تعمدت البساطة والسهوله في الأسئله والطرح للتثبيت المعلومه الهامة كم وضعت مجال أسطر للطرح المتنوع🔺

والمشاركه والاستنتاج بين الطالبه والاستاذة استخدمت الخط الكبير والواضح

راح انزل الكم المستند قريباً٠٠٠٠🔺لطباعته بأي دوله ✅ ونسألكم الدعاء

المنهج الحوزوي مستند يطبع بأي دوله
لاتنسي الصدقه عند الطباعه 🔺
اللهم صلِ على محمد وآل محمد لاتنسونا من خالص دعائكم 🟢

شاهد هذا الفيديو على YouTube:

https://youtu.be/JJo54zRRzCA

في غياب المولى ابي عبد الله ع
ام البنين ع تقول

هذا حالي شصفالي جرح كربله
كل حياتي لمماتي جرح كربله
وهمي يرد حسين
فدوه الولد ميتين
جرح كربله
*
ايامي ماظن تستمر
والحسين بنص گبر
شلي بي هذا العمر
مو اليه
اخ يا ذاك النفس
الگاطعه حافر فرس
وصدره بسهام انترس
كون بيه

كون الينسحگ انه
ويخلوني بمچانه
ويرد سالم عله عياله
وعليله روحه فرحانه

عمري عَبرَه اعله صدره الدهر سايله
گلبي يمه وهو دمه الدهر سايله
نشفت افصوص العين
فدوه الولد ميتين
جرح كربله
*
حلم صارت جيته
بعد متصح شوفته
ومايرد بروحته
ماكو جيه
الموت ميرجع بشر
الصبح مات اويه الگمر
وجوه التراب استقر
هاي هيه

مصباح ابلايه حسين
ظلمه وتاه بيه البين
ومامش گود للعميان
وياخذ بيه للمجفين

گضت روحي. وجروحي عليه ثاكله
الغاب همي وانه اسمي عليه ثاكله
يگلولي اشتحچين
فدوه الولد ميتين
جرح كربله
*
امنيتي جانت لو يرد
خل يموتون الولد
بجيته اشگد انسعد
من اشمه
خلصت عمري انتظر
وعلتراب ارسم گبر
يمه گضيت العمر
ردلي يمه

رسمت اگبورهم يمي
الگبر واحد گُبر همي
يحسين اصرخ بصوتي
وعله گبره يخف جدمي

الفارگتهم ماشفتهم اويه العايله
ماهو راجع واباوع اويه العايله
طبتلي الانساوين
فدوه الولد ميتين
جرح كربله
**
وانتظرت وما متت
وبالفراگ اتلوعت
ابعده گوه اتنفست
حسين وينه
بوجهي بانت فرگته
گبرتني غيبته
انه اعيش بشمته
ونظر عينه

عشتها ايامي بالحسره
واتخيل انحز نحره
واموت من اسمع الناعي
الشمر گاعد عله صدره

انه موتي وسكوتي بسبب كربله
بگلبي جمره اويه كسره بسبب كربله
من حرگو اصواوين
فدوه الولد ميتين
جرح كربله
**
شهدي ليه ياسمه
گليبي ناشف بالضمه
اشگد اديه لاطمه
وبيه حرگه
فاگده اربع زلم
حته ما اشوف بحلم
حسين ظل ابلا هدم
ما اصدگه

الثلث تيام بالهيمه
لافي فوگه لاخيمه
اموت ولا يگلولي
تتعثر اله ايتيمه

ابلايه غيره الديره بلا مرجله
يجري دمه واليمه بلا مرجله
من عمت هاي العين
فدوه الولد ميتين
جرح كربله

*
زيد عدنان الزيدي

هم يرجعون
*السيد
هادي الموسوي الناصري

هم يرجعون يروحي.؟.هم يرجعون
عميه العيون بعدهم.؟.عميه العيون

وحدي عالباب انتظر.؟.صار فركاهم كبر
هم يرجعون يروحي.؟.هم يرجعون
*****************
چن نسونه..كل غصن بالعافيه اتصوفر وراهم
حيرونه..واللي عافونه اشوكت نشتم هواهم
من جفونه..كسروا ارواح اشكثر تدعي ابسماهم

