#دعاء_العهد

بصوت محسن فرهمند

هاشميه والفخر
_
هاشميه والفخر يحلالها
جيش مايوصل الطرف ذيالها
_
طفت النار الي شبت بالخيم
طلعت لطفال ونوب الحرم
هجمت اعليهه سوه خيل وزلم.
ماتهاب الموت مثل رجالها .
_
زينب اربات الصميده ماتخاف
طفت النيران واتلم بالضعاف
بعد اهلهه هجمن سنين العجاف
رفعت الرايه بدل خيالها.


جيش كامل صبحت بت الوصي
حي عالصلاح صاحت بسبي
انطي نحري ولا يذل دين النبي.
صارت الخيمه اعله روس عيالها
_
اخت الابطال الي لاوت كل عنيد
ماتهاب الموت لا هابت يزيد
اليوم تسبيكم مثل سبي العبيد
بت الابطال وكفو من افعالها
__
حفظت الدين وبقه دين الرسول
لاذ تحت كتار تربات البتول
زينب الحره الي ولدتها الفحول
تنحني الدنيه احترام كبالها.


ناعيه الطف
ام فاطمة الزهراء ✍

ياعلي مدد يامهدي سند:

______
انطوت صفحة حياتي البارحه
راح انصب فوك نوكي الفاتحه،



ودعت كلشي عزيز ومايرد
والدمع بالعين احسنه جمد
سيف حزني ابد مارافك غمد
مجرده دهري ودليلي ذابحه

خاتمة حزني اكول اشما يمر
كل حزن بروح اكولن ينكدر
لكن امصابك يامحزوز النحر
مرورته ليوم الحشر مارايحه

رحت بس عظام منكم والكلب
طاح ويه دمعاتي الكامت تصب
يم جثثكم ها يطيبين النسب
اجسامكم ظلت بدمعي سابحه

جدمي حد الهام تارسني الوكت
طعنه فوك الطعنه من عنده شفت
لو جبل حيلي اضن هم جا متت
ربي كون اعداي ابد لاتسامحه،


ويلي ناب البين بضلوعي نهش
طشر اخواني ودلالي اندهش
كون ما مريت ياليل اهدعش
صوبت روحي ودليلي جارحه



ناعيه خيام الطف
ام فاطمة الزهراء ✍✍

قصيده للدور الخاليه اهديها لمولاتي زينب عليها السلام
🖊🖊🖊🖊🖊🖊🖊🖊🖊

جينه الدور اهل الزود
بدمعه نواسيهه

جينه الدوركم يحباب
متى تعودون ياغياب
وتمسحون الدمع سجاب
من كثر الالم بيهه

جينه الدوركم هاليوم
لكينه البين بيهه يحوم
جاوين الوفي الجيدوم
الجان مضوي اعليهه

ليش الدور عفتوهه
خلوانه تركتوهه
ردو ليهه ضؤهه
خا تنور مبانيهه

خل ترجع ليالي الخير
ويرجع عالغصون الطير
بيت العز يظل اجبير
وهله الخير غاطيهه

اهلنه سكنو بهالروح
من راحو ملوني جروح
كل نوحي الك مسموح
عمود الدار واليهه

واليهه انت ياغالي
ياناموسنه العالي
اظل انعاك للتالي
ولك كل نعوه انعيهه

ناعيه الطف ام فاطمة الزهراء

فقرة تدبر 📕بالقران الكريم 🔺لعلاج ضيق الصدر التسبيح والسجود ☝🏻

http://www.alshirazi.net/monasabat/monasabat/107.htm

مجلس كامل مكتوب دخول الشام🔺

ونسألكم الدعاء1️⃣

https://m.facebook.com/permalink.php?story_fbid=1004236199725029&id=429332233882098&locale2=ar_AR

