راح العسكري الليله // والمهدي انهدم حيله
*********
مثل هذا اليوم أمامك بيده شيع والده
غسله بدمعه حنينه اوسط لحده وسده
المهدي من يشتاك كالو يبجي يكعد وحده
ساكن بذيج الصحاري ونوحه لحضه ما هده
دمعه عينه تبجيله // والمهدي انهدم حيله
* * * * * * * * * * * * * *
المهدي من كثر البواجي اعيوني يا ناس انعمن
المهدي كل جمعه يشيعه يكعد اباب الصحن
الدنيه كلها ما تكفي دمعه من ابن الحسن
حته يعكوب بكيانه والله عالمهدي حزن
وامه الزهره تدعيله // والمهدي انهدم حيله
* * * * * * * * * * * * * * *
جم محب فايض حنانه والورد بيده ذبل
حته طير الصاف تدري دور وعنك سأل
كلها هليله تنادي العجل يالمهدي العجل
تكتل الغربه حبيبي مثل بيت بلا أهل
ياهو الغيرك اشكيله // والمهدي انهدم حيله
* * * * * * * * * * * * * * * *
المهدي هليله بعبرتي ردت اعقد مجلسه
انه مجنونه وحبيبه وهوه يدري بعابسه
كمت ادك بحركه صدري واللطم اتنفسه
ومدرسة انا لطمنا عندي أجمل مدرسه
امنين الغايب ابديله // والمهدي انهدم حيله
* * * * * * * * * * * * * * *
العسكري اجفوف الظلاله الليله بالسم غدرته
وانضر السبعه العجايب بجت دم لمصيبته
نزلت الأملاك كلها والطيور اتلكته
وفوك نعشه هالمسيه تنوح ضلت شيعته
بجفها احبابه توميله // والمهدي انهدم حيله
* * * * * * * * * * * * * * * * * * * * * *
يابو صالح كلي وينك عدنه ما ضلت مهج
ما رعتنه الدنيه بعدك يمته يالمهدي الفرج
انته يعسوب الديانه وانته حجه اعله الحجج
نهجك الطاهر تبعنه وما نبدل هالنهج
أرواح الغالي نفديله // والمهدي انهدم حيله
* * * * * * * * * * * * * * * *
تمت
تحسين الخفاجي

راح العسكري الليله

اليوميه يشتاك ما يحمل افراك
فوك الجفن دمعي كتب
بسك يكلبي امن العتب
ضاك النفس ضاك
****
كلبي يم سامره ودموعي تلالي
راح ابوي العسكري وكلشي بجالي
انه ابو صالح يشيعه وهذا حالي
ياهو منكم تعزيه الليله قرالي

كل يوم الغروب اكعد عالدروب
من دنيتي شفت العجب
بسك يكلبي امن العتب
ضاك النفس ضاك
*********
انه ابوي العسكري ياشيعه مظلوم
ليش متغرب صحت ويموت مسموم
انه يا ناس اتعبت من كثر الهموم
والذي ايفارك حبايب يكره النوم

شميت التراب بي ريحت احباب
ويا لوعة الفاركله أب
بسك يكلبي امن العتب
ضاك النفس ضاك
*******
سافرو عني الحبايب وانتظرهم
اتردلي عافيتي الي امن اشم عطرهم
ضلت دموعي تسولف وي صورهم
لحضه ابد ما راح عن بالي ذكرهم

ليش اليروحون يعمون العيون
من البجي جفني تعب
بسك يكلبي امن العتب
ضاك النفس ضاك
****
جم جرح من الجفوني بكلبي شايل
وانه من اشتاك تجويني الرسايل
ضهري من ضيم الزمان اهوايه مايل
أسأل اعله الفاركوني ودمعي سايل

من كثر الجروح مو طلعت الروح
والغيبه هاي اكبر سبب
بسك يكلبي امن العتب
ضاك النفس ضاك
******
الفاركاله اعزاز وين ايكضي عمره
الهم بحيطان كلبي احله ذكره
روحي اعصره كمت من جفي اعصره
العايش بلايه اهل شنهو اليصبره

شيخلص الليل ماضل بعد حيل
يمته الفرج كلشي ندب
بسك يكلبي امن العتب
ضاك النفس ضاك
*******
فاركاني العسكري وخلاني وحدي
ودعاني ودمعتي تجري اعله خدي
ابجي مره الفركته ومره اعله جدي
الدنيه صاحت راحت عيونك يمهدي

من اذكر حسين تشبع بجي العين
من كلشي ابو اليمه انسلب
بسك يكلبي امن العتب
ضاك النفس ضاك
*********
تمت
تحسين الخفاجي

