*صاحب العصر والزمان عج واحزانه*
لحن جاوبني يا علي~ للملا محمد بو جبارة~
جلبابه من سواد
ورايته الحداد
وعصابة الثأر
عصّبها عالجبين

مشاهد وصور
وذبايح ونحر
مرسومة بالدموع
عا خدود كالنهر

وأنينه عالخيم
وعماته والحرم
طلعن من الخبا
وفرّن بين الزلم

الـ حامي الظعن تصيح
وعالمشرعه طريح
لا يسره ولا يمين
وحامي الحمه ذبيح

اوصاله مطشّره
ومحزوزه منحره
وراس من الوريد
بعالي الرمح انبره

صور فيها محن
وذبيح بلا كفن
مسلّب وبالعراء
ثْلاثة بلا دفن
حسين حسين
خادمة آل محمد ✍🏻

قال سليمان الجعفري : سمعت أبا الحسن الرضا عليه السلام في قول الله: " وقولوا حطة نغفر لكم خطاياكم " سورة البقرة ٥٨ قال: قال أبو جعفر عليه السلام: نحن باب حطتكم .
🙏وعند باب حطة أنختْ الرحالا ~ أتردني عن بابك فهذا محالا ~ببضاعة مزجاة وفدتُ عليك فاسقني من كفك عذبا زلالا ~ يا أبا الفضل مدد

*وصية الزهراء لشيعتها عند حلول شهر محرم*
لحن الجفيري♪~
نِصبوا المآتم والدمع
عينوني عا لطم الضلع
تدروني گلبي منفجع
وانصب عزية لاطمه
〰️〰️〰️〰️〰️
كل مجلس انه أحضره
وابكي الذبيح ومنحره
حسيني ذبيح على الثره
وجراحه تنزف من دمه
〰️〰️〰️〰️〰️
بوسط المجالس گعدتي
ألطم وتجري دمعتي
والناعي يسمع صرختي
والصيحة توصل للسمه
〰️〰️〰️〰️〰️
بكل مأتم المهدي حضر
يجذب ونينه عالنحر
ويلطم بحسره عالصدر
وتعينه شيعة فاطمه
خادمة آل محمد✍🏻

لطم حسيني~🎤
*حسين حسين حسين حسين²*
*سلام على ساكن الحرمين*
سلام على ساكن الحرمين
سلام لنحرٍ وقطع الوتين
سلام القلوب التي تنبضُ
باسم الكفيل واسم الحسين
حسين حسين حسين حسين²
〰️〰️〰️〰️〰️〰️
أيا قبرُ أحملْ إليك اشتياق
وشوق الحبيب لأرض العراق
فطوبى لزوار قبر الحسين
فهل من لقاء وبعد الفراق
حسين حسين حسين حسين²
〰️〰️〰️〰️〰️〰️
إذا شئت فوزا بيوم الحساب
ألا زر حسينا وتلك القباب
غبار الضريح وذاك التراب
وحاشا تمسّك نار العذاب
حسين حسين حسين حسين²
〰️〰️〰️〰️〰️
ملاذ الحيارى هنا كربلاء
وموطن عشق بأرض الفداء
خذوني لموطن عشق الولاء
أزور الحسين ذبيح السماء
حسين حسين حسين حسين²
〰️〰️〰️〰️〰️
نذرت الدموع لنحر تريب
ودمعي يسيل لشيب خضيب
فلا رمت أجر الدموع ثواب
وكل أماني أزور الحبيب
حسين حسين حسين حسين²
〰️〰️〰️〰️〰️
بباب الحسين أنختُ الرحال
أُردُّ فقيرًا فهذا محال
مددت يديّا فلا تردني
طلبت الزيارة وإذن الوصال
حسين حسين حسين حسين²
〰️〰️〰️〰️〰️
نلبّي النداء بأرض الطفوف
نواسي العقيلة مشيًا زحوف
نجدّد عهدًا لك الأربعين
وعند الضريح هناك نطوف
حسين حسين حسين حسين²
خادمة آل محمد✍

