الإِسْتغْفار .. يَمتَص رَحِيق أَوجْاعنا ، يُهدِينْا الأمَل بِلـا مُقابِل 💌

🌸

-
‏"اللهُم نورًا منك يعبُرنا فيُضيء ما أظلم بِنا وأعتم ♥️"

-
‏"يتغير الإنسان في حالتين
إذا زاد وعيه ، أو كُسِر قلبه ♥️."

قال عمر بن الخطاب رضي الله عنه :
((إن لهذه القلوب إقبالا وإدبارا، فإن أقبلت فخذوها بالنوافل ،وإن أدبرت فألزموها الفرائض))🌺

رأيت الذنوب تميت القلوب
وقد يورث الذل إدمانها
وترك الذنوب حياة القلوب
وخير لنفسك عصيانها
وهل أفسد الدين إلا الملوك
وأحبار سوء ورهبانها

ثم ماذا ..
ثم انكك خلقت لتعبد الله وحده ليس ارضاء الناس كن انت لنفسكك♥️🚶‍

صباح الخير🖤🖇

تفقّـدونا.. قبل أن تفقِـدونا..!💛🖇

جمعةة مباركةة 🖤🖇


اللهم صل على سيدنا محمد و على آله و صحبه و سلم😴💙🖇

وفي كُل لحظةٍ تجد نفسكَ فيها صَامتاً .. أستغفر ِالله 🕊✨✨

••
‏" النصيحه الأولى والأخيرة :
وَتَوَكَّلْ عَلَى الْحَيِّ الَّذِي لَا يَمُوتُ وصلي جيداً ، واسجد طويلاً وتنفس بعمق ، وأقرأ القرآن بتدبر ، وأذكر الله كثيراً ، وتذكر ان الدنيا زائله وَأَنَّ مَرَدَّنَا إِلَى اللَّهِ ♥️

‏ما أبسَطَنَا وما أصْعَبَ كُلَّ شَيء ✨

ألا كل شيء ما خلا الله باطل🍃

سمع الله ..لمن شكى ومن دعا ومن حكى..ومن حمد ومن بكى ومن به ألم 🌹

‏نَحتاجُ إلى الرَّاضِين بأقمَارنَا، الواقفِين فِي الزَّاويةِ الأخرى مِن الكونِ، يُراقِبون جَانبنَا المُعتِم، وهُو فِي عُيونِهم أكثرُ ضِياءً مِن ضِياءِ الشَّمسِ! يوسف الدموكي 💛

لا تجعل فوضى الحياة تُقلقك
فالله يتولى ترتيبها بطريقة مبهرة ♥️

صباحُ الخيرِ ، ثُم ما فاتَ مَات ، وفِي الآمالِ مـُتَّسعٌ ، وفُسحَةُ الوقتِ لِلسَّاعين لم تزَل 💛

بسم الله والحمدلله🌸..

عشان الموضوع دا خطير جدا ومهم لكل واحدة مخطوبة او غير مخطوبة .. مهم لكل انسان عايز يبني حياة زوجية على ثوابت واساسيات صحيحة وقد يطول الحديث..

والله يا جماعة مرحلة الخطوبة دي مرحلة صعبة جدا جدا اكتر مما تتصوروا ، هي الفترة البتدرسي فيها خطيبك وتشوفي أخلاقه وإيمانه وصفاته وعيوبه..

- معايير اختيار الزوجة !
مالها ، جمالها ، حسبها ودينها ف الرسول صلَّ الله عليه وسلم لما قال : "فاظفر بذات الدين تربت يداك" ليه ؟ لأنو باقي المعايير مؤقتة وقابلة للزوال على عكس الدين ، ولازم يكون ف قبول حسن أولاً ثم تكرار الاستخارة .

