعوا الارحام..يغالي..قطعوا الارحام
ببلدة الشام..أقاسي..ببلدة الشام
من بعدكم أنخذل
والجرح مايندمل
ويّا لحباب..ويّا لحباب2

〰➰〰➰〰➰〰➰〰

على الأقتاب..مشينا..على الأقتاب
لبلدة أجناب..لفينا..لبلدة أجناب
من عفت لك يالبطل
وخويا لحسين النفل
ويّا لحباب..ويّا لحباب2

〰➰〰➰〰➰〰➰〰

خويه ساقونا أسارى وانتو حُكّام
وسكنونا بالخرابة القوم ظلام
چانت الرحلة طويلة وجفني مانام
من عفت الكم بغبرة وكلكم انيام
ترضى أنضام..يعزي..ترضى أنضام
وعندي أيتام..يخوي..وعندي أيتام
بعد عزي و الأهل
ما أظن عندك سهل
ويّا لحباب..ويّا لحباب2

〰➰〰➰〰➰〰➰〰

على الأقتاب..مشينا..على الأقتاب
لبلدة أجناب..لفينا..لبلدة أجناب
من عفت لك يالبطل
وخويا لحسين النفل
ويّا الأحباب..ويّا الاحباب2

〰➰〰➰〰➰〰➰〰

غيرة الله قوم انهض جرده لحسام
يالتركتك ياحبيبي فوق الرغام
شوف متن مدللتكم كله اورام
أيست منك رقيّة وعاشت أوهام
تلطم الهام..حز�

قصيده ثكيله بحق السبي ع

شحال زينب والدروب ابعيده
وصعبه بس نسوان وسط البيده
الشام ماتتحمله
الا راعي القافله
اليوم اخوها تريده


شحال زينب والدرب كلش بعيد
بس حرم ويتام وبولية يزيد
لاكلبها ارتاح لا ساعه تهيد
اتريدشيال العلم
تشتكيله من الالم
يزتهاكون بأيده

شحالها ويتام كلها وياها
ماهدت لابطلت مبجاها
وراح كافلها وشمر زتاها
صعبه وبعيد الدرب
حرمه مابين الغرب
وي شمر ويزيده

وي شمر حيرانه يازينب علي
ها يبو الحسنين ماعدها ولي
تصيح حيرانه ترانه ياهلي
مادريتوا بالجره
زينب انه محيره
والله عمله مجيده

يزتها كون الحيد زينب رادته
ادكول بيه ام البنين الوصته
بالدرب تبجي العقيله احتاجته
اليوم اريدأ كافلي
شلون اضل بلا ولي
اه يوكتي بهيده

اليوم ضلت وي غرب محتاره
ادكول كلبي عالولي تشب ناره
تبجي ودموع الهضم تتجاره
وجرحي بيه ميت جرح
ولا دوه ليه اليصح
ومانفع تضميده


للخادمه شاعرة الحسين ع سحر ام كرار الساعدي


غير مبري الذمه من يحذف اسم الشاعر

مستهل للسيده رقيه
〰️〰️〰️💔〰️〰️〰️
ماتت بالخرابه اليوم علويه

مفكودت ولي هالطفله مسبيه

شالت راس ابوها وشبگته بحرگه

ابويه عزيز كَلبي محله الملگه

ماتت بالخرابه اليوم علويه

〰️〰️〰️💔〰️〰️〰️
رقيه عزيزتك هليوم رايدتك تجي ليها

مشتاگه الك كل حين/كتلتني بواجيها

ومن حرك الخيم والنار/هم سلبت تراجيها


شدهتني تون يحسين

ماتگعد ينور العين

ارجع يالولي حاجيها البنيه

ماتت بالخرابه اليوم علويه

🖊️خــادمــة الزهـــراءالمــله ام احمد✍🏻

〰️〰️〰️💔〰️〰️〰️

يخويه حسين محتاره / يبن امي بمداليلك

فوك امصيبتي اجماله / رقيه تون وتريدك

تعال اليوم ياخويه / انت وكافلي اعضيدك

تعال بساع يالوالي /رقيه شدهت احوالي

محتاجه اخوتي اسا تجي ليه
ماتت بالخرابه اليوم علويه

✍ام زينب الحجامي

〰️〰️〰️💔〰️〰️〰️〰️

ماتت بالخرابه /وشهگت بسرعه

من اسياط العدو/ وزغيره متلوعه

ياريتك يخويه/ ونينها تسمعه

مهظومه تون حيل/عليها مانمت ليل
تبجي وتنتحب ياخويه ليليه

✍ام مصطفى ناصريه

〰️〰️〰️〰️💔〰️〰️〰️

بأرض الشام ظلت ويلي مدفونه

وزينب تنتحب يم الزغيرونه

العليل يلوج ظل يدير بعيونه

يويلي شلون حال امها
الله اليعلم بهمها

المصايب فوك راسي تطيح يوميه

ماتت بالخرابه اليوم علويه

✍️ شيماء الكعبي أم علي الأكبر
〰️〰️〰️💔〰️〰️〰️〰️
نسوي فاتحه ونريد /يحضر بالعزه الغالي

