*السلام و علیکم*
ایک مجرب نسخہ ارسال کرتا ہوں,

*هوالشافی*
انگوری سرکہ ایک بوتل ۔۔۔یعنی 3 پاؤ،
دیسی اجوائن 1 کلو،

*ترکیب*
اجوائن صاف کرکے ایک باول / برتن میں ڈالیں اور انگوری سرکہ سے تر بتر کر لیں اتنا سرکہ ڈالیں کے اجوائن ڈوب جاۓ
برتن کے اوپر مارکر سے تاریخ ڈال کر برتن کو فریج میں نیچے والے خانے میں رکھ دیں
22 دن کے بعد برتن کو فریج سے نکال کر اجوائن کو کسی اخبار پر یا کسی موٹے کپڑے پر پھیلا کر دھوپ میں خشک کر لیں، جب نمی بلکل نا رہے تو گرینڈ ر میں ڈال کر پیس لیں اب اس میں حسب ذائقہ کالا نمک پیسا ہوا ملا لیں اور ڈبے میں سنبھال رکھیں.
*استعمال*
1/2 چھوٹی چمچ پانی کے ساتھ کھانے کے 1/2 گھنٹہ بعد صبح شام،
*فوائد*
کالا پیلا یرقان،
ہیپاٹائٹس سب طرح کے،
بد ہضمی،
پیٹ میں درد،
کھانے کو ہضم کرنے کے لئے،
بھوک نا لگنے،
وغیرہ کے لئے بہترین رزلٹ ہے
طالب دعاء
*احقر جابر پالن پوری*

https://T.me/jabirpalanpuri

*السلام علیکم*

ایسے لوگوں کے لیے جن کو احتلام بہت تنگ کرتا ہو، جن کو سرعت کی شکایت ہو یا جن کو جریان مذی یا ودی کا مسئلہ ہو،
جو لوگ باڈی بنانا چاہتے ہوں اور جو لوگ گرم کام کرتے ہوں یا گرمی اور دھوپ میں کام کرتے ہوں سب کے لیے ایک مجرب اور آزمودہ نسخہ پوسٹ کر رہا ہوں انشاء اللّه بہترین رزلٹ دے گا
*هوالشافی*
بہی دانہ 10 گرام،
دیسی اجواین 10 گرام ،

دونوں چیزیں صاف کر کے ایک گلاس پانی میں کسی شیشے یا مٹی کے برتن میں رات کو بگھو کر رکھیں صبح ہاتھ سے مل کر کپڑے سے شیرہ نکال لیں اور نہار منہ پی لیا کریں ۔
ایک ہفتہ بعد ایک دن کا ناغہ کریں ۔
انشاء اللّه مندرجہ بالا امراض میں تیر بہدف ثابت ہوگا ۔
طالب دعاء
*احقر جابر پالن پوری*

https://T.me/jabirpalanpuri

*السلام علیکم*
*لکنت ( تتلاہٹ ) کے لئے*

*ھوالشافی*
رائی ،
نوشادر ،
سیاہ مرچ ،
فلفل دراز ،
عقر قرحا،
سونٹھ،
نمک سنگ،
سب چیزیں ہم وزن لیکر باریک پیس لیں ۔اور تھوڑی سی یہ دوائی لیکر زبان پر ملیں اور منہ ڈھیلا کر کے لعاب (تھوک ) باہر گراتے رہیں ۔۔
انشاء اللّه 15/20 دن میں لکنت ٹھیک ہوگی ۔۔۔

