Ортга йўл БОР!

Кўпчилик ўз айби ва хатоси билан бирор боши берк кўчага кириб қолиб ундан чиқиб кетишни уддалай олмаса ҳар сафар тақдирни рўкач қилган ҳолда "ортга йўл ЙЎҚ энди" дея шу хато йўлини давом эттиради. Аслида ҳар қандай узун қоронғу туннелнинг кичиккина ёруғлик кўриниб турган охири бўлади. Ҳар бир қийин вазиятда, қийинчиликларни енгиб ўтишда албатта ана шу кичик ёруғликни кўра билиш, у томон тўғри йўлдан юриш ҳар кимнинг ўзига боғлиқ. Бунинг учун ҳоҳиш, ирода ва сабр бўлса етарли.

Ёдингизда тутинг, ҳамиша ортга йўл БОР!

Ўзингиз ва яқинларингиз соғлиғини асранг!

@javlon_karimov_uz

#уйдақолинг

"Икки сўз ораси"
ЯНГИЛИК ёки ЕНГИЛЛИК?

Бу сўзларнинг нафақат айтилиши ўхшаш, маъноси ҳам шунчалар яқинки, бири иккинчисини инкор эта олмайди, бири бор жойда иккинчисини албатта учратасиз. Балки уларнинг келиб чиқиш ўзаги ҳам бирдир, очиғи бундан хабарим йўқ. (Мен тилшунос, филолог ёки файласуф эмасман, даъвогарлик ҳам қилмайман). Лекин бир нарса аниқки, аслида ЯНГИЛИКлар албатта ЕНГИЛЛИКларни келтириб чиқариши лозим. Аммо, минг афсуски, хамиша ҳам биз кутган ЕНГИЛЛИКлар бўлмаслигига, аксинча тескари эффект бериши ҳам мумкинлигига тарихдан бир неча бор гувоҳ бўлганмиз: атом бомбаси яратилишини ёдга олишнинг ўзи кифоя, менимча.... (Кимлардир буни ҳам ЕНГИЛЛИК деб ҳисоблаши мумкин).

Айниқса бугун инсоният учун ЕНГИЛЛИК олиб келадиган ЯНГИЛИКларга бўлган эхтиёж жуда кучли. Оддийгина мисол, кўпчилигимиз хозирда фойдаланаётган онлайн мулоқот платформаларидан бири Zoom дастурини олайлик. Компания асосчиси интервьюларидан бирида ўз махсулотининг бир кун келиб бу қадар оммалашиб, тренд даражасига чиқишини, айнан таълим ва яна бир қатор соҳаларда кенг қўлланиши мумкинлигини ҳатто ўзи ҳам билмаганини, хаёлига келтирмаганини айтиб ўтди. (Аслида бу компанияга 2011 йилда асос солинган, биз эса бу дастур ҳақида эндигина хабар топдик). Демак, бу - ЯНГИЛИКлар хар доим ҳам дарҳол ЕНГИЛЛИК бермаслиги мумкинлигига яна бир яққол мисол. Албатта фойдали ЯНГИЛИК бир кун келиб барибир ўз самарасини беради ва ҳаётнинг ажралмас бўлаги бўлиб қолиши ҳам мумкин. (Ғилдиракни ихтиро қилган инсонларга ҳали ҳам ҳурматимиз чексиз!)