يشيل اجنازه ابنيته/ تون وتصيح يدلالي

بهيده شيلها يحسين /زغيره وهدمت حالي

شافت راسك المنحور /شهگت والگلب مجمور

طلعت روحها بونات مخفيه
ماتت بالخرابه اليوم علويه

✍ام ذو الفقار المانيا

〰️〰️〰️💔〰️〰️〰️
يخويه شلون باصرني/وانه محيره بغربه

بتك حيل مهظومه/ گلب احبابها تصوبه

لابيت النعرفه هنا/ وبي ماتمها انصبه

خويه اشلون يبن امي/مصيبه ياخلك تعمي

واختك بالغرب يبن امها مسبيه
ماتت بالخرابه اليوم علويه

✍هديل المياحيه

〰️〰️〰️💔〰️〰️〰️

سمعنه الي تموت تريد.وليان اليشيعوها.

وبديرة غرب ياناس .لازم مايخلوها
.
يا وسفه اعلة بت حسين ..اهل الشام شالوها
.
على رقيه تون زينب ..ومن عدهة الگلب عطب

تكول احباب گلبي مااجو ليه.

ماتت بالخرابه اليوم علويه

✍خادمة العقيله ملاحوراء
〰️〰️〰️💔〰️〰️〰️

تم_بعون_ الله تعالى_ ت

بأ-♡✍️--قلام-♡

خادمات المولى ابا عبدالله ع

🏴في رابطة ذبيح الغاضريه 🏴
ب
تحت إشراف العلويه ام رقيه

التدقيق والتصحيح
لخادمة الحجه《عج》الشاعرة ام منذر الحجار

🙏🏻نسالكم الدعاء 🙏🏻

﷽#قصيدة رجاليه لسان حال مولاتنا زينب عليه السلام تشكي لصاحب الزمان عج الحال


عمه يالمهدي الگلــب زاد بعـــذابه
من وصلنه الشام گعدونه بخرابه
من بعد عين الحبايب
كعدونه بالخرايب
من وصلنه الشام گعدونه بخرابه

  ✿┈┈••  •✦♡✦•  ••┈┈✿

عمه وانه بــذاك حالــــي تذكـريتك
ومن هموم وضــيم گلبي حشميتك
يمته ترجع تاخذ ابثاري ارتجيتــك
شوف عمتك گتلك بدمعي انتخيتك
الهج ٲبسمك يغـــايب
وانه متوسده الترايب
من وصلنه الشام گعدونه بخرابه
  ✿┈┈••  •✦♡✦•  ••┈┈✿

من بعد عمك صرت انته كفيلي
عمه درب الشام لوع لي دلــيلي
بالخـــرابه محسره خلصت ليلي
مفصل عليه الحزن صاير خليلي
شفت بالشام العجايب
وزادت اعليه المصايب
من وصلنه الشام گعدونه بخرابه

  ✿┈┈••  •✦♡✦•  ••┈┈

عمه كلساع وطفل فز من منامه
يحلم خيال الشمر يركض امامه
يناشغ و حسرته تبين من كلامه
وانه اكـــــله نام يوليدي بسلامه
يگول باعمه العصايب
حته بحلامي تراقب
من وصلنه الشام گعدونه بخرابه

  ✿┈┈••  •✦♡✦•  ••┈┈

عمه انتظرك ترد شــــايل الــرايه
وتاخذ بثارات الجــروح الطرايه
عمه صح مشـــونه عالهزل سبايه
لـﭼن تضـــل شامخه بمتني العبايه
ماتهزها هـــــالكــــتايب
خاضت بسوح الحرايب
من وصلنه الشام گعدونه بخرابه

  ✿┈┈••  •✦♡✦•  ••┈┈✿

والاهم ياعـــمه ثــــارات الارامــل
وثار گطع زنود عمك ابــــو فاضل
ادري بيك همـــوم اكثر مني شايل
لـﭼن يريحني احــﭼيلك الحاصل
الــــك اشگـــيها النوايب
جرحي ينزف موش طايب
من وصلنه الشام گعدونه بخرابه

  ✿┈┈••  •✦♡✦•  ••┈┈✿

انه من هسه اشعل شموع انتطارك
وادري ماتـــــنطفي يــــاعمتي نارك
عالجــــــمره كــــاعد وتنطـــر قرارك
تنتــــظر يــــوم الـــــذي يبزغ نهارك
گلبك من النوح ذايب
وشعرك من القهر شايب
من وصلنه الشام گعدونه بخرابه..

