Елликқала районында Президент қарарына тийкар халықтың жасаў жағдайын жақсылаў бойынша жумыслар даўам етпекте

Өзбекстан Республикасы Президентиниң 2022-жыл 25-октябрьдеги «2022-2023-жылларда мәҳәллелер инфраструктурасын еле де жақсылаў бойынша қосымша ис-илажлар ҳаққында»ғы ПҚ-408-санлы қарары бойынша Елликқала районы аймағында бир қатар қурылыс-оңлаў ҳәм абаданластырыў жумыслары алып барылыўы режелестирилген.

Соннан, 6 жойбарда 8,9 млрд. сумлық 33 км ишки хожалық жолларын оңлаў, 3 жойбар бойынша 6 млрд. сумлық 15 км ден зыят ишимлик суў тәмийнаты ҳәм ақаба суў тармақларын жақсылаў, 2 жойбарда 900 млн сумлық электр тәмийнатын жақсылаў, трансформатор пунктлерин оңлаў, темир бетон бағаналарын алмастырыў ҳәм 4 млрд. сум муғдарындағы 4 мәҳәлле пуқаралар жыйыны имаратын жаңадан қурыў белгиленген.

Буннан тысқары, Таза бағ аўылынан өтиўши пиядалар өтиў көпирин ҳәм «Шарқ юлдузи» аўыл пуқаралар жыйыны аймағынан өтиўши бетон көпирди оңлаў, газ тармақларын реконструкциялаў да режеге киргизилип, тийисли қаржылар ажыратылған. Бүгинги күнде қарардың орынланыўын тәмийинлеў бағдарында кең көлемли жумыслар алып барылып атыр.

Ўзб – Рус


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Айырым мектеплерде оқыўшыларға сапасыз азық-аўқат өнимлери берилип атырғанлығы анықланды

Өзбекстан Респбликасы Министрлер Кабинетиниӊ 2022-жыл 25-август күнги «Қарақалпақстан Республикасы ҳәм Хорезм ўалаятында жайласқан улыўма орта билим бериў мәкемелеринде саламат аўқатландырыў системасын еле де жетилистириў ис-илажлары ҳаққында»ғы 472-санлы қарары талапларының орынланыўы ҳәм балалардың сапалы азық-аўқатлық затлар менен тәмийинлениўин қадағалаў бойынша Жоқарғы Кеңес Баслығының тапсырмасы менен Кегейли районында жайласқан Халық билимлендириў бөлимине қараслы 1-8-19- ҳәм 55-санлы улыўма орта билим бериў мектеплеринде Санитария эпидемиология басқармасы хызметкерлери тәрепинен алып барылған үйрениў жумыслары нәтийжесинде бир қанша қопал қәте-кемшиликлер анықланды.

Атап айтқанда, балаларға берилип атырған азық-аўқат өнимлери белгиленген нормадан аз муғдарда, сондай-ақ, ишимлик суўы менен тәмийинленбеген ҳәмде ыссы чай менен тәмийинлеў ушын үскенелер толық орнатылмаған.

Ең ашынарлысы азық-аўқат ɵнимлериниң сапасы үйренилгенде, алма мийўеси тутыныўға жарамсыз (ширик) жағдайда, соның менен бирге, қадақланған өнимлер зыянкеслер менен патасланған.

Буннан тысқары, бул азық-аўқат өнимлери арнаўлы автотранспортларда емес, жолаўшы тасыўшы транспортлар арқалы жеткерип берилмекте. Соның менен бирге айырым мектеплерде ҳәр күнлик азық-аўқат өнимлериниң сапасын қадағалап алыўшы комиссия қурамы дүзилмеген.

Бүгинги күнде анықланған кемшиликлерди сапластырыў ҳәм жуўапкерлерге шара көриў бойынша қадағалаўшы уйымлар тәрепинен тийисли тәртипте жумыслар алып барылмақта.

Соныда айрықша атап өтиў орынлы, балаларды аўқатландырыў талапларының орынланыўы бойынша республикадағы барлық мектеплерде үйрениў жумыслары алып барылады ҳәм бийпәрўа болған мектеп директорлары менен жуўапкерлерге қатаң жаза шара көриледи.

Ўзб – Рус


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Үйрениўлер даўамында айырым орынларда абаданластырыў ҳәм тазалық жумыслары талап дәрежесинде емес екенлиги анықланды

Бүгин Қарақалпақстан Республикасы Жоқарғы Кеңесиниң Баслығы Аманбай Орынбаевтиң тапсырмасы менен Нөкис районы аймағындағы көп қабатлы турақ жайлардың әтирапларының тазалығы, орынлардың абаданластырыў жағдайлары үйренип шығылған еди.

Айтып өтиў орынлы, барлық орынларда да бул бағдардағы жумыслар қанаатландырарлы дәрежеде емес.

«Ақмаӊғыт» посёлкалық пуқаралар жыйынында 22 көп қабатлы турақ-жайлар бар болып, бул турақ-жайларда 364 хожалық жасайды. Көп қабатлы турақ-жайлардың әтирапында жыйналған шығындыларды алып кетиўге Нөкис районы «Таза худуд» мәмлекетлик унитар кәрханасы хызмет етип келмекте. Тилекке қарсы бул көп қабатлы турақ жай әтираплары оғада ашынарлы жағдайда. Басқа орынды айтпаяқ Нөкис районы ҳәкимлиги әтираплары да шығындылар, түрли от-шөплер менен толып, районда абаданластырыў жумысларына итибардың қандай дәрежеде екенлигин көрсетип турыпты.

Тазалыққа итибар қаратыў, үй алдыларын, әтирап-аймақларын азада сақлаў әсирлер даўамында халқымыздың күнделикли турмысы менен сыбайлас бүгинги күнге шекем жетип келген. Бирақ, хәзирги ўақытта айырым мекеме, шөлкемлер менен бирге пуқараларымыз өзлериниң үй алдыларына да итибар қаратпай, я бир түп терек екпей, я шығындыларын тазаламай көше мәденияты, санитар-гигиена талапларын бузып атырғанлығы да сыр емес.

Ҳәзирги ўақытта мәмлекетимизде мәҳәлле ҳәм аймақларды абат етиў бойынша қаншама жумыслар әмелге асырылып атыр. Усы ийгиликли жумысларға ҳәр бир пуқара ҳәр бир исбилермен, ҳәр бир мәкеме-шөлкем биргеликте аяқ қосса мақсетке муўапық болар еди. «Абатлық кеўилден басланады» дегениндей, кеўлимиз абатлығы әтирап-аймағымызда да өз сәўлесин тапса нур үстине нур болады.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter