#هام
#حكي_مهم بهاد الوقت باعتبار الفتره المقبله فترة نهضه وتغييرات #عالميه ب #سوريا ، وجيل الي عم يلعب بالمراهنات والبثوث وغيرهم ما اله مكان بهك تغيرات (عقولهم مو مؤهله تستقبل هك تطور)

• نصيحة طور نفسك بشكل كبير بالتقنيات والبرامج الحديثه حاول زيد خبرتك وخود اراء الناس الي حواليك ومن بعدها خود اراء المختصين "رح حاول شارك معكن اكبر قدر من التقنيات والبرامج يلي بتحتاجوها بكل المجالات لتدربوا عليها بالفتره المقبله"

لان #سوق_العمل رح يفتح على مصراعيه والي حاجز للمستقبل فقط الي رح يتدرب من هي الفتره ليصير مؤهل ليكون ضمن المواكبين للتطور والتحديثات والي بيقدروا يصنعوا التطور بعد مواكبته والا رح ينتهي فيك الطريق شخص بدون عمل ما رح يقدر يشتغل ولا باي قطاع مهما عليت شهادتك #انتبه
(اهم المجالات الي بنصح تزيدو خبرتكم فيها " الذكاء الاصطناعي - تعزيز ثقافتكم التقنيه - تطوير اعمالكم وتعليمكم بشكل مرن مدبيتناسب للتعديل باي وقت - حاولو اتقنو اساسيات التسويق الرقمي والبرمجه )

• معك شهادة جامعية لا تعتمد عليها طور من نفسك لان المطلوب لهاد السوق خبرات ناس رح تنهض للمستقبل مو ناس عديمة خبره (الخبره مو تشتغل بشركه كم سنه الخبره ان تتقن الي عم تشتغله بشكل كبير )
النقنية والبرمجة والذكاء الصناعي صار شي اساسي بحياتنا والي لسا معند على اراء وعقليات قديمه رح يخسر كتير

"الكلام مو بس للسوريين بل لكل العرب"
مو بس للشباب كمان للمراهقين والصغار بالعمر
علموا اولادكم كل شي ممكن ينفعهم بطرق التعلم المرن

• المشهد المقبلين عليه مشهد بذكرني ب #نوكيا لما ما عرفت تواكب التطور وصارت جزء من التاريخ والماضي
لا تكونو ماضي ، اصنعو المستقبل
جيل الشباب ممكن قول انه بدأ
اتذكروني بعد كم شهر وقولو هاد الشب الابن الحلال هو الي خلاني اتعلم مهارة رح اشتغل فيها حاليا

#جعفر_بدران

#هام
كتير مستخدمين بتم اختراقهم بسبب هيك رسائل
لما تصلك هيك رساله فورا ابلغ على الشخص الي ارسلك هي الرسالة ، ولا تدخل على الرابط
لما يصلك اي رابط دايما انسخه وادخل على وضع التصفح المتخفي والصق الرابط حتى تتاكد ان كان الرابط للاختراق أو لا
#جعفر_بدران

#هام
بعد المشاكل الي حصلت على التوصيات بالصفحات والملفات الشخصية وخاصه السورية
حاليا تفاقمت المشكله من عدم التوصية بشكل جزئي الى عدم التوصية بشكل كلي والغاء نشر الصفحات
لهك بتمنى من كل اصحاب المهن والصفحات الإعلانية والمؤثرين الي عم يسترزقو من صفحاتهم ينتبهوا من اي منشور ممكن يعتبر جزئيا غير منتهك للمعايير
لانه عم تروح الصفحات بدون رجعه (قرار نهائي غير قابل للطعن)
والي صفحته كبيره وبخاف عليها فيه يحكيني حتى نساعده بالحفاظ على امن صفحاته
للاسف كتير ناس عم تسترزق من صفحاتها رح تروح صفحاتهم بدون ذنب
وللي راحت صفحته بمتل هيك قرار يحكيني حتى ساعده
#انتبهوا
#جعفر_بدران
تابعو القناة حتى يصلكم كل جديد