  ✿┈┈••  •✦♡✦•  ••┈┈✿
تـםـت بـعــون اللـه تــعالئ

ونـسـال اللـه القــبول والتـوفيق

✍🏻الشـــاعره زهـــــراء الحــــــربـــــي
حســـــينيه الهــــوى

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿

*نخوة سيدتي و مولاتي الحوراء زينب عليها السلام*


*نـخـوه يا عـمـة الساده بالحسين و غربته*


نخوه يازينب نخيتچ بالجرى ابيوم الطفوف
نخوه بالمذبوح ظامـي دارت اعليه الالوف
نخوه بالجسمه امقـطع بالهنادي والسيوف
*و بعطش قلـبه التفـت لهـب يسـعر جـمـرته*


نخوه يازينب نخيتچ حين طاح اعلى الثرى
والشمر بالسيف جـالـه وصـار يقطع منحره
رفـع راسـه فـوق خطي و الـيـتامـه تنـظـره
*و العدو صـار ابشـماته يمها فـل اعـمـامتـه*


نخوه يازينب نخيتچ بالصدر هللي انطحن
بدال ما ينشال اخوج اخيول فوقه يسحقن
مـدلل الزهره يا وسـفه ظل رميّـه ابـلا كفن
*كـسّـرت صـدره الاعـادي عالوطيه طحنته*


نخوه وباليلة احدى عشر ضجته ونار الخيم
انتـي اتـبـاري اليتامه واتـحـرسـي كل الحرم
صـرتـي يازينـب وحـيـده بعد شـيّـال العـلـم
*عالنهر مطروح جسمه و عمد صوّب هامته*


نـخـوه يازينب نخـيتـچ يـوم طلعة كربلا
يـوم مريتـي يسيره اعلى نـاقـه امهـزله
والاهل كلهم ضحايا فوق رمضى مجدله
*حسين و اخـوانـه رميّه مع قـومـه و عـزوتـه*


نخوه وابطبة الكوفه وحين شفتي بيت ابوچ
و انتـي الامـلاك زينـب تطلب الله يخدومچ
وهسه جيتيها اسـيـره وبـالحـديـد ايربطـوچ
*ويـن داحـي الباب عـنـچ مـا يـثـور ابنخوته*


والاشد واعظم يازينب طبتچ ديرة الشام
ديرة ايزيد المشـومه اتجمعت كـل اللئام
ابشـماتة استقبلوكـم كـفـر ماعدهم اسلام
*وراس خيچ فوق رمحه ابحجر صكوا جبهته*


نخوه وابدمعة رقيه يوم صاحت وصرخت
والعدو ابخدها سطرها والاسنان اتكسرت
وراس ابوها جايبينه مغطى واعليه اشبقت
من رحت عني يابويه شمر طقني وزمرته




طلب يازينب دخليچ دومي هالخدمه لنه
نذكر احزانـچ و نلطم فـي المآتم كل سنه
و ترتفع هـذي الغـمّـه ابجاهـچ يالقلتي انا
*انه اليحچون عني شفـت اخويه و ذبـحـتـه*


الخادم عبدالإله علي المهناء
1442

تهدى ثواب القصيدة إلى روح المرحوم: عابد الفضل أبوعباس مع الفاتحة تسبقها الصلاة على محمّدٍ و آل محمد

قناة دمعة فاطمة لمحرم وصفر انشر تؤجر

قصايد للشام من 📕كتاب هل من ناصر ينصرنا 🔺

مجلس تعليمي وفاة الامام الحسن (ع)🔺🔺مع القصايد


من كتاب 📕 منابر الخطباء

https://www.instagram.com/reel/C-F8e4aNCXm/?igsh=MWs5b3J1aTU2YmR2ZQ==

فروا الى الحسين🚩🔺

*لطمية لاستشهاد السيدة رقية عليها السلام*
الطور " *أنا ابقلبي كبيره النار* "
الرادود / سيد فاقد الموسوي