خوراکی دوائی کے طور پر لعوق بادام کھا لیں جلد آرام ہوگا ۔
طالب دعاء
*احقر جابر پالن پوری*

https://T.me/jabirpalanpuri

*السلام و علیکم*
*بلکل منفرد اور حیران کن علاج*
یہ پوسٹ پڑھ کر عام قاری حضرات ہنسیں گے، اور بہت سے حکما ؑ حضرات کے لیے بھی ہوسکتا ہے نئی چیز ہو
لیکن ایک بات ضرور عرض کروں گا بغیر مرض کے یعنی اگر مندرجہ ذیل مرض اگر نا ہوگا تو یہ کام نہیں کرے گا.
اب ذرا دھیان سے اور تنقید کی عینک اتار کر نسخہ پڑھیں ۔اللّه تعالیٰ ہم سب کو طب سمجھنے اور طب کو پھیلانے کی توفیق عطا فرماۓ ۔آمین

*دماغ ھلتا ہوا محسوس ہونا اور چکر بھی آنا*

*هوالشافی*
ایک دیسی انڈ ے کی صرف زردی علیحدہ کر لیں
اب جو مریض ہے جو کہتا ہے میں سر ہلاتا ہوں تولگتا ہے میرا دماغ ہل رہا ہے اور چکر آتے ہیں اسے یہ زردی اسکی ہتھیلی میں رکھ دیں یاد رہے زردی ٹوٹے نہیں ۔ اب اسے کہیں کے اپنی زردی لئے ہوے ہتھیلی کو اپنے دائیں یا بائیں کان کی لو سے لگا کر آرام سے لیٹ کر پانچ منٹ انتظار کریں کچھ ہی لمحوں میں انڈے کی زردی براستہ کان دماغ میں جانے لگے گی اور شک شک کی آواز محسوس ہوگی ۔جب ساری زردی کان میں چلی جاۓ تو ہاتھ دھو لیں اور نیم گرم دودھ شہد ایک چمچ ملا پی لیں ۔
اب نیند آنا شروع ہوگی اور اس وقت مریض کو آرام دہ بستر پر سلا دیں ۔2/3 گھنٹے بعد اٹھے گا تو انشاء اللّه ٹھیک ہوگا ۔۔۔۔۔
بعض مریض کہتے ہیں کے ایک طرف سےٹھیک ہو گیا ایک طرف باقی ہے اگلے دن پھر اسی طرح کریں ۔۔۔جب پوری طرح ٹھیک ہو جاۓ تب خود بخود انڈے کی زردی کان میں جانا بند ہو جاۓ گی ۔۔
*نوٹ*
یاد رہے یہ نسخہ میں نے خود آزمایا ہوا ہے اور یہ حکیم عبدالله صاحب مرحوم کا ہے
طالب دعاء
*احقر جابر پالن پوری*

https://T.me/jabirpalanpuri

*السلام علیکم*
مختصر مگر مفید دوائی براۓ بول فل فراش بچگانہ یعنی بچوں کے لیے جو بستر پر پیشاب کرتے ہیں ۔
2 سال کے بچوں کو دیں اس سے کم عمر کو نا دیں ۔۔۔
*هوالشافی*
پستہ چھلکے کے بغیر،
سونٹھ،
پان جڑ،
تینوں چیزیں ہموزن باریک پیس کر ملا کر حسب ذائقہ گڑ ملا کر ( پسا ہوا ) رکھیں ۔
*استعمال*
ایک چمچ صبح ایک شام 4/5 بجے پانی یا دودھ سے دیں -
چاۓ کا خاص پرہیز کروایں ۔
رات سونے سے پہلے بچے کو پیشاب کروا کر سلائے ۔
علاج مدت 25 یوم.
طالب دعاء
*احقر جابر پالن پوری*