ودعونه...سدوا البيبان من بس حركه بجفاهم

صعبه يمشون اهلنه..؟..صعبه يمشون
عميه العيون بعدهم..؟..عميه العيون

حتى ماعدهم عذر..؟..صار فركاهم كبر

هم يعودون يروحي..؟..هم يعودون
*****************
اتذكرتهم..لسه اشتم بالنفَس ريحة عطرهم
صور عدهم..تضحك إكبال إليمرون
إبكبرهم
فاركتهم..تدري الاعزاز اشكثر يجرح هجرهم
ماشفتهم..اذكر اسوالف حچوا يمي بقهرهم
عن خبرهم..كون يحجولي شنو اشصار بحشرهم

شنهي يحچون يكلبي..؟..شنهي يحچون
عميه العيون بعدهم.؟.عميه العيون
بعد ماإلهم ذچر.؟..صار فركاهم كبر

هم يعودون يروحي.؟.هم يعودون
*****************
جرحونه..حيل يحنون الظهر من فاركونه
جرحونه..صار واحدنه ابصفار الغصن لونه
جرحونه..سافروا مارد خبر من ودعونه
جرحونه..والعزيز اتراب غمضهن عيونه

ندفن اعزاز ينوحي..ندفن اعزاز

عميه العيون بعدهم..عميه العيون

ياكلب يحمل صبر..؟..صار فركاهم كبر

هم يرجعون يروحي..هم يرجعون
****************
من تروحون..تدري كل راحل يخلي ابداره نيشان
من تروحون..شوف حالات الأبو للحين تعبان
من تروحون..دوم يبچون الأهل عد وكت الاذان
من تروحون..لوتطيح الوالده تحتاج ذرعان

جرحوا ظنون نسونه.؟.جرحوا ظنون
عميه العيون بعدهم. ؟.عميه العيون

كل كلب ينزف جمر.؟.صار فركاهم كبر
هم يعودون يروحي.؟.هم يعودون
*****************
عدنه اليموت..تصبح ارواح الاهل من بعده هيمه
ينتظر صوت..همّه وردات إوعليهم صوته غيمه
تدري اليموت..يترك ابكلب الاهل غصه اوهضيمه
إلونه بسكوت..تدري ونات الفراگ اشكد عظيمه

مايرجعون اظنهم..؟..مايرجعون
عميه العيون بعدهم..؟..عميه العيون

خاف عطلهم أمر..؟..صار فركاهم كبر
هم يعودون يروحي..؟..هم يعودون
****************
الحمدلله رب العالمين
ديوان
دموع الهاشميات
الجزء الرابع

صفيت ابلا خيم عباس. خيم محترگه يالغالي
ردت تنظر على اسكينه.وردت تنظر على حالي
////////////////////////////////
يبو فاضل سبايه انروح. نروح امجتفه ادينه
اجيتك للنهر عــبــاس. صحت انهض يوالينه
اصدن خويه للأطفال. شفت اشلون امجتفينه

صحتله انروح عالهزل
اختك صعدت المحمل
ركضت صعدت عالتل
واصيح بصوت او ناديت . بالله انهض يكفالي

//////////////////////////////
ليلة عشره من عاشور. يطيح الغالي اموذر
وتسحگه الخيل واتنثره. ضلع حسين امكسر
ابهاي اللحظه ناديتك. شعجب عباس ما تحضر

سحگت خيلهم صدره
أويلي وگامت اتطشره
هاي اخيولهم عشره

يدوسه الحافر وينرض. صفيت بلا اخو ووالي
////////////////////////////
ســبـيـه بيا وكت تنگال. عــليه هاي الهضمه
عفت حسين اموذر. عاري اعله الأرض جسمه
تگطع ويلي يالكافل. محتاره شلون انلمــه

احس الموت يتقرب
عليه الدرب هم يصعب
هذا حسين المخضب
رحت اركض عله الخيمه. وبقت بس الدمعه تبرالي

///////////////////////////////
رقــيـه اعله النحر طاحت. نادت ويلي مسبيه
راسك عالرمــح مرفوع. عــگبك امشي محنيه
منو يفزع الي بالشام. واني مجتفه اديـــــه

يخوي الحگ عله اسكينه
دجيب الــمــاي او سگينه
يم حـــســين خـــلينه

عگب موتك كفيله اصير. بخرابه اشراح يجرالي
=====================
الى خادم الحسين وخادم الزهراء
✍️الشاعر مصطفى النائلي