الطفل محمد كفاح مرعي العمر 14 سنة، محمد من مخيم جنين طفل محبوب و الكل بعرفه خلوق ومؤدب ومن عيلة قدمت شهداء وأسرى يعني كأي عيلة فلسطينية طبيعية، محمد تصاوب برصاص السلطة على سطح البيت وهو بتفرج على الإشتباكات إللي كانت حاصلة بين الشباب والسلطة وإستشهد يزيد جعايصة بهداك اليوم الله يرحمه ويتقبله، تم نقل الطفل محمد بصعوبة لمستشفى إبن سينا وخسر دم كثير بسبب الحصار إللي إنفرض عالمخيم، ضل محمد مدة طويلة بالمستشفى عمل فيها 3 عمليات وكان مهدد بالشلل وبلشت صحته تتحسن شوي ومن بعدها طرأ تدهور كبير على صحته وبعاني محمد من إلتهاب شديد مكان العملية ومحتاج عمليات جديدة والسلطة مش حابة محمد يتعالج ورافضة تعترف إنه عناصرها هما إللي طخوا عليه، تم إعتقال أخوه نسيم من فترة صغيره وفي عدد من شباب عيلته تم إعتقالهم وبدون أسباب وكل ذنبهم إنهم دافعوا عن المخيم، محمد لازم يتعالج مش بكفي ولا حدا سائل بشبابنا إللي بسجون السلطة وما حدا قلقان بالأخوة النازحين من المخيم إلا من رحم ربي، طفل محروم من العلاج بس لأنه من مخيم جنين والله هزلت، بغزة الإحتلال مانع عنهم العلاج وبجنين السلطة بتمنع عن أطفال المخيم العلاج، الله أكبر على كل من طغى وتجبر.

مشاة بفتشوا في محيط مستشفى آبن سينا

جرافة D9 طلعت من فتحة مقيبلة بإتجاه المخيم