#هام
انتبهوا على المحتوى الي عم يظهر لاولادكم حاليا كل منصات وسائل التواصل الاجتماعي عم يتبعو سياسة اخفاء الحقيقه من خلال نشر ورفع وصول المنشورات الخاصة بالكيان وتخفيض وصول المحتوى العربي الي ما بيدعمهم (عم يظهرو اي عمل بيعملو بحقنا على انه حق مشروع وانهم ملائكه منزلين على الارض جايين يساعدو الشعوب)
عم نلاحظ تاثير كبير بالشارع العربي عم يكون رايهم داعم الهم (خاصة المراهقين والشباب)
هاد الموضوع لازم يكون من مسؤولية المدارس وقطاع التربية ووزارات التعليم العالي والاهل
#جعفر_بدران

هجوم سيبراني يطال الموقع الرسمي لسلاح الجو "الصهيوني"

أدى الى تعطيل الموقع الرسمي للكيان
واختراق بيانات حساسه من ارشيف البريد الالكتروني حديث
ومخططات خاصة بالطائرات والصواريخ ومعلومات هاصة بالدفاعات الجويه وخطط لعمليات مع الموساد
واسماء ومعلومات ضباط هامين
#جعفر_بدران

#سؤال
كم تكلفة عمل جهازك على الشبكة السورية "جــمركه" وشو نوع الجوال
هل بتلاقي الرقم مناسب بالنسبة لسعر جهازك
الي ما بيعرف قدي لازم يدفع بس يطلبه من الرمز الي بالتعليقات
هاد المنشور الغرض منه استطلاع راي والتحقق من خطأ حاصل
#جعفر_بدران

تابعوني على انستغرام عم ينزل ريلزات بسيطه هنيك
https://www.instagram.com/jafarbdran_

عطل عام بالوقت
تاخرت بعض الساعات على الأجهزة
الساعه هلق ١٢ مو ١١
#جعفر_بدران

#هام
تاخر ساعة بعض الهواتف الذكية تلقائيا بسبب عدم تحديث بعض الشركات للنظام التوقيت العالمي
يرجى ضبط الساعات على المنطقه الزمنيه +3
لتصبح الساعه 12 بدل11
يرجى عدم ضبط الساعه بشكل يدوي لكي لا يقوم بتعطيل توقيت التطبيقات او يسبب مشاكل
#جعفر_بدران

#يسعد_اوقاتكم
كتير منسمع عن الخوارزميات
#الخوارزميات إلها دور كبير بتشكيل الصورة يلي منشوفها عن واقعنا من خلال وسائل التواصل الاجتماعي. دايماً بتعرضلنا نوع المحتوى يلي منحب نقراه أو نشوفه وبتجمعنا مع ناس بيفكروا متلنا، وبهالطريقة منلاقي حالنا بفقاعة أفكار بتعزز معتقداتنا الشخصية.

مثلاً، إذا شخص اقتنع بنظرية معينة، الخوارزميات بتبلش تعرضله محتوى عن هالنظرية، ومع تعليقات من ناس بيفكروا نفس الشي. ومع الوقت، هالتفاعل بيصير صداقات ومجموعات تدعم نفس الفكرة، وبيصير في مجتمعات مبنية على معتقدات مشتركة.

لهيك دايما بنبه على ضرورة المراقبة خصوصي على الأطفال والشباب، ونفهم المجتمعات يلي عم تتشكل حواليهم.
#انتبهوا
#جعفر_بدران

#هام
شكاوى من ضعف الوصول والتفاعل والمشاهدات على معظم منصات الشركه
الضعف بسبب تحديثات من الشركه واعطاء انتهاكات معايير للكثير من الصفحات باخر اسبوعين
وبسبب تخفيض وصول المحتوى العربي بشكل كبير
مين عم يعاني من نقصان بالمشاهدات والتفاعل والوصول
#جعفر_بدران

مشكلة عامه بتفعيل باقات سيريتل
ما حدا عم يقدر يفعل اي باقه
شكلو فيه رفع اسعار جديد
لا عاد ترفع جوالك بالسما او تعيد تشغيله المشكله مو من جوالك
#جعفر_بدران

