Hamma podcast, blog, instagramda faollashib turgan bir vaqtda, siz ilm dengiziga sho’ng’ing.

Urug’ yerga qancha chuqur ekilsa, yaxshi joylashib, yaxshi unib o’sadi va yaxshi xosil beradi.

O’sha gap: “pishib yetilmasdan maydonga chiqmang”

Mindset club - Javohir Izzatulloh

1. Qayerga qarab ketishni bilish.
2. Kelajakni qanday tasavvur qilish.(kelajakdagi o’zini qanday tasavvur qilishni bilish)

3. Jamiyyatga o’zimizdan qanday insonni taqdim etamiz.
4. Foydali insonga aylanish uchun: haddan ziyoda mutolaa va haddan ziyoda muloqot qilish.

5. O’zining kamchiliklarini yozish va yaqinlaridan kamchiliklari haqida so’rab turish..
6. Pulni muzlatib o’zi o’qimaydigan kitoblarni sotib olish xatodir.

7. O’rganib- o’rgatishda xatoni kamroq qilish. Xato o’rgatib qo’yishdan qo’rqish. (Qoraqamishga boradigan insonni xato ko’rsatma berib, chilonzorga yuborib qo’yish)
8. Inson doim o’ziga yuqori baxo beradi..

Norinkapa haqida!

Qishlog’imiz ajoyib insonlar bilan to’lib- toshadi. Yaxshi insonlarni bir joyga jam bo’lishi nodir holatlardan biridir..

Maqtanma deyishinngiz yoki bo’rtirib yubording deyishingiz mumkun. Ishonmasangiz mehmonga kelib ko’ring yoki mehmon bo’lganlardan so’rang..

2017- yil oxiri 2018- yil boshlarida kitob do’kon ochilgan. U vaqtlarda qishloqda kitob do’kon ochilishi ertak edi. Shaharcha nomini bersa ham arziydi.

Qishloq halqi mehnatkash, izlanuvchan, tavakkalchi bo’lgani uchun sezilarli darajada rivojlangan.

Ikki daryo Norin va Qora daryo o’rtasida joylashgan. Havosi toza, pashalari chaqishi ham yoqimli. )) Insonlari sodda va samimiy, ayollari erlariga itoat borasida dunyoga o’rnak. (feminizm changi yaqinlashmasin)

To’ylardagi nahorgi oshini aytmaysizmi, amri - marufsiz o’tmaydi.
Hozir eshitishim bo’yicha qiz taraf deyarli sarf- harajat qilmaydi. Chunki ukalarımiz “kuyovchak” bo’lishni istashmaydi.

Inson bir ishni qilishdan avval yaxshilab o’ylashi kerak.
(Soatlab)

Ustoz, do’st, juft tanlash masalalarida jiddiy fikrlab ko’rishi kerak.

Fikringizni, tushunchalaringizni ehtiyot qiling.

Insonning tushunchasi o’zgarsa uni to’g’rilash uchun yillar kerak bo’ladi.

Dunyodagi eng qiyin ish ‘farzand tarbiyasi’ degan gap bor.

Farzandingiz sizning ikkinchi imkoniyatingizdir.

Hozrda imkoni borlar farzandlarimizni xususiy maktablarda o’qitishimiz kerak. Mashina olish, uylarni komfort qilishdan ko’ra farzandlar kelajagi muhimroq.

Farzandlarimiz hayotimizni ikkinchi bor takrorlamasin.

Diqqatni jamlash.

Hayovonlar hozrgi payt bilan yashaydi. Ular yaqin vaqt ichida sodir bo’lgan voqealardan nimadir o’rganish mumkun. Biroq ko’z o’ngidagi narsalarga juda tez chalg’iydi.

Insonlar har narsaga chalg’imay, uzoq tikilib bir lahza muhitdan o’zini uzoqlashtira oladi. Oldindan ko’ra bilishardi.

Etiborni jamlash kerak, agar jamlamasa.. tez chalg’iydigan, parishonhotir, atrofga yuzaki qaraydigan hayvonga aylanadi.

Inson sharoitga moslashadi.

Kitobdan, o’zgarish ham kiritildi.

- Bizning qiladigan muhim va jiddiy ishlarımız bor. Oddiy va keraksiz ishlar bilan chalg’lib qolmang.

Sizni aldashlariga yo’l qo’ymang..

O’zining hayotini, oila a’zolarini ko’rsatib, sizni vaqtingizni o’g’irlayotgan “blogger”lardan uzoq turing..

O‘zingizdan mazlum(mazluma) yasab olmang...

Bir muammo bo‘lib qolsa, o‘zingizdan mazlum yasab boshqalarni aybdor qilishni bas qiling. Hayotingizni hozirgi ahvoliga kelishiga yagona sababchi inson asli o‘zingizdir. Kechagi tanlovlaringiz bugungi taqdiringizni hal qiladi. Agar inson oʻz hayotini taftish qiladigan boʻlsa tushunib yetadiki uning oʻzi hayotidagi har bir hodisaga sababchi ekanligini.


