#سەفەر
سەروو دیواروو ڕەنجیوە، نیابێما گوڵوو یاسی
نێشانێ بۆو هەناسەیش خۆ، نەدٚەیبێما بە نەژناسی
ئەچوو کۆنجوو بیەیمانە، نیەیبێما ڤلەی سوورە
بلاکنەیما خەزان و مەرگ، نەبۆ یاگێ جەڕ و باسی!
وەڵاتی سەرکەشوو ڕۆحیم ڕوەی داخۆم جیا بازی؟!
وزی بێ ناز هەراڵانێ، کە سوور مدرا "سەروو کاسی"٭
کۆساڵان و نەرێش بانێ دلێ مننە گڕە گێرا
ڕواسێ با و بدٚا دەورم، هۆرم پاچۆ دەسوو داسی
بە ئاهێوەم، وەراوەرمۆ کۆ تەختی بۆ کە تاویۆوە
مرۆ قیبلێ، دەلاقێ گرد نەسیبشا بۆ گێجی و کاسی
گەناوەی بوو، سەروو حەوزیم، سەیێ عەسریم سەرە بڕیا
پێشە و پۆسیم کەرا قسمەت بە ئارامی و بە وەسواسی
وەتەن بوونە و چەنەم دزیۆ، کوێ و هانێ و دەر و دەشتم
هەتا ڕەمنوو خەمی حیزی، خەمێم بانێ بە زاپاسی
هێنەت هۆرئارد؛ ژوان سیروان ئەگەر مدرۆوە یاگەینە
دلێ وێشنە مرۆ کەم کەم، مەزانوو تر درۆ و ڕاسی...
وڕانێرە و چەنی هەرسەی یەواش واتم: ملی تا بی؟!
چەمێت واتشا: چکۆ باروو ڕەوایاتی ئەپی خاسی؟
لوای، هێمن قەدٚەم بنیە! نەکوو مەینەت زەلەمیۆوە
هەزار هومێدٚە بێعارێ، نەکوو بانێ وەنەم عاسی...
✍ #ژوان/هامنوو۲۷۲۳
*سەروو کاسی؛ نامێ یاگێوەنە پەشتوو سەروو پیریوە
دەگاو جـــــــۆڵانــــــــدێ
@joolandeh
سەروو دیواروو ڕەنجیوە، نیابێما گوڵوو یاسی
نێشانێ بۆو هەناسەیش خۆ، نەدٚەیبێما بە نەژناسی
ئەچوو کۆنجوو بیەیمانە، نیەیبێما ڤلەی سوورە
بلاکنەیما خەزان و مەرگ، نەبۆ یاگێ جەڕ و باسی!
وەڵاتی سەرکەشوو ڕۆحیم ڕوەی داخۆم جیا بازی؟!
وزی بێ ناز هەراڵانێ، کە سوور مدرا "سەروو کاسی"٭
کۆساڵان و نەرێش بانێ دلێ مننە گڕە گێرا
ڕواسێ با و بدٚا دەورم، هۆرم پاچۆ دەسوو داسی
بە ئاهێوەم، وەراوەرمۆ کۆ تەختی بۆ کە تاویۆوە
مرۆ قیبلێ، دەلاقێ گرد نەسیبشا بۆ گێجی و کاسی
گەناوەی بوو، سەروو حەوزیم، سەیێ عەسریم سەرە بڕیا
پێشە و پۆسیم کەرا قسمەت بە ئارامی و بە وەسواسی
وەتەن بوونە و چەنەم دزیۆ، کوێ و هانێ و دەر و دەشتم
هەتا ڕەمنوو خەمی حیزی، خەمێم بانێ بە زاپاسی
هێنەت هۆرئارد؛ ژوان سیروان ئەگەر مدرۆوە یاگەینە
دلێ وێشنە مرۆ کەم کەم، مەزانوو تر درۆ و ڕاسی...
وڕانێرە و چەنی هەرسەی یەواش واتم: ملی تا بی؟!
چەمێت واتشا: چکۆ باروو ڕەوایاتی ئەپی خاسی؟
لوای، هێمن قەدٚەم بنیە! نەکوو مەینەت زەلەمیۆوە
هەزار هومێدٚە بێعارێ، نەکوو بانێ وەنەم عاسی...
✍ #ژوان/هامنوو۲۷۲۳
*سەروو کاسی؛ نامێ یاگێوەنە پەشتوو سەروو پیریوە
دەگاو جـــــــۆڵانــــــــدێ
@joolandeh