السكافي حافي وباب النجار.... 😂
ميتا عندها دايما مشكلة مع وضع الاشخاص والشركاء الي بيشتغلو معها بقسم خاص
انتهاك سياسة الاعلانات بسوريا امر ما لاقت اله حل لسا
انتبهوا من انتهاكات الاعلانات والتوصية متل ما نبهت مبارح صدقوني ميتا بازالة الصفحات ما عندها هم لو كانت صفحتك فيها١٠مليون متابع
الافضل هو التقيد دائما بمعايير وسياسات الشركه والافضل لا تتحداها متل البعض بتكون الشركه بتعرف ايمت بياكل وبيشرب وبيتحمم وبنام وين بروح وين يجي وبلاخير بقول اني لا اسمح باستخدام بياناتي او بينشر محتوى منتهك للسياسات
وبعد دقيقتين بكون عم يحكيني رجعلي صفحتي😂

#جعفر_بدران

رجعت العيون الخضره 💚
شكرا لكل الكلام الحلو والناس الي اتصلت تطمن
وان شاء الله كون جاوبت بدقه لكل الناس الي حبت تسأل عن المشكله
#انتبهوا يا جماعه على توصية صفحاتكم
وشكرا لفريق الدعم الي اتعامل مع المشكله بسرعه
#جعفر_بدران

قبل ما الذكاء الصناعي ياخد وظائف الناس
الناس الي بتعرف بالذكاء الصناعي رح تاخد وظائف الناس الي ما بتعرف بالذكاء الصناعي
#جعفر_بدران

بعد استطلاع رأي نُشر على منصاتي شارك فيه ما يزيد عن ٥٠٠٠ مستخدم
اكدوا على انه شركات الاتصالات تعمدت زيادة سرعة استهلاك باقات الانترنت وزيادة اسعارها
يرجى من المعنين الاتطلاع واعادة نسب الاستهلاك كما عرفناها سابقا
حاج الاسعار ما مدروسه والخدمات سيئه لسا استهلاك سريع
يرجى من المعنين في وزارة الاتصالات والمسؤولين في شركات الاتصالات التحقق من المشكله وان كانت عن عمد وحل المشكله
#جعفر_بدران

#يسعد_اوقاتكم
ميزة قادمه لواتساب ، واخيرا ما عاد بحاجة تعطي رقمك للشخص حتى يتواصل معك
رح يتم اتاحة ميزة #اسم_المستخدم حتى يتم التواصل مع الأشخاص من خلال اسماء المستخدمين متل تلجرام للمحافظة على خصوصية ارقام المستخدمين
هي الميزة عطت اهمية كبير لتلغرام وبتصور تعمل نتيجة حلوه بـ #واتساب وطال انتظارها بصراحه

#جعفر_بدران

رسميا البدء بتوقيف عدد من كبار مروجي العاب المراهنات في سوريا
وتم القاء القبض على واحده من اكبر الشبكات في سوريا ويلي كان مركزها في محافظة طرطوس (جنت مليارات من الناس الضعيفه)
اي شخص عم ينشر عن العاب المراهنات او عم يلعبها يتوقع باي لحظه يروح على بيت خالتو بدون سابق إنذار
حذرت قبل فتره ما كنتو تفهمو القو اذا فيكم (ما عاد ينفعكم الندم)
شكرا لوزارة الداخلية وافرع الأمن الجنائي والشرطة في سوريا

#جعفر_بدران

#هام
في موضوع مهم عرفته بالصدفه متعلق باتصالات الطوارئ
احيانا ممكن كتير اوقات منكون بوضع طوارئ اسعاف ومنتصل على رقم الطوارئ بسوريا 110 بس ما حدا برد ( اغلب ارقام الطوارئ هيك)