Таълим соҳасига қайтадиган бўлсак, ҳозирги кунлар шуни кўрсатиб қўйдики, бизда ҳам онлайн таълимга бўлган эътиборни кучайтирмасак, бироз (балки анчагина) кеч қолишимиз мумкинлиги сезилди. Балки бунинг ечими оддийдир, онлайн мактаблар ёки масофавий таълим йўлга қўйилган университетлар, хеч бўлмаса қўшимча онлайн курслар. (Бу албатта ғилдиракни ихтиро қилиш эмас, ва уни қайтадан ихтиро қилиш ҳам шарт эмас, кўпгина давлатларда бу механизм яхшигина йўлга қўйилган). Қувонарлиси, давлат миқёсида ҳам бунга эътибор берилишини бошлангани. Бу ижобий ҳолат. Таълим тўғрисидаги қонуннинг янги таҳрири лойиҳасига айнан масофавий таълим турини қонунийлаштириш бўйича қўшимча киритилгани маълум қилинди. Сезиб турибмиз, онлайн таълим келажак йўналиши бўлиши ҳам хеч гап эмас. Лекин бу нарса ҳақиқий ЕНГИЛЛИК бериши учун аввало барча бунга тайёр бўлиши керак: ўқувчилар, талабалар, ўқитувчилар, профессорлар, ота-оналар, давлат ташкилотлари ва ҳ.к. Демак ЕНГИЛЛИКлар ҳам аслида ЯНГИЛИКларни шакллантириши лозим. Ва бу тўғри бўлади ҳам. Кутамиз, кузатамиз, ҳаракат қиламиз.

Тилагимиз, бу икки сўз ораси ҳамиша ЯХШИЛИК бўлсин ва барча ЯНГИЛИКлар фақатгина яхши маънода инсоният учун ЕНГИЛЛИКларга хизмат қилсин!

Ўзингиз ва яқинларингиз соғлиғини асранг, уйда қолинг!

Каналга уланиш: @javlon_karimov_uz

СПИСОК ОНЛАЙН ЗАНЯТИЙ И ВИДЕОУРОКОВ

Онлайн и видеоуроки #онлайнурок, #видеоурок:

1. Kвадратные неравенства
2. Нахождение последней цифры
3. Степень с рациональным показателем
4. Параметрические линейные уравнения
5. Область определения функций. Четность и нечетность
6. Иррациональные уравнения и неравенства
7. Арифметическая прогрессия
8. Геометрическая прогрессия
9. Показательная функция и уравнения
10. Показательные неравенства
11. Логарифмы
12. Логарифмические уравнения и неравенства
13. Логарифмическая функция и её график. Обратная функция
14. Радианная мера угла. Значение тригонометрических функций
15. Знаки тригонометрических функций. Зависимость между одним и тем же углом
16. Тригонометрические тождества
17. Синус, косинус, тангенс и котангенс углов а и -а
18. Формула сложения тригонометрических функций
19. Синус, косинус и тангенс двойного угла

Видеоуроки для начинающих #видеоурок_для_начинающих:

1. Умножение и деление десятичных дробей
2. Бесконечные периодические десятичные дроби
3. Действие над рациональными числами
4. Преобразование выражений
5. Линейные уравнения
6. Натуральный показатель степени
7. Одночлены
8. Сумма и разность многочленов
9. Умножение многочлена на одночлен
10. Разложение многочлена на множители
11. Умножение многочлена на многочлен
12. Квадрат суммы и разности двух чисел
13. Куб суммы и разности двух чисел
14. Формула разности квадратов двух чисел
15. Формулы суммы и разности кубов двух чисел
16. Действие над алгебраическими дробями
17. Системы линейных уравнений
18. Линейная функция
19. Линейная функция (продолжение). Пропорция
20. Проценты
21. Линейные неравенства

Практические занятия

1. Практические занятия-1
2. Практические занятия-2
3. Практические занятия-3

Video lessons for Preparatory Year students #videolessonforprep

1. Solving trigonometric equations
2. Solving trigonometric inequalities
3. Graphs of trigonometric functions. Inverse trigonometric functions

Важные файлы #сохранить

1. Тригонометрические функции и тригонометрические формулы
2. Усманов М. Математикадан мисол ва масалалар тўплами, pdf

@podkursttpu

Кириб келаётган ойлар султони бўлмиш муборак Рамазон ойи барчамизга қутлуғ бўлсин! Уйингиздан файз ва қут-барака ҳеч қачон аримасин!

