#شنەشنەو_پاییزی 🍁
شنەشن ئاما، فەسڵەکەی پاییز
گەردەلوول وەردان هەوارگەی ئازیز
بارشا پێچانوە یاران جە هەوار
چۆڵ کەرا بارگە و کەپران و دەوار
واگێجەی پێچیان تەختوو هەواری
گفـت و گۆشانە دۆس و دڵداری
ماچا ئاماوە هەم پاییز دیسان
هەی‌هوو تا وەهار وینمێەوە دۆسان
باربەنیشانە خێڵخانەو یارا
تەم و تواڵیشەن سەرکەشوو دیارا
تەختانێ چۆڵێ، بێرەگای ماتێ
پەڕەن دڵوو ئەمن، هەزار ئاواتێ
سەرکەشان گێرتەن ژاڵی نەوپاییز
پەپوو موانۆ هەوارگەی ئازیز
نسار و وەرەتاو، کۆپڕا یەکجاری
ماویـیە بێ ئادٚیچ، سەوزی وەهاری
خەیر پووش و پەڵای، هیچێ نەمەنەن
پاییز ڕەنگ زەردیش ئەو هەوار مەنەن
ئارگای خامۆشێ هەواری بێ‌دەنگ
حەر پەپوون وانۆ بە دڵێوە تەنگ
نە قیژەو کناچا، نە دەنگوو شوانەی
مات و بێ دەنگەن، ڕاو سەروو هانەی
هەوار پەرێشان جە کۆچوو یارا
دیسان کەی بەیوە کۆچوو نازارا
هەی هوو مەحاڵان تا وەهارێ‌تەر
کێتەرەن مانۆ تا ساڵێوەتەر
پاییز داش جواو لەیلم جە هەوار
ها منیچ پۆشام سیاوپۆشی دەوار
✍ #جەماڵ_سەلیمی
( #ڕاویار )
دەگاو جـــــــــۆڵانـــــــــدێ
@joolandeh
شنەشن ئاما، فەسڵەکەی پاییز
گەردەلوول وەردان هەوارگەی ئازیز
بارشا پێچانوە یاران جە هەوار
چۆڵ کەرا بارگە و کەپران و دەوار
واگێجەی پێچیان تەختوو هەواری
گفـت و گۆشانە دۆس و دڵداری
ماچا ئاماوە هەم پاییز دیسان
هەی‌هوو تا وەهار وینمێەوە دۆسان
باربەنیشانە خێڵخانەو یارا
تەم و تواڵیشەن سەرکەشوو دیارا
تەختانێ چۆڵێ، بێرەگای ماتێ
پەڕەن دڵوو ئەمن، هەزار ئاواتێ
سەرکەشان گێرتەن ژاڵی نەوپاییز
پەپوو موانۆ هەوارگەی ئازیز
نسار و وەرەتاو، کۆپڕا یەکجاری
ماویـیە بێ ئادٚیچ، سەوزی وەهاری
خەیر پووش و پەڵای، هیچێ نەمەنەن
پاییز ڕەنگ زەردیش ئەو هەوار مەنەن
ئارگای خامۆشێ هەواری بێ‌دەنگ
حەر پەپوون وانۆ بە دڵێوە تەنگ
نە قیژەو کناچا، نە دەنگوو شوانەی
مات و بێ دەنگەن، ڕاو سەروو هانەی
هەوار پەرێشان جە کۆچوو یارا
دیسان کەی بەیوە کۆچوو نازارا
هەی هوو مەحاڵان تا وەهارێ‌تەر
کێتەرەن مانۆ تا ساڵێوەتەر
پاییز داش جواو لەیلم جە هەوار
ها منیچ پۆشام سیاوپۆشی دەوار
✍ #جەماڵ_سەلیمی
( #ڕاویار )
دەگاو جـــــــــۆڵانـــــــــدێ
@joolandeh
ئـەگـەر سی دڐانم بـەگاز هـۆرکێشا
من جە زوانو وێم نمەکەروو حەشا
حەر بە هەورامی قامەت ماروونە
دلـۆرە و تلـۆرەیـچ پـاسە بـەروونە
غەیرەزوو خوڐای چۆکێ نمەبەروو
تەنیا پـەی خـوڐای بەنـڐەیی کەروو
✍ #جەماڵ_سەلیمی
( #ڕاویار )
دەگاو جـــــــۆڵانـــــــــدێ
@joolandeh
من جە زوانو وێم نمەکەروو حەشا
حەر بە هەورامی قامەت ماروونە
دلـۆرە و تلـۆرەیـچ پـاسە بـەروونە
غەیرەزوو خوڐای چۆکێ نمەبەروو
تەنیا پـەی خـوڐای بەنـڐەیی کەروو
✍ #جەماڵ_سەلیمی
( #ڕاویار )
دەگاو جـــــــۆڵانـــــــــدێ
@joolandeh
#ئــــەدٚا !!
ئـەدٚا !! تاریـفت نـمە کریۆ بەدەم
نەدڵ ڕاش بـۆوە نە ویـنایی چەم
نەمەژگ تـاوۆنـە بارۆنـەش بـەویر
نەسەر هەن تەوان بدٚونەش تەسویر
چێـشەن لایقوو دڵـسۆزی تـۆبـۆ ؟
شیشێوە عـەتـر یاشـاخێ گوڵ بۆ
ئینێ کەی لایق بۆی وەشوو تۆنێ
لاو هەناسەو تۆ بێ ڕەنگوو بۆنێ !!
