Surxondaryoda ilk startap studiya ochildi

Raqamli texnologiyalar vaziri Sherzod Shermatov Surxondaryo viloyatida IT Park Uzbekistan filiali huzurida tashkil etilgan ilk startap studiyaga tashrif buyurdi.

Tashrif davomida vazir studiyada yaratilgan zamonaviy infratuzilma, startap jamoalari uchun tashkil etilgan ish maydonlari hamda texnik imkoniyatlarni ko‘zdan kechirdi.

Startap rezidentlari o‘z loyihalari taqdimotini o‘tkazib, mahsulotlarni mahalliy va xalqaro bozorlarga olib chiqish istiqbollari bo‘yicha fikr almashdi.

Mazkur startap studiya yoshlar uchun g‘oyalarni sinovdan o‘tkazish, jamoa shakllantirish va mahsulotni bozorda ishga tushirish jarayonlarini kompleks qo‘llab-quvvatlaydi. Studiya doirasida mentorlik, texnik maslahatlar hamda tarmoq imkoniyatlari taqdim etilib, g‘oyadan tayyor mahsulotgacha bo‘lgan bosqichlar izchil yo‘lga qo‘yiladi.

🖥 Batafsil saytimizda o‘qing

LinkedIn | Facebook | Instagram | Website