دڵ چننە پەرسۆ لەیلەکێم مەیل و دڵت چی ئاس جیا؟
تۆنی هەراڵەو باخەکەیم بۆ سەرچڵت چی ئاس جیا؟
گردوو شەوێ مجیۆ دڵم، یەڵداو خیاڵوو بێکەسی
ئازیزەکێم گەرمی دڵی قوڵبەقوڵت چی ئاس جیا؟
شاروو غەریوی چێش کەری قاڵاو موانۆ لالەزار
شێعر و عەرووزم وێتەنی دەی بوڵبوڵت چی ئاس جیا؟
وشکا چەمەو ئاواتەکام بۆرێ هەراڵەو حەسرەتام
خاکوو ئەوینی و ئارەزووی پەڕحاسڵت چی ئاس جیا؟
کەپرەو هەواروو خاترا هەرچی دیا نەویەی دیار
یانەم دەمێو کاول بیەن سەرمەنزڵت چی ئاس جیا؟
زەردا بزەو زەردی لوای، سەردەن دەمەو چۆڵی دڵی
هەو لەیلەکێم جەرگی برێژیا و وڵوڵت چی ئاس جیا؟
نام و نێشانوو تۆ مەنەن یانەو خیاڵوو بێکەسی
شێت و هەراس و بێ خەوەر ناغافڵت چی ئاس جیا؟
#فه‌یسه‌ڵ_هێدایه‌تی
@joolandeh
تۆنی هەراڵەو باخەکەیم بۆ سەرچڵت چی ئاس جیا؟
گردوو شەوێ مجیۆ دڵم، یەڵداو خیاڵوو بێکەسی
ئازیزەکێم گەرمی دڵی قوڵبەقوڵت چی ئاس جیا؟
شاروو غەریوی چێش کەری قاڵاو موانۆ لالەزار
شێعر و عەرووزم وێتەنی دەی بوڵبوڵت چی ئاس جیا؟
وشکا چەمەو ئاواتەکام بۆرێ هەراڵەو حەسرەتام
خاکوو ئەوینی و ئارەزووی پەڕحاسڵت چی ئاس جیا؟
کەپرەو هەواروو خاترا هەرچی دیا نەویەی دیار
یانەم دەمێو کاول بیەن سەرمەنزڵت چی ئاس جیا؟
زەردا بزەو زەردی لوای، سەردەن دەمەو چۆڵی دڵی
هەو لەیلەکێم جەرگی برێژیا و وڵوڵت چی ئاس جیا؟
نام و نێشانوو تۆ مەنەن یانەو خیاڵوو بێکەسی
شێت و هەراس و بێ خەوەر ناغافڵت چی ئاس جیا؟
#فه‌یسه‌ڵ_هێدایه‌تی
@joolandeh
سۆز و ئەوین و دڵبەری بی لالەزار یانی غەزەڵ
هانە و چەمەن، سەیروو چەمی، بەرزی چنار یانی غەزەڵ
بوڵبوڵ موانۆ دەم بە دەم پەی تۆ کەرۆ ڕازەو دڵی
شەوگار تەمام هۆرزەو سەحەر دانش دیار یانی غەزەڵ
ئاوی و چەمێ، لاو و شەتاو، پەنگوو دەری کەردش کەلاو
بادەو جوانی سەرکەرۆ، پۆڕا وەهار یانی غەزەڵ
وێشە و سلۆر، دار و چرۆ، دوورەو دیارا ئەرخەوان
داشا هەراڵێ یۆ بە یۆ ساوی و هەنار یانی غەزەڵ
تاسەو دیای، نازوو چەما وەختا دەلاقێ بەربشا
ئیشارەتێ پەشتەو بەرەی، قەوڵ و قەرار یانی غەزەڵ
عەیش و نێشات، ساز و نەوا، ساقی و شەراو بورێ بلم
ڕەشت و نکا، ساری و گیلان، دەریاکەنار یانی غەزەڵ
دۆس و ڕەفێق، بادە و ژوان، نەرم و نیان، سات و زەمان
وەزنە و عەرووز، مستەفعەلونێ هەر چوار یانی غەزەڵ
هەرزێ و نەزانێ و ناکەسێ، شێتێ مەواچا ئاشقا
ئاشق ئەگەر مەستانە بۆ کاخ و دەوار یانی غەزەڵ
