Forwarded from سهراب مرادنیا
هەقێقەت ئەڐام دوکترە بێ، نزیکوو شەس ساڵێ هەرمانەو نەهوەگرتەیش کەردە، سەڐها نەفەرێش وەشێ کەردێنێوە نە تەنیا خەڵکوو پاڵنگانی هینوو دەگایەکاو دەور و بەروو پاڵنگانیچ. خەیر هەرمانەو نەهەوه گرتەی جە سەرە کەوتەی زانێ پەشت‌گۆش یانی حیجامەت کەرێ، زاڕۆیە مڵاشیش کەوتایا، فریشکش کەوتایا ئاسان گێرێشوە
ئانەنە دوکتر جەهەرمانەو نەهەی نمەزانۆ
هۆشما نەشۆ گردوو هەرمانەکاش وەروو ڕەزاو خوڐای بێ
دوکتر نەجاتێ شۆنەو ۹۴ ساڵێ عەمریرە
جەشاروو کامیارانینە ئارەزوو هەواروو هانیێش کریا لواوە سەرکێشی چوون لانی کەموە حەفتا ساڵێ هوارەو هوارش کەردەن، چنها کەپروو کەلارەو کۆڵیتش هۆرچنیەن حەر دڵش تەنگ بۆ دوێ ڕوێ بلۆوە دیڐەنش قسمەت پاسەبی لوا سەیروو وەتەنیش کەرد شاڐە بیەوە بەکەپروو کەلارەکاو هواری ، بەعەمرەو خوڐای حەر ئەچاگەنە فەوتش کەرد ،
ئا ئینسانێ خزمەت بە کۆمەڵگای کەرێنێ گرد بارگەو بنەشا پێچاوە ڕوو بەشاروو خامۆشا ئەی داخەم مەشۆ
سەردا هانیێ بە یادٚو جارا
کەردش تەماشاو کۆنەهەوارا
کەردش توافش، توەن بە توەن
هیج مەنعش نیەن شیرینەن وەتەن
دەورانوو جوانیش ئاماوە یادٚش
بە تاک و تەنیا نیەن فەرادٚش
سەراسەر هەوار کەردش چەماوچەم
دیش فەرادٚ نیەن خاترش بی جەم
پێرار هەڕاویێ ئاماوە
یادش
یەک ساڵەن لوان شیرین، فەرادٚش
دیش بە چەم ئەدٚام پلوور و هانە
فەڕە و نێشاتش، هـەوارەکانە
کونەئاوەکێش دەورانوو جوانی
هانە و چاوانە ڕاو گۆزیبانی
چەم بە هەرسیوە، بە دڵی خەمین
لوا سوجدەوە، ماچش کەرد زەمین
واتش چکۆنێ هامسا و بەر هامسا
گەلە دۆشانە، ژەنی چوون ئەوسا
حەرچن سازیان چن یانێ تازێ
بەڵام چۆڵ و هۆڵ، نیەن شابازێ
بە چۆڵش زانا ئی ماوا و مڵکە
چوون کەسش نەدٚی، کەرۆنەش خوڵکە
بە دڵ کریابێش تاسەو کەلارا
داوداو کەرێنێ چەنی هەسارا
نەدٚاش مۆڵەتش، قەڵەمی تەقدیر
هامسا و بەرهامسا گردش شی جە ویر
بە تۆزەو ڕایوە، مانیایش نسیاوە
حەرزوو پەلەپەل، کۆچش گـێڵاوە
کاول کەش و کۆ تۆش بڕیای چەنە
مانیایت بەرنەشی،کەردیش دڵمەنە
هەوارەکۆنە، شەو مەنزڵگاتەن
هانیێ و هەڕاویێ، جای سەیرانگاتەن
کەوتە بێ سەرەش هەوا و هەواری
کەردش تەوافش،پەی ئاخر جاری
پەی ئەدٚا و بابەیم، تاسەمەن خەیلێ
پار مەجنوون لوا، ئێساڵیچ لەیلێ
کێ ئیترگێڵۆ، هەوار بە هەوار
هانیێ و هەڕاویێ، هۆر بدٚو دەوار
شەرتەن ڕام کەوتە هەوارەکۆنە
خاکش ماچ کەروو، چوون یاگێ تۆنە
دوکترەو نەهەی، شارەزا و ژیرە
گران قیمەتیە، چوون تڵا و لیرە
سەدٚ بابە و فەرزەند جە هەم جیا کەرد
پەی ئاخریما ئاخ و داخ و دەرد
وەشڵەیم ویەردەی، وشڵەیم قەدٚیمی
ئیسە مزانوو سەخـتەن هەتیمی
پێشکەش بە ڕۆحی پاکوو ئەڐای زەحمەت کێشێم، ڕەحمەتی؛ #نەجات_سەلیمی
✍#خوڐابەخش_سەلیمی_پاڵنگان
Ｃ᭄❁࿇༅══════┅─