*ليلة الوحشة وغربة زينب ع*
لحن بالله استعدوا يا شياهين للشيخ علي الجفيري~
يا ليلة الوحشة من دون الحسين
شسويتي بهالگلب مفطور نصين
نص عالمشرعه بطيحة الكفين
ونص بالحومة لـ مگطوع الوتين
〰〰〰〰〰〰
وحشة هالليلة وما نگدر ننام
ومن يطلع فجرها نروح للشام
نگعد عالترايب ما عدنا خيام
وتنوح الحرم وويايها الايتام
〰〰〰〰〰〰
وينه حيدر بهالشدة يجينا
يشوف الأميرة شلون انسبينا
يحمينا بعباته ويظلّل علينا
يشيل جنازة للمذبوح والينا
خادمة آل محمد ✍🏻
https://youtu.be/q3es1FD_G_Y

وصول الركب الحسيني لارض كربلاء
ظعن الحراير من وصل
حاديهم وبالطف نزل
من مهره عباس ارتجل
وشبحت عيونه عالخدر
〰〰〰〰
خايف لـ زينب تنسبي
ولا ينهتك ستر النبي
بعينه رسم خيمة وعبي
ومغضب نصب خيمة وستر
〰〰〰〰
زينب تصد للمشرعه
ومنها الجفن هلّ مدمعه
شافت گفوف مگطّعه
وگمر انخسف يم النهر
ويلاه~~ واعباساه
دق صدره عباس ونشد
آنه الحما وانه السند
ناديني يالكافل مدد
واحضر يا بت فارس مُضر
خادمة آل محمد✍🏻
https://t.me/kadimatAlmouhamad

العليلة
لحن امانة هالوصية♪
حزن گلبي ونحيبي
من ٱوَدْعَك يا حبيبي
يا راحل عن عيوني
انگطع منك نصيبي

تروح عني عني عني
يزيد وني وني وني

دگوم اسمع ونينه
ووحشة هالمدينه
بعد عينك يا بويه
بنيّتكم حزينه

گلب. يلهب يلهب يلهب
وداع أصعب أصعب أصعب
خادمة آل محمد ✍🏻

اجت العليلة ومنها الدمع سايل
وگلبها محترگ من شافت المحامل
دارت عليهم وتنادي يبو فاضل
اذن السفر ردته يا سيد النشامه

•••••••••••••••••••
دارت عالعيلة قبل شيلة ركبهم
تتوادع وياهم تبكي على ظعنهم
بهالسفره تدري يتشتت شملهم
شالت ايديها تدعي لله بالسلامه
•••••••••••••••••••
اجت يم الگمر حمّاي الظعينه
تمسح على الهامه وتقبل يمينه
وراحت الاكبر وتحبه بجبينه
تودع رقية وعالوجنة مدمعها تهامه
•••••••••••••••••••
راحت يم ابو لاكبر والدمع بالعين
وصاحت في امان الله بويه يا حسين
وگلها دصبري يا خيرة الطيبين
امر الله مكتوب وانتظري مني العلامه
جوليت فقيه✍🏻

وداع العليلة
لحن حضريني يالزهره~
صاحت يحادي النوگ… يالـ بالظعن مايل
اوگف على هونك… عني الأبو شايل
ريّض لي شويه… احچي ابو فاضل
بلكن يركّبني… وي ظعن العقيله
---------------------------
مشيتو ونسيتوني… مٱگدر عافرگاكم
صعبه تخلوني… اخذوني وياكم
وحدي تعوفوني… والجنة ملگاكم
عني تروحوا شلون.. من دون العليله
خادمة آل محمد✍🏻

#فاطمة_العليلة
عيني العليله عالدرب للعيله منتظره~
ترفع ايديها للسما وتاني منتظره~
تنادي الهي بفاطمة وبدمعة الزهره~
ردّ لّي كل غالي طلع من داري يا ربي
〰️〰️〰️〰️〰️
گاعدة بدرب انتظرهم الونه بس سلواي
فارگني كل غالي ومشه من يسمع لشكواي
ولشوفته نار الگلب تلهب بنص احشاي
صبّرني عا فراگ الأهل ويا دمعتي صبّي
خادمة آل محمد✍🏻