مجلس كامل مكتوب دخول الشام🔺

ونسألكم الدعاء2️⃣

2️⃣مجلس كامل مكتوب دخول الشام🔺☝🏻

ونسألكم الدعاء🙏🏻

https://t.me/kaery20/11150
سنبقى في الخدامة الى يوم القيامة ✋🏻🥺

المهدي يفرح بيكم هله بالمشايه
وزينب اتحييكم هله بالمشايه
************
اتحزم المهدي ودمعته فوك خده سايله
ناشر الرايه وينادي هله بالزاير هله
ايوزع الماي وجربته ببو الغيره امهيله
صاح ما ضل شي يزاير راح توصل كربله

واكف ايناديكم هله بالمشايه
وزينب اتحييكم هله بالمشايه
************
هذا يخدم ذاك يطبخ كلها اشوف امحزمه
ورحبت بهل المواكب هالمسيه فاطمه
صاح كواك الله زاير علي حماي الحمه
وكام كل مشاي بيده ايسجل اسمه ويختمه

كل سنه امتانيكم هله بالمشايه
وزينب اتحييكم هله بالمشايه
************
يلله هم رجلك يزاير والله ما ضاع التعب
ذيج من ابعيد تلصف كبة حسين الذهب
حسين من كد ما يحبكم صاح كوم الهم وهب
وفوك شباجه يعالم هله بزواري كتب

كلبه حن اعليكم هله بالمشايه
وزينب اتحييكم هله بالمشايه
**************
اليوم ابو فاضل يزاير واكف اباب الضريح
يطبخ وفاتح مضيفه وهله بالزاير يصيح
انه فاتح باب كلبي وموكبي اسمه الذبيح
حته لو زعلان منك زعلي بس توصل يطيح

امراد اريد انطيكم هله بالمشايه
وزينب اتحييكم هله بالمشايه
************
زينب اتأشر عليكم وبعزمكم كيفت
اتنومست واهواي منكم هالمسيه اتشكرت
سجلت كل زينبيه وبمشيها اتفاخرت
وبالدرب نصبت خيمها وبالهله اشكد عزبت

وهالفخر يكفيكم هله بالمشايه
وزينب اتحييكم هله بالمشايه
*************
حسين يالمشايه عطره ايفوح من ابعيد اشم
وانه بس شفت المناير جدم ضل يسبك جدم
معتني وراضي بمصيري وبالمنيه ما اهم
كعبه العشاك كبره وكبره بيكم مزدحم

حسين ما ناسيكم هله بالمشايه
وزينب اتحييكم هله بالمشايه
****************
تمت
تحسين الخفاجي

https://t.me/Mulaali4/8700
نسألكم الدعاء🙏🏻♦️

حسبي ابا الفضل ونعم الكفيل 🤚
_______________________________

يالعشرتك ما تنمل، الموت بعدك اجمل
يا ابالفضل يعباس ، يا ابالفضل يعباس

يا بسملت كل الكتب النزلت اعله الانبياء
يلي صنت وحي النبي ياكاتب حروف الوفاء
كدامي كون الله زدحم لكن اشوفنه فناء
نورك تلاشه ياكمر وتغشت اعيون السماء
لجلك دمه العين اتهل ، الموت بعدك اجمل


ياجف رسول الما قبل لا ساوم بدينه وركع
حطو كمر في يمنته وحطو شموس وما خضع
ياوارث اخلاق الذي فوك العرش اسمه ارفع
من جعفر ومن حيدره كل الفضل بيك نجمع
يا اقوه بتار انسل ، الموت بعدك اجمل

ضهري انكسر لمن غفت عينك النوصفها بحر
يالما حصل مثلك ابد يالوجهك شعاع البدر
شنهي الحيا دونك يمن من اجلي ضحيت العمر
يالفشلت وجه الضمه لمن تحديت النهر
حسباله منه تنهل ، الموت بعدك اجمل ،