https://T.me/jabirpalanpuri

*السلام عليكم*
*گوہا نجنی کے لیے ایک مجرب ٹوٹکا*
جب گوہانجنی ( آنکھ کے پپوٹے پر دانہ ہو جانا پھر اس میں پیپ پڑ جانا )نکلنا شروع ہو ابھی اس میں پیپ نا پڑی ہو تو
علاج
*ھوالشافی*
ایک کالی ڈوری یا باریک رسی 6 انچ سائز کی لے کر اسے گھیکوار /ایلوویرا یا کنوار گندل بھی جس کو بولتے ہیں کا ایک پتہ لیکر درمیان سے چیرا دے کر اسکے شیرے میں اچھی طرح بھگو لیں اور اس ڈوری کو زخمی آنکھ کے مخالف پاؤں کے انگوتھے پر ایک بل دے کر باندھ لیں ۔بس ۔گوہانجنی ٹھیک ہونا شروع ہو جائے گی
*نوٹ*
جب تک مکمل آرام نا آے اسکو اتاریں نہیں جب بلکل ٹھیک ہو جایں تو کچھ خیرات بانٹ دیں.
طالب دعاء
*احقر جابر پالن پوری*

https://T.me/jabirpalanpuri

*چکنی اور نارمل جلد کو گورا بنانے کی کریم کا طریقہ*

اس کریم کو بنانے کے لیے جو اجزاء درکار ہیں ان میں ٹماٹر کا پیسٹ، عرق گلاب، لیموں کا عرق اور مولیٹھی کا پاوڈر۔ ایک درمیانے سائز کا ٹماٹر لے کر اسکا پیسٹ بنا لیں پھر چند قطرے عرق گلاب شامل کریں آدھے لیموں کا عرق شامل کریں اور اسکے بعد دو چمچے مولیٹھی کا پاوڈر شامل کریں، مولیٹھی کا پاوڈر اس کریم کا سب سے اہم حصہ ہے جو نا صرف ہائپر پیگ منٹیشن کو قابو میں رکھتا ہے بلکہ سورج کے مضر اثرات سے بھی جلد کی حفاظت کرتا ہے ۔جبکہ اس کریم میں شامل عرق گلاب جلد کو نم رکھنے اور رنگت نکھارنے میں اہم قردار ادا کرتا ہے، ان تمام اجزاء کو اچھی طرح مکس کرلیں، رنگت نکھارنے کی کریم تیار ہے ۔
اب ایک برش کی مدد سے اپنے چہرے ہاتھ ،پیر اورگردن پر اس کریم کی موٹی تہہ لگا لیں، اور خشک ہونے تک لگی رہنے دیں،۔تقریباً پندرہ منٹ میں جب یہ پیسٹ خشک ہوجائے گا تو اسکے بعد روئی کو ٹھنڈے پانی میں بھگو کر اپنی جلد پر لگی کریم کو اسکرب کرنا شروع کریں۔ جب پوری کریم اسکرب ہوجائے تو ٹھنڈے پانی کی مدد سے دھو لیں، یہ کریم آپکی جلد میں موجود تمام گندگی صاف کرنے کے ساتھ مردہ خلیوں کو بھی باہر نکال پھینکے گی جس سے آپ کی رنگت صاف شفاف ہوجائے گی۔ پہلی بار لگانے میں ہی بہترین نتائج سامنے آئیں گے اورآپ اپنی جلد پر واضح فرق محسوس کر سکیں گے یہ کریم نہ صرف آپکی رنگت نکھارے گی بلکہ آپکی جلد نرم و ملائم کر دے گی۔
طالب دعاء
*احقر جابر پالن پوری*


https://T.me/jabirpalanpuri

*السلام علیکم*
*ہربل اینٹی بائیوٹک کیپسول*

یہ نسخہ حکماء حضرات کے لئے ہے لیکن جو دوست بنانا چاہیں وہ حسب ضرورت بنا سکتے ہیں کیونکہ اس نسخے میں کوئی مضر اثرات والی ادویات شامل نہیں ہیں۔
سب سے پہلے اجزاء نسخہ۔

*ھوالشافی*
سونٹھ بغیر ریشہ 100 گرام،
ہلدی 50 گرام ،
قسط شیریں 100 گرام،
رال سفید 100 گرام ،
*ترکیب اور استعمال*
سب ادویات کا سفوف بنا کر 500 ملی گرام والے کیپسول بھر لیں۔دن میں تین بار کھانے کے بعد ایک۔ایک کیپسول مناسب بدرقہ کے ساتھ استعمال کروائیں ۔یہاں پر یہ بات واضح کر دوں کہ آپ اپنی سمجھ بوجھ کے مطابق اس دوا کے ساتھ مرض کے حساب سے ادویات کا اضافہ کر سکتے ہیں۔

*فوائد*
نزلہ ،زکام ،کیرا ،بخار، کھانسی، الرجی، خارش ،فساد خون، جگر کی سوزش، گردہ مثانہ کی انفیکشن، تیزابیت، معدہ کی سوزش، ایچ پاہیلوری،
کیلئے بطور اینٹی بائیوٹک دوا کے طور پر استعمال کروائیں۔
یہ دوا ایلوپیتھک اینٹی بائیوٹک ادویات کا مقابلہ کرتی ہے اور ہر قسم کے ساہیڈ افیکٹ سے پاک ہے۔ گذراش ہے تمام معالج حضرات سے کہ اس دوا کو اپنے مطب کی زینت بناہیں اور اپنے تجربات سے لازمی آگاہ کیا کریں
دعا کیجیے کہ اللہ پاک مجھے آسانیاں تقسیم کرنے کی توفیق عطا فرمائے آمین.
طالب دعاء
*احقر جابر پالن پوری*


https://T.me/jabirpalanpuri

*سم الفار یعنی سنکھیا*

قسط نمبر1
میری کچھ مصروفیات ہی ایسی بڑھی کہ صحیح طور پر گروپ کے لئے وقت نکالنا ہی مشکل ہو گیا کبھی چوبیس گھنٹے میں چند گھنٹے گروپ میں آتا رہا ہوں ورنہ غیر حاضر رہا ہوں بعض لوگ میرا نیٹ آن دیکھ کر مجھے حاضر سمجھ میسج کر بیٹھتے ہیں جبکہ ایسی بات نہیں ہوتی نیٹ آن تو میرا چوبیس گھنٹے ہی رہتا ہے لیکن میں آن نیٹ نہیں ہوتا ہوں.
کچھ وقت پہلے *(بڑوت کے حکیم نفیس صاحب)* جن کی کافی شکایت گروپ میں موصول ہوئ تھی اس پر ان کا دو دن پہلے گروپ میں شامل ایڈمین پینل کے حکیم عمر پانی پتی صاحب نے گروپ سے باہر کیا تھا جن کا ایک نسخہ ہفتہ دس دن پہلے گروپ میں شامل کیا گیا تھا اس میں *سم الفار* کی مقدار کافی زیادہ تھی جس کی نشاندہی حکیم محمد عمر صاحب پانی پتی صاحب نے گروپ میں اصلاحات کے طور پر کی تھی مگر نفیس صاحب اپنی بات اور من مانی پر اڈے رہے .

