جمع شدہ فتاوی مسلک دارالعلوم دیوبند

جواب نمبر:2⃣4⃣1⃣

مذہب حنفی میں راجح اور صحیح ہے کہ مسجد جماعت میں نمازجنازہ مطلقاً مکروہ ہے
سوال: تبلیغی کانفرنس صوبہ متحدہ آگرہ اودھ امسال خورجہ میں منعقدہوئی ہے، جس کے صدر حضرت مولانا حسین احمد صاحب مدنی صاحب صدر مدرس مدرسہ عالیہ دیوبندقرار پائے ہیں، حضرت مولانا جمعہ کے دن خورجہ تشریف لے آئے،جمعہ کے دن بعدنمازجمعہ ایک جنازہ کی نمازجنازہ کومسجدکے اندر رکھ کر اور مصلی باہرمسجد مولانا نے نماز پڑھائی، جس وقت کہ جنازہمسجد کے اندر رکھاگیاتو عبداللہ خان گنج والوں نے مولانا سے عرض کیا کہ مسجد کے اندر جنازہ رکھ کر پڑھنا مکروہ تحریمی ہے، اس پر مولانا نے فرمایا کہ نہیں جائز ہے، آپ نمازپڑھ لیں، میں بعدنماز آپ کااطمینان کردوں گا، مگرعبداللہ خان بھائی نے نماز نہیں پڑحی اور عرض کیا کہ تمام حضرات دیوبندسے کہ جو آج قبروں میں بھی آرام فرمارہے ہیں، اور موجودہ بھی ہیں یہی سنتے رہے ہیں کہ مسجدکے اندر جنازہ کی نمازمکروہ ہے، چونکہ مجمع ہزار پانچ سو آدمیوں کا تھا بڑی قیل وقال ہوئی،بعدنماز ایک اور صاحب نے عرض کیاکہ مولانا اس مسئلہ کوحل فرماتے جایئے گا کہ جنازہ مسجد کے اندر رکھ کر نماز پڑھناجائز ہے یا نہیں، ورنہ احتمال رہے ہے کہ خورجہ والوں کے سرپھوٹنے لگیں، اس پر مولانا نے فرمایا کہ شوافع کے یہاں بالکل درست ہے، اور احناف کے یہاںجنازہ کو مسجد کے اندر رکھ کر نمازپڑھنے میں اختلاف ہے، ایک جواز کی طرف اور دوسرا عدم جواز کی طرف او رمکہ میں یہی ہوتاہے اور مدینہ میںمسجد کے اندرجنازہ رکھ کرنمازپڑھی جاتی ہے، اس پرایک صاحب نے عرض کیاکہ مولانا ہم رواج اور رسم دریافت نہیں کرتے ہیں، حدیث شریف میں کیاحکم ہے، مولانا نے حدیث شریف پڑھ دی، اس کے بعد لوگوں نے مولوی صاحب اور قاری صاحب سے دریافت کیا، دونوں صاحبوں نے اس صورت کو متفق علیہ مکروہ تحریمی بتایا، اور اگرجنازہ مسجد سے باہر ہو اور مصلیان داخل فی المسجدتو اس صورت کو احناف کے یہاں مختلف فیہ کہا، مگرراجح یہی ہے کہ اس صورت میں نمازدرست ہے، بالآخر مولانا حسین احمد صاحب کے سامنے ایک استفتاء پیش کیاگیاہے جس میں صورت کااحکم ازروئے فقہ حنفی دریافت کیاہے، مولانا نے فرمایا کہ اگر طحطاوی یا مراقی الفلاح ہوتو میں ابھی دکھادوں، اس پر عرض کیاگیا کہ یہاں یہ دونوں کتابیں نہیں ہیں، جب بندہ کو علم ہواکہ مولانا مراقی الفلاح مانگتے ہیں تب میں نے مولوی صاحب سے عرض کیا کہ مراقی الفلاح میں جناب کو مکہ سے لاکر پیش کی ہے، ایسامعلوم ہوتا تھا کہ مولوی صاحب مولانا سے بالمشافاۃ گفتگو کرنے میں گریزکرتے تھے، بہرحال مولانا اس استفتاء کو دیوبند لے گئے ہیں، مگر ہفتہ ہواکہ جواب نہیں آیا ، دیکھئے کیاجواب مرحمت فرماتے ہیں، حضور والا صورت مسطورہ میں فقہ حنفی میں کچھ گنجائش جواز کی ہے یا نہیں؟
الجواب: اس مسئلہ میں مولانا حسین احمد صاحب نے جو فرمایا ہے صحیح ہے، احناف کے علماء میں جنازہ کو مسجد کے اندر رکھ کر بشرطیکہ مقتدی وامام سب باہرہوں نماز پڑھنے میں بھی اختلاف ہے، بعض نے اس کو جائز کہاہے، شرح مراقی الفلاح میں ہے، فلوکان المیت موضوعاً فی المسجد والناس خارجہ لاتکرہ وبالعکس تکرہ کما فی الجوھرۃ قال الطحطاوی (ص ۳۴۷۷ ) وفیہ ان المیت یشغل المسجد بقدر جنازتہ،
مگرعلماء احناف کے اقوال مختلف ہونے سے یہ لازم نہیں آتا کہ مذہب میں بھی اختلاف ہے بلکہ جب کسی مسئلہ میں اقوال مختلف ہوتے ہیں تو مذہب ان میں سے ایک ہوتا ہے، اور مذہب وہ ہے جس کو اہل متون نے اختیارکیاہو، پس مذہب حنفی میں راجح اورصحیح یہ ہے کہ مسجد جماعت میں نماز جنازہبہرحال مکروہ ہے، خواہ جنازہ تنہا مسجد کے اندر ہو اور مقتدی اور امام باہریامقتدی وامام مسجد کے اندر ہواورجنازہ باہر، یاامام اور جنازہ تنہا یا مع بعض قوم کے باہرہوں اور باقی مقتدی اندر،جیساکہ درمختار اور شامی ص ۹۲۴ ج ۱ سے ظاہر ہے ، البتہ چونکہ اس مسئلہ میں شوافع اور خود علماء حنفیہ کے درمیان اختلاف ہے، اس لیے مولانا حسین احمد صاحب کے فعل پرشدت کے ساتھ انکار کرنا بے جا تھا، اور مولانا کو بھی مناسب تھا کہ چونکہ منکر کاانکار بالکل غلط نہ تھا بلکہ مذہب مختاروصحیح کے موافق تھا اس لیے اس کے انکار کوعملاً تسلیم کرلیتے ہیں اور بعد میں قولاً اس کی اصلاح فرمادیتے کہ مسئلہ مختلف فیہ ہے، اس میں صورت کی بھی گنجائش ہے جس پر آپ نے انکارکیاتھا، اس لیے شدت کے ساتھ انکار مناسب نہ تھا۔

واللہ اعلم، ۲۴ جمادی الثانی ۴۷ھ

محمد امیر۔۔۔۔۔

دینی مسائل عام کرنا صدقئہ جاریہ ہے۔

جمع شدہ فتاوی
https://t.me/jamashuda

t.me/almasail

http://t.me/group_almasail

86 views05:47