ياجاسم من اتســـد عينك
ينسد باب الديوان
شد راسك وافزع لحسينك
ياعريس الميـدان
لاتكسر ظهر عمك گوم امسح دمع امك
ـــــ& &&&&&&&& ـــــــ
يوليدي ابوك آنه الحســن واسيت اخوي بجبدي
ساعة وداعي اوياه گلت نفديك آنه اوولدي
من طاح الاكبر واسمعت ظليت صاح الوحدي
من البقيــــــــــــــع الكربله جيت اوفي وياه عهدي

رحت الخيمتــــكم ماشفتك
ناديتك جاسم ويــــــن
بالميــــــــدان اتون اسمعتك
ومن سلّمت اعله حسين
بحسراتي اگصدت يمك
گوم امســـــح دمع امك
ـــــ& &&&&&&&& ـــــــ
ماشفت وجهك كله دم ماتگدر اتصد ليّه
نصين راسك منجــسم واعمامتك مدميّه
مو وكته بدرك ينخسف گوم اطفي ناري البيّه
والثوب الابيض مايــرد احمر صفه تاليّـــــــه

گلت اسبگ عمك للمصرع
بلكت ويّاي اتگوم
ياعمي ادركني من يسمع
خاف يموت المظلوم
برداني امسحت دمك
گوم امسح دمع امك
ـــــ& &&&&&&&& ـــــــ
تدريني مارد گاصــدي. وديواني مايوم انسد
عن بابي ماردت غرب وشلون عمك ينرد
مااگول جاسم قصرت. وفّيت بس ردت ازيَد
اتمنيت ارد حي وانذبح وي ابنه شفته اتمدد

جيتك ماكو اعمامه براسي
ايفرّع كل فازع كون
شد راسك يابعد انفاسي
بسيفك رد هز الكون
ماشـــد والدك عزمك
گوم امسح دمع امك
ـــــ& &&&&&&&& ـــــــ
جيت ارد ازفك للحرب وبيك افتخر ياجسام
خليني اشوفن صولتك. ضرغام جدك ضرغام
جرحك يذكرنـــي بعلي مطبور مثله اعله الهام
ظل وحده مابين العده عن عمك شلون اتنام

افتح عينك لمك تنشــــــــد
وين ابني اتأخر ليش
كون اليسمع صوت امه يهد
وابن امه يطشر الجيش
شعلت شمعه واتحشمك
گوم امسح دمـــــع امك
ـــــ& &&&&&&&& ـــــــ
مكسور هذا حسين اجه فز خلي ايدك بيدي
لحسين عمك مو جرح. ردتك دوه يوليدي
يمك وصـــل راح ابتعد وحاول تِهل ياعيدي
يلگاني يمك استحــــي راح اگل لمّك زيدي
ونج عريسج بالحومــــــــه
طاح ودمه امحنّيه
اعله افراگك تبجي وتتباها
العمك عمرك فاديه
بس لوصاحت اتلجمك
گوم امسح دمع امك
ـــــ& &&&&&&&& ـــــــ

علي محسن الزيادي

عريس الميدان

مجلس القاسم عليه السلام 🔺مع القصائد

🖥الليله التاسعة محرم الملا سعيد المعاتيق ١٤٣٩ه♦️


ليلة9️⃣صفحة1️⃣

♦️ديباجه

صلى الله عليك ياسيدي ويامولاي يااباعبدالله لعن الله الظالمين لكم من الاولين والاخرين الى قيام يوم الدين السلام على الحسين وعلى عليا ابن الحسين وعلى اولاد الحسين وعلى اصحاب الحسين ياليتنا كنّا معكم فنفوز فوزا عظيم

♦️الدرج

شباب مارى عرسا ولكن تخضب كفه
بدمي الوريد
(كأني بالحسين غدا ينادي)
علينا ياليالي الوصل عودي
رجوتك ياعلي تعيش بعدي
لتوسم جسمي رمز اللحودي. اه اه
وتمشي باكيا من خلف نعشي
كما يبكي الوليد على الفقيدي
ولَم أنسى النساء غدت تفرن الى نعش الشهيد ابن الشهيدي
فهذه قبلت گفا خضيبا وشمت تلك الورده في الخدودي اه٠٠
وزينباً قابلت ليلى وقالت أعيدي النوح ياليلى أعيدي على حلوي الشباب
وبدر تماً شبيه محمد خير الجدودي

