መ - መጽሐፍ ብለንም አልነበር?…

ቀጥሎ?

ትዝ ካለን… መ - መጽሐፍ ብለን ነበር ብለንም አልነበር?…

በቃላት ድርደራ ስላልተወሰነ፣ በዐረፍተ ነገሮች ጋጋታ ስላልተገታ፣ በአንቀጾች ስብስብ ስላልታጠረ ክቡርነት ተነጋግረንም አልነበር?…

እምነት ስለሚፈትሽ ብዕራችን፣ እውነት ስለሚገመግም ልሳናችን አብዝተን ተወያይተንም አልነበር?…

“እ ን ቀ ጥ ላ ለ ን . . .” ስንል ቃል የተጨመረበት ቀጠሮ ይዘንም አልነበር?… 

ቀጥለናል!

እነሆ…

“እውነት / አዛምድ”

አሳታሚ እና አከፋፋይ - ጃዕፈር መጻሕፍት

የዘሪቱ ከበደ " ከልጅነት እስከ ልጁነት " የተሰኘው መጽሐፍ በመደብራችን ይገኛል ::

እውነት / አዛምድ

የአሪፍ መፅሐፍ ጥቆማ

የመፅሀፉ ርዕስ “ሸሙኔ”
ደራሲ መስፍን ወንድወሰን

ሸሙኔ በጥሩ የልቦለድ ቅርፅ የተገነባ፣ ለዛና ውበት በሞላው ጥልቅ የባላገር አማርኛ የተኳለ፣ በቆንጆ አተራረክ የተደራጀ የሚደነቅ ስራ ሆኖ አግኝቼዋለሁ፡፡ ደግሞም በጨዋታ የተሽሞነሞነ፡፡ ሸሙኔ መጽሐፍ ብቻ አይደለም፣ ሸሙኔ አገርም ነው፡፡ በፍቅር እስከ መቃብር የጎጃምን ባህልና ወግ እንዲሁም የያኔውን ፖለቲካዊና ማህበራዊ ስርአት እንደ ሲኒማ ቁልጭ አድርገን አየን፡፡ በጉንጉን እና አደፍርስ ደግሞ የሸዋን፡፡ በሌሎችም ድንቅ መጽሐፍት የሌሎችን፡፡ ሸሙኔ አማራ ሳይንት ይዞን ይገባል፡፡ ሸሙኔን ማንበብ አማራ ሳይንትን ቁጭ ብሎ በነጻ ማሰስ ነው፡፡ እዛ ውስጥ በምናብ ተቀርፆ የሚቀር አስደማሚ መልክአምድርና ስፍራ አለ፡፡ ባህል፣ ልማድ፣ ማህበራዊ ስነ ልቦናና ስርአታዊ ሽግግር አለ፡፡ በከተሜው ዘንድ በስልጣኔ ስም በቃላት ደህይቶ የሚታየን አማርኛችን ተዝቆ የማያልቀው ውበቱ፣ ጥልቀቱና ሀብቱ ሸሙኔ በተመቸተበት አማራ ሳይንት ውስጥ እንደ ልብ ይፈሳል፡፡

ሸሙኔ ሊነበብ የሚገባው፣ ብዙ ሊባልለት የሚችል ስራ ነወ፡፡ ከልብ የተደከመበት መሆኑ ያስታውቃል፡፡ Mesfin Wondwossen ይሄን የመሰለ ውብ የስነ ፅሁፍ ስራ ስለበረከትክልን እናመሰግናለን፡፡

ጥቆማው : - የአብርሃም ገነት ነው ::