Xalqimizning maqollarini sevaman-da, “Shamol kelmasa, daraxtning uchi qimirlamaydi”, “G‘unajin ko‘zini suzmasa, buqa ipini uzmaydi”. Boshqalarga o‘zingizni muammolaringizni ilishdan osonroq ish yo‘q. Ammo siz boshqalarni ayblashdan avval ularga imkon berganingiz, shaxsiy chegaralaringiz eshigini ochib kiritganingizni unutmasligingiz lozim.

Har bir insonda tanlash huquqi bor va shu tanlovlari asosida inson hayot kechiradi. Muammolar faqat sizda emas, hammani hayotida qiyinchiliklar boʻladi ammo hamma ham u muammolarni yechimi aynan oʻzidaligini bilmaydi. Balki boshqalarni ayblash bilan oʻziga vaqtinchalik "sokinlik" oladi. Lekin keyinchalik tushunib yetamizki asil muammo oʻzimizda ekanligini va u muammodan chiqish ham oʻz qoʻlimizda.


Shuni yodda tutish kerakki, mag'lubiyatga uchraganlar hech narsa qilmaslik uchun sabab topadilar va faqat o'z atrofidagilarni ayblashadi, lekin g'oliblar o'zlarini, xatolarini tahlil qilishga va keyin yechim topishga harakat qiladilar.

- Sizda bormi?!

Muvaffaqiyatga erishgan insonlarning hammasini clublari yoki suhbatlashib turadigan jamoalari bo’ladi.

Toshkentga kelganimga 4 yil bo’lib qoldi. Kelmasimdan avval ham ilm olar edim. Kitob do’konimda ko’p mutolaa qilar va haftada bir firklashib turadigan yig’inlarda qatnashardim...

Ammo bir kuni 1000+ kitob o’qigan va o’z sohasini mutaxassislari bilan suhbatlashib qoldim. Fikrlashim tor va ortda qolib ketganimni angladim. Toshkentga kelishga qaror qildim..

Kelganimga 4 yıl bo’ldi, natijalar juda ajoyib, xatto o’ylab ko’rmaganlarim bo’ldi.

“Qalbingdagi g’aming qadar tavfiq beriladi” degan gapning haq ekanini ko’rdim.

Kelganimdan buyon top mutaxassislar bilan juda ko’p suhbatlashdim. Loyihalar qo’shimcha yuksalish bo’ldi. Juda katta natija berib, fikrlashimda 10,20-yıl oldinlatib yubordi.

O’zimizda natija bergan bu uslubni boshqalarga ham taklif qilishni istadik. Va Mindset clubni tashkil etdik. Endi sizda ham bu imkoniyyat paydo bo’ldi.

Inson ilm olar ekan, kitob mutolaa qilar ekan, nimadir kamdek tuyuladi. Bu boshqa sohalardagi mutaxassislar bilan aloqa yo’qligi, maslaxat olinmagani, networking yo’qligidan bo’ladi..

- O’qimaydigan kitobingizni sotib olmang.

Pulingizni tejashni o’rganing. Faqat hozir o’qiydigan kitoblaringizni sotib oling..

Qolgan pulingizni kurslarga yoki sportga sariflang..

Ko’p mutolaa qiling. Filtr bilan tanlab o’qing.. Har kim tavsiya qilgan kitoblarni o’qiyvermang..

Kitob o’qishda ham ustoz ushlang.. O’zi tanlab o’qib, ‘erkin’ fikrlab, ‘bir chiroyli’ ateist bo’lib qolganlar kundan kunga ortib bormoqda..

Poydevori mustahkam bo’lmagan bino, shamol qattiq kelsa yoki yer qattiq silkinsa qulaydi..

Unutmang, sizni o’qigan kitoblaringiz shakillantiradi..

Bir kuni bir kishi meni yo‘qlab kelibdi. Salom-alikdan so‘ng muddaoga o‘tdi.

"Domla, 5000 dollar beraman, dissertatsiyani yozib bering, himoyadan keyin yana beraman, xullas, rozi qilaman" dedi.

"Farzandlardan nechta?" so‘radim.

"Ikkita..."

"Ularning aybi nima?" deb so‘radim.

Dovdiradi.

"Tushunmadim, domla..." dedi.

"Shunday qilib dissertatsiya yoqlasangiz hukmi halolmi yoki harom?" deb so‘radim.

"Bilmadim..."

"Siz menga halolligini isbotlab bering, sizga shart yozib beray, bir oy o‘tirsam bitta dissertatsiya tayyor bo‘ladi. Endi teskarisi bo‘lsachi? Ya’ni, harom. Fan nomzodi bo‘lasiz, fan nomzodiga yarasha oylik olasiz. Bu oyligingiz halolmi yoki harom? Agar harom bo‘lsa, bolalaringizga shuni yedirasizmi? Bolalaringizning aybi nima? Ularni halol yedirish o‘rniga bunday qilsangiz kelajagi nima bo‘ladi? Ozgina qiynalasiz, tan-joningiz sog‘, nima qilasiz go‘daklaringizning kelajagini barbod qilib? Bu gapni siz aytmadingiz, men eshitmadim, borib ishingizni qilavering!"

"Uzr, domla..."