#уйдақолинг #уйдаўқинг #уйдашуғулланинг

10 та чўп қиссаси

Сўнгги кунларда халқимиз бошидан ўтказаётган ушбу синовли ва мураккаб кунлар шуни яна бир бор кўрсатдики, хар доим ҳам ҳаётимиз бир текисда, фақатгина яхши ва хурсандчилик кунларидан иборат эмас экан. Бундай кетма-кет синовли кунларни айнан муқаддас ойга тўғри келишида балки бир ҳикмат бордир. Дарҳақиқат, Оллох бандаларига барча неъматларни мухайё қилганидек, уларга айнан шу неъматларга шукрини синаш учун ўзининг синовларини юборади. Бу синовлардан чиқиб олиш эса айнан бизнинг кейинги амалларимизда ўз аксини топади.

Бугунги кун шуни кўрсатяптики, айнан бугун биз хақиқий халқга айландик, қўшнимиз, ватандошимиз, дўстимиз дардини ўзимизнинг дард деб билдик, унга шерик бўлишга ошиқдик. Бу синовлар бизни кўп нарсаларга ўргатмоқда. Бари яхшиликка хизмат қилишига умидвор бўляпмиз. Энг мухими ҳар биримиз кўнглимиздаги улкан ишонч, келажакга бўлган умид, бирдамлик туйғуси.

Ёшлигимизда кўп бора эшитганимиз 10 та чўп ҳақидаги қисса бугунги кунда айнан ўзининг ҳаётий исботини топмоқда, бирлашсак жуда катта куч эканмиз. (Буни аввал синаб кўрмаган эдик). Қани энди бундай кейин ҳам бирдамлигимиз, ўзаро ҳурматимиз ва ҳақиқий ХАЛҚ бўла олишимиз йўқолмаса. (Ўзи эндигина буни тушуниб етдик). Бунга ҳам шукр!
Керакли хулосаларни қилиш, тўғри йўлга ўтиш учун вақт етарли. Хозир эса хатоларни тан олиш, уларни тўғрилаш вақти келди.

Энг муҳими ўша 10 та чўп ичидан алоҳида битта чўп бўлиб ажралиб қолмасликга ҳаракат қилайлик, барчасига шукр қилишни ўрганайлик!

@javlon_karimov_uz

Кризис сўзи Хитой иероглифларида иккита сўзнинг бирлашмасидан ҳосил бўлар экан: хавф ва қулай имконият.

Жуда қизиқ....

@javlon_karimov_uz

Рамазон Ҳайити барчамизга муборак бўлсин!

Юртимиз тинч, хонадонларимиз обод бўлсин. Оилангизга тинчлик, фаровонлик, қут-барака тилаб қоламиз. Оллоҳ қалбларимиздаги барча эзгу ниятларни, дуо-ю илтижоларимизни ўзи ижобат айласин!

Айём муборак азизлар!

Ҳурмат билан Жавлон Каримов.

Ҳурматли обуначилар!

Тез кунларда каналимизда сиз азизлар билан #ишонасизми рукни остида Zoom платформаси орқали жонли мулоқотлар туркумини йўлга қўйишни режалаштирдик.

Илк учрашувда математика фани ҳақида, имтихонларни топширишдаги фойдали маслахатлар, айнан нималарга кўпроқ эътибор бериш, қандай қилиб математика билан шуғулланишда муваффақиятларга эришиш, математика орқали пул топиш йўллари тўғрисида батафсил суҳбат қурилади. Барча математика фанига қизиқувчиларни таклиф қиламиз.

Учрашув давомида ўзингизни қизиқтирган саволларга жавоб олишингиз мумкин.

Учрашувни ЎзМУ Математик анализ кафедраси докторанти, ТТПУ Математика ва табиий фанлар кафедраси ўқитувчиси Жавлон Каримов олиб боради.

Сиз ушбу учрашувда иштирок этасизми???

#ишонасизми #jonlimuloqot #уйдақолинг #математика

Ҳурматли обуначилар!