♦️مجاريد نعي ⏰٦/٤٩

صاحت ياعمته تدرين /ماعندي ولد غيرة /
واحد وانفگد مني وضلت خاليه دورة/
هم هذا ويلومني/ والله حيرتي/ حيرة/
عساني لكربله لاجيت/ ولا بيها انبنى لي بيت /
راح ابني علي وضليت/ اصك الراح فوك الراح /وقول الراح شي ايرده/
أتصيح اشلون اتجلد يابنت المرتضى مناك/
هو اني بگت بي روح واشوف ابني على هذا الحال/ اويلي٠٠
ماني الدهر حيرني/ روحن ويا الولدخللنيي/ يحط راْسه على زندي/ واحط راسي على زندة /
قالت الها زينب /يم علي تدرين /يم علي بسچ /ترا مصاب ابن اخوي امچيد /ومسني مثل مامسچ/ گالت گريبه الگوم ياليلى/ لا لاينسمع حسچ/
خل نجري الدمع سكته/ هذا يم علي الارته/ وأحس ماينسمع حتة/
واخوي احسين مايسمع /ومن يسمع عليه نكده/
🔻عاشوري
واذا بليلى مزقت جيبها) صاحت
ياليتني ماچان انه ربيت (اه اه)
والله ربيت ربيت ولا بليالي السود ناغيت
والله راح ابني علي اوضليت اه٠٠

♦️مجاريد ٢/⏰٩/٥٨

نبض بينا الاسى وخذ بينا دمعه
وهمنا بهل الجرح والغربه يكبر
يودينا الوداع الگاسي الاثنين
وينوح ابعينا هالليله منظر
ونتصور الأكبر حاضن حسين
شيساعد اگليبه من يعوفه الاكبر
گصد للمعركه ورد له بعد حين
يگله على العطش يابويه ماگدر
وحط السانه فوگ السانه بونين
ومثل خشبه السان الله اكبر
ورجع الحرم لكن فرك البين
تگطع جسمه وادمومه تطشر
عليه احسين والله احتظر مرتين
بينه وبين عمته شگد تحير
وشاف احسين الله يساعد احسين
يشيله للخيم والگلب يسعر
وجت له اصيح ليلى ياضيا العين
تخليني وحيدةبوحشه البر
اني الربيت اسنين واسنين
وتالي يضيع تعبي وكل شي اخسر
عليك اديون ما وفيت اي دين
بس خليتني بهل الحاله وتمرمرت
عليه نشرت شعر هاوصفگت الايدين
ويمه تمددت والكون كبر

♦️نعي⏰14/19

من گطع اوصالك بسيفه ياعلي يابني
بعدك على الدنيه العفا فركاك شيبني
اكبر يانورِ العين اوحدت ابوك احسين👥
يابني شگول لعمتك لو سايلت عنك
وليلى الحزينه ترتجي ماايست منك
اكبر يانورِ العين اوحدت ابوك احسين
اگله شيبتني يابني وخليت الگلب مفطور
من عمك العباس ظهري ياعلي مكسور👥
أكبر يانورِ العين اوحدت ابوك احسين
جابه الى الخيمه اودمعه يجري بخدودة
ويصيح رحتوا يا رجالي او مالكم عودة
اكبر يانورِ العين اوحدت ابوك احسين
ويلّي يابويه يابويه
جابه الى الخيمه وحطه ابجانب الجاسم
ويصيح رحتوا يابني هاشم
اكبر يانورِ العين اوحدت ابوك احسين

ليلة9️⃣🔺صفحة2️⃣

♦️ابوذيه⏰١٨/٠٠

علي راح علي راح
شاله والنبل شابك
علي راح علي راح
جلس عندة اوسفط
( الراح على الراح)
علي راح علي راح

عاشوري🔻
صاح ابصوت يا ليلى
علي راح اه اه
اني وياچ خل ننصب عزيه

ابوذيه🔻⏰٢٠/١٠
ايگول دلاله دلاله ياناس محل الولد
محل دلاله دلاله
انا وليدي علي يشبه
رسول الله ابجماله اه اه

انا وليدي علي او يحكي
رسول الله ابخصاله
تالي ترضوا اعوفه بكربله
موسد ارماله
والله مفصله يمينه وشماله اه اه


♦️محاضرة⏰٢١/١٢(كلمة كلمه بهدوء تقرأ )

إن لله وإليه راجعون ولاحوله ولا قوته الا بالله العلي العظيم روي عن النبي صلى الله عليه واله وسلم قال(لاتجوزقدماعبدا الصراط يوم القيامه حتى يسأل عن عمرهِ فيما افناه وعن شبابه فيما ابلاه وعن ماله مما اكتسبه وفيما انفقه )صدق رسول الله صلى الله عليه واله وسلم
خير الاعمال الصلاة على محمد وال محمد/اللهم صلِ على محمد وال محمد