انضموا لمجموعة التلغرام حتى تقدرو تتواصلو معي وتسألو اسألتكم وتنسألو في حال كان سؤال ممكن تعرفوه وتشاركو باستطلاعات الرأي
وتنضموا لعيلتنا الصغيره🥰
https://t.me/jbjafarbdran

#هام
كتير منا عم يتصل فيه حاليا ارقام سودانية، وما بعرف مين خطر بباله انو يقول هدول لسحب الرصيد او لاختراق الاجهزة " هاد كلام مو صحيح "
وبالنسبة للناس الي عم تقول فيه تداخل (الارقام الدوليه قطعا مستحيل تداخل مع ارقام دوليه تانيه مو لمجرد انو ارقام سوريا بتبدأ ب09 ممكن تداخل ارقامنا مع ارقام دولة تانيه)
هي المشكله خاصة فقط بالاحتيال (بيتصل بعض المحتالين بشكل عشوائي على ارقام اما لجمع معلومات او للخداع)

ولا بستغرب انو وضع المنطقه يكون سبب بهي القصه لمحاولة اختراق شركات الاتصالات الموضوع من المفترض ملاحقته بدقه من قبل مسؤولي امن الاتصالات بسوريا ولبنان
ويرجى عدم الرد وحظر اي رقم بيتصل عليك
#جعفر_بدران
انضمو للقناة ليصلكم كل جديد

#هام
اغلب الناس الي عندها صفحات اليوم لما عم يدخلو على صفحاتهم ما عم يقدرو يدخلو يشوفوها (كانها طايره)
هي مشكله عامه كل الصفحات متل ما هيي
يبدو في اخطاء بالتحديثات
#انتبهوا ولا تشغلو بالكم كم ساعه وبتنحل القصه
#جعفر_بدران

#نصيحة_تقنيه
اغلب الناس عانوا او عم يعانوا من مشكلة الصرف السريع للبطاريه او تفريغ البطاريه المفاجئ
حتى نقدر ناخد افضل اداء للبطارية ونبعد عن مشكله التفريغ السريع مثلا من ١٠٠ ل٨٠ وخاصه على هواتف ابل
• لما يفرغ الهاتف لا تستخدمه بشكل مكثف قبل ما يصل لل٢٠٪
• نحاول نبعد الجهاز عن مصادر الحرارة العالية او شمس او المدافئ لفترات طويلة
• تراكم الغبار حول البطاريه مع مرور الوقت (لما يصير الهاتف يفرغ حاولو قبل ما تبدلو البطاريه نضفوها (خاصة للايفون)
• وجود تحديثات لكتير تطبيقات بالجهاز وهاد الشي بزيد استهلاك البطاريه وخاصة لهواتف #اندرويد
• وجود فيروس بالجوال
لمهم اخر شي فكر فيه انك تبدل البطاريه خاصة ايفون 😅

#جعفر_بدران

ليش ما بنشر عن البرمجه والامن السيبراني وكيفية الاختراق او بنشئ ادواة
ببساطه الشي الي ما بقدر خليه مرن وعملي بايد الناس ماني مضطر انشر حوله
بالإضافة لتصميم اي أداة معنيه بالاختراق (هي رح تكون أداة بفكره منسوخه سابقا)
اليوم لتصمم ادواة اختراق اذا ما قادر تنافس برمجيات شركة NSO لا تنشر وتعمل لحالك الشهره الزايده ( او انشر بس لا تقول بسبب جهل البعض بفكرتك انك شخص الخاتمها وانت بتعرف من نفسك انو الي عم تعمله معمول من سنين مضت)

لما اعمل ادواة وبرمجيات معينه بعمري ما بخلت فيها لشخص لكن ما بنشر لانه ببساطه صعب شرحها غير لاهل المجال وفيه ناس انا واثق فيهم باعمار صغيره ومامنهم على بعض منصات ليتعلمو من خلال تراكم التجارب وانا واثق كل الثقه انهم بيوم رح يكونو افضل مني

اغلب الناس صارت فاهمه انو لا تدخل على روابط يعني انت لما تنشئ اداة اصلا مبنيه على رابط معناها انت استخدام أدواتك متل القلم الابيض بعلبة الالوان