اسی زہر جو طب یونانی میں استعمال بھی ہوتا ہے اس کا زکر لازمی طور پر میں قسط وار کرنا چاہتا ہو تاکہ جو حکماء اس کے بنانے سے تھوڑے سے نا آشنا ہو ان کو اس کے لئے ایک رہبری مل جائیں اگر اس مظمون میں کچھ کمی بیشی ہو تو حکماء حضرات نشاندہی کرے.
آج ہم اس زہر کے بارے میں لکھتے ہیں جس کو حکماء حضرات بغیر سوچے سمجھے ہر نسخہ میں لکھ دیتے ہیں یہ جانتے ہوئے بھی کہ اسے عام قاری بھی پڑتا ہے جسے قطعی علم نہیں ہے کہ سم الفار کیا چیز ہے اسے کیسے ادویات میں استعمال کرنا ہوتا ہے میرے خیال میں بہت سے حکماء بھی درست طور پر اسے نہیں جانتے بس یہ سب جانتے ہیں کہ سم الفار انتشار بہت پیدا کرتا یے اب اس سے موت کیسے آتی ہے یہ علم نہیں اس کا درست مزاج کیا ہے یہ بھی علم نہیں بس اسے بہت گرم دوا سمجھ رکھا ہے لیکن یہ بات غلط ہے
ایک اور بات سم الفار اصل کی پہچان کیا ہے یہ بھی علم نہیں ہے مزے کی بات یہ ہے کہ ہمارے ملک میں زہر بھی خالص نہیں مل رہا ہے
چند روز ہوۓ بمبئی کےپائدھونی پنساری بازار سے میں نے خود سم الفار بہت خوبصورت بلوری دودھیا لیا الٹ پلٹ کر دیکھا دوکاندار سے پوچھا کہ کونسے ملک کا ہے کیا جرمنی کا ہے یا بلجیئم کا ہے اس نے سر نفی میں ہلایا کہ مجھے علم نہیں ہے میرا دوسرا سوال اس کے خالص ہونے پہ تھا اب بھی جواب یہ ملا کہ مجھے علم نہیں ہے ساتھ ساتھ دوکاندار نے جو معلومات دی وہ یہ تھی کہ مارکیٹ میں سب سے اعلی کوالٹی کا سم الفار یہی مل رہا ہے ایک اور بھی کوالٹی دانے دار مل رہی ہے وہ چائینہ کا ہے اسے کوئی خریدتا بھی نہیں ہے اور وہ اس سے مہنگا بھی ہے، بہرحال اس سم الفار کو چیک کرنے کے لئے میں دس گرام ویسے ہی اٹھا لایا جب چیک کیا تو علم ہوا کہ اس میں دور دور تک سم الفار والی کوئی خوبیاں ہی نہیں ہے اور نہ ہی یہ سم الفار ہے شکل سے پہچان کسی طور پر نہیں ہوتی یعنی زہر بھی خالص مارکیٹ میں نہیں ہے
آئے اب سم ا لفار کا تعارف لکھیں

سم الفار چار رنگوں میں دستیاب ہے جو بہت زیادہ استعمال میں آتا ہے وہ سم الفار سفید ہے یہ حقیقت میں ایسڈ آرسینک ہے یعنی ترشہ یا تیزاب سنکھیا اس کا اصل نام ہے اور اس کا کیمیائی نام آرسینک ٹرائی آکسائیڈ ہے یہ دھات ہے اور مفرد ہیں یعنی ایک عنصر (ELEMENT )ہے ۔ لیکن خالص حالت میں شاید ہی ملتی ہو ہاں کانوں میں دیگر دھاتوں کے ساتھ لوھا، گندھک، سرمہ سیاہ کے ساتھ مرکب حالت میں ملتی ہے جسے ان سے علیحدہ کر لیا جاتا ہے خالص حالت میں یہ سرمئی رنگ میں ملتی ہے اور اسے با آسانی سفوف بنایا جاسکتا ہے لیکن اس حالت میں اسے کبھی بھی استعمال نہیں کیا جاتا بلکہ اسے صاف کرکے استعمال کیاجاتا ہے صاف کرنے کے لئے آکسیجن کے ساتھ تعامل کرکے اس کا ترشہ یعنی تیزاب بنا لیا جاتا ہے اسے ہی ہم بطور دوا استعمال کرسکتے ہیں یہ چار رنگوں میں نکلتا ہے سرخ، سیاہ، سفید، اور زرد رنگ کا ہوتا ہے
سم الفار ذائقے کے لحاظ سے بے ذائقہ ہوتا ہے اور انتہائی زہریلی دوا ہے ۔ یاد رہے اسےخام حالت میں بھی چھکنا نہیں چاہیے کیونکہ بے احتیاطی میں اگر زائد مقدار اندر چلی گئی تو موت واقع ہو سکتی ہے-
باقی مضمون اگلی قسط میں
*احقر جابر پالن پوری*