الاسلام. يولي عنايه بالاسرة وبالشباب واهم مرحله للشباب هي مرحله الخامسه عشر من العمر فهذا العمر مهم جدا لنا كأباءوامهات سواء كانوا أبناء او بنات اولا الوضع الفسيولوجي يتغير فالصوت يخشن عند الشاب ينبت الشعر
وتتغير بعض الأمور سواء كان شاب او بنت دلاله على البلوغ وهذا المرحله نحتاج ان نركز عليها كأباء وامهات الحاله الاجتماعية للولد ماعاد صغيراً ويسمع وينفذ لا يگول الان كبرت ومايحتاج احد يملي عليّ فيكون عندة حاله تمرد ردة فعل مايشوف نفسه مثل أمس الان اصبح في المتوسطه او الثانويه وانا اعي
وعندي عقل حتى لو تامرة للصلاة يكول مايحتاج انا اعرف مصلحتي والامر الاخر
الحاله النفسيه والحالة الفكريه سوف نلقي الضوء على الشباب الذين يدرسون بالخارج وخوف الأهل عليهم من ان يتاثروا بالمذاهب الاخرى وخصوصا الانفتاح الذي لم يعهدون به في بلدهم
والشيطان يأخذهم يمينا وشمال وهذا
لاينبغى فالمؤمن بالداخل والخارج اين ما
كان فلمحب لأهل البيت عليهم السلام أين ماكان فليس مقتصر على بلد فالذي يصلي في المسجد امام الناس وعنده تقوى لابد ان يكون كما هو وليس عندما يخلوا مع نفسه يكون إنسانا اخر ولذلك ننصح المبتعثين أينما كانوا ان يحافظوا على دينهم ولاينسونا هويتهم ولاينجرفوا وراء التيار الغربي فهم غير مسلمين ولهم عادات وتقاليد غير تقاليدنا وعاداتنا
فهالله هالله بالدين فلاينجرفون وراء الزنا فالامراض منتشرة وكذلك المخدرات وبعض الشباب تَرَكُوا الصيام بحجه انهم في بلاد منفتحه ماهذا الا انحطاط وليس انفتاح اذا رجع هذا الشاب بشهادة او مركز مرموق بالدنيا هذا لاقيمه له امام خسرانه لِدينه فالبعض للاسف الشديد اصبح يسخر من المأتم
نقول الى هذة الفئه ان يمارسوا حياتهم الطبيعيه وان يلتزموا بدينهم ولكن للأسف الشديدهناك فئه من الابناء لايسمعون كلام الاباء والامهات بل أصبحوا يحاججون الأهل ويقولون لا نرى والعياذ بالله الله فالله غير موجود أصبحوا للاسف الشديد ملحدين اذن في هذا السن الشاب يتقبل كل شي ويميل مع كل شي فهذا العمر حرج جداً فلذلك الام والأب مسؤولين فكلكم راعٍ وكلكم مسؤول عن رعيته فيجب الانتباه اليهم من خلال مشاهدتهم للتلفاز اوقنوات التواصل التي بعضها تعلم وتنشر الفساد
ونوجههم الى القنوات الدينيه الصالحه لهم وقنوات ثقافيه وان يبتعدون عن التضليل وراء الموضه الفاسدة التى لاتناسب الشباب المسلم سواء كان في اللباس او حلاقه الشعر او غيره اذن فالاسرة لها دور كبير بالتوجيه وليس مقتصر على المسجد او رجال الدين

ليلة9️⃣🔻صفحة3️⃣

♦️الكوريز

وخير قدوة للشباب الاكبر والقاسم واولاد مسلم وأولاد عقيل ممن جاو مع الحسين عليه السلام وقدموا أنفسهم رخيصه وهذه الليله خير مثال لشبيه رسول الله صلى الله عليه واله وسلم الاكبر عليه السلام الذي كان خلقه خلق القران وفصاحته وبلاغته بلاغه رسول الله( ص) فالحسين عليه السلام قدم أغلى ماعندة من اجل الدين من اجل الرساله عندما كان الامام الحسين (ع)بالطريق الى كربلاء أخذ يسترجع ويقول ان لله وإن اليه راجعون لما سمعه الاكبر قال له ابه أراك تسترجع فقال ياولدي هومت عيناي فعنى لي فارس يقول القوم يسيرون والمنايا تسير فقال اباولسنا على الحق قال بلى قال اذن لا نبالي اوقعنا على الموت ام وقع الموت علينا
فقال له الحسين عليه السلام جزاك الله الف خيرا من ولدا بارا