اليوميه يشتاك
الحبيب تحسين الخفاجي

باقي اعله عهدي
اشهد يمهـــــــدي
بالسراء……وبالضراء….. انا اوياك
ــــــــــــــــــــ
اعترف لوله نظرتك انا فاني
مالي غيرك عايش بخيرك تراني
جم ذنب سويته عنك ضيعاني
لجن حبك جرني يم بابك خذاني
عبدك واريدك. تاخذني بيدك
يامعصوم…..ضايع دوم…..ابلا يمناك
ــــــــــــــــــــ
عيني طفله ايتيمه تتنتطر رجعتك
سيدي والساني ذابل من ندبتك
ميت وروحي ترد ليه بطلعتك
بالمجالس گالو اتون ماسمعتك
كسري اجبره وارزقني نظره
گلبي الذاب….راسي الشاب….من فرگاك
ــــــــــــــــــــ
خدي جويته اسمعت محفور خدك
وحالف ابجي اوياك ماخليك وحدك
ياولي النعمه سجل اعمالي عندك
نوح واونين ولطم كلها اعله جدك
ليكم حياتي ويمكم مماتي
كل ازمان….كل امجان….سالفتي طرواك
ــــــــــــــــــــ
مرض گالوها امس مايلفي زاير
وانگلب ميزانها بركضة العاشر
وبالزياره الاربعينيه منـــــــاحر
الكربله زحفت وظل الكون حاير
محـــد منعنه والكل سمعنه
صحنه انصار…. يابو الثار .....عد عيناك
ــــــــــــــــــــ
انا ياماي الحياة اعليك ضامي
ويه كل نسمه الك ابعث سلامي
بشوگي تدري تشوفني وتسمع كلامي
ياحبيبي وياطبيبي وياامامي
ليك انتمائي ياسر بقائي
منك ليك…. عيني اعليك…. امتاني الواك
ــــــــــــــــــــ
گوم لاتحني يظهر حسين ظهرك
الشيب والشبان مشتاكه وتنطرك
وفقتني للعزه جيت ارد اشكرك
وينك انت هذا تارس ريتي عطرك
راويني جفك بزينب احلفك
انسه الناس…. بالعباس…. ماانســـاك
ــــــــــــــــــــ

علي محسن الزيادي

بالسراء

نزله للامامين العسكريين عليهما السلام

تعرفنه وفايه. نتعنّه مشايه
للعسكريين للعسكريين
................

احنا يالمهدي خدمكم وانتم تعرفونه
عشنه ونموت عله حبكم مانعيش بدونه
عجزو العدوان عجزو عنكم يبعدونه
والله ما نتبرّه منكم والله لو ذبحونه

خطّينه عالرايه نتعنّه مشايه
للعسكريين للعسكريين
................

سيدي بمصاب ابوك العسكري تعنّينه
واجب لسامرّه نمشي بالمواكب جينه
الغايه يالمهدي نواسي گلبك مأذّينه
وعينك بطول المسافه سيدي تراعينه

يالتعرف الغايه نتعنّه مشايه
للعسكريين للعسكريين
................

الله يالمهدي يحبنه شيعتك سوّانه
احنه لو ننساك ساعه انت ما تنسانه
بالمواكب والزياره حاضر وترعانه
يم قبر جدك وبوك انحسّك انت اويانه

نقرالك الآيه. نتعنّه مشايه
للعسكريين للعسكريين
................

احنه نحييها الزياره كل زمن يالغالي
للحسن مشايه والله نوصل ومنبالي
عهد مانترك ضريحه والله ميظل خالي
احنه والاملاك نخدم بالصحن للتالي

انصارك هوايه. نتعنّه مشايه
للعسكريين للعسكريين
................

للحسن والهادي نبقه شيعه ونواليهم
والله ما ننسه فضلهم واجب نواسيهم
هُمّه رحمه وخير النه وحنه نفخر بيهم
سيدي يالمهدي انته سلّمنّه عليهم

متقصّر بهايه. نتعنّه مشايه
للعسكريين للعسكريين

سيد_زيد_الفحام

يادمعتي. من دمه صبي اعله خدي
يادمعتي. بالبجي نواسي المهدي

عظم الله اجرك يغايب
يعينك كلبك ع مصايب

يابو صالح. يابو صالح
.......