دەریا و بەر و بووم و کەویر کەردێت غەزەڵ ئەشق و ئەوین
عێلم و ئەدەب، سۆز و خیاڵت تاسەبار یانی غەزەڵ
#فه‌یسه‌ڵ_هێدایه‌تی
@joolandeh
هانە و چەمەن، سەیروو چەمی، بەرزی چنار یانی غەزەڵ
بوڵبوڵ موانۆ دەم بە دەم پەی تۆ کەرۆ ڕازەو دڵی
شەوگار تەمام هۆرزەو سەحەر دانش دیار یانی غەزەڵ
ئاوی و چەمێ، لاو و شەتاو، پەنگوو دەری کەردش کەلاو
بادەو جوانی سەرکەرۆ، پۆڕا وەهار یانی غەزەڵ
وێشە و سلۆر، دار و چرۆ، دوورەو دیارا ئەرخەوان
داشا هەراڵێ یۆ بە یۆ ساوی و هەنار یانی غەزەڵ
تاسەو دیای، نازوو چەما وەختا دەلاقێ بەربشا
ئیشارەتێ پەشتەو بەرەی، قەوڵ و قەرار یانی غەزەڵ
عەیش و نێشات، ساز و نەوا، ساقی و شەراو بورێ بلم
ڕەشت و نکا، ساری و گیلان، دەریاکەنار یانی غەزەڵ
دۆس و ڕەفێق، بادە و ژوان، نەرم و نیان، سات و زەمان
وەزنە و عەرووز، مستەفعەلونێ هەر چوار یانی غەزەڵ
هەرزێ و نەزانێ و ناکەسێ، شێتێ مەواچا ئاشقا
ئاشق ئەگەر مەستانە بۆ کاخ و دەوار یانی غەزەڵ
دەریا و بەر و بووم و کەویر کەردێت غەزەڵ ئەشق و ئەوین
عێلم و ئەدەب، سۆز و خیاڵت تاسەبار یانی غەزەڵ
#فه‌یسه‌ڵ_هێدایه‌تی
@joolandeh
ولەو نیلووفەڕوو تاسەو دلێ ئاوێ وەشەم مسیەی
پێسەو نم نم نمەو وارای دماو تاوێ وەشەم مسیەی
وەهاروو وشکەساڵی بۆ! مەسێحا په‌ی دڵەی زارم
چەنی شەونم چنۆ تەژنایی ڕیواوێ وەشەم مسیەی
شەماڵوو نیمەڕۆی شن شن شنەش بەی لانساراوە
چنوور چن تاسەبارا بەی وەروو کاوێ وەشەم مسیەی
وەنەوشەو لاو جوەو ئەشقی! مزانی نەوهارانی
چرۆ داری، هەراڵەو نەوبەروو ساوێ وەشەم مسیەی
شەوێ وەختێ وەرم گێرۆ وەروو مانگەو وەساڵیما
چەنی پەخشێ مەوا چین چین قژێ خاوێ وەشەم مسیەی
تەعالەڵڵا وەروو سۆحی چەنی تاویۆنە شەوگاری
عەزیزەم بۆ وەنەوزەو دیدٚە بێ خاوێ وەشەم مسیەی
دیای سۆحی ولەو شەرمی، چەماوچەم نیم نگایێو بۆ
شەراوو سەروەشی تاسەی هەزار باوێ وەشەم مسیەی
هەزار تیرێم شەنێ پەی پەی دەسم دەسگیر نەوی باڵایت
ئەشق! تاویۆوە ئا ڕای مەی بۆرێ تاوێ وەشەم مسیەی
بڵێسەو ئایێروو دووری وجوودٚت تاسەبار سۆچۆ
گڕەو واری دەمش بنیۆنە وەرواوێ وەشەم مسیەی
#فه‌یسه‌ڵ_هێدایه‌تی
@joolandeh
پێسەو نم نم نمەو وارای دماو تاوێ وەشەم مسیەی
وەهاروو وشکەساڵی بۆ! مەسێحا په‌ی دڵەی زارم
چەنی شەونم چنۆ تەژنایی ڕیواوێ وەشەم مسیەی
شەماڵوو نیمەڕۆی شن شن شنەش بەی لانساراوە
چنوور چن تاسەبارا بەی وەروو کاوێ وەشەم مسیەی