https://T.me/jabirpalanpuri

*سم الفار یعنی سنکھیا*

قسط نمبر2۔
اب اسکی مقدارخوراک کیا ہونی چاہیے جو کچے سم الفار میں بھی کھائی جاسکے یا کشتہ کی حالت میں کھائی جاسکے تو وہ ہےچاول کا (15)حصہ اور زیادہ سے زیادہ آٹھواں حصہ سے چوتھائی چاول تک وہ بھی خاص حالت میں دیا جا سکتا ہے اور خاص احتیاطوں کےساتھ دیا جا سکتا ہے ورنہ نہیں دیا جا سکتا
اب اس کا مزاج بھی سمجھ لیں جس کےبارے میں بہت زیادہ غلط فہمیاں پائی جاتی ہیں
مثلاً اگر سم الفار مطلوبہ مقدار کو کوئلے پہ ڈال دیا جاۓ اور اوپر شیشے کا گلاس اوندھا رکھ دیا جائے تو آپ کو دھواں نکلتا سم الفار سے نظر آۓ گا اب یار لوگ اس گلاس میں دودھ ڈال کر پلاتے ہیں بس دودھ پینے کی دیر ہے جسم گرم ہونا شروع ہوجاتا ہے ایسے لگے گا جیسے آگ نکل رہی ہے بس اس بات پہ یار لوگوں نے فتوہ لگا دیا کہ جناب سم الفار شدید گرم چیز ہے اب اسے یہ علم نہیں یے کہ جسم گرم کیوں ہوا اور کیا کیا بدن میں توڑ پھوڑ ھوئی اور کیا کیمیائی عمل ہوا جس سے اتنی گرمی جسم میں پیدا ہوئی یہاں ذکر سم الفار کا ہو رہا ہے بدن کی کیفیت کا نہیں ہورہا ہے
خیر بات مزاج کی ہورہی تھی تو سم الفار سفید کا مزاج خشک سرد ہے یعنی عضلاتی اعصابی
سرخ اورسیاہ سم الفار کا مزاج خشک گرم ہے یعنی عضلاتی غدی اور زرد سم الفار کا مزاج گرم خشک ہے یعنی غدی عضلاتی ہے عضلات میں خشکی سردی سے تحریک اعصاب میں گرمی سے ضعف و تحلیل اور غدد میں تری اور رطوبت سے تسکین پیدا ہوگی
اب بحث کریں گے کہ سم الفار کہاں اور کیسے استعمال کیا جاسکتا ہے لیکن یہ سب تفصیل سمجھانے سے پہلے بدن کی اصل حالت لکھنا بہت ضروری ہے ورنہ مضمون کا مفہوم اور مزا جاتا رہے گا
یہ بات کافی تشریحات سے آپ کو بتا بھی چکا ہوں کہ ہمارا جسم چارطرح کے سیلز یعنی خلیات بافتوں یا مفرد اعضاء کا مجموعہ ہے
اعصاب ودماغ ۔عضلات وقلب اور جگر وغدد معمولات زندگی سرانجام دینے والے مفرد اعضاء ہیں جبکہ ہڈیاں اور کریان رباط وغیرہ ساکن ہوتے ہیں یہ الحاقی مادے سے تشکیل پاکر متحرک اعضاء کو اپنےافعال کی سر انجام دہی میں سہولت بہم پہنچاتے ہیں یعنی ہڈیاں کریان رباط کا افعال زندگی اوراعمال زندگی میں براہ راست کوئی تعلق نہیں ہوتا جبکہ باقی تینوں مفرد عضو اپنا علیحدہ عنصر