هي مشكله بسبب عدم جاهزية بعض الأجهزة الذكية وضعف اداء شركات الاتصالات عنا
حتى يرن بشكل صحيح الافضل تتصل بالرقم مسبوق بنداء المحافظة (طبعا الرقم مجاني)
يعني اذا بدك تتصل من اللاذقية 041110
ونفس الشي الهلال الاحمر على الرقم 133

ومشان الناس الي ما بتعرف ارقام الطوارئ خلي هاد البوست محفوظ عندك
الإسعاف 110
لإطفاء 113
طوارئ الكهرباء: 114
الهلال الأحمر السوري: 133

يفضل تكتب قبل كل رقم نداء محافظتك
#جعفر_بدران

#نصيحة_تقنيه
مع التحديثات الي عم تصير على #فيسبوك وباقي التطبيقات عم يصير ببعض #الحسابات ضياع لمعلومات #الاتصال او نتيجة #الإهمال
(لما تنسى كلمة المرور وبدك تغيرها ما بيعرضلك كل الخيارات على الفيسبوك او الانستا (بريد او رقم) - او اهمال بعض الأشخاص لحساباتن وهيك بيخسروا حساباتن وكتير ناس صار فيها هي المشكله )

• كل فتره أكد معلومات الاتصال الخاصه فيك واذا فيه تحديث او تغيير بالبريد الالكتروني او رقم الهاتف لا تقلل مروه لتغييره ما بتعرف باي لحظه بتصير مشكله معك وبيطلعك من الحساب

• #كلمة_المرور الخاصه فيك لا تطولها حتى ما تنساها واحفظها على مفكره وورقه بحيث ما حدا يعرف يوصل الها الا انت وحتى ما تنساها

• ‏اذا مفعل #المصادقه_الثنائيه يفضل تضيف رقمين شغالين الك وبريد الكتروني ، وتنزل رموز الاسترداد ، وتشغل تطبيق المصادقة من جوجل حاليا لانه الافضل 🤯 افضل ما تطلب تأكيد هويه في حال صار اي خلل باي ميزه من الشركه.

#جعفر_بدران

#نصيحة_تقنيه
بعض الناس بتخلي محلات الاتصالات تنزللها تطبيقات على هاتفها او تنشئ الها بريد الكتروني متل ايكلود
بعض المحلات عم تحط فيروسات او ايميلها الخاص او تنزل معلومات الهاتف من صور وفيديوهات الشخص وبعد فتره بيبتزوا الشخص بمبالغ مالية عاليه
• لا تحط هاتفك عند اي محل ما بتعرف مين صاحبه
اذا تعرضت لابتزاز لا تمشي متل ما بده المبتز فورا بلغ عليه لاقرب فرع امني او شرطه
• لا تخلي اي شخص ينشئ بريد الكتروني لان البريد الالكتروني اذا فعلت خيارات مزامنة يزامن صورك ومعلوماتك الشخصيه وبهي الحالة ممكن تتعرضو للابتزاز
خاصة مستخدمين الايفون بسوريا نتيجة حظر ابل للخدمات البعض بحط حساباته على جهازك الايفون واي صورة بتتصورها بتصير عندو
اذا مو مركز اتصالات اله سمعته او شركة رسمية لا تامنوا عنده معلوماتكم احسن ما تفوتوا بقصة ابتزاز الها اول ومالها اخر

#انتبهوا
#جعفر_بدران

#هام
كتير ناس عم يتداولو انه تلغرام رح يتوقف بسبب توقيف صاحبه #بافيل_دروف بفرنسا
تلغرام ما بيتوقف بسبب سذاجة دولة متل #فرنسا الي ممكن هلق تصدر امر باعتقالي لاني قلت عنها ساذجة
فرنسا باخر فتره كتير اثبتت فشلها وايقاف دروف اثبت فشل كبير بسبب عدم وضوح سبب اعتقاله والاولمبياد الفاشلة الي نظمتها...
ومن غير المنطقي منصة فيها اكتر من مليار مستخدم يعتقل صاحبها بسبب خطأ عدة أشخاص بيستخدموا المنصة وينسجن ٢٠سنه والي خالفوا القانون ما يعتقلوهم وظن الحكومة الفرنسية انو ممكن تلقي القبض على مخالفي القانون بس من ورا حساباتهم على تلغرام
#جعفر_بدران
تابعوا القناة حتى يصلكم كل جديد