وەنەوشەو لاو جوەو ئەشقی! مزانی نەوهارانی
چرۆ داری، هەراڵەو نەوبەروو ساوێ وەشەم مسیەی
شەوێ وەختێ وەرم گێرۆ وەروو مانگەو وەساڵیما
چەنی پەخشێ مەوا چین چین قژێ خاوێ وەشەم مسیەی
تەعالەڵڵا وەروو سۆحی چەنی تاویۆنە شەوگاری
عەزیزەم بۆ وەنەوزەو دیدٚە بێ خاوێ وەشەم مسیەی
دیای سۆحی ولەو شەرمی، چەماوچەم نیم نگایێو بۆ
شەراوو سەروەشی تاسەی هەزار باوێ وەشەم مسیەی
هەزار تیرێم شەنێ پەی پەی دەسم دەسگیر نەوی باڵایت
ئەشق! تاویۆوە ئا ڕای مەی بۆرێ تاوێ وەشەم مسیەی
بڵێسەو ئایێروو دووری وجوودٚت تاسەبار سۆچۆ
گڕەو واری دەمش بنیۆنە وەرواوێ وەشەم مسیەی
#فه‌یسه‌ڵ_هێدایه‌تی
@joolandeh
چننە سەختا چێگە ژیوای وەر پڕا پەی کۆی لوا؟
ئی خەمێ پەی کۆی مه‌یا سەیر و سەفا پەی کۆی لوا؟
نالەباری ڕۆزگاری هەر دەمێ سازێو ژەنۆ
نیمەژیوایەو هەناسەی چی لوا پەی کۆی لوا؟
چیمەن و ئاو و هەوای پاک ئی وەڵاتەی ناتەسەر
قیمەت و قەدٚرش نەوێ حەمد و سەنا پەی کۆی لوا؟
ئی دەلاقێ چننە بدٚیا ئەو خیابان بێ سەمەر؟
تۆریا وەیوەو خیاڵی کۆن زەما پەی کۆی لوا؟
نەووهار ئاما و نەدۆنام شێعرەکێم سۆزش پڕا
بێ وەفا ئاسش جیا هەو ساقیا پەی کۆی لوا؟
کەس نمەی پەشتەو بەریما ئامەشۆ یارا جەفان
یاڕەبی کۆنێ کەسێ دڵ تاسیا پەی کۆی لوا؟
شەوچەرەو ئەنجومەنی یادٚم مەشۆ یادٚش بە خەیر
مەحفلوو دۆسی ئەدیبا بینیا پەی کۆی لوا؟
کۆن شنەو سۆحوو وەهاری ئەی نسیموو شارەکەیم؟
قافیەو وانەو عەروزوو ئا ڕوا پەی کۆی لوا؟
مەدرەسەو وانەو زوانوو شارەکەیم وانەش نیا
وانەرێ و ئۆسا مەپیویا تاسەما پەی کۆی لوا؟
تاسەبار تاسێ فرێنێ بێ وەفایی باوشا
یا ڕەسووله‌ڵڵا شەفاعەت چی نیا پەی کۆی لوا؟
✍ #فه‌یسه‌ڵ_هێدایه‌تی
@joolandeh
ئی خەمێ پەی کۆی مه‌یا سەیر و سەفا پەی کۆی لوا؟
نالەباری ڕۆزگاری هەر دەمێ سازێو ژەنۆ
نیمەژیوایەو هەناسەی چی لوا پەی کۆی لوا؟
چیمەن و ئاو و هەوای پاک ئی وەڵاتەی ناتەسەر
قیمەت و قەدٚرش نەوێ حەمد و سەنا پەی کۆی لوا؟
ئی دەلاقێ چننە بدٚیا ئەو خیابان بێ سەمەر؟
تۆریا وەیوەو خیاڵی کۆن زەما پەی کۆی لوا؟
نەووهار ئاما و نەدۆنام شێعرەکێم سۆزش پڕا
بێ وەفا ئاسش جیا هەو ساقیا پەی کۆی لوا؟
کەس نمەی پەشتەو بەریما ئامەشۆ یارا جەفان
یاڕەبی کۆنێ کەسێ دڵ تاسیا پەی کۆی لوا؟
شەوچەرەو ئەنجومەنی یادٚم مەشۆ یادٚش بە خەیر
مەحفلوو دۆسی ئەدیبا بینیا پەی کۆی لوا؟