♦️المصيبه
عظم الله اجوركم
وقف الامام الحسين عليه السلام على باب الخيمه ينادي اما من ناصرا ينصرنا
اما من معين يعيننا اما من مغيث يغيثنا
وإذا بعلي ابن الحسين يقول لبيك يا ابتاه
يوما نظر اليه الحسين عليه السلام نظرة رحيمه ترقرقت دمعته على صفحات خذه فرفع كفه الى السماء وقال اللهم اشهد عليهم فلقد برز اليهم غلاما أشبه الناس خَلقا وخُلقا ومنطقاً بنبيك وكنا اذا اشتقنا الى رؤويه نبيك نظرنا اليه و

🔴2️⃣

اشتقنا اليه روايه معصوم في روايه كان هناك اعرابي رأى رؤيه في المنام رأى رسول الله صلى الله عليه واله وسلم فشتاق لرؤيته فذهب المدينه يسأل عنه فقيل له ان النبي صلى الله عليه واله وسلم قدمات ولكن هناك من يشبه رسول الله صلى الله عليه واله وسلم وهو الاكبر عليه السلام فشتاق لرؤيته فسأل عن بيته وذهب استقبله الامام الحسين عليه السلام فقال الى ولده حبيبي ياعلي نور عيني ياعلي اخرج عليه وإذا بالإعرابي يرى فارسا جميلا فوقف وجلس متعجبا من جماله فقال هذا الذي رأيته بالمنام بعينه فقال الحسين عليه السلام هذاولدي علي الاكبر شبيه رسول الله صلى الله عليه واله وسلم فقال الى الاعرابي اسألك بالله لو كان عندك مثل هذا الولد وأصيب بالشوكه في قدمه ماذا يجري لك فقال لوكان لي ولد واصيب بشوكه في قدمه لفقدت حياتي فقال له الحسين عليه السلام ولكني سأرى ولدي هذا في يوم عاشوراء مقطع بالسيوف إربا إربا
صح ونادي وعلياااه

♦️عظم الله اجوركم فعلم الاكبر بأنها الرخصة من والده ثم أنجدل الى ساحه الميدان وكأنه أمير المؤمنين عليه السلام في طوله وفِي شجاعته فلم رَآه القوم ظنوا بأن هذاعلي ابن إبي طالب عليه السلام قد خرج من قبره
فتراجعوا وأخذا ينشد ويقول

🔻فصيح⏰42/03
انا عليا ابن الحسين ابن علي
نحن وبيت الله أولى بالنبي
اضربكم بالسيف حتى ينثني
اطعنكم بالرمح حتى يلتوي
اضربكم بالسيف احمي عن أبي

ليلة9️⃣♦️صفحة4️⃣⏰42/00

اما ليلى فكانت تنظر الى وجه الحسين عليه السلام فكلما قتل عليافارسا تهلل وجهه بالبشرى كالمرأة وليلى تفرح لفرح الحسين عليه السلام ففرش الأرض بالقتلى فعج العسكر كأنه أمير المؤمنين عليه السلام يوم بدر وأحد وحنين فقال ويحكم افترقوا عليه فهجمت الخيول على شبيه رسول الله صلى الله عليه واله والحسين عليه السلام يشجع ابنه صح ونادي وعلياااااه
دخل في اواساطهم قلب الميمنه ميسرة والميسرة ميمنه والقلب على الجناح فضج القوم من كثرة القتلى وأما الحسين عليه السلام فرحاً مسرورا
عظم الله اجوركم قال اللعين أين بكر ابن غانم فأجابه بالتلبيه قال ويحك اما تنظر مايصنع هذا الغلام فإن انت قتلت هذا الشاب فلك ماتتمنى ثم تقلد السلاح والسيوف والرماح فجاء الى عليا ابن الحسين عند ذلك تغير وجة الحسين عليه السلام فأغشي على ليلى وأفاقت ونادت هل اصأب ابني عليابمكروة قال لا يا ليلى ولكن برز اليه غلاما بألف فارس ماصنع يامولاي قال لها ادخلي خدركِ وانشري شعركِ وادعي ربك ان يرجع ابنكِ عليا سالما فرفعت يدها بدموع جاريه وقالت
الهي بغربه الحسين الهي بعطش الحسين الهي بوحدة الحسين ياراد يوسف على يعقوب رد لي ولدي عليا سالما

♦️طور الزريجي ⏰٤٦/٤٤

طبت لعند خيمتها الغريبه
واتوسلت لله بحبيبه
بالحسين ويش مابيه مصيبه
ياراد يوسف من مغيبه
على يعقوب ويمسچب نحيبه
اريدن علي سالم تجيبه