کیفیت خلط اور فعل رکھتا ہے انہیں پیدا بھی کرتا ہےاور ان سے متاثر بھی ہوتا ہے مثال کے طور پر دماغ واعصاب تری یعنی بلغمی مادہ یعنی الکلی پیدا کرتا ہے اور جسم کے اندر اور اردگرد سے محسوسات اپنے مرکز یعنی دماغ تک پہنچانے کے لئے اعصاب جو خبررساں اورحکم رساں الگ الگ ہیں ان میں حکم رسانی دماغ سے حکم لے کر عضلات وغدد کو بعمل پر ابھارتے ہیں ان میں عضلات اپنے مرکز قلب کی اتباع میں ارادی اور غیرارادی عضلات سے جسم کی ضروریات پوری کرتے ہیں یعنی جسم کے اندر اور جسم کے ذریعے جتنی حرکات سرزد ہوتی ہیں وہ قلب وعضلات کی مہربانی ہے. خشکی وریاح یعنی سودا یعنی تیزاب یعنی تیزابی مادے سے بنی اشیاء قلب وعضلات کی غذا ہیں بالکل اسی طرح غدد وجگر تمام اعضائے جسمانی کی خوراک تیار بھی کرتے ہیں اور صفائی ستھرائی کا فریضہ بھی سر انجام دیتے ہیں اب جگر یہ تمام فعل صفرا یعنی نمکیات کی مدد سے کرتے ہیں
یہ مفرد اعضاء اپنےافعال سے اپنی متعلقہ کیفیات عناصر اور اخلاط کوبڑھاتےبھی ہیں ایک دوسرے میں گندھے ھونےکی وجہ سے ان کےافعال میں باہم ربط نظم اورتعاون بھی کرتے ہیں اس طرح پورے بدن کے افعال سرانجام پاتے ہیں ان میں سے جب کسی میں بھی غیر طبعی صورت حال پیدا ھوجائے تو دیگر دوکی بھی حالت بگڑ جاتی ہے یعنی اعتدال ونظم بدن بگڑجاتا ہے خاص علامات پیدا ہوتی ہیں جن سے پتہ چل جاتا ہے کہ فلاں اعضاء میں بگاڑ ہے اب ان علامات سے چھٹکارا حاصل کرنے آسان حل تو یہی ہے کہ بگڑے اور بھٹکے ہوۓ اعضاء کو اصل راہ پہ لگا دیا جاۓ اس مقصد کے لئے غذا دوا اور دیگر اصلاحی تدابیر سے کام لیا جاتا ہے
سم الفار حقیقت میں گہرے اثرات پیدا کرنے والی دوا یا زہر ہے اگر اسے صحیح موقعہ پہ استعمال کیا جاۓ تو یہ اکیلی دوا ہی بڑی بڑی پرانی اورانتہائی تکلیف دہ علامات کا قلع قمع کردیتی ہے لیکن اگر درست استعمال نہ کیا جائےتو پھر شدید مزمن بلکہ خطرناک ترین امراض کا مستقل روگ بھی لگا دیتی ہے یا پھر سیدھا موت واقع ھوجاتی ہے
آئیں اب اس کے اثرات بدن پہ سمجھیں
میں نے آپ کو ایک بات سمجھائی ہے کہ بدن میں مرض تین قسم کے پیدا ھوتے ہیں اعصابی ۔غدی ۔عضلاتی
یہ سمجھ لیں کہ یہ تین درخت ہیں جن کے بے شمار پتے ٹہنیاں مختلف سائز اور رنگوں میں ہیں
باقی مضمون اگلی قسط میں
*احقر جابر پالن پوری*