Сизларга мамнуният билан шуни маълум қиламизки, #ишонасизми рукни остидаги дастлабки жонли мулоқотимиз Zoom платформаси орқали якшанба куни (31.05.2020 й.) соат 15:00 да бошланади.

Бошланиш вақти: Соат 15:00, 31.05.2020 й.

Zoom конференцияга ҳавола:
https://us02web.zoom.us/j/5046414059

Идентификатор номери: 504 641 4059

@podkursttpu

#ишонасизми #жонлимулоқот #математика #уйдақолинг

Ҳурматли обуначилар!

Кутиб олинг янги лойиҳамиз: #ишонасизми

Лойиҳамизнинг 1-сонини YouTube каналимизда қуйидаги ҳавола орқали кўришингиз мумкин:

https://www.youtube.com/channel/UCDJsYjxJJfF3W4wox0NYNQg

Ушбу сонда математика ҳақида жонли мулоқот қилинган.

@podkursttpu

#ишонасизми #жонлимулоқот #математика #уйдақолинг

Шукроналик туйғуси

Инсон ҳаёти давомида бир нарсага эришса у албатта кейинги мақсади сари интилади. Бир эшик очилса, иккинчисининг калитини қидиришга тушамиз. Лекин калит хар доим хам чўнтагимизда бўлмаслиги мумкинлигини хамиша ёддан чиқармаслигимиз зарур. Тўғри тушувчи калитни топиш энг асосий масала. Агар бирор нарсага эриша олмаган тақдирда хам унданда яхшироқ, унданда эришиш мураккаброқ нарсага интилишни билган одамгина хаётда фақат олдинга юришни билган бўлади. Олдинга юришни билган одам эса ўз мақсадига албатта етади. (Яна ўша гап: муҳими тўғри қарор қабул қилиш).

Ҳаёт ҳам худди спорт каби. Бир уринишни амалга оширган спортчи (барчамиз) иккинчи уринишга тайёргарлик кўради. Шукроналик туйғуси айнан шу уринишларни уддалаб бўлганидан сўнг яққол намоён бўлади. Энди у шунчаки эмас, ўзига ишонган тарзда кейинги уринишга қадам қўяди. Уриниш кетидан уриниш...

Бажарган уринишларимиз ШУКРИНИ қилиб, керак бўлган тақдирда мухим хулосаларни қилган ҳолда кейинги уринишларга тайёргарлик кўрайлик!

@javlon_karimov_uz

#шунчакификрлар

Америка орзуси...

Америка - сеҳрли диёр,
Ухлар эди Колумб ҳам ҳали,
Денгиз ортин ёритди илк бор,
Берунийнинг ақл машъали....

Ўзбекистон халқ шоири Абдулла Ориповнинг ўша машхур шеъридаги ушбу 4 қаторида анчагина маъно бор. Дархақиқат, Америка бу сеҳрли, ҳар бир инсонни ўзига жалб қилишга қодир мамлакат. Унинг куч қудрати ҳақида турли хил қарашлар бахс мунозаралар мавжуд. Кимдир аччиқ қора қахва ишқибози бўлса, яна кимдир сутли қахвани хуш кўради. Шу сабабли, ким энг қудратли деган савол бу шунчаки нисбий тушунча, хар кимнинг ўз қараши ва ўз ўлчов бирлиги бор. ("Дев ва пакана" фильмдаги кичик бир эпизод ёдимга тушиб кетди. Раҳматли Обид Асомов девга қараб шундай дейди: Кимдир дунёни пул билан ўлчайди, яна кимдир сомса билан, мен эса сен билан...) Бугунги пост аслида бу ҳақида ҳам эмас.

Мана неча йилдирки бутун дунё бўйлаб ҳар йили миллионлаб инсонлар Грин-карта деб номланадиган лотерея ўйнаб келишади. Чунки Америкага бориш, у ерда ўз йўлини топиб кетиш шунинг ортидан катта пул ишлаш жуда ҳам кўпчиликнинг азалий орзуси. (Қизиқ, шахсан ўзим бирор маротаба Америкага кетиш у ёқда турсин Грин-карта ўйнаш ҳақида хам ўйлаб кўрмаган эканман, бу хақида бироз кейинроқ).

