ОЙДУ БАШКАРУУ

♦️Ой адамды эбегейсиз зор бийиктерге жеткирчу курал. Бүгүнкү реалдуулук - адамдын кечеги ою. Бүгүнкү ойду башкаруу - эртеңки жашоону башкаруу.

♦️Адамдын өз оюн башкара алганы - анын эң зор жетишкендиги. Анткени, ой бардык аракеттин башаты.

♦️Адам оюн кантип башкарат? Келген ойлорду тандоо менен гана. Б.а. ал келген ойдун ордуна зарыл ойду ойлонууга өтүү, б.а. зарыл ойду тандоо менен гана башкара алат. Мисалы, оору тууралуу ой келсе, анын ордуна соолук, наалуу ордуна шүгүр ж.б. ойлорду табуу керек.

♦️Эгер андай ой жок болсо демек, маалымат жок, аны табуу жана алуу, окуу зарыл болот. Ошондо да ой өзгөрбөсө - демек адам өзү негативге көнүп алган жана ага утулуучу, өксүк жана бактысыз жашоо алда канча ыңгайлуу.

♦️Ошентип, ойду тескөө - өнүгүү үчүн эң зарыл болгон эп жана аны өздөштүрүү менен жашоонун алда канча жогорулатса болот.

ОЙДУ БАШКАРУУ ӨЗГӨРҮҮДӨН БАШТАЛАТ💡

Көзү тирүүсүндө эле бейиш менен кубандырылган 10 сахабанын бири, Пайгамбарыбыздын досу, момундардын 2-адилеттүү падышасы Умар ибн аль-Хаттабдын насааттарын окуп, жашооңузда пайдаланыңыз.
Азирети Умар бир кишиге мындай деп насаат айтты:

1️⃣ «Элге аралашып жүрүп, өзүңдүн милдеттериңди таштап салба. Анткени мойнуңдагы милдеттерге алар эмес, сен жооптуусуң.

2️⃣ Күнүңдү бош өткөрбө, кылган иштериңдин баары жазылууда.

3️⃣ Бир күнөө иш кылып койсон, дароо анын артынан жакшы иш кыл. Себеби мурда кылынган бир күнөөнүн кечирилишинин эң кыска жолу - жаңыдан бир жакшы иш кылуу»

4️⃣ Мухаммад бин Шихабдын (радиаллаху анху) айтуусунда, азирети Умар мындай деген: «Сага тиешеси жок иштер менен алек болбо".

5️⃣ Душманыңдан оолак бол. Коопсуз досторуңа гана ишен. Анткени коопсуз жана ишенимдүү адамдын орду теңдешсиз.

6️⃣ Бузуку адамдар менен дос болбо, себеби алардын жаман адаттары сага да жугат. Аларга сыр айтпа. Иштериң тууралуу Алладан корккон, такыба адамдар менен кеңеш»