أغشي عليها اماعلي فقد بارز ابن غانم واحتز راْسه وتهلل وجه الحسين (ع )فرحا مسرورا ساعة واذا بعلي عليه السلام اقبل وبيدة رأس ابن غانم وهو ينشد ويقول
🔻طور زرجي🔻⏰48/05
صيدالملوك أرانب وثعالبٌ
واذا برزت فصيديا الأبطال

واذا بالحسين عليه السلام يستقبل ابنه علي الأكبر ابا يا ابا ماتريد يانورِ عين
أبه ياحسين العطش قتلني، وثقل الحديد قد أجهدني، فهلِ الى شربة ماء

♦️طورالزريجي⏰٤٩/٠٠
يابويه قطرة ميه اتروى عطش چبدي
اتگوى وارد للميدان وحدي
يابويه انفطر چبدي وحگ جدي
العطش والشمس والميدان والحر
يگله منين اجيب الماي يابني
ماهو حچيك شعب گلبي وفتني
حمس روحي يابو الشيمه وشعبني
يابويه استخلف الله العمر واصبر

ليله9️⃣♦️صفحة5️⃣

قال ابني علي ادنوا مني فدنى منه اخرج الحسين عليه السلام لسانه واذا هو كالخشبه اليابسه صح ونادي وحسيناااه

حضرت الزهراء يوم الحادي عشر
ورأت الحسين مبضع ومن شرب الماء
محروم يگلها

٥٣/١٨⏰♦️
اخاف انه احچي لچ ومنچ ترتفع ونه
عزيزچ مات يم الفرات وميه ماشرب منه
بدا للماي دم نحري كل شيبي صبح حنه
انا گلت اسگوني گطرة ماي ماواحد لفى ليه اه اه
🔻طور الصافي
انه گلت اسگوني گطرة ماي ترا مني خلص عمري
لفاني واحد ابسيفه رفسني اتربع ابصدري
بدال الماي يازهراء ابسيفه ضل يحز نحري
او حزو رگبتي يمه وبناتي دايرة عليه
زادت لوعتي يمه اسمعت زينب تحاچيني
غريبة دار محتارة بالطف لا تخليني
ضربوها وهي اگبالي صاحت گوم گوم حاميني
اگبال عينگ كيف ابسوطه يجتري عليه

♦️
لمار اى لسانه كالخشبه اراد ان ينقلب الى المعرگه قال له ولدي علي حق الوالدة على الولد اذهب الى أمك بالخيمه مغشي عليها لما أفاقت ليلى رأت شبيه رسول الله

🔻طور الزريجي
الف يامرحبا ياحي هالقبال
بس مالفيت الي فارس اوخيال
ولدي علي حمدالله على سلامتك احتضنته قبلته

عظم الله اجوركم
بينما الاكبر مع امه ليلى بالخيمه واذا بالنداء من خارج الخيمه أمامن ناصرا ينصرنا امامن معين يعيننا لما سمع الاكبر النداء خرج مسرعا الى الحسين عليه السلام
اراد علي الاكبر الخروج الى المعركه صاح الحسين عليه السلام مهلا مهلا حتى تودعك الهاشميات يازينب وَيَا ليلى وياام كلثوم هلمنا تودعنا من الشباب التفوا حول علي فهذة تشمه وهذة تضمه وهذة تقول ارحم غربتنا وهذة تجر اذياله قالت ليلى بني علي اوصيك بوصيه قال وماهي يااماه قالت له إذا رأيت مولاتنا الزهراء عليها السلام فسلم عليها وقل لها اني تركت امي وحيده فقال ياام وانا أيضاً عندي وصيه ماهي ياولدي قال لها اذا رجعتي المدينه ورأيت شباب لم يتهنى بشبابه اذكري شبابي ياأم واذا رأيت شباب لم يتهنى بعرسه اذكري مصابي ياأم

ليلة9️⃣صفحة6️⃣

🔻نعي⏰59/00
يمه يايمه الشاب العيد من يهل مصباح يومه
والشاب لو شفتي لَبْس زينه اهدومه
يايمه ذكري شبابي وفصلي ارسومه اه اه