Америка орзуси бу шунчалар ғалати тушунчаки баъзи бир инсонлар наздида ердаги жаннатдек, у ерда барча нарса мухайёдек кўринади. Шундай инсонлар борки, уларнинг фикри хаёли ва бор умиди айнан шу орзуга қаратилган. Ўз келажакларини фақат шунда кўришади. Орзулар ҳар доим ҳам ушалавермайди. Афсуски, кўпчилик учун бу фақатгина орзулигича қолиб кетмоқда. Энг ёмони ҳам шунда, бутун бошли ҳаёт шу орзу йўлида ўтиб кетади.

Аслида, буларнинг бари бир сароб бўлиши, биз эшитган, телевизорларда кўрган орзу бутунлай бошқача, бизни қабул қилишга тайёр бўлмаслиги мумкин эканлигини хеч ўйлаб кўрганмизми?!
Ҳар доим ҳам ялтироқ кўринган нарса бу албатта энг зўри дегани эмас. Ёки шу каби, зўр нарсалар ҳар доим ҳам ялтироқ кўринавермайди. Инсон хеч қачон орзу қилишдан тўхтамаслиги керак, лекин бир орзуга боғланиб қолиш ҳам бу тўғри бўлмайди. ОРЗУЛАР МАҚСАДЛАРДАН АСЛО УСТУН БЎЛМАСЛИГИ ЛОЗИМ!

Буларнинг бари ИМҲО.

Америка орзуси мисолида баъзи бир нарсаларни эслатиб ўтишга ҳаракат қилдик, ҳолос. Орзулар чексиз. Энг асосийси бу тўғри танлов. Танлов ҳамиша ўз қўлингизда!

@javlon_karimov_uz

"Аввал математика, кейин хаммаси"
https://youtu.be/lf7HC-p-F3w

Узоқ кутилган пост.

Шу постни ёзишни анчадан бери кутаётган эдим. Шу кунларга етказганига Оллохга бехисоб шукрлар бўлсин. Бундай даражага етишишимга сабабчи бўлган энг аввало мени тарбия қилиб катта қилган, хеч нарсага кам қилмай ўстирган ота-онамга бошим ерга теккунча таъзим қилиб раҳмат айтаман. Қолаверса барча устозларимга, мени қўллаб-қувватлаганларга, хусусан илмий рахбаримга алоҳида ташаккуримни изҳор этаман. Барчага каттакон раҳмат!

Илоҳим бу янгилик келгуси муваффақиятларнинг бошланиши бўлсин.

Барчамизга ойлар султони бўлмиш Рамазон ойи муборак бўлсин!

Аллоҳ ҳаммамизга икки дунё саодатини берсин!

Эътибор сўзининг ўзи ҳам нисбий тушунча. Ривоят қилишларича қадимда иккита қўшни бўлган экан. Бирининг исми Эшмат, яна бириники Тошмат экан. Бир куни подшох вазирларига шу икки қўшнига эътиборли бўлишни, Эшматга кўпроқ эътибор беришни, Тошматга эса камроқ эътибор беришни буюрибди. Лекин Эшмат бу берилаётган эътиборни тўғри қабул қилмабти ва борган сари ишлари орқага кетибди. Тошмат эса қўшнисига берилаётган эътиборни кўриб хафа бўлганча ўзини аравасини ўзи тортишга қатъий ахд қилибди ва ўз мақсадлари сари олға интилибди, ишлари юрушиб кетибди. Буни кўрган подшох иккиланиб қолибди, мен тўғри қилдимми ёки нотўғри???

Қиссадан хисса шуки, хар бир қарор тагида икки хил ёндашув бўлади. Уни қандай тушуниб етиш ва давом эттириш аввало хар бир инсоннинг ўзига боғлиқ!

2022 йил - Инсон қадрини улуғлаш ва фаол маҳалла йили!