بعدك وكفت اعله العده يسيوف اخذيني صحت
لامعنه بيها دنيني لمن يالمشيم طحت
انا التعنيت الذبح والصوبه االمحتم رحت
صحت العدم بعدك يمن بشرف شهاده اتوشحت
احزامي ياخويه انحل ، الموت بعدك اجمل ،


يلي اكسرت كلب الاخو قبله اكسرت جنح العده
يالجنت ضخري بشدد يادرعي البطول المده
صعبه اعيش بدنيتي ما اسمع الصوتك صده
ياموت اخذني بالعجل خل يطفه مصباح الهدى
طيف الظلم خله يهل ، الموت بعدك اجمل




ناعيه خيام الطف
ام فاطمة الزهراء ✍✍

عندما يعز عليك " شخصآ " من كل قلبك ويهمك أمره. فمن أجمل ماتهديه أن " تدعو " له وتقول:
( اللهم ألبسه لباس التقوى و أكفه ماأهمه وأسعده بطاعتك وارزقه من واسع كرمك واحفظه من كل شر وفرج همه وأسعد قلبه وأرح باله واغفر له ولوالديه ياذا الجلال والإكرام )
وهذا دعائي بحجم ما أحمل لكم
ليلة جمعة مباركة 🕯️
نسالكم الدعاء والزياره

::::::::::::::::::::
شهادة الامام السجاد (ع)
الاثنين ٢٥محرم ٢٠٢٠/٠٩/١٤
:::::::::::::::::

وفاة السيدة رقية (ع)
الخميس ٥ صفر ٢٠٢٠/٠٩/٢٤
::::::::::::::::::
شهادة الامام الحسن المجتبى (ع)
السبت ٧صفر ٢٠٢٠/٠٩/٢٦
::::::::::::::::::
شهادة الامام الرضا(ع)
الثلاثاء  ١٧صفر ٢٠٢٠/١٠/٠٦
:::::::::::::::::
أربعينية الامام الحسين (ع)
الجمعة ٢٠صفر ٢٠٢٠/١٠/٠٩
:::::::::::::::::::
شهادة أولاد مسلم بن عقيل(ع)
الخميس ٢٦ صفر ٢٠٢٠/١٠/١٥
:::::::::::::::
شهادة النبي يحي(ع)
الجمعة ٢٧ صفر ٢٠٢٠/١٠/١٦
:::::::::::::::
وفاة الرسول الاعظم (ص)
السبت  ٢٨صفر ٢٠٢٠/١٠/١٧
::::::::::::::::::
وفاة السيدة سكينة بن الحسين (ع)
السبت ٥ ربيع الأول ٢٠٢٠/١٠/٢٤
::::::::::::::::
شهادة الامام العسكري (ع)
الثلاثاء ٨ ربيع الاول ٢٠٢٠/١٠/٢٧
:::::::::::::::::
مولد الرسول (ص) وحفيدة الصادق (ع)
الخميس ١٧ربيع ٢٠٢٠/١١/٠٥
::::::::::::::::::
معراج الرسول (ص)
الاحد  ٢٧ربيع ٢٠٢٠/١١/١٥
:::::::::::::::
مولد الامام العسكري (ع)
الأربعاء  ٨ ربيع الاخر ٢٠٢٠/١١/٢٥
::::::::::::::::
وفاة المعصومة (ع)
الجمعة ١٠ربيع الاخر ٢٠٢٠/١١/٢٧
::::::::::::::::
مولد السيدة زينب (ع)
الثلاثاء ٥ جمادى الأولى ٢٠٢٠/١٢/٢٢
:::::::::::::::::
شهادة السيدة الزهراء (ع)
الاربعاء ١٣جمادى الاولى ٢٠٢٠/١٢/٣٠
:::::::::::::::::::::
نسالكم الدعاء .. رحم الله من قرأ سورة الفاتحة وأهداها
إلى روح والديه والمؤمنين والمؤمنات ..📖