کۆن شنەو سۆحوو وەهاری ئەی نسیموو شارەکەیم؟
قافیەو وانەو عەروزوو ئا ڕوا پەی کۆی لوا؟
مەدرەسەو وانەو زوانوو شارەکەیم وانەش نیا
وانەرێ و ئۆسا مەپیویا تاسەما پەی کۆی لوا؟
تاسەبار تاسێ فرێنێ بێ وەفایی باوشا
یا ڕەسووله‌ڵڵا شەفاعەت چی نیا پەی کۆی لوا؟
✍ #فه‌یسه‌ڵ_هێدایه‌تی
@joolandeh
هەوڵی چناروو مەینەتیش زاری کەرۆ داروو خەمی
وشکا پەل و پۆپە و گەڵاش یانی وەفاداروو خەمی
کۆچوو وەهاری کێ دیەن پەی کۆی بلۆ بار و بنەش
میرزا مەلوول و ماتەما مەحزوون گرفتاروو خەمی
ویمیر ئێساڵ کەیفش نیا چۆڕەش نمەی وار هانەساو
هاوار مەناڵۆ زار بە زار شێعرێش بیێ زاروو خەمی
مووزەو وەڵاتی بینیا دەنگ و نەواو لوولێ نمەی
با بەی نەوایێو هەو سەیادٚ شارم بیەن شاروو خەمی
بێ تۆ هەناسەو ئارەزووی زیننانیەن پاوەو دڵی
ناشارەزاو ئی شارەیا تاروو تەمێن تاروو خەمی
یانە و مەکۆو ئاواتەکات ئەنجومەنوو دۆسایەتی
شار و خیابان ماتەمێ بۆرێ کەرش چاروو خەمێ
قەوڵ و قەرارش پاسەبێ باسوو خەمی بینۆ غەزەڵ
وێشا مەیۆ سۆزوو دڵی ماران¬گەزوو ماروو خەمی
یاڕەب پەنام تۆنی ڕەبی لاڵە و تکام یانەو هەقی
کۆڕوو ئەدیبا بێ سەیادٚ گردێ برینداروو خەمی
کەعبەو هەقی سوجدێ بەرۆ تاسێش فرێنێ تاسەبار
چەم ئێنتزارا کەی بەیەو بۆ ژیرە دڵداروو خەمی
✍ #فه‌یسه‌ڵ_هێدایه‌تی
@joolandeh
وشکا پەل و پۆپە و گەڵاش یانی وەفاداروو خەمی
کۆچوو وەهاری کێ دیەن پەی کۆی بلۆ بار و بنەش
میرزا مەلوول و ماتەما مەحزوون گرفتاروو خەمی
ویمیر ئێساڵ کەیفش نیا چۆڕەش نمەی وار هانەساو
هاوار مەناڵۆ زار بە زار شێعرێش بیێ زاروو خەمی
مووزەو وەڵاتی بینیا دەنگ و نەواو لوولێ نمەی
با بەی نەوایێو هەو سەیادٚ شارم بیەن شاروو خەمی
بێ تۆ هەناسەو ئارەزووی زیننانیەن پاوەو دڵی
ناشارەزاو ئی شارەیا تاروو تەمێن تاروو خەمی
یانە و مەکۆو ئاواتەکات ئەنجومەنوو دۆسایەتی
شار و خیابان ماتەمێ بۆرێ کەرش چاروو خەمێ
قەوڵ و قەرارش پاسەبێ باسوو خەمی بینۆ غەزەڵ
وێشا مەیۆ سۆزوو دڵی ماران¬گەزوو ماروو خەمی
یاڕەب پەنام تۆنی ڕەبی لاڵە و تکام یانەو هەقی
کۆڕوو ئەدیبا بێ سەیادٚ گردێ برینداروو خەمی
کەعبەو هەقی سوجدێ بەرۆ تاسێش فرێنێ تاسەبار
چەم ئێنتزارا کەی بەیەو بۆ ژیرە دڵداروو خەمی
✍ #فه‌یسه‌ڵ_هێدایه‌تی
@joolandeh
ئایرت وەردانە شێعرەم یانەوێران و خەمین
مەیلەکەت با بەی عەزیزم دڵ پەڕا سۆز و ئەوین
وەش‌کەلام و وەش‌خەیاڵ! نەوهەراڵەو شێعرەکام!