*فاطمة العليلة في الدار تهيأ الدار تنتظر عودة الاهل والأحبة طُرق الباب اسرعت وفتحت الباب واذا بها تسمه أنين وبكاء عند الباب وامرأة واقفة قد تبدّلت احوالها* لحن الجفيري بالله استعدوا يا شياهين~ تگلها
*منهو انت ومن تكونين ؟*
*كنّي أعِرْفچ والظعن وين ؟*
*من باقي هلي لو سلوة حسين* ؟
*وسمعتها زينب والدما وسال*
〰〰〰〰
*جواب زينب* :
لا تنشدين عني وعن ظعوني
من المصايب اتذبلن عيوني
ظهري انحنى واتغيرن لوني
من درب السبي شفت ٱلاهوال
〰〰〰〰
تگلها انت مو انت الأميره
شو كنّي اشوفنّچ أسيره
وكافلچ وينه قمر العشيره
تگلها عالنهر ومقطّع الأوصال
〰〰〰〰
اشوف تراب بآثار العبي
وحرق الخيم من درب السبي
محروقه ايديچ يا بنت النبي
اشوفنّچ سبيه وبغير احوال
〰〰〰〰
عمه يا زينب شالجره
تگلها خذوني ميسّره
وابوچ بالطف حزو منحره
وراسه عالرمح ياويلي منشال
حسين~😭
خادمة آل محمد✍🏻

*مولاتنا فاطمة العليلة تطلب من عمها العباس ع ان يتوسط لها عند اخيه الحسين ع كي ترافقهم* / لحن الخضيب♪~
عيون العليله عالظعن بويه الإذن منكم
خلوني امشي وْيا الظعن بعيوني اخدمكم
يابويه ٱخذني بهالركب بدمعي أحشّمكم
لعبدالله اخويه خادمة يا بويه اخذوني
آيبويه ~³ آه
〰〰〰〰
ما حصّلت منّه الإذن راحت لابو فاضل
وگفت اگباله تناشده ومنها الدمع سايل
يا عمي اطلب لي الإذن هذا الركب راحل
يگلها بطل هاشم امر افديكي بعيوني
〰〰〰〰
راح لعضيده يناشده ويطلب اذن منّه
اخويه العليله فاطمة ويّانه تتعنه؟
گله اسمها بالسبي ما منكتب عنّه
ما منكتب ليها اسم بدرب السبي ظعوني
خادمة آل محمد✍🏻

*لسان حال فاطمة العليلة ع حين خروج ركب الامام الحسين ع من المدينة* 😭
لحن البحر الطويل و التغريد الحزين ولحن الملا عبدالحي قنبر يا جبريل نترجاك ♪
يظعن الماشي الله وياك امي الزهره ترعاكم
ليت اسمي بركب الحسين تسجلونه وياكم
بعدكم سلوتي الدمعة وگلبي وروحي تهواكم
بأمان الله يالماشين عهد للموت ما ٱنساكم
〰️〰️〰️〰️〰️
شحال الفاقدة الاحباب
وصورهم فارگت عيني
وحشه الدار بليّاهم
ومنهو الّي يسليني
راحوا كلهم لاحظة وهجرهم حيل مأذّيني
احاچي الليل والنجمات
والنسمّات تناغيني
〰️〰️〰️〰️〰️
آيبويه… فرگتك تصعب عليّه
آيبويه… گلبي ذايب كل مسيّه
آيبويه… دمعتي بع،ك جريّه
آيروحي… صبري عا فارق الحبايب
آيروحي… والگلب بٱشواقه ذايب
آيروحي… ليلي راواني العجايب
عني راحوا… وفْقَدت كل الحنان
عني راحوا… وياهم اخذوا كل امان
عني راحوا… ما ٱدرذ ولّوا ليا مكان
خادمة آل محمد✍🏻