🔘🔘🔘🔘🔘🔘🔘🔘

صَاحَت زينب إِبْحَسْرَه -  مَاتَت طِفْلَةِ المَظْلُوم
شَافَت رَاس أَبُوهَا إِحْسين - و المنحر يِسيل إِدْمُوم ٢
وَا ويلي عَلَى إِرْقَيّه -  وَا ويلي عَلَى إِرْقَيّه


فُوقِ الرَّاس شَهّقَتْهَا لَحْظَه و إِخْتَفَى هَالصُوت
مَالَت رُقْبَةِ الطِفْلَه يَا وَسْفَه خَذَاهَا المُوت
و العَمّات شَالُوهَا يِبْكُوا و القَلُب مَفْتُوت
و إِسْكِينَه تِوِّن و إِتْنُوح رَاحَتْ خَيْتِي إِبْهَاليُوم ٢
وَا ويلي عَلَى إِرْقَيّه -  وَا ويلي عَلَى إِرْقَيّه


قَالَت زينب إِبْدَهْشَه قُومِي السَاع يَا عَمّه
قِعْدِي و لَا تِذَوْبِينِي و اللَّه الرُوح مِهْتَمّه
عِينِش لَيّه فَتْحِيهَا رُحْمِي حَالَةِ العَمّه
يَا بِنْتِي الظَهُر مَكْسُور و إِفّادِي إِبحزِن مَهْمُوم ٢
وَا ويلي عَلَى إِرْقَيّه -  وَا ويلي عَلَى إِرْقَيّه


جَابُوا غَاسِلَه إِتْغَسِّل شَافَت جُثّةِ الطِفْلَه
مَدُّوهَا عَلَى التُرْبَان و الأعضاءْ مِتْنَحْلَه
آثَار الضَرُب فِيهَا فُوقِ الإِيد مِتْشَكْلَه
و الإِذْنِين مَجْروَحَه مِنْ يُومِ إِلْسَبُوهَا القُوم ٢
وَا ويلي عَلَى إِرْقَيّه -  وَا ويلي عَلَى إِرْقَيّه


بِيهَا إِتْمَحّنَت زينب يَاهِي إِكْبِيرَه مِحْنَتْهَا
مَاعِدْهَا سِدُر و اَكفْان حَتَّى إِتْوَارِي جُثّتْهَا
لَفّوا إِعْزِيزَةِ الغَالِي بِالخِرقَه و عَبَايَتْهَا
في وَسْطَة خَرَاب الشَام دِفْنوا وَرْدَةِ المَظْلُوم ٢
وَا ويلي عَلَى إِرْقَيّه -  وَا ويلي عَلَى إِرْقَيّه

🔘🔘🔘🔘🔘🔘🔘🔘

مأجورين و مثابين و نسألكم الدعاء

🖋️ *حليمة الأحمد*
" لا أجيز حذف الإسم أو تغييره أو طباعة القصيدة لبيعها "
( *الفاتحة لخدمة الإمام الحسين عليه السلام المرحوم والدي ملا محمد الأحمد و المرحومة جدتي الملاية بنت علي القمارة*).
٢٤ / ١ /١٤٤٤

*رابط الطور :*

https://youtu.be/gaYiDcbP5ds

⬛️◾️▪️⚫️﷽⚫️▪️◾️⬛️
نخوة للسيدة رقيه ع

يمن رحتي سبيه * رقيه يا رقيه
نخيتچ هالمسيه * رقيه يا رقيه
و احلفچ بالزچيه * رقيه يا رقيه
تكرميني ابعطيه * رقيه يا رقيه


على بابچ أنادي * رقيه يا رقيه
ردت منچ مرادي * رقيه يا رقيه
نمدلچ هالأيادي * رقيه يا رقيه
درينه اشگد سخيه * رقيه يا رقيه


يمولاتي الجليله * رقيه يا رقيه
همومي اشگد ثگيله * رقيه يا رقيه
و أحلفچ بالعقيله * رقيه يا رقيه
تمسحي انتِ عليه * رقيه يا رقيه


شکينالچ شددنه * رقيه يا رقيه
و ألم و أمراض عدنه * رقيه يا رقيه
و الچ كلنه گصدنه * رقيه يا رقيه
تشافي الجعفريه * رقيه يا رقيه


يريحانة نبينه * رقيه يا رقيه
و الچ كلنه انتخينه * رقيه يا رقيه
و لا اتردين ايدينه * رقيه يا رقيه
يدره هاشميه * رقيه يا رقيه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*

قصايد السيدة رقية (ع)🔺

قصايد للامام الرضا عليه السلام 🔺