عەکسەکەت ئاما وەشیشا دیدٚەم و سارای جەبین
با غەزەڵ‌واران کەروو من هەر جە پا تا لاو سەرەی
شێونات یانەو خەما ئازیزەکێم سەدٚ ئافرین
ئا چەم و چەرخه‌ت هەسارا کینە هۆرگێرتەن وەنە
ئاسمان پەیت شەرمەسارا تاقە ڕۆجیاری زەمین
قامەتت بەرزی چناری سینەساوی دەم هەنار
سەر هەتا واری ئەوینا قامەتت گردش مەکین
گەردەنی بەرزت بلوورەن چەرمەتەر وەروەو تەتەی
عاجزەن خامە و خیاڵم پەی نگاریت ماتەمین
حەوت وەڵاتێم گرد بدٚانێ پەی دیای نازیت کەما
دڵبەرم تەنیا تۆنی و بەس با وزانێم بەر جە دین
من نەچیروو کاوەکاوا دوور جە جاسووسگاو چەمات
هەر بە ناکامی وسانێت سه‌دٚ ته‌ڵه و دام و کەمین
عەکسێتەر با بەی دڵم سەر تارە وار گرد قامەتت
با دیار بۆ لالەزارت لادە زوڵفێت چین بە چین
با گنۆ بەر سینە تا وار پەی شەفاو حوکموو چەمام
قسمەتم ئەر بی نگارم دەم دەمانێو سەر سەرین
لالەزاری نادیارت پەیم گوڵستانوو دڵین
کەڵ کەڵ و عەزمم تەوافەن ڕام بدٚەی ئەر نازەنین
#فه‌یسه‌ڵ_هێدایه‌تی
دەگاوجــــــۆڵانــــــــدێ
@joolandeh
مەیلەکەت با بەی عەزیزم دڵ پەڕا سۆز و ئەوین
وەش‌کەلام و وەش‌خەیاڵ! نەوهەراڵەو شێعرەکام!
عەکسەکەت ئاما وەشیشا دیدٚەم و سارای جەبین
با غەزەڵ‌واران کەروو من هەر جە پا تا لاو سەرەی
شێونات یانەو خەما ئازیزەکێم سەدٚ ئافرین
ئا چەم و چەرخه‌ت هەسارا کینە هۆرگێرتەن وەنە
ئاسمان پەیت شەرمەسارا تاقە ڕۆجیاری زەمین
قامەتت بەرزی چناری سینەساوی دەم هەنار
سەر هەتا واری ئەوینا قامەتت گردش مەکین
گەردەنی بەرزت بلوورەن چەرمەتەر وەروەو تەتەی
عاجزەن خامە و خیاڵم پەی نگاریت ماتەمین
حەوت وەڵاتێم گرد بدٚانێ پەی دیای نازیت کەما
دڵبەرم تەنیا تۆنی و بەس با وزانێم بەر جە دین
من نەچیروو کاوەکاوا دوور جە جاسووسگاو چەمات
هەر بە ناکامی وسانێت سه‌دٚ ته‌ڵه و دام و کەمین
عەکسێتەر با بەی دڵم سەر تارە وار گرد قامەتت
با دیار بۆ لالەزارت لادە زوڵفێت چین بە چین
با گنۆ بەر سینە تا وار پەی شەفاو حوکموو چەمام
قسمەتم ئەر بی نگارم دەم دەمانێو سەر سەرین
لالەزاری نادیارت پەیم گوڵستانوو دڵین
کەڵ کەڵ و عەزمم تەوافەن ڕام بدٚەی ئەر نازەنین
#فه‌یسه‌ڵ_هێدایه‌تی
دەگاوجــــــۆڵانــــــــدێ
@joolandeh
نازەنین دووری هەتا کەی؟ تر وەسێن دەرد و عەزاو
مێحنەتا زاموو جیایی دڵ کزەش مەی تاو بە تاو
جارێتەر بەشکەم بەیەو یانەو دڵی ئاوا کەری
نەونەماموو ئارەزووی گەش، سەرتەڵوو شادٚی خەواو
سەرچەمەو سەیروو سەراوا، بوڵبوڵ و بادە و وەشی
سەرمەسوو نازوو نێگاری، دەم بە دەم پەیکێو شەراو
