📣"Кинокарвон" Тошкент вилоятида

Кинематография агентлиги ҳамда Республика Маънавият ва маърифат маркази "Маърифат" тарғиботчилари жамияти ҳамкорлигида "Биз бир бўлсак — ягона халқмиз, бирлашсак — Ватанмиз!" шиори остида ўтказилаётган "Кинокарвон" тадбирлари Тошкент вилоятида давом этди.

Тадбир давомида Ўзбекистон Халқ артисти Ражаб Адашев, актёр ва актрисалар Акром Аҳмедов, Отабек Ҳақбердиев, Гулруҳ Пирназарова, Маҳлиё Асқаралиева каби таниқли киноижодкорлар билан ижодий учрашувлар ташкил этилди.

Тадбирлар бугун ҳам вилоятнинг Чиноз, Янгийўл, Тошкент, Зангиота, Паркент, Юқори Чирчиқ, Қуйи Чирчиқ, Оққўрғон, Олмалиқ, Пискент ва Қибрай туманларида давом этади. Шунингдек, Агентлик буюртмаси билан суратга олинган фильмларнинг намойиши ҳам ўтказилмоқда.

Миллий кинематографияни ривожлантириш маркази Ахборот хизмати

🚀Telegram📷Instagram🔵Facebook 🌐Veb-sayt

🇷🇺Россия элчиси Ўзбекистон Миллий кино санъати саройи меҳмони бўлди

Кеча, 5 июнь куни Ўзбекистон Миллий кино санъати саройида Россия Федерациясининг Ўзбекистондаги элчихонаси ва Россотрудничество раҳбарияти билан учрашув бўлиб ўтди.

Россиянинг Ўзбекистондаги элчиси Олег Малгинов ва Ирина Старосельская янги экспозициялар билан бойитилган Ўзбекистон кино санъати музейи билан танишди, уларга экспозициялар ҳақида батафсил маълумот берилди.

Ўзбекистон кино санъати музейидаги ўзгаришлар меҳмонларда илиқ таассурот қолдирди. Айниқса ўзбек кинематографиясининг ўтмиши ва бугуни бир жойга жамлангани уларда катта қизиқиш уйғотди.

Миллий кинематографияни ривожлантириш маркази Ахборот хизмати

🚀Telegram📷Instagram🔵Facebook 🌐Veb-sayt

✨Бугун бир гуруҳ киноижодкорлар ҳамда Кинематография агентлиги ходимлари Ўзбекистонда хизмат кўрсатган журналист, санъатшунослик фанлари доктори Фирдавс Абдухолиқов билан учрашиб, ўзбек киноси ривожига қўшган ҳиссаси, соҳадаги ўзгаришлар, Давлатимиз Раҳбарининг топшириқлари ва кўрсатмаларини бажаришдаги жонбозлиги учун миннатдорчилик билдиришди.

Агентлик жамоаси собиқ раҳбарга тўн кийдириб, бундан кейинги фаолиятида муваффақият тилаб, илиқ фикрлар билдиришди.

Фирдавс Абдухолиқов Агентликни 2019 йилдан бери бошқариб келаётганди, эндиликда у Вазирлар Маҳқамаси ҳузуридаги Ислом цивилизацияси марказига раҳбарлик қилади.

Миллий кинематографияни ривожлантириш маркази Ахборот хизмати

📱Telegram 📱Instagram 📱Facebook 📱Web-sayt

Миллий кино санъати саройида мудофаачилар учун «Баҳодир Ялангтўш» фильми тақдимоти бўлиб ўтди

Кеча Ўзбекистон Миллий кино санъати саройида Мудофаа вазирлиги тизимида фаолият олиб борувчи бир қатор ходим ва курсантлар учун «Баҳодир Ялангтўш» фильмининг ижодкорлари иштирокида намойиши бўлиб ўтди.

Унда мудофаа вазири ўринбосари, ҳарбий хизматчилар ҳамда уларнинг оила аъзолари, муддатли ҳарбий хизматни ўтаётган аскарлар ва жамоатчилик вакиллари иштирок этди. Тақдимотдан сўнг Кинематография агентлиги жамоаси вазир ўринбосаридан махcус ташаккурнома ва эсдалик совғаларини қабул қилиб олди.

Шунингдек, томошабинлар янги экспозициялар билан бойитилган Ўзбекистон кино санъати музейи билан танишишди. Ҳарбий хизматчилар ва уларнинг оила аъзоларида буюк саркарда ҳақидаги фильм ҳам, музей ҳам ёрқин таассурот қолдирди.

Миллий кинематографияни ривожлантириш маркази Ахборот хизмати

📱Telegram 📱Instagram 📱Facebook 📱Web-sayt