Жиззах вилоят ИИБ ҳузуридаги тергов бошқармаси ва унинг қуйи бўлинмалари терговчи ва суриштирувчилари иштирокида йиғилиш ўтказилди. Йиғинда шахсий таркибга терговчи ва суриштирувчилар томонидан содир этилган қонунбузарликлар етказилиб, хизмат вазифасига масъулият билан ёндашиш зарурлиги уқтирилди.
Тадбир давомида узоқ йиллар тергов хизматида ишлаб, ҳозирда нафақада бўлган полковник Адилжон Алланазаров ва полковник Бердибек Умматовлар ходимларга ўз маслаҳатларини беришди. Якунида ижобий иш кўрсатгичларига эришган бир гуруҳ ходимлар ҳамда соҳа фахрийлари муносиб рағбатлантирилди.

Website | Telegram | Facebook | Youtube

Ўзбекистон Республикаси ички ишлар вазирининг 2022 йил 23 майдаги “Туман (шаҳар) ички ишлар органлари профилактика инспекторларининг касбий, жисмоний ва жанговор тайёргарлигини янада ошириш бўйича ўқув йиғинларини ташкил этиш тўғрисида”ги фармойиши асосида Жиззах вилояти ички ишлар органларининг профилактика инспекторлари учун Шароф Рашидов туманида жойлашган ҳарбий қисмда ташкил этилган биринчи ўқув йиғини якунланди. 15 кунлик ўқув давомида соҳа вакилларининг ҳуқуқий билимлари, касбий маҳорати, жисмоний тайёргарлигини ошириш чоралари кўрилди.
Машғулотлар якунида соҳага оид қонунчиликдаги ўзгаришлар, ҳуқуқий ҳужжатлар моҳияти ва мамлакатимизда кечаётган сиёсий, иқтисодий ҳамда ижтимоий ислоҳотлардан хабардорлиги юзасидан ходимларнинг ўзлаштириш даражаси савол-жавоб тарзида синовдан ўтказилиб, йиғинни муваффақиятли тамомлаган 43 нафар профилактика инспекторларига сертификатлар топширилди.

Website | Telegram | Facebook | Youtube