ففي الرؤية الشرعية لما تدي نفسكِ فرصة انك تتقبلي مظهره وشكله بالتالي ح تقدري تتقبلي قلبه وروحه .
من حقكَ اذا م قدرت تشوفها في الرؤية الشرعية بالقدر المطلوب تجي زيارة تاني مرة واتنين وتلاتة عشان تشوفها لحدي م تتيقن انو فلانة دي مناسبة ليك ويطمئن قلبكَ لها وتقدر تحدد هل تصلح ك زوجة ولو م عجبتك عادي دا حقك ، انت بتشوفها ب عين وغيرك بيشوفها ب عين تانية ويقول " اللهم بارك هي دي الزوجة المناسبة" ف الكل بيشوف بنظرة تختلف عن التاني ؛ لانو (الارواح جنود مجندة ما تعارف منها إئتلف وما تناكر منها اختلف ) ، الاخت م عندها عيب وقد تكون جميلة جدا بنفس الطريقه الشاب ، والرفض ليس دليل على عدم الاعجاب بالمظهر الخارجي ولكن كل الموضوع هو تلاقي الارواح .
والخطوبة يا حبيبة القلب عندك فيها 50% وال 50% التانية دي لأولادك فيما بعد اذا عندك فيهم نصيب ، زي ما بتختاري زوج على حسب المواصفات اللي انتي عايزاها المفروض كمان تختاري أب كويس لأولادك يقدر يربيهم معاك التربية الصحيحة القائمة على الدين الاسلامي ، ما تفكري بكل أنانية عشان ممكن يكون هو فعلياً زوج كويس معاك على حسب مواصفاتك وممكن مع اولادك لا ، احتمال م عندو امكانية يبقى اب بنفس الطريقه إختيار الزوجة .

- بعد الرؤيه الشرعية خطيبك ح يرجع اجنبي عنك زيو وزي اي راجل تاني ح تكوني بلباسك الشرعي الكامل (نقابك جونتيك عبايتك) ولا في خضوع بالقول ولا نظرات والكلام دا ، كل واحد يغض بصره عن التاني.
السوشيال ميديا م مكان تتحدثي فيهو عن حياتك الخاصة ومشاعرك ، اعتبري نفسك لا اتخطبتي ولا ارتبطتي ولا تتعلقي به ما بقول ليك ما تحبيهو وطبعا دا اذا حصل يبقى في قلبك بس والجوارح لا تعمل بهذا الحب ولا يجوز لكِ أن تصرحي ب حُبكٍ له ، وفي فرق بين الحب والتعلق.

- الكلام بينك وبين خطيبك نعم يجوز ولكن في الحاجات والشروط اللي مفترض تتكلموا عنها قبل الزواج والكلام بينكم يكون منضبط قدام واحد من محارمك ولا يجب انو يكون فيهو خضوع بالقول او ترقيق صوت او غزل .

-واذا كان الحديث يستحق مكالمة ف المفروض انو يتصل عليكِ في تلفون ابوك بحيث يكون عارف انتي بتتكلمي مع فلان وتأمني نفسك عن الخضوع بالقول لأنو ابوكِ قاعد معاكِ .

- وأما عن التنزه وانكم تطلعوا مع بعض وتغيروا جو فلا يجوز لا يجوز والله يا حبيبة القلب!.

- لا يجوز الاسترسال في الكلام اكثر من الحاجة الضرورية .

- خطيبك أجنبي عنك لا يجوز له الخلوة بك او مصافحتك او الخروج معك او النظر إلى أي جزء من جسمك ولا أن يلمس يدك ( تلبيس الدبل) .

- وما من حقه يقول ليك اطلعي وما تطلعي وما تلبسي كدا وأعملي كدا و...و...و.. هو ليس والي عليكِ .
وكمان ما من حقه انو يصرف عليكِ طالما انتي لسه قاعدة في بيت ابوكِ وعندك أهل مسؤليين منك عشان للاسف خطيبك دا لسه م بقى اهلك ، ما مجبور انو يجيب ليك هدايا ولبس ومصاريف ، خطيبك عمل كدا من نفسه يبقى اللهم بارك وربنا يزيدكم ، واذا م عمل يبقى تلتمسي له العذر قد يكون م مستطيع ولكن ما من حقك ترفضي تكملي معاه لمجرد أنه ما بصرف عليكِ .