"Bir gap esingizda tursin, ota-ona, ayniqsa, erkak kishi yetti pushtiga mas’uldir. Siz kim bo‘lsangiz yetti avlodingiz ham shu bo‘ladi. Buni genetika deydi, allaqachon isbotlab qo‘ygan! Mavzu beraylik, o‘rganing, ishlang!"

"Ming bor, uzr, domla..."

Keyin u kishini ko‘rmadim. Boshqa kelmadi.

Baxtiyor Abdug’afur

Ovchining otgan o’qi bir kishini o’ldirishi yoki umuman unga tegmasligi mumkin. Lekin aqlli odamning hiyla nayrangi ona qornidagi chaqloqniyam o’ldirishi mumkun.

©️Kautila, hind faylasufi 3-asr

Shuning uchun kimni kuzatishingizni yaxshilab o’ylab ko’ring. Filtringizni yaxshilab ishlatishingiz kerak.

Chunki, tushunchalarni sog’lom saqlashlik juda muhim..

Bir ilmli inson bilan bir voqea yuzasidan tortishib qolgan edim. Bir kuni Kamoliddin(R) aka bilan uchrashib qoldim. Shu sohani yaxshi bilgani uchun so’radim.

U kishi zo’r gap aytdi. “Jasurbek, insonlar tushunchalarini ehtiyot qilishlari kerak, agar u o’zgarsa, to’g’rilanishi uchun yillar kerak bo’ladi. Agar to’g’rilansa”

Odamlar o’z maqsadiga yetishidagi yagona vositaning mohiyatida kuch va ayyorlik mavjud. (Gyote)

O’zingizni ehtiyot qiling..

- Bugun bir inson bilan ko’rishdim. Muloqotdagi xatolarimni va umuman xatolarimni aytib berdi.

Inson o’zidan boshqa ko’z(inson) orqali o’zini ko’rib turishi kerak ekan.

Gapirish davomida “masalan” degan so’zni va keraksiz olmoshlarni ko’p ishlatar ekanman.(o’zimga bilinmas edi)

Kitobxon, ziyoli va ilmli insonlar o’rnak bo’lishi kerak. Menda keraksiz mavzularga o’tib ketish va ko’p eshita olmaslik ham borligini aytdi..

Yolg’iz o’zinga xatolaringni aytadigan, to’g’ri joyda, to’g’ri narsani odob bilan tushuntiradigan do’stlar sog’ bo’lsin..

Eng qiyin ish bilasizmi nima?

Eng qiyin ish hayvonni tarbiya qilish emas. Eng qiyin ish farzandni tarbiya qilish emas. Eng qiyin ish inson o’zini tarbiya qilish…


Inson o’zini tanishni boshlasa bu gapni tushunib yetadi.

Turli xil niqoblarda ro’l o’ynab yurganini anglaydi.

Insonlar oldida tuslanayotgani, aslida unday emasligini biladi.

O’zini tanib olsa, turli xil niqoblardagi ro’llarini adolatli o’ynashni boshlaydi.

Boshlang’ich kitobxonlar uchun!

1. Halol Luqma
2. Alvido Vatan
3. Ishqi Rosul
4. Talabalik(davrini qanday o’tkazmoq kerak)
5. Morrining seshanba darslari
6. Bir olimning kundaligi
7. Aysel
8. Izlash
9. Uni poklagan najot topur
10. SOS (savol ortidagi savol)
11. Kafansiz ko’milganlar
12. Men
13. Qalb iffati
14. Yashamoq
15. Isrof
16. Kuchsizlar kuchi
17. Tavba
18. Til ofatlari
19. U. Vaqtning qadri
20. Ilm olish sirlari
21. Hamza
22. Diqqat
23. Aldanganlar
24. Kelinlik toji
25. Chinakam Bandalik
26. Mustarshidin (munir nashiryoti)
27. Mahramiyyat tarbiyasi..
28. Tungi Suhbatlar
29. Vasatiya hayot yo’li
30. Sohilsiz dengiz

Kichik va qiziqarli kitoblardan o’qishni boshlang. Natija bo’ladi!

Avallari

Biror mashxur insonni ko’rsak rasm tushib olishga va uni sahifamizga joylashga oshiqar edik..

Cafelardagi taomlarni oldida rasmga tushib uni ham joylar edik.

Qayerga borsak rasmlarimiz bilan sahifalarimiz to’lar edi.

Boshqa ish qo’lidan kelmagan inson. Jasadini reklama qilishdan nariga o’tmas ekan.

Kitob o’qish va ilmiy suhbatlar ko’paygani sari o’sib borasiz. Avval qiziq va muhim bo’lgan narsalar arzimas va kulgili bo’lib qoladi.

Aqliy mehnatga dangasa xalq jismoniy qullikka mahkumdir.

©️Husayn Buxoriy

Simit sotdik. Suv sotdik..
Vatanni sotmadik!

Nafs nafsga emas,
Nafas nafasga oshiqdir.

©️Sevda Diker

Odat agar takrorlanaversa tabiat bo’lur..

©️Alisher Navoiy

- Qalbim bilan ruhim bu jasad ichida qiynalib ketdi..