يعين كلبك يابو صالح من دمه دموعك تصب
ولو من ليلة العاشر سيدي شظل بالكلب
تشوف ابوك كبال عينك موقفك كلش صعب
تبجي وانه اعرف عليمن راح اسولفهن واطب

تبجي لحسين ..... محد ينوح اعله جثته
مرمي ع الكاع .. تنطك شما ناحت اخته

ابالك الشام ونوايب
يعين كلبك ع مصايب

*

فاتحه ابيتك واشوفك بيك لوعه الكربله
شماتجي تعازيك وادم تذكر حسين وهله
شلون ظل اعله الترايب دامي محد غسله
ولا رضو زينب تنوحه ولا تنوحه العايله

انت سويت .... فاتحه ودمعه ومصيبه
وتبجي للشيخ .. الجثته ظلت سليبه

وفوكه مالطمن حبايب
يعين كلبك ع مصايب

*

والدك غسلته بيدك وانت لفيت الچفن
كبل لا تعگد أزاره صحت وعيونك بچن
حسين ليش اعله الوطيه ماتغسل وندفن
وليش تغسيله الحوافر سحگته وصدره انطحن

والدك مات .... بس الحسين اعله بالك
كربله وياك ... سيدي حتى ابخيالك

لن شفت بيهه العجايب
يعين كلبك ع مصايب



والدك شيعته بيدك وانت نزلته بگبر
واللحد بيدك حفرته وجبت كافور وسدر
كمت بس من البواجي صارت عيونك حمر
تبجي لحسين وذكرته النايم بحر الظهر

من دمه تنوح ... للبقه بحر الظهاري
بلا گبر نام ... بلا فياي حسين عاري

ولا شريف الظل يطالب
يعين كلبك ع مصايب

*

#الخادم موسى البطلي

يا دمعتي

استشهاد الحسن العسكري.. ع

يامصعب الليله غربـته .. عله افراگ ابو نزلت دمعـته
المنـتـظـر .. محـني الظـهر .. نزلت دمعـته

----------------------------
اللـيله من العسكـري بغـربـه اندفن
المنـتـظر صبـت علـيـه كـل المـحـن
فرگه وهجر دمع وغرب غربة وطن
الله يعـيـنـه لهـل زمن ابــن الحـسن

يبچي ويشم ريحة عباته .. ويـاه دفن كل امنياته
يجري الدمع .. محني الضلع .. نزلت دمعـته

----------------------------

يدفن ببـوه وبچـفه من هل الترب
فـوگ الگـبر منه نـزل دمع الـغـرب
الچان امانه بكل ملمه وكل صعب
راح وبقه للمهـدي بس هـم الگلب

نهد حيلـه مهـدينه لغـيابه .. فراگ الحسن يهضم مصابه
مثل السهم .. بگـلبه الالم .. نزلت دمعـته

----------------------------

اللـيله مـن للعسكـري وافـه الاجـل
ماضـل عـشـيره للـغـريـب ولا اهـل
يصلي عله ابوه المهدي والمدمع نزل
يگـلـه يـبـويه بمـوتـتك مـات الامـل

لمن متت احلامي ماتت .. والغربه وسط الروح عاشت
طعم الهجر .. يابويه مر .. نزلت دمعـته

----------------------------
الله يعـيـنـه لـوالـده ظـهـره نكـسر
ولعـيـنه لاحــت كـربـلـه منها صـور
تـذكر لمـن جــده نحـنـه منـه الظـهر
من مات ابو فاضل عضيده عله النهر

ون وسچب من عينه عبره .. جـده ذكر من مال ظهره
المهدي يون .. ضل بحزن .. نزلت دمعـته

----------------------------
تذكر مصايب لچـمته والون عله
ويصيح ضل المـهـدي اه ياكربله
يردد بـقــه الله يلـعـنـك حرمـلـه
ضلت رباب اعله الرضيع امعلعله

عبدالله من عطشت چبدته .. ابـيا ذنب تگـطع رگـبته
سهمك ذبح .. ثـغـر الفرح .. نزلت دمعـته
----------------------------
دمعه يصب ويصيح ضل من الألم
الله يـانـــار الـعــذاب الـ بـالـخـيـم
بذاك الفـلـه حفـاي تـتراكـض حرم
وبالحافر حسين الصدر منه انهشم

عمـاته ركـضن بالـبراري .. وفوگ الترب ضل جده عاري
فوگ الترب .. دمه يصب .. نزلت دمعـته


#الشاعر عقيل الحسناوي..

نزلت دمعته

مجلس وفاة الإمام الحسن العسكري عليه السلام مع الاطوار والقصايد التعليمية 🔺

https://youtube.com/shorts/VMWpg5pMFIo?feature=share
حجاب الذنوب🔺

https://youtube.com/shorts/np_vjYNDCIM?feature=share
اللهم نسألك الهدايه والنور ٠٠٠٠🤲🏻♦️

هنيئا لمن لا بصر 👁👁لهم وبصيرة عندهم