دڵە دامەنی، دڵە دامەنی
ھەی دڵ گیروودەی حەڵقەی دامەنی
ھەر کام مەوینی، ھەر ناکامەنی
ھەر کار مەکەری، ھەر بەدنامەنی
من ھەر دەوا کەم، تۆ ھەر زامەنی
تو تاکەی نە فکر سەودای خامەنی؟
ھەرگز خیاڵت ساتێ جەم نییەن
پای غوسە و خیاڵ لەلات کەم نییەن
چو دنیا دەست وە یەکدەم نییەن
سوراحیت نە سەوت زیر و بەم نییەن
ھەر کار مەکەری، ھەر بەدنامەنی
تو تاکەی نە فکر سەودای خامەنی؟
گا پەروانەی دەور شەم جەماڵانی
گا ھەمڕاز ڕاز کەمەر لاڵانی
گەھێ سکووتی، گەھێ ناڵانی
گا چون ئەوداڵان وێڵ ماڵانی
من ھەر دەوا کەم، تۆ ھەر زامەنی
تو تاکەی نە فکر سەودای خامەنی؟
شیرین مەوینی، حەسرەتباریتەن
تەڵخی مەوینی، شین و زاریتەن
زشت و زیبایی بیقەراریتەن
پەس تو چە دەرمان دەرد کاریتەن؟
من ھەر دەوا کەم، تۆ ھەر زامەنی
تو تاکەی نە فکر سەودای خامەنی؟
ئەی دڵ پەی جیفەی حەسرەت مەوازی
جیفە پەیدا کەی، پەی چێش مەبازی
چون ھەر ساعەتێ وە یەک مەجازی
دنیا پیت بیەن نمەوی ڕازی
ھەر کار مەکەری، ھەر بەدنامەنی
تو تاکەی نە فکر سەودای خامەنی؟
دڵە لەت لەت بای چو نیل سەرخوم
وەس تەمەننا کەر وە یانەی مەردوم
ھەرچی ھاواران وە ڕات ئاوەردم
چەنی گوناھان ساڵان سەر کەردم
جە ڕاسی وەحشی، پەی بەد ڕامەنی
تو تا کەی نە فکر سەودای خامەنی؟
ئاه لە خیاڵان مەویەرۆ نە دڵ
چو نووفڵ نووشام زەھر ھەڵاھڵ
چەن تەی مەکەری ڕاگەی بی حاسڵ؟
نە خاسان شەرع تا کەی مەکەی سڵ؟
ھەوا خوای لەزەت چەن بێ تامەنی
تو تا کەی نە فکر سەودای خامەنی؟
دڵە کوت کوت بای، چەن خیاڵ پێتەن؟
دیدە ھەی کۆر بای کول گونای وێتەن
تۆشەی بەدنامی، ڕای نەھات ڕێتەن
مەر نمەزانی سای ئەڵحەد جێتەن؟
بووم بەد عەمەڵ تەختەبامەنی
تو تا کەی نە فکر سەودای خامەنی؟
ئەر تۆ نەکەری سەیر زوڵف و خاڵ
دڵ وەو سپوردەی چو مەکەی خیاڵ
ورک نەکەی پەرێ لیمۆ چون مناڵ
ئەر ڕۆژ بوو وە سی، ھەزار بوو وە ساڵ
وێنەی عارفان دوور وە کامەنی
تو تا کەی نە فکر سەودای خامەنی؟
ھەی دڵە ئەر گەنج زەمانەی فانی
تەخت سڵەیمان تاج کیانی
مەحبووب چو شیرین زڵەیخای سانی
پەرێت باوەروون پەی شادمانی
ئاخر عاقبەت بێ ئەنجامەنی
تو تاکەی نە فکر سەودای خامەنی؟
ئەر فکرت ڕاحەت ماڵ و عەیاڵەن
ڕاحەت پەی ئەولاد ئادەم مەحاڵەن
ھەرکەس بواچۆ ڕای دڵ بەتاڵەن
واچان سەی یاقۆ ئەبڵەه خەیاڵەن
ھەر کام مەوینی ھەر ناکامەنی
تو تاکەی نە فکر سەودای خامەنی؟
#سەی‌یاقۆی_ماهیدەشت