عظم الله اجوركم احتظنه الحسين عليه السلام للوداع الاخير فشبگ عليه ووقع على الارض واذا بزينب تنادي حسين ياحسين
فأشار اليه فخرج الاكبر للمعركه غاص في اواسطهم اجتمعت عليه الفرق فرقه تلوا الاخرى ففرش الارض من القتلى وام الحسين عليه السلام صار يدخل من خيمه ويخرج الى خيمه عظم الله اجوركم صاح منقذ ابن مرة العبدي عليا اثام العرب لان مرا بي هذا الشباب لافجعن قلب الحسين به صح ونادي وعليااااه
♦️المقتل♦️
فبينما علي ابن الحسين يقاتل اذا برز اليه منقذ العبدي فاتحا باعة رافعا سيفه فضربه بالسيف على راْسه اي وعلياه
فنحنى على قربوس الجواد راجيا ان يرجعه الى الخيمه فسالت الدماء على عيني الفرس فتوسطه الى المعرگه واذابالسيوف والرماح تترا كالرش المطرفقطعوه إربا إربا أمامن منادي وحسيناه

🔻نعي🔻طور الهادى⏰ ١/٠٣/٠٢

هذا يگطع ابسيفه وريده
اوهذا بالخناجر فصل ايدة
وهذاينط من رمحه الحديده
ابخاصرته او هو يعالج اويظفر

خرج الحسين عليه فتعثرر على وجه الارض
وهو ينادي ولدي علي على الدنيا بعدك العفا
تقول سكينه
إن الحسين ( عليه السلام ) في مصيبة ولده قد احتضر وأشرف على الموت ثلاث مرَّات ، الأولى

لما برز الاكبر فأستاذن أباه فإذن له
خرجن النساء فأخذت عمَّاته وأخواته بعنانه وركابه ، ومنعنه من العزيمة ، فعند ذلك تغيَّر حال الحسين ( عليه السلام ) بحيث أشرف على الموت ، وصاح بنسائه وعياله ، دعنه فإنه ممسوس في الله ومقتول في سبيل الله ، ثم أخذ بيده وأخرجه من بينهن ، فنظر إليه نظرة آيس منه

والثانية : التي احتضر فيها الحسين ( عليه السلام ) وذلك حين رجع علي الأكبر ( عليه السلام ) من المعركة وقد أصابته جراحات كثيرة ، والدم يجري منه ، وقد اشتدَّ به الحرُّ والعطش

والمرَّة الثالثة : حين رأى علياً سقط ونادى : يا أبه عليك منّي السلام ، قالت سكينة : لمَّا سمع أبي صوت ولده نظرت إليه فرأيته قد أشرف على الموت ، وعيناه تدوران كالمحتضر ، وجعل ينظر إلى أطراف الخيمة ، وكادت روحه أن تطلع من جسده ، وصاح من وسط الخيمة ولدي ، قتل الله قوماً قتلوك فصار

يمشي تارة يقف وتارة يقع حتى وصل الى الاكبر فوجده مبضعا بالسيوف وضع قلبه على قلب علي واحتضنه فتغير حاله فوجده تارة يتبسم وتارة يبكي سأله الحسين عليه السلام
اجابه ابه هذا جدي رسول الله صلى الله عليه واله يسقيني شربه ماء لا اضمأ بعدها ابدا
وأما بكائي فهذةأمي فاطمه واقفه على راسي وتقول
خلي الولد ياحسين بشد الجرح عنك

الطور الجنوبي ⏰١/٠٦٠١♦️♦️
يابني يابني من سمع يمك ونينك
ومن شبحت لعند الموت عينك
الى العشرين ما وصلت اسنينك
وحاتفني عليك الدهر الگشر

عظم الله اجوركم

نسألكم الدعاء
خادمه اهل البيت عليهم السلام

✍🏻w/s

لمولاي الاكبر محرم ١٤٤٣ هــ #اساسية

(( للحسين شجون مع ولده الاكبر) )


ابوك ... من شافك بزيّ الحرب
ابوك ... گــلالك الحـضني اقترب

يهمسلك يگلـــك علي
وتگله ياروحي وهلي ..... ابوك
****
وتلاگن دموع العشگ دمعةْ ابوك ودمعتك
بصفنتّ ابوك شگد حچي وشگد كلام بصفنتك
مرر أديّ فوگ الوجه وبهيده مشط لحيتك
من كثر ماينضر الك عينه تركها بوجنتك

يسالب حيل اديه
تعال ادنه أليه
دخليني وأضمك
من سيوف أميه

ابوك ... تطلع الحسره بچلمته
ابوك ... چـنها الـمنيه حضرته

ياهو اليظل يبني ألي
وتگله ياروحي وهلي .... ابوك
*
ماسك بچفك مايهد ويگلك اشبگني بعد
تيتمني رايد ياعلي حاچيني رايح يالولد
عيشني بوداعك نضر وأسگيني مو گلبي نمرد
أترسني لوعات وسهر ترجعلي واعدني وعد