#نصيحة_تقنيه
لما تنشري صورتك او تعلقي اي تعليق باريحيه بغروب على اساس خاص ب #البنات تاكدي انه فيه شباب ومنن ممكن يكونوا بيعرفوكي عم يشوفوا تعليقك ، لهك خليكي محترمه ولا تاخدي راحتك زيادة (ما في مجموعة ١٠٠٪ شباب او بنات بكل الفيس وكتير تعاملت مع قصص فضايح بسبب هاد الشي )

• ويلي بعلق باريحيه على منشورات عامه (مشاهير وصفحات عامه او حسابات عامه )تاكد/ي انه ٦٠ بالميه من الناس الي بتعرفك (اصدقائك ومتابعينك) شايف تعليقك لهك دايما لما تعلقوا علقوا على هاد الاساس (كتير مشاكل صارت بسبب جهل بعص المستخدمين بهي المواضيع) لا تحكي على اي شخص او تذمه لان صدقا اول ما رح يقرأ تعليقك هو الشخص الي قاصده

اي موقع خاص بمواقع التواصل الاجتماعي ما في خصوصية
"#الخصوصيه عباره عن وهم فقط"

• فينك تلغي ميزه ظهور تعليقاتك العامة عند الاصدقاء ورح اشرح بالتعليقات كيف بس ما تضمن انه ما تكونوا متابعين نفس الشخص او الصفحه ويقرا تعليقاتك😉


لتمنع ظهور التعليقات
من الاعدادات - مننزل للاخر ومنضغط الوصول إلى المعلومات وبعدين مننزل للاخر ومنضغط "معلومات الاعلانات" - معلنون تفاعلت معهم - وبعدين أعدادات الاعلانات - وبتنزل بيظهر خيار التفاعلات الاجتماعية (بتختار مين بشوف تفاعلاتك)

لتمنع ظهور التعليقات
من الاعدادات - مننزل للاخر ومنضغط الوصول إلى المعلومات وبعدين مننزل للاخر ومنضغط "معلومات الاعلانات" - معلنون تفاعلت معهم - وبعدين أعدادات الاعلانات - وبتنزل بيظهر خيار التفاعلات الاجتماعية (بتختار مين بشوف تفاعلاتك)
#جعفر_بدران

#هام
لكل المتقاعدين الي مسجلين عبر المصرف التجاري السوري
صار بدل ما تنزل وتدور على صراف وتوقف ساعات على طابور
فيك تنزل لاقرب مركز هرم كل اول شهر وتقبض من خلال مراكز الهرم
تحديث مهم ومريح وخاصة للمتقاعدين الكبار بالعمر
فقط جيب معك بطاقة المصرف وهويتك

#جعفر_بدران

#هام
مشاكل في تطبيقات #ميتا ، بتسجيل الدخول والنشر وعرض اخر الأخبار
واختفاء علامات التبويب للبحث والمسنجر
#جعفر_بدران

#يسعد_اوقاتكم
مشكلة سرعة استهلاك باقات الانترنت
صارت معاناة لكتير ناس
كان الواحد بباقة مو خالص كيف هلق بتلاته
مبارح عبيت انا واصدقائي باقة 50 غيغا اليوم استهلكنا نصها على حسبة الشركه🤬
هاد غير باقات الراوتر
#جعفر_بدران

#يسعد_اوقاتكم
كتير ناس عم يصلها على مسنجر رسائل على اساس انها ربحت مصاري على شكل عملات مشفره (usdt)