بەننەنوو بەرزوو وەڵاتی پەی تۆ سەرسەوزا چنوور
ئارەزوو بەزم و وەشی و سەیر، قەڵوەز و سەوزە و سەراو
دڵ بە تاسەو تۆن نێگارم ئارەزوو تاسەیم پەڕا
تاقەت و سەبر و قەرارم سەرشیەن کەردش کەلاو
بەش شەماڵێو شنیۆ کاوا، وادٚەشا کەیلا دڵم
لادۆ چەتفە و ڕووسەری سوور با گنا بەر زڵفێ خاو
گەرمیان گەرما عەزیزم کەی متاوی بەر بەری؟
چێگە سەوز و سوور گۆراڵێ خەیمەشا دان تا لەواو
نمنمەو شێعرێم بۆ شەونم بەی منیشۆ سەرگۆنات
چن بوەو ئا زڵفە کاڵا شێعرەکێم بانێ گوڵاو
پلوورەوارانێ خیاڵیم ئەر دۆ ئەو شاروو چەمات
شێعرەکێم گرد بانێ واران سەرکەرا و یاوا شەتاو
دوودٚەری و باڵکون قەرارشا بێ قەرارا تا بەیەو
تا خیابان ئێنتزارا، کووچە وێران و خراو
ئەر نەیەو یانەو دڵیم یەکجار وێران و ماتەما
یا ڕبێ ژیوای ئەچینەی مێحنەتا ناری حەساو
دڵ برێشتەو تۆن عەزیزم ئایێروو دووری وەسێن
وێت برێشتەن نازەنینم وەس کەرەش قیمە و کەواو
سەروەت و دارا و نەدٚارام ئا چەما بەرد و لوای
پەیت جیا ئاسانێ تەنیا مەینەت و دەرد و زوخاو
قافیە و وەزنەم هەراسان جمعە بازارا غەزەڵ
دەفتەرێو شێعرێت کیاسێ، فەیسەڵا! نەژنیت جواو
✍ #فه‌یسه‌ڵ_هێدایه‌تی
دەگاو جــــــۆڵانــــــــدێ
@joolandeh
مێحنەتا زاموو جیایی دڵ کزەش مەی تاو بە تاو
جارێتەر بەشکەم بەیەو یانەو دڵی ئاوا کەری
نەونەماموو ئارەزووی گەش، سەرتەڵوو شادٚی خەواو
سەرچەمەو سەیروو سەراوا، بوڵبوڵ و بادە و وەشی
سەرمەسوو نازوو نێگاری، دەم بە دەم پەیکێو شەراو
بەننەنوو بەرزوو وەڵاتی پەی تۆ سەرسەوزا چنوور
ئارەزوو بەزم و وەشی و سەیر، قەڵوەز و سەوزە و سەراو
دڵ بە تاسەو تۆن نێگارم ئارەزوو تاسەیم پەڕا
تاقەت و سەبر و قەرارم سەرشیەن کەردش کەلاو
بەش شەماڵێو شنیۆ کاوا، وادٚەشا کەیلا دڵم
لادۆ چەتفە و ڕووسەری سوور با گنا بەر زڵفێ خاو
گەرمیان گەرما عەزیزم کەی متاوی بەر بەری؟
چێگە سەوز و سوور گۆراڵێ خەیمەشا دان تا لەواو
نمنمەو شێعرێم بۆ شەونم بەی منیشۆ سەرگۆنات
چن بوەو ئا زڵفە کاڵا شێعرەکێم بانێ گوڵاو
پلوورەوارانێ خیاڵیم ئەر دۆ ئەو شاروو چەمات
شێعرەکێم گرد بانێ واران سەرکەرا و یاوا شەتاو
دوودٚەری و باڵکون قەرارشا بێ قەرارا تا بەیەو
تا خیابان ئێنتزارا، کووچە وێران و خراو
ئەر نەیەو یانەو دڵیم یەکجار وێران و ماتەما
یا ڕبێ ژیوای ئەچینەی مێحنەتا ناری حەساو
دڵ برێشتەو تۆن عەزیزم ئایێروو دووری وەسێن
وێت برێشتەن نازەنینم وەس کەرەش قیمە و کەواو
سەروەت و دارا و نەدٚارام ئا چەما بەرد و لوای