واذا طورت حالك وخليتها بصوره فانت ما رح تستخدمها على مواقع التواصل الاجتماعي لان ببساطة ما رح تستفيد شي ورح تبعتها ايميل (ومين مهتم بصوره على ايميل)
بدك تستخدم الهندسه الاجتماعيه (انا بنظري ممكن يكون اي شخص خبير بالهندسة الاجتماعية يعني كشخص مهتم انت بعيد عن الفضاء السيبراني)

البرمجه حاولت خليها مرنه مع كم شخص حسيتا رغم نتائجها الإيجابية مع كم شخص تجربه فاشله

بالنسبة للامن السيبراني والي بقول انو شو هاد (هاد الي مو عاجبك لولاه انت وغيرك عبارة عن فضائح على الانترنت وبسوريا فيه عدة شركات موجودين لكن نتيجة ضعفنا التقني عم تفكرو انو هي مصطلحات غير صحيحة او مالها قيمه )

للتنويه : اي صاحب شركة او مؤشسة او منظمه او بنك حكي معي وارسلتله خدمات الامن السيبراني الي بقدمها انصدم من دقة العمل والحمدلله اليوم كل يلي اشتغلت معهم او ساعدتهم حصدت نتائج ايجابيه

الهاكر الاخلاقي علم يوميا عم يتطور كتير بحاول لما حدا يستفسر عنه اعطيه معلومات بسيطه ويدرس شويه معلومات ناشرها مسبقا على شكل ابحاث على الموسوعة الحرة

ليش بركز على السوشل ميديا لان اليوم هيي جزء من اي مجتمع باي دوله ومحرك الراي العام باي مكان بالكوكب وانا فخور اني قدرت كون شريك معهم (مو عم احكي بس عن ميتا) باعمال معينه وأغلب مشاكلكم موجودة عليهم والحمدلله وصلت لمرحله حليت مشاكل عجزوا كل الناس الي عم يشتغلو على اساس انهم يحلوها

ليش ما بتساعد بلدك وشباب بلدك (مين قلك اني ما بحاول دايما ساعد بلدي وشباب بلدي باي شي بقدر عليه ما بظن اي مؤسسة حكومية سوريه طلبتني وقلت لا او حاولت ساعدها ومع كل التفشيل والضغط الي عم اتعرضله يوميا والي بيعرفني بشكل شخصي بيعرف قدي عذبوني وحاربوني وبعدهم وهنن اول الناس الي رح تقرأ هاد البوست وبالنسبة لشباب بلدي ولا بظن شب سوري باي دوله ما حاولت ساعده بعد ما طلبني )

ليش ما بسافر برا سوريا (ارتباطي بكم موضوع شخصي بحياتي وهدفي اني ساعد بتحسين الواقع التقني جذريا واعطي خبرتي لبلدي رغم الضغوط والتفشيل وكل المعطيات من البعض الي بنظري ما بمثلو الا نفسهم ، واساءة معاملة السوريين بعدد كبير من الدول )

حبيت انشر هاد الكلام تعقيبا على اسأله كتير تكررت

#جعفر_بدران

#يسعد_اوقاتكم
غالبا بيصل من كتير ناس اسأله (كيف بقدر امن حسابي من التعطيل والإختراق او كيف ممكن اضرب حساب شخص)
• بالنسبه للتامين الحسابات (ان كان #فيسبوك او #انستغرام او #اكس او #جوجل )
دايما بتقدر تامن حسابك من خلال كلمة سر ومصادقه ثنائيه وتفعل اكبر كم من خيارات المصادقة ولا تبعت اي رمز بيصلك لاي شخص بيطلبو مهما كان صديقك وهيك بتقدر تكون امن بشكل نسبي من #الاختراق