يصبحي الماخذك ليل
ضعت وي هدت الخيل
أضمك وين وأرتاح
دروّ بمخيمي الهيل

إبوك .... وي حسرته يزفلك دمع
ابوك .... وبصدرك إيـشـم الـضلع

عـايفني يـانعمْ الولي
وتگله ياروحي وهلي .... أبوك
****
بكل خطوه ابوك إيشاهدك من راسك الحد الجدم
در سالم إيگلك ألي مابيه يابويه انهدم
لو ماترد بويه علي أمبارك يرد بس الهدم
نضراتك تسولف هجر بالفرگه صدگني انصدم

وداعك ذبح صوتي
وأخذ مني سلوتي
أذا جابوك مشيول
گرب معناها موتي

أبوك .... ويّ الـگـلـب حيـلـه انـكـسر
أبوك .... من يمشي أيده اعله الضهر

مــاچـنه ذاك الأولـــي
وتگله ياروحي وهلي ...... ابوك
*
شما تبعد يزود الجرح والدمعه عالوجنه تمر
مرتّ مشاعل عالخيم ويَطَشرّ بخده الجمر
يحچي ويغص بچلمته رايد يگلك انتضر
هيمني بوداعك بعد عايفني إگومن وإنهطر

يبويه الفرگه مره
تعال أحضني نضره
أريد بعيني أشم بيك
يتاركني اعله جمره

أبوك .... من ودعك عمره اختفه
ابوك .... گـلـك على الـدنيا العفه

عايفني يابويه أنولي
وتگله ياروحي وهلي ..... أبوك
**
جمره ويمر بيها الهوى هيچي الگلب يلي رحت
وعيونك بروحي احتضر يالتدري بوداعك متت
من تبرز وتسمع بچي يبني وعليهَ ولتفت
أسمع نحيبي يالولد من تسمع بأسمك صحت

الهجر يابويه چتال
متني بروحتك مال
حالي وصار ماخوذ
ودمعتي تفسر الحال

أبوك .... يگلـك يالاكبر فرحتي
أبوك .... تچوي بغيابك دمعتي

عگبك الهم مـاينجلي
وتگله ياروحي وهلي .... أبوك





عبد زينب
محمد الابراهيمي

أبوك

لمولاي الاكبر محرم ١٤٤٣هــ #مقدمة

اجروحك هاي مدري جروحي
روحك حيل تشبه روحي
بويه عليك يكثر نوحي علي بويه
******************
يالاكبر بكد الهوه محتاج الك تدريني
غير انته عيني ولو رحت ما راح اشوف بعيني
يوليدي لو بيدي يصح جملتك من اسنيني
الخاطر ابوك اكعد صحت فك عينك وحاجيني

انته المات لو هذا انه
روحي اعليك اشكد عطشانه
عفت حسين غيمه احزانه علي بويه
**********
دوم اشبر بطولك جنت لمن تصير اكبالي
حسبالي تكبر يالولد اتفاركني ما حسبالي
كل غالي ما يرخص ابد يرخص تره المو غالي
والشيب من كد فركتك اشكبرك صرت كلالي

من رديت كل حيلي انهد
بس رديت كبران اشكد
ايعين حسين عكبك محد علي بويه
*************
لمن طحت ليك اركضت وبجدمي كمت اتعثر
بعدك عله الدنيه العفه يبني صحت يالاكبر
ما تدري ابوك بغيبتك اشكد ذبل وتغير
وياك يبني اتمددت وبكلبي نارك تسعر

احنه اثنين وينه اوينه
ياهو المات بالطف بينه
وفوك الكاع عاف اسنينه علي بويه
************
بكلي مشيت المصرعك ورديت ميت كلي
والله يعينك عالجرح كل الجروح اتكلي
فاركتك وحيلي انهدم يالجنت اشوفك ضلي
يوليدي انته دنيتي وبالدنيه عكبك شلي

طول الليل جنت اتسرني
من تروح شيصبرني
ادخيلك كوم لتحيرني علي بويه
**********
هذا انته طايح عالترب لو انه طايح مدري
بالخيل صدرك منسحك مدري يالاكبر صدري
من شفته ضهرك منكسر كضيت يمك ضهري
يوليدي وشماله السهم ماحن عليك بكثري

تدري حسين لمن شالك
كلك غاب وين اهلالك
حته الماي يبجي الحالك علي بويه
***********
صبت دمعتي اعله الوجن وشتد يبويه اونيني
وشلون اشيلك للخيم وادري امك اتانيني
اتمنيتك اتفك الجفن ويالاكبر اتحاجيني
خليني ابوسك بالنحر حد ما تفز خليني

هاي اوياك اخر كلمه
جرحك نام خاف اتلجمه
عطرك هيل من اشتمه علي بويه
***********
تمت
تحسين الخفاجي

علي بويه علي
الحبيب القريب تحسين الخفاجي

لمولاي الاكبر محرم١٤٤٣هــ #مقدمة

يبني ياعلي يبني ... جيتك والضهر محني
جيتك كوة ممشاي ضلمة بعيني دنياي
ــــــــــــــــــــــــــــــــــــــ
يادرة كلب عــودك جدمي المصرعك شدني
يادمــــــع اليـــكفــــيلك يـــبني لـــوغبــت عني
جيتك واركـــض بهمي وهــذا آخــر طلب مني
خل ايدك على امتوني فـــدوة العـــينك اشـبكني

لآخر شبكة بحضاني انفتحت بوية ذرعاني
خل اشتمك اهواي ضلمة بعيني دنياي
ــــــــــــــــــــــــــــــــــــــ
تصلي الطولك اعيوني وعــمري يسبح العمرك
ما اكدر علـى افراكــك راح استاحش العطرك
امسـح خــدي بخدودك ولصدري اضم صدرك
واحط انفاســي بنفاسك وراح اتــــمـــدد بكترك

يل تارك اثر بية دير اعيونك اعلية
العينك تبجي عينايضلمة بعيني دنياي
ــــــــــــــــــــــــــــــــــــــ
يل شايـــل جمــــال الله شـــوصف وجهك الازهر
شامة بخــــد ابـــوفاضل جمــــالك ياعــــلي الاكبر
بكد حسنك صبح جرحي وجرحي اعليك ضل يكبر
سلامي الكل حسن وجهك الصــاير بالـــدمة احــمر

وسلامي الكل ضوة بدرك ولكل احجاية من ثغرك
وصوتي يردد بهايضلمة بعيني دنياي
ــــــــــــــــــــــــــــــــــــــ
يالمــــالك شبه ثــــاني ســـكوتك هيج اهاتي
ساكـــت ليش يالــغالي ونضـــراتك لنـضراتي
احسنك تـــريد اتكـــول سلــملي اعــلة عماتي
وسلملي اعلة ابوفاضل ورقيــــة كـــل اخياتي

اقرة بعينك ورسمك تريد اتسلم اعلة امك
ارحم حالي يضناي ضلمة بعيني دنياي
ــــــــــــــــــــــــــــــــــــــ
كلـــفة اعـــلــة الابــو والله اوليدة يمــوت نص حضنة
يتــمحـــرك دلـــيلـــــة بنـار اذا جــفة ايغمـــض جفنة
وفاضـــت روحــك بحضني وكلـــبي اتفايض بحزنة
وشهكت اعليك شهكتموت ترســــت كربـــــلة ونة

ما اتحمل المنضر تموت اكبالي يالاكبر
يا هو اليبقة وياي ضلمة بعيني دنياي


مرتضى عبد الامير السماوي

يبني ياعلي

لمولاي الاكبر محرم ١٤٤٣ هــ #مقدمة

ويلي يالاكبر ودعتك
ويلي يالاكبر ودعتك
--------------------------------
اودعك بيش من ياصوب اودعنك
فريد ابعالمك مامش ابد منك
إلمعطشني مو ماي النهر اسمك
يالمطفي ضوه اعيوني ابجفه رسمك

ويلي يالاكبر ودعتك
---------------------------------
من ساعت گلتلي عنك انه امشي
احس كلشي انتهه بيه انته الي كلشي
يالميبس ارياج حسين ماضل شي
عگبك فاض شيبي وغرگه الرمشي


ويلي يالاكبر ودعتك
---------------------------------
اون اعليك ونت الفاجده الثكله
ورافج دمعتي وبالونه اتسله
يالاكبر والدك سهم الهجر شله
تعال وشوف گلبي كبرت العله


ويلي يالاكبر ودعتك
-----------------------------------
تعال وردلي حيلي الي انهدم مني
يالبجلمت ابوي انته تحزمني
مو طبعك جفه جا ليش تحرمني
يالموذر جروحك بيهه تلجمني


ويلي يالاكبر ودعتك
-------------------------------------
انشدك يبني من جرح الهجر جاسك
ماحسب گلب عايش على انفاسك
گلب والد يحسك هاي مو ناسك
عذب وشگد شربت اعذوبت احساسك

ويلي يالاكبر ودعتك

علي سليم الحسناوي

ويلي يالاكبر

يلعايش بعيوني وروحي
#تراث

—-مجلس /٩محرم مع القصايد 🔺