@siyawkam
هەقێقەت ئەڐام دوکترە بێ، نزیکوو شەس ساڵێ هەرمانەو نەهوەگرتەیش کەردە، سەڐها نەفەرێش وەشێ کەردێنێوە نە تەنیا خەڵکوو پاڵنگانی هینوو دەگایەکاو دەور و بەروو پاڵنگانیچ. خەیر هەرمانەو نەهەوه گرتەی جە سەرە کەوتەی زانێ پەشت‌گۆش یانی حیجامەت کەرێ، زاڕۆیە مڵاشیش کەوتایا، فریشکش کەوتایا ئاسان گێرێشوە
ئانەنە دوکتر جەهەرمانەو نەهەی نمەزانۆ
هۆشما نەشۆ گردوو هەرمانەکاش وەروو ڕەزاو خوڐای بێ
دوکتر نەجاتێ شۆنەو ۹۴ ساڵێ عەمریرە
جەشاروو کامیارانینە ئارەزوو هەواروو هانیێش کریا لواوە سەرکێشی چوون لانی کەموە حەفتا ساڵێ هوارەو هوارش کەردەن، چنها کەپروو کەلارەو کۆڵیتش هۆرچنیەن حەر دڵش تەنگ بۆ دوێ ڕوێ بلۆوە دیڐەنش قسمەت پاسەبی لوا سەیروو وەتەنیش کەرد شاڐە بیەوە بەکەپروو کەلارەکاو هواری ، بەعەمرەو خوڐای حەر ئەچاگەنە فەوتش کەرد ،
ئا ئینسانێ خزمەت بە کۆمەڵگای کەرێنێ گرد بارگەو بنەشا پێچاوە ڕوو بەشاروو خامۆشا ئەی داخەم مەشۆ
سەردا هانیێ بە یادٚو جارا
کەردش تەماشاو کۆنەهەوارا
کەردش توافش، توەن بە توەن
هیج مەنعش نیەن شیرینەن وەتەن
دەورانوو جوانیش ئاماوە یادٚش
بە تاک و تەنیا نیەن فەرادٚش
سەراسەر هەوار کەردش چەماوچەم
دیش فەرادٚ نیەن خاترش بی جەم
پێرار هەڕاویێ ئاماوە
یادش
یەک ساڵەن لوان شیرین، فەرادٚش
دیش بە چەم ئەدٚام پلوور و هانە
فەڕە و نێشاتش، هـەوارەکانە
کونەئاوەکێش دەورانوو جوانی
هانە و چاوانە ڕاو گۆزیبانی
چەم بە هەرسیوە، بە دڵی خەمین
لوا سوجدەوە، ماچش کەرد زەمین
واتش چکۆنێ هامسا و بەر هامسا
گەلە دۆشانە، ژەنی چوون ئەوسا
حەرچن سازیان چن یانێ تازێ
بەڵام چۆڵ و هۆڵ، نیەن شابازێ
بە چۆڵش زانا ئی ماوا و مڵکە
چوون کەسش نەدٚی، کەرۆنەش خوڵکە
بە دڵ کریابێش تاسەو کەلارا
داوداو کەرێنێ چەنی هەسارا
نەدٚاش مۆڵەتش، قەڵەمی تەقدیر
هامسا و بەرهامسا گردش شی جە ویر
بە تۆزەو ڕایوە، مانیایش نسیاوە
حەرزوو پەلەپەل، کۆچش گـێڵاوە
کاول کەش و کۆ تۆش بڕیای چەنە
مانیایت بەرنەشی،کەردیش دڵمەنە
هەوارەکۆنە، شەو مەنزڵگاتەن
هانیێ و هەڕاویێ، جای سەیرانگاتەن
کەوتە بێ سەرەش هەوا و هەواری
کەردش تەوافش،پەی ئاخر جاری
پەی ئەدٚا و بابەیم، تاسەمەن خەیلێ
پار مەجنوون لوا، ئێساڵیچ لەیلێ
کێ ئیترگێڵۆ، هەوار بە هەوار
هانیێ و هەڕاویێ، هۆر بدٚو دەوار
شەرتەن ڕام کەوتە هەوارەکۆنە
خاکش ماچ کەروو، چوون یاگێ تۆنە
دوکترەو نەهەی، شارەزا و ژیرە
گران قیمەتیە، چوون تڵا و لیرە
سەدٚ بابە و فەرزەند جە هەم جیا کەرد
پەی ئاخریما ئاخ و داخ و دەرد
وەشڵەیم ویەردەی، وشڵەیم قەدٚیمی
ئیسە مزانوو سەخـتەن هەتیمی
پێشکەش بە ڕۆحی پاکوو ئەڐای زەحمەت کێشێم، ڕەحمەتی؛ #نەجات_سەلیمی
✍#خوڐابەخش_سەلیمی_پاڵنگان
Ｃ᭄❁࿇༅══════┅─
@siyawkam
Telegram
attach 📎