• اما اذا بدك تامن حساباتك حتى ما تتعطل من الشركه فلازم دايما تكون حريص على معايير المجتمع المفروضه من كل شركه
وحتى تكون امن
(التزم بعدم نشر صور او منشورات غير أخلاقية او ضد القوانين - لا تنشر صور اطفال انت وعم تلعب معهم بطريقه وترسل صور اطفال على مسنجر لا تنشر صور ومنشورات لحدا تاني - لا تنشر سلع او أدوية محرم بيعا على الانترنت - لا تشتم حدا و لا تدعم منظمات غير قانونيه - لا تحكي وتبعت صور غير اخلاقيه عبر مسنجر - لا تحط او تنحتل صفة اي شخص ...الخ)
وبالنسبه للحظر المؤقت من النشر والتعليق وأرسال الرسائل (لا تنقط هلى منشورات الاسعار "فيك تحط اي ايموجي احسن" لا تتفاعل بشكل سريع وتعلق اكتر من ٢٠ تعليق على منشور معين وانتبه بارسال الرسائل بمسنجر)

• وهون منجي للسؤال التاني كيف بينضرب الحساب والجواب يمكن وضح اذا انتهك حساب اي من المعايير الي فوق بلاغ واحد من اي طلب بروحه اما اذا ملتزم ضمن المعايير صدقني ولا رح تفيدك مليون بلاغ

#جعفر_بدران

ليش اغلب وسائل الاعلام السورية ومنصات الاخبار الكبيرة ما بتنقل الي عم يصير باللاذقية بشكل كامل

#هام
اي شخص عم ينبعتلو على تلغرام رساله انو اله صوره على موقع من خلال رابط لا تدخلو عليه واحظرو المستخدم فورا
#جعفر_بدران

انضموا لمجموعة التلغرام حتى تقدرو تتواصلو معي وتسألو اسألتكم وتنسألو في حال كان سؤال ممكن تعرفوه وتشاركو باستطلاعات الرأي
وتنضموا لعيلتنا الصغيره🥰
https://t.me/jbjafarbdran

#فكرة_خاطئة
اي شخص لما تقلو جوالك او كمبيوترك #مفيرس او ضغط على رابط خطر بالغلط بقول اخترقوني ورح امسح كلشي بالجهاز 🏃 بدون ما يكفي الحديث وكيف وصل الفيروس اله 😅

(متل ما صار مبارح بموضوع الرابط الي عم يصل على منصة تلغرام اي شخص ضغط بالغلط صار يركض يمسح ويغير كلمات سر حساباته وهو بدك تلقنه المعلومات)

• #البرمجيات الخبيثه الها انواع والاختراق هو نوع واحد من الاف الانواع
اذا انصاب جوالك او اي جهاز الك بفيروس فممكن يكون (فيروس خاص بإظهار الاعلانات بالخلفيه او لتعدين العملات الرقميه وهي ما بتخترق اي بيانات الك بس بتهدر قوة الجهاز الخاص فيك فقط ممكن تقصر عمر البطاريه او بتعمل ضغط معالجة او رابط اختراق من خلال الهندسه الاجتماعيه متل ما صار مبارح)

ولله معلوماتك مو كتير مهمه لاي مطور فيروسات 😩 والي بدن معلوماتك صدقني معن كلشي عنك ( #جوجل - #ميتا)

مو كل ما قلت لواحد فيه فيروس يركض يمسح كلشي ترا كتير فيه انواع للفيروسات وطرق الاختراق 🤠
#جعفر_بدران

#نصيحة
لا تستخدم حساب جوجل حاليا كحساب رئيسي لانشاء حسابات على المواقع واذا رابط حساب جوجل بفيسبوك وبتشتغل عليه فك ربطه والجأ لاي خيار غيره لان حاليا صار البريد هو أهم خيار للتاكيد بالنسبة لشركة ميتا وباقي المواقع

بسبب مشاكل مع شركات الاتصالات السورية ممكن تخسر بياناتك كلها بهاد الخطأ
يفضل استخدام حسابات غير جوجل حتى تامن بياناتك
متل حساب مايكروسوفت (يبدو المشكله مع جوجل مالها حل حاليا)
لهك رجاء اي شخص راح حساب جوجل تبعه ومعلق على الرقم لا يتعذب

#تنويه ٩٠٪ من الناس بتعمل حساب جوجل وبتربطه على المواقع بدون ما تستخدم خيارات الاسترداد لهك جماعة الي عاملين خيارات الاسترداد هاد المنشور مو الكم

#جعفر_بدران