*لطمية للسيدة رقية ع من التراث القديم لحن. يا مجهز حسين♪*
نادت رقية يا بويه يا حسين
بعدك يتيمه يا ضوا هالعين
〰️〰️〰️〰️〰️
مشتاگه اشوفك يا ضيا عيوني
من رحت عنّي يا بويه سبوني
لو عينك شافت من يضربوني
والشمر بالسوط لوعني عالمتنين
〰️〰️〰️〰️〰️
شفتك بالطشت حطّوه اقبالي
وراسك بيديّه شلته يالوالي
فتّح عيونه وعاين الحالي
ودموع الايتام سالت عالخدين
〰️〰️〰️〰️〰️
بيديها تمسح عن راسه التربان
وتصرخ يالمظلوم منذبح
العطشان
من حزّ الوريد يا سيد الجنان
راسك ويّايه وين الجسد وين
〰️〰️〰️〰️〰️〰️
من ضمّت الراس بيديها ضمّه
وشهگت الشهگه وراحت تشمه
گالت له اخذني يا أبو اليمه
ما اريده عمري يا ابن المرسلين
〰️〰️〰️〰️〰️
صاحت الحوراء نِصبوا العزيه
گوموا نشيعها لـ جنة عليّة
بخرابة الشام ماتت رقية
وخمدت الانفاس عا راس الحسين
خادمة آل محمد ✍🏻

*ولتدمعن عليه عيون المؤمنين* الامام الصادق ع ; نعم ان مهدينا ستبكي على غيبته عيون المؤمنين …
*يالمنتظر يالمنتظر يالمنتظر يالمنتظر~*
*دوّرتك بكل الارض عن طيفك ابحث والأثر*
*يالمنتظر يالمنتظر يالمنتظر يالمنتظر*
*يابن الحسن يابن الحسن²~~*
〰️〰️〰️〰️〰️
بكل جمعة مولاي اندبك
وينك يا صاحب هالزمان

طالت يا مهدي غيبتك
دليني وينك يا مكان

حطّت رحال بعتبتك
روحي وتناديك الأمان

حاير ببابك كاليتيم
لما عنده مأوى ولا سكن
*يابن الحسن يابن الحسن²*
〰️〰️〰️〰️〰️
تبكي إلك كل العيون ولغربتك ليل ونهار
لا تظن نسينا شيعتك
يچويها جمر الانتظار
بكن لِوليّك نندبك
بكل جمعة نرفع اعتذار
يالعايش بكل الگلوب
وبكل گلب عندك وطن
〰️〰️〰️〰️〰️
عن كل ذنب لو أخّرك
نبدي السماح من كل جهل
ولو تعرض الصحف وتشوف
استر علينا من الزلل
نجددلك بصبح ومسا
عهد ونناديك العجل
يمتى الفرج يا يوسفي
بلسم جروحي والجفن
خادمة آل محمد✍🏻
https://youtu.be/KFQpYqPbjOY

*🛑لا تنسوا الإشتراك بالقناة على اليوتيوب من خلال الضغط على subscribe وتفعيل الجرس لكي يصلكم كل جديد🛑*
*اللهم عجل لوليك الفرج*

https://t.me/labaykahoussein
تم نشر مجالس ومحاضرات حسينية 👆

*ليلة العاش وداع زينب للعباس*
*يلا اتخيل زينب دارت وجهها تودع العباس بيا حاله~~~~*
اگعد يبو الطلعه البهيه~
خلني اودعك هالمسيه~
عيني على عيونك يخيهّ~
تتصوب بسهم المنيه~
-----------------------
خليني اقبّلها چفوفك~
تفارگها زينب ما تعوفك~
باچر على الشاطي اشوفك~
نايم ومگطوعه چفوفك~
--------------------------
*بعد زينب لديها حديث طويل مع العباس اسمع اسمع ايها الموالي عندك دمعة بعد تودع العباس*
تگله اختك يبو فاضل ترضى النذل يشتمها~
شيگولو اخت عباس
هذا الكان مدلّـلها~
وسبيه ترافق الاجناب
وشمر يحدي بمحملها~
صعبه مخدّرة عباس
سبيه تروح للشامات
*والله صعبه يبو فاضل زينب يسبوها تگله~*
يحلا والوداع وياكم يخوتي بهالمسيه~
وباچر زينبكم راح تمشي سبيه~
وكلمن يشوف خدري يأشر عليّه~
أميرة وتروح مسبيه عالجمال
〰️〰️〰️〰️〰️
بعد وداع آخر بين العباس وزينب~.يگلها / لحن الخضيب~
گمر العشيرة عالوعد يختي وتدريني
وياچِ آنه قصّرت اريدچ تعذريني
لعيونچ افدي هالعمر وافديها چفّيني
كفي العتب لو عالنهر باچر تشوفيني~
آيزينب آيزينب آيزينب آه
〰️〰️〰️〰️〰️〰️
ولو حرگوا خيام الطهر لا تبدي ليّه عتاب
باچر چفوفي عالنهر يطيحن على التراب
ولو سلبوا منچ هالخدر
اشكي لداحي الباب
ما اشوفچ بعيني السهم و
دم غطَ عا عيوني
يابو فاضل يابو فاضل يابو فاضل آه~
خادمة آل محمد✍🏻