کێ تاوۆ ڕۆیە وەسـفوو تـۆ کەرۆ ؟
کـام قـەڵەم تـاواش نـامێ تـۆ بـەرۆ
کـێ زانۆ بـاسـوو ئـەدٚای بـنویـسۆ
ئەگەر شەووڕۆ ساڵانیـچ نـووسـۆ
عێلمت بەحر بـۆ شەپـۆلێ شانۆ
قاقەزوو قـەڵەم دەفتەر نـەمـانۆ
چناریچ قەڵەم ، بەحر جەوهـەرش
هێڵای نمەنویسیۆ نیمیە گەۆهەرش
هیشتای کەم مارۆ جە وەسفی ئەدٚا
ئەوکەس بزانۆش مـەر تەنـیا خودٚا
دەسووروو وێشەن فەرمانوو خودٚاین
بەهەشت نزیکوو چیروو پاوو ئەدٚاین
چێشش گێڵنووە تاریـفش کەروو ؟
بەکام ڕوویەوە من نامێش بەروو
جەلایەلایەش بەشکوو من بووسوو
لاموە نیشۆرە هـەتا نەتـەرسوو
جەکزیش واچوو یا شەو بـێدٚاریش ؟
جە هەرسەو چەماش یاجە هەژاریش
یاجە جەزرەواوو زەجروو ڕۆژگاری ؟
یاجـە مەیـنەتـوو دەردەو نـەدٚاری
هێڵای هەن گۆشم دۆعایاو خەێریش
تەنگوو مەغریوو سۆحوو سەحەریش
ئـەدٚا جەبـاست مـن زوانـم لاڵـەن
تـاریفت بەدەم پەرێـم مـەحاڵـەن
ڕاویار دێوانەن وەسفوو تـۆ کـەرۆ
کەی هـەن تەوانش نامێ تـۆ بـەرۆ
مەگەر هـەر خودٚا جەزات بدٚۆ پـەنە
منیچ چوون قیبلەم ڕوەت کەروو وەنە
ڕۆ گـردوو ئـەدٚایـا مـوارەک بـۆ
#جەماڵ_سەلیمی
#ڕاویار
دەگاو جــــــــۆڵانـــــــــدێ
@joolandeh
ئـەدٚا !! تاریـفت نـمە کریۆ بەدەم
نەدڵ ڕاش بـۆوە نە ویـنایی چەم
نەمەژگ تـاوۆنـە بارۆنـەش بـەویر
نەسەر هەن تەوان بدٚونەش تەسویر
چێـشەن لایقوو دڵـسۆزی تـۆبـۆ ؟
شیشێوە عـەتـر یاشـاخێ گوڵ بۆ
ئینێ کەی لایق بۆی وەشوو تۆنێ
لاو هەناسەو تۆ بێ ڕەنگوو بۆنێ !!
کێ تاوۆ ڕۆیە وەسـفوو تـۆ کەرۆ ؟
کـام قـەڵەم تـاواش نـامێ تـۆ بـەرۆ
کـێ زانۆ بـاسـوو ئـەدٚای بـنویـسۆ
ئەگەر شەووڕۆ ساڵانیـچ نـووسـۆ
عێلمت بەحر بـۆ شەپـۆلێ شانۆ
قاقەزوو قـەڵەم دەفتەر نـەمـانۆ
چناریچ قەڵەم ، بەحر جەوهـەرش
هێڵای نمەنویسیۆ نیمیە گەۆهەرش
هیشتای کەم مارۆ جە وەسفی ئەدٚا
ئەوکەس بزانۆش مـەر تەنـیا خودٚا
دەسووروو وێشەن فەرمانوو خودٚاین
بەهەشت نزیکوو چیروو پاوو ئەدٚاین
چێشش گێڵنووە تاریـفش کەروو ؟
بەکام ڕوویەوە من نامێش بەروو
جەلایەلایەش بەشکوو من بووسوو
لاموە نیشۆرە هـەتا نەتـەرسوو
جەکزیش واچوو یا شەو بـێدٚاریش ؟
جە هەرسەو چەماش یاجە هەژاریش
یاجە جەزرەواوو زەجروو ڕۆژگاری ؟
یاجـە مەیـنەتـوو دەردەو نـەدٚاری
هێڵای هەن گۆشم دۆعایاو خەێریش
تەنگوو مەغریوو سۆحوو سەحەریش
ئـەدٚا جەبـاست مـن زوانـم لاڵـەن
تـاریفت بەدەم پەرێـم مـەحاڵـەن
ڕاویار دێوانەن وەسفوو تـۆ کـەرۆ
کەی هـەن تەوانش نامێ تـۆ بـەرۆ
مەگەر هـەر خودٚا جەزات بدٚۆ پـەنە
منیچ چوون قیبلەم ڕوەت کەروو وەنە
ڕۆ گـردوو ئـەدٚایـا مـوارەک بـۆ
#جەماڵ_سەلیمی
#ڕاویار
دەگاو جــــــــۆڵانـــــــــدێ
@joolandeh