پەیت جیا ئاسانێ تەنیا مەینەت و دەرد و زوخاو
قافیە و وەزنەم هەراسان جمعە بازارا غەزەڵ
دەفتەرێو شێعرێت کیاسێ، فەیسەڵا! نەژنیت جواو
✍ #فه‌یسه‌ڵ_هێدایه‌تی
دەگاو جــــــۆڵانــــــــدێ
@joolandeh
ڕۆیە مەی پەرسی هەواڵم، بێ هەواڵم کۆگە مەی؟
یانە کەیلوو هاڵیا بڕیاوە قاڵم کۆگە مەی؟
ئای شەوێم وسنای نەوینی بەی دیاروو بێکەسیم
وێم وتانی چۆتەرم بێ نەمی باڵم کۆگە مەی؟
ویرەوەریێ گرد لوای نامێ و هەواڵێو مەن جیا
سەدٚ بە نامێت بۆ دڵم مەگنی خیاڵم کۆگە مەی؟
تۆ مەسوو بادەو خیاڵوو بێ خیاڵی من بەڵام
سوورەنا سووروو لوای پەیمان بەتاڵم کۆگە مەی؟
خڕخڕەو شێعرەو جیایی نەیجەڵانش سۆچنا
مژنەوی ناڵەو دڵی، هاوار وە ماڵم کۆگە مەی؟
ها بیانی خاتراتێو شان بە شانوو هەورەکا
نەینە سرساڵوو مەزارێم نەینە زاڵم کۆگە مەی؟
ئی بەرێ ژنیای و پەپوولەو ئارەزووی زوو بی پڕووز
بووشمین کەی مەی بوەش دەور و مەحاڵم کۆگە مەی؟
چن چەمێم بڕیێ خیابان کۆرەڕاو بێ تاقەتی
ئاخروو قەوڵ و قەراری بی زواڵم کۆگە مەی؟
#فه‌یسه‌ڵ_هێدایه‌تی
دەگاو جـــــــۆڵانـــــــــدێ
@joolandeh
یانە کەیلوو هاڵیا بڕیاوە قاڵم کۆگە مەی؟
ئای شەوێم وسنای نەوینی بەی دیاروو بێکەسیم
وێم وتانی چۆتەرم بێ نەمی باڵم کۆگە مەی؟
ویرەوەریێ گرد لوای نامێ و هەواڵێو مەن جیا
سەدٚ بە نامێت بۆ دڵم مەگنی خیاڵم کۆگە مەی؟
تۆ مەسوو بادەو خیاڵوو بێ خیاڵی من بەڵام
سوورەنا سووروو لوای پەیمان بەتاڵم کۆگە مەی؟
خڕخڕەو شێعرەو جیایی نەیجەڵانش سۆچنا
مژنەوی ناڵەو دڵی، هاوار وە ماڵم کۆگە مەی؟
ها بیانی خاتراتێو شان بە شانوو هەورەکا
نەینە سرساڵوو مەزارێم نەینە زاڵم کۆگە مەی؟
ئی بەرێ ژنیای و پەپوولەو ئارەزووی زوو بی پڕووز
بووشمین کەی مەی بوەش دەور و مەحاڵم کۆگە مەی؟
چن چەمێم بڕیێ خیابان کۆرەڕاو بێ تاقەتی
ئاخروو قەوڵ و قەراری بی زواڵم کۆگە مەی؟
#فه‌یسه‌ڵ_هێدایه‌تی
دەگاو جـــــــۆڵانـــــــــدێ
@joolandeh
قەرار بێ بەی ولی و ڕێحانە باری
وەهاری سەوز ئەچی زمسانە باری
تەنوورەو باوشێ و لەلوەو خیاڵی
پەڕوو تاسەی وەفا و پەیمانە باری
هەناسێ ئارەزووی دەی وشکه‌زقمی
وەشی ژیوای و ئەشق ئەو یانە باری
یەخوو بێ‌بەینەتی تاونینە ژیوای
وەساڵ و مەیل جەنەو متمانە باری
دڵێو کەیلوو مەس و تاسەو ئەوینی
پێسەو مانگێ حەز و خەرمانە باری
شەکەر ماچێو کەناروو سەلسەبیلی
دەماودەم بەی دەمێو وێمانە باری
دڵم کەیلا جەهایکۆ و چەرمەواتەی
ڕەدیفێ و قافیە و پەخشانە باری
کڵێس و کاولوو کۆی، کافەشاپش