@joolandeh
ھەی دڵ گیروودەی حەڵقەی دامەنی
ھەر کام مەوینی، ھەر ناکامەنی
ھەر کار مەکەری، ھەر بەدنامەنی
من ھەر دەوا کەم، تۆ ھەر زامەنی
تو تاکەی نە فکر سەودای خامەنی؟
ھەرگز خیاڵت ساتێ جەم نییەن
پای غوسە و خیاڵ لەلات کەم نییەن
چو دنیا دەست وە یەکدەم نییەن
سوراحیت نە سەوت زیر و بەم نییەن
ھەر کار مەکەری، ھەر بەدنامەنی
تو تاکەی نە فکر سەودای خامەنی؟
گا پەروانەی دەور شەم جەماڵانی
گا ھەمڕاز ڕاز کەمەر لاڵانی
گەھێ سکووتی، گەھێ ناڵانی
گا چون ئەوداڵان وێڵ ماڵانی
من ھەر دەوا کەم، تۆ ھەر زامەنی
تو تاکەی نە فکر سەودای خامەنی؟
شیرین مەوینی، حەسرەتباریتەن
تەڵخی مەوینی، شین و زاریتەن
زشت و زیبایی بیقەراریتەن
پەس تو چە دەرمان دەرد کاریتەن؟
من ھەر دەوا کەم، تۆ ھەر زامەنی
تو تاکەی نە فکر سەودای خامەنی؟
ئەی دڵ پەی جیفەی حەسرەت مەوازی
جیفە پەیدا کەی، پەی چێش مەبازی
چون ھەر ساعەتێ وە یەک مەجازی
دنیا پیت بیەن نمەوی ڕازی
ھەر کار مەکەری، ھەر بەدنامەنی
تو تاکەی نە فکر سەودای خامەنی؟
دڵە لەت لەت بای چو نیل سەرخوم
وەس تەمەننا کەر وە یانەی مەردوم
ھەرچی ھاواران وە ڕات ئاوەردم
چەنی گوناھان ساڵان سەر کەردم
جە ڕاسی وەحشی، پەی بەد ڕامەنی
تو تا کەی نە فکر سەودای خامەنی؟
ئاه لە خیاڵان مەویەرۆ نە دڵ
چو نووفڵ نووشام زەھر ھەڵاھڵ
چەن تەی مەکەری ڕاگەی بی حاسڵ؟
نە خاسان شەرع تا کەی مەکەی سڵ؟
ھەوا خوای لەزەت چەن بێ تامەنی
تو تا کەی نە فکر سەودای خامەنی؟
دڵە کوت کوت بای، چەن خیاڵ پێتەن؟
دیدە ھەی کۆر بای کول گونای وێتەن
تۆشەی بەدنامی، ڕای نەھات ڕێتەن
مەر نمەزانی سای ئەڵحەد جێتەن؟
بووم بەد عەمەڵ تەختەبامەنی
تو تا کەی نە فکر سەودای خامەنی؟
ئەر تۆ نەکەری سەیر زوڵف و خاڵ
دڵ وەو سپوردەی چو مەکەی خیاڵ
ورک نەکەی پەرێ لیمۆ چون مناڵ
ئەر ڕۆژ بوو وە سی، ھەزار بوو وە ساڵ
وێنەی عارفان دوور وە کامەنی
تو تا کەی نە فکر سەودای خامەنی؟
ھەی دڵە ئەر گەنج زەمانەی فانی
تەخت سڵەیمان تاج کیانی
مەحبووب چو شیرین زڵەیخای سانی
پەرێت باوەروون پەی شادمانی
ئاخر عاقبەت بێ ئەنجامەنی
تو تاکەی نە فکر سەودای خامەنی؟
ئەر فکرت ڕاحەت ماڵ و عەیاڵەن
ڕاحەت پەی ئەولاد ئادەم مەحاڵەن
ھەرکەس بواچۆ ڕای دڵ بەتاڵەن
واچان سەی یاقۆ ئەبڵەه خەیاڵەن
ھەر کام مەوینی ھەر ناکامەنی
تو تاکەی نە فکر سەودای خامەنی؟
#سەی‌یاقۆی_ماهیدەشت
@joolandeh