في مرة سمعت تسجيل صوتي لمكالمة هاتفية بين الشيخ الألباني رحمه الله والسائل (خاطب) بيسأله كيف يتعامل مع خطيبته ، كلام الشيخ كان صعب شوية وثقيل لكنه كان حريص جداً على قلب الشاب دا ..
ف قال الشاب : هل يجوز أن احادثها في الهاتف واسأل عن امور البيت واطمئن على حالها ؟
الشيخ : لا يجوز وليس هناك داعي .
الشاب : طيب يا شيخنا هل يجوز عندما ازورها في البيت أن اتكلم معها وذلك في وجود اهلها ؟
الشيخ : نعم يجوز وتتحدث معها مثل البقية ولا تخصها بكلام معين وأرى انه لا داعي من زيارتك المتكررة لما في ذلك من فتنة ومفسدة .
م مستحضرة كل الكلام ولكن كان كلو حرص على قلب الشاب ومشاعره .

طيب في سؤال كان قبل فترة جاني اللي هو : تقبلي ب واحد ملتزم وبدأ إلتزامو يقل تدريجيا وينتكس ؟!

طيب اذا كان عنده ف قلبه بذرة الخير والالتزام ويرجو أن يرده الله ف لا بأس أن أسقيها ولكن لو م كانت عنده ف انا م مطالبة بإنباتها وارتب باقي حياتي على أمل خروج ثمارها !!
عشان المفهوم يقع اكتر ، يعني لو هو ملتزم وفي حالة فتور وانتكاس وبيبحث عن زوجة صالحة عشان لو وقع مع وحدة تانية ممكن يضيع اكتر ف هنا نحاول نديه فرصة مدام بيسمع ويتقبل .
ولكن من البداية هو كاذب

في محاولة التغيير وبسمع اغاني وحياته كلها لف ودوران وحفلات وما بصلي وعايزك تساعديني وتهديني ف معليش هنا نقول ليهو الهداية عندك انت (وقبل كدا وضحت نقطة الهداية دي في بوست منفصل) وطالما من اعماق اعماقك م مقرر تتغير مافي اي انسان ح يغيرك ، لأنو ممكن انتي كمان تنتكسي وترجعي لورا بسببه ، لأنو الطاعة م كلام وبس هي كلام وفعل واعتقاد وايمان حتى لو مجبر عليها!.
طيب يا اخت نفترض انو انتي ملتزمة بنسبه 85% وجاك واحد ملتزم بنسبه 70% وين المشكلة في انك تقبلي بيهو ؟ ف تفهمي مشكلة الفتور اللي عنده وتهدي ليهو كتاب او تشتري ليهو كتاب بتكلم عن نفس المشكلة وكلو ب ذكاء طبعا عشان يتخلص من المشكلة اللي عنده ، ثم الدعاء الدعاء الدعاء صدقيني خطيبك اكتر واحد محتاج الدعاء لأنو انتي ح تعيشي معاهو عمر كامل وحياة جديده ح تبديها معاهو .

نسبة كبيرة من الاخوة والاخوات فاكرين انو فترة الخطوبة فترة مشاعر وحب ثم يعقبها زواج ، احذري أن يتعلق قلبك بغير الله فكل متعلق بغيره مخذول والله ، ما تنتظري حب من خطيبك نهائي هو اجنبي عنك تماماً ، خطبك يعني وعدك بالزواج ووعد اهلك انو ح يجي يتزوجك في الوقت الفلاني دا معنى الخطبة في الشرع ، وطالما هي وعد بالزواج وإحتمال م يحصل نصيب ف في كلمات م من حقكم تسمعوها من بعض (مشاعر الحب) ولا يجوز أن تصرحوا بمشاعركم .
الخطوبة ما اتعملت للحب ولكن عشان تتعرفوا على بعض اكتر ويكون في قبول وإطمئنان للطرف الاخر وكله في الحدود الشرعية .
اذاً نتفق انو مرحلة الخطوبة م هي فترة لاستعمال مشاعركِ الفضلتي كاتماها طول عمرك لحدي م يجي حلالك ، ولو خليتي قلبك وعاطفتك يتحكموا فيك ح تندمي بعدين وتعيشي مرحلة الحب الاعمى ويبدأ قلبك ينصرف عن التعلق بحب الله تعالى إلى حب المخلوق ، ما تخلي الحب دا ينسيك حب الله عز وجل وطاعته ، وتنسي التوكل عليه والخضوع لله وافتقارك له وتبدي تعلقي آمالك وتربطي تحقيق أحلامك بخطيبك والفارس المنتظر ، لا يا حبيبتي دا ما لازم يحصل ، حوائجك كلها لله سبحانه وتعالى .
احذري أن تتعلقي به وتنسي الخالق وتبدي تعصي ربنا بالحب دا بالتجاوزات والمجاهرة بالذنب وهنا تلاتة خطوط حمرا كبييره وعريضة .
الاستوريهات مليانة مليانة جدا بالقصص دي ، من صور ومسكة اليد وكمان كونك تكوني مع خطيبك في العربية دي إسمها خلوة يا حبيبة!! المشكلة كلها تكمن في المجاهرة بالمعصية دي ونشر الصور على الاستوريهات ، وكمان بتعملي فيديو بالصور ! الوضع مخيف جدا ومرعب والناس فاكرة الشغلة سهلة وانو دا من حقهم ، أبداً والله ما من حقهم نهائي وانا بعرف بنات م عرفتهم مخطوبين الا من خلال الاستوريهات والصور وتعبت جدا من اني انصح بالذات في نقطة المجاهرة بالمعصية ولكن (الممنوع مرغوب) وفي إمكانكِ تخلي الممنوع ممنوع !.

في ثوابت اللي مفروض انتي تبني عليها علاقة الزواج دا وارجعي لسيرة المصطفى صلَّ الله عليه وسلم وشوفي الاخلاق والافعال اللي كانت في عهده ، ولازم نحن نتخذ النبي قدوة لينا ليس قولاً فقط وانما قولاً وفعلاً مع بعض ..
ف صفات أساسية : ((اللين ، المسؤلية ، يتقي ربنا في نفسه وفيك ، يحفظ الله فيحفظه الله ، بيراعي ربنا في كل تصرفاته وافعاله ... )) ديل لابد إنها تكون متوفرة بعدين ممكن تزيدي صفاتك اللي عايزاها في شريك حياتك .
الحب دا م اصل العلاقة ، ومافي علاقة في الكون دا بتتبني بالحب وبس لو م اتوفرت صفات وثوابت تانية ، الحب موجات متغيرة ، مخزون بمقياس محدد ، محتاج انك تملاهو طول الوقت عشان م ينتهي ، طيب ح تملاهو بشنو ؟؟ نملاهو بالثوابت والاساسيات اللي بتقوم عليها العلاقة الزوجية ..
اذا حالياً في مشاعر بينكم وصرحتوا بيها وقضيتوا فترة الخطوبة كلها حبكانيات وكلام حب ف صدقيني انتي بتدمري علاقتك الزوجية وانتي م ماخدة بالك .
الوقت اللي خطيبك بيغرقك بالمشاعر دي بعد الزواج اصلاً م ح يلاقي وقت عشان يغرقك بنفس المشاعر والحب بنفس القدر .

في بنات عايشة حياتها مع خطيبها تحت مسمي اننا مخطوبين وعادي مافي مشكلة نطلع مع بعض ، مافي مشكلة نمسك ايد بعض ، مافي مشكلة نمشي سينما مع بعض ، مافي مشكلة نحضن بعض (اعتذر للفظ) ولكن حقيقي يعني دا كلو موجود وانا بتكلم صدقاً لأنو بنات كتار بيعانوا من الحاجة دي ، بعدين بيبقى في استنزاف مشاعر حسية ومعنوية ، فاللي بيحصل اذا بقت في علاقة رسمية وزواج دا اذا كان في نصيب العلاقة بيحصل ليها عملية هدم وتنغيص ووجع وعدم رغبة في استكمالها ، ودا بيجسد المعنى الحرفي ل جملة ( من استعجل الشئ قبل أوانه عوقب بحرمانه ) بمعنى اخر فقدان اللذة والسعادة اللي بتلاقيها في الحلال .
والحب في الخطوبة اللي كنتي فرحانه بيهو وكل الناس منبهرة جداً في لحظة بس بعد الزواج ممكن يتهدم ، وحالياً بتلقي نسبة انتشار الطلاق للناس اللي اتزوجوا عن حب او حب الخطوبة كبيره جداً .

ف انتي عايزة حياة زوجية سعيدة يبقى اتقي ربنا في خطوبتك ، فترة الخطوبة هي زي الصيام اذا طال صيامها او قصر انتي ح تنتظري الوقت