قەراروو نیمەڕۆی ئەو هانە باری
چنووروو بەرزەکاواو شانشینی
بوەو ئەشقی مدٚۆ بۆژانە باری
زلووبلیا بە من چێش هەنگوین هەن
قەرارا بەی و گەزۆ و دوڕدانە باری
#فه‌یسه‌ڵ_هێدایه‌تی
دەگاو جـــــــۆڵانـــــــدێ
@joolandeh
وەهاری سەوز ئەچی زمسانە باری
تەنوورەو باوشێ و لەلوەو خیاڵی
پەڕوو تاسەی وەفا و پەیمانە باری
هەناسێ ئارەزووی دەی وشکه‌زقمی
وەشی ژیوای و ئەشق ئەو یانە باری
یەخوو بێ‌بەینەتی تاونینە ژیوای
وەساڵ و مەیل جەنەو متمانە باری
دڵێو کەیلوو مەس و تاسەو ئەوینی
پێسەو مانگێ حەز و خەرمانە باری
شەکەر ماچێو کەناروو سەلسەبیلی
دەماودەم بەی دەمێو وێمانە باری
دڵم کەیلا جەهایکۆ و چەرمەواتەی
ڕەدیفێ و قافیە و پەخشانە باری
کڵێس و کاولوو کۆی، کافەشاپش
قەراروو نیمەڕۆی ئەو هانە باری
چنووروو بەرزەکاواو شانشینی
بوەو ئەشقی مدٚۆ بۆژانە باری
زلووبلیا بە من چێش هەنگوین هەن
قەرارا بەی و گەزۆ و دوڕدانە باری
#فه‌یسه‌ڵ_هێدایه‌تی
دەگاو جـــــــۆڵانـــــــدێ
@joolandeh
چەمێ پەی دیڐار نەگنۆ چەماوچەم
دڵێ پەی دووریت نەواردٚەبۆش خەم
هەناسه‌و تاسەی نەبۆ بە تەمە
ئەر هەڵسەو چەما نەبۆ بە چەمە
ئاسمانوو دڵی نەکەردٚەبۆش هەور
چەمەڕا نەبۆ چنی جەفا و جەور
زوان ئەر زکرش باسوو تۆ نەبۆ
ئەر زرینگه‌و گۆشی کاسوو تۆ نەبۆ
دڵ ئەگر ساچۆ نه‌بۆ شێت و هار
ئەر ساتێ بێ تۆ گێرتەبۆش قەرار
ئەر بێ خەم بووسۆ هەر شەو تا سەحەر
جە داخه‌و دووریت نەبۆ باخەبەر
ئەر چەم چەمەڕا بە تاسەت نەبۆ
هەناسەم ته‌مای هەناسەت نەبۆ
دڵێ ئەر نەبۆ سەدٚەقەو یاری
ئەگەر نەکێشۆ جەفاو دڵداری
ئانە دڵ نیا سیاو زوخاڵا
چنیش مەساچی ژیوایت مەحاڵا
فەیسەڵ وەسێشەن چن بێ عارەنی؟
پایزا تەمای نەو وەهارەنی
✍ #فه‌یسه‌ڵ_هێدایه‌تی
دەگاو جـــــــــۆڵانــــــــــدێ
@joolandeh
دڵێ پەی دووریت نەواردٚەبۆش خەم
هەناسه‌و تاسەی نەبۆ بە تەمە
ئەر هەڵسەو چەما نەبۆ بە چەمە
ئاسمانوو دڵی نەکەردٚەبۆش هەور
چەمەڕا نەبۆ چنی جەفا و جەور
زوان ئەر زکرش باسوو تۆ نەبۆ
ئەر زرینگه‌و گۆشی کاسوو تۆ نەبۆ
دڵ ئەگر ساچۆ نه‌بۆ شێت و هار
ئەر ساتێ بێ تۆ گێرتەبۆش قەرار
ئەر بێ خەم بووسۆ هەر شەو تا سەحەر
جە داخه‌و دووریت نەبۆ باخەبەر
ئەر چەم چەمەڕا بە تاسەت نەبۆ
هەناسەم ته‌مای هەناسەت نەبۆ
دڵێ ئەر نەبۆ سەدٚەقەو یاری
ئەگەر نەکێشۆ جەفاو دڵداری
ئانە دڵ نیا سیاو زوخاڵا
چنیش مەساچی ژیوایت مەحاڵا
فەیسەڵ وەسێشەن چن بێ عارەنی؟
پایزا تەمای نەو وەهارەنی
✍ #فه‌یسه‌ڵ_هێدایه‌تی
دەگاو جـــــــــۆڵانــــــــــدێ
@joolandeh