• بالإضافة لكتير ناس عم يصلها انه احد اقاربها بدوله تانيه ترك ورثة الهم
• وبالإضافة لشخص بحكيك بخبرك انه صورك منشوره على غروبات
بكل الحالات السابقة بكون معهم روابط ، هي الروابط للاختراق لا تدخلو عليهم لان قسم منهم بيخترق حساباتك ،وقسم بيخترق جوالاتكم
#انتبهوا
#جعفر_بدران

#يسعد_اوقاتكم
مع كل الاحداث و #الاختراقات الامنيه الي عم تصير لازم يكون لكل عنده ثقافة الحماية الشخصيه على حساباته وجهازه الشخصي او اي اجهزه ببيته باخر فتره صار فيه عدد كبير من الاختراقات للاجهزه ولحسابات وبصعوبه قدرو يسترجعو الوصول لحساباتن واجهزتن لهاد السبب بتمنى من الكل يتبع بعض الإجراءات ومنها الي انتهك خصوصية الاشخاص ومنن خسرو حساباتن بسبب جهلن بمعايير الادوات الحديثه ولهاد السبب رح حط اكبر عدد من الإجراءات والحلول بهاد المنشور.

• باخر فتره صار من الضروري تفعيل المصادقه الثنائيه والخطأ الي عم تقع فيه الناس انه المصادقه الثنائيه لازم تضيف رقم خاص بالميزه ليرسل #فيسبوك رساله المصادقة ونتيجه المشكله هي كتير ناس راحت حساباتن ولكن بترجع بعد ارسال ايميل مرفق بالهويه بتم مراجعته باقل من ٢٤ ساعه

• ‏لا تفتح اي #رابط بيصلك مهما كان واضح انه امن الا بعلامة تبويب تصفح متخفي لان بهي الحال مهما كان الرابط ملـ.ـغم ما رح يقدر ياخد معلومات من الهاتف

• ‏وصل باخر فتره رسايل من عدد من الاشخاص قدرو يخترقوون عن طريق رساله او صوره ملغمة ولهاد السبب اي صور بتشك فيها انها خطره لا تحملها على جوالك ابدا.

• ‏بالنسبه لنسخ واتساب هيي اكتر تطبيقات الخطره لانها غير امنه ابدا وممكن بايولحظة يروح حسابك لهاد السبب اذا كان معك اي نسخه من واتساب امسحها وحمل النسخه الرسميه من #جوجل_بلي او #ابل_ستور
حتى تحمي نفسك اعتمد فقط على نفسك ولا تحمل اي تطبيق خاص بحمايه متل (انتي فايروس وغيره) لان هي على عكس عملها هيي اساسا عباره عن فيروس

• بالنسبه للأحداث بيع البيانات وسرقتها من الشركات هي المشاكل في ظل الثقافة المنتشرة حاليا و الممارسات اليومية للجميع تقريبا و اسلوب الاتصال كل شيء مباح لمن يملك التقنيات الحديثة
و من يملكها؟
المورد اي مالك المنتج سواء الجهاز ام نظام التشغيل
من يملك برامج تجسسية متقدمة
ويوصى لما ينسمع اي خبر من هاد النوع على وسائل اعلام رسميه تغيير كلمات المرور لان عدد كبير من الحسابات عم يتم سرقة بياناتها

• ‏واخيرا لا ترسل اي معلومات شخصيه لاي حدا اذا ما بتثق فيه ثقه كبيره وهويتك لا تامن تعطيها لاي شخص علانترنت الا للاشخاص الثقه مو مين ما قلك بدي وظفك تبعتلو هويتك احتمال يسرق حسابك ويبتزك وهاد الشي مانك مضطر عليه الي بدو يشغلك بتبعتلو cv فقط لا غير ولا تحمل اي تطبيق مو امن .
- بتمنى يكون البوست ساعد لو بشئ بسيط بزيادة الوعي والحماية الذاتيه على الإنترنت
#جعفر_بدران