ليلة العاشر /واويلاه بعد عين العباس يحرسنا الشمر اللعين واويلاه
باچر توگع الرايه وكافلنه عنا يروح
باچر انظر الشبان مذبوح وبصف مذبوح
باچر عالترب نومه كلكم والأخو مطروح
باچر حتى عبدالله يعوفن هالمهد خالي
--------------------------
باچر توگع الرايه وعلينه يهجمو العسكر
باچر عالشريعه ينام حامي خيمنا والخدر
باچر عينه مطفيّه واحنا بعد نتيسر
باچر خدري يتسلب وانا ابقى بلا والي
خادمة آل محمد✍🏻

*سامحيني حال العباس وي زينب ع*
*سامحيني سامحيني*
يختي لو ناديتي باسمي يالگمر~
سامحيني. سامحيني
لو ما اجيتك وعنك ادفعت الشمر~
سامحيني سامحيني
لو اجا بسوطه وضرب ام الخدر~
سامحيني سامحيني
لو ياحورا سلبوچ بهالعصر

سامحيني سامحيني
عني لو غصب عني شتموچِ
سامحيني سامحيني
لو اجا يا حرّه وبالرمح ضربوچِ
سامحيني سامحيني
لو خيامچ يالعقيله يحرگوها
سامحيني سامحيني
لو عقيلتنا الغريبه سلبوها
سامحيني سامحيني
لو ايديچ بحبال خشنه چتفوها
سامحيني سامحيني
لو بعد عيني هالحرم يختي سبوها
خادمة آل محمد✍🏻

اليوم يوم المسير للشام اليوم نادى المنادي قوموا وحملوا النساء والاطفال السبايا على ظهور النياق واويلاه وازينباه اليوم يشبه يوم الحادي عشر بموقف
زينب يوم الحادي عشر لما ارادت ان تخرج من كربلا توجهت لللمشرعه وعاتبت العباس
واليوم زينب اتوجهت للرؤوس وراحت تخاطب راس العباس
لحن جاوبني يا علي~
صاحت يابو الفضل
يا من خدري كفل
شدوا اديه بحبل
وينك يا كافلي~~~

يا كافل الخدر
مشونا باليسر
انظرني يالگمر
وينك يا كافلي

ترضاني بالسبي
يضربني ناصبي
واسمع سب وشتم
وينك يا كافلي

صاحت يبو النوماس
ترضاها يا عباس
مسبيه ويالراس
يا عزي وكافلي

*واويلاه ورات تبث شكوى زينب ع في مسيرة السبي لرأس اخيها الحسين ع*
يا زينب مدد~
زينب سبوها ~ وتنشد اخوها
الحرّه ولوها ~ بين الاجانب

سلبوني خدري ~ وبحالي تدري
سموني زينب ~ ام المصايب
لا مو أميره ~ زينب أسيره
الخاطر كسيره ~ تشوف العجايب
المدمع تسيله ~ وتبچي الهزيله
الرحله طويله ~ فوق النجايب
راحت سبيّه ~ من الغاضريه
اخوتها رميّه ~ فوق الترايب
خادمة آل محمد ✍🏻
جواب راس العباس
زينب زينب زينب