اسوي المعروف من طيب ذاتي
‏حتى الردي لا حام حولي كرمته .

سقى الله زمانٍ فات ماضنتي ينعاد
‏يوم الزمن خيره مغطي على شره .

ياحبيبي كان شوفك ماتهيا لايغيب الصوت يمال الغنيمه .

جيتك وفي صدري من البعد ضيقة
واقفيت اخاوي ضيقتي مثل ما جيت .

‏السوالف مع جنابك لها لون وطعم
‏والله اني لا لمحتك لقيت العافيه .

‏أذنَبت فيني عسى الله يغفر ذنوبك
‏و جرحتني جرح .. لا بعده ولا قبله .

‏بين الضّلوع العوج بيته ومرباه
‏مستوطن بوسط الحنايا لحاله .

‏الا يا وجودي وجد من خانه التعبير
‏تحاشى الكـلام ولا لقى مايعبر به .

‏محتار ما بين اندفاعيّ و الركود
‏و أنا رقيق احساس لكني حذر .

‏لا تشك بحبك الراهي ولا تصير متحيّر
‏المحبة ما يغيرها الزمن و الشك زايل .

‏لو تقولون الكلام الشين نبقى حنا
‏ماعلينا زود وانتم ما عليكم شرهه .

القليل من التجاهل سلاح العاقلين
‏يجبر اللي غرّه الكبر يرجع مستواه .

‏إن سرك الوقت ياجعله على القوه
‏وان ضرك الوقت دورني وتلقاني .

‏والله لو ان الي بالاعماق ينشاف
‏ما تلمح الا صورتك وسط صدري .