https://T.me/jabirpalanpuri

*سم الفار یعنی سنکھیا*

قسط 3
یہ تینوں درخت جن کی بے شمار ٹہنیاں پتے اور شاخیں ہیں اب بجائے اس کے کہ ہم ان کے برگ وبار کو مسئلہ بنائیں یعنی ایک ایک شاخ پتہ اتار کر درخت کو ختم کرنے کے بجائے ہم سیدھا اس کی جڑ کی طرف توجہ دیں گے یعنی بے شمار علامات بدن پہ متوجہ ھونے کے بجائے ہم عضو رئیس یعنی بیمار مفرد اعضاء جو متاثر ھوا ہے اس پہ توجہ دیں گے تو تمام علامات مرض ختم ہوجایا کرتی ہیں
تر ادویہ واغذیہ ماحول کیفیات اور جذبات سے متاثر ھوکر دماغ واعصاب اپنافعل تیز کر دیتے ہیں اس کےنتیجے میں جسم میں بلغمی الکلائیڈ مادوں میں اضافہ ہوتا رہتا ہے۔ انہیں معتدل کرنے والے تیزابی مادے کم ھونے لگتے ہیں یعنی آپ دوسرے لفظوں میں یوں کہہ سکتے ہیں کہ بدن مین تری بڑھ رہی ہے اور خشکی کم ہو رہی ہے اب یہ بات یاد رکھیں عضلات کو زندگی یا طاقت خشکی پیدا ھونے سے ملتی ہے اس لئے بدن میں تری کی زیادتی سے خشکی اور تیزابیت کی کمی سے عضلات کے افعال کمزور ہوجاے گے اور آپ عضلات کی اس حالت کوتسکین کا نام دیتے ہیں اس کیفیت میں جسم کا تیسرا مفرد عضو جگر وغدد غیر طبعی گرمی بھرکر مضمحل ہوجاتا ہے وہ چکنائیوں ولیپڈز کوجذب وہضم نہیں کر سکتے چنانچہ پورے جسم میں غذائی ترسیل اور اسے کدورتوں سےصاف رکھنےکا نظام کمزور پڑجاتا ہے اب بدن کی اس تمام کیفیت کو ہم عصابی تحریک یا اعصابی مرض کانام دیں گے
اب اگر یہی اسباب قائم رکھتے ہیں تو یہ تینوں مفرد اعضاء اسی ترتیب سے مزید متاثر ہونگے اور نتیجہ یہ نکلےگا کہ نئی نئی علامات کاظہور ہوتا رہےگا لیکن یہ بات بھی یاد رکھیں مرض بدلےگا نہیں اور نہ ہی کسی نئی تشخیص کی ضرورت ہوتی ہے یعنی مرض بدستور اعصاب میں ہی رہےگا اب اسےختم کرنے اور تمام علامات سے چھٹکارہ پانے کے لئے عضلاتی ادویات وخوراک اور ماحول کےذریعے قلب وعضلات کو متحرک کرنا ہوگا تاکہ یہاں کی تسکین ٹوٹ جاۓ اب آپ یہاں آرسینک استعمال کرسکتے ہیں یا پھر دیگر عضلاتی ادویات کے ساتھ مرکب شکل میں کھلائیں تو بہت بہتر رہتا ہے
اب کچھ ادویات کا ارتکاز بہت زیادہ ہوتا ہے اس لئے وہ اکیلی مرض کوختم کرنےکےلئے بہت زود اثر ہوتی ہیں اب سم الفار بھی ان ادویات میں شامل ہے
یہ بات یاد رکھیں جب تک مرض اعصابی یعنی بلغمی نہ ہو سم الفار کسی طور بھی استعمال نہیں کرنا چاہیے میں آپ کو آسان ترین ترتیب بتا دیتا ہوں اس کے بعد آپ سم الفار استعمال کرلیں اسکے لئے میں آپ کو پہلے اعصابی علامات بتاتا ہوں
نبض کالمس سرد ہو مقام کے لحاظ بالکل نیچےچھوٹی حجمی طور پر موٹی رفتار میں سست قرع ضعیف قوام نرم۔۔یہ نبض ہونی چاہئے، مجاری سے رقیق کچی سفید یا نیلگوں رطوبات کا کثرت سے اخراج جیسے ( دودھ، زکام، جریان، لیکوریا، دست، ہیضہ، پسینہ، رال، لعاب)
طبیعت کےلحاظ سے وحشت پسند کم ہمت بےقرار خوف ڈر حرکت میں رہنا کنجوس خود غرض ذکی الحس اور غیر مطمئن ہوتا ہے
جسم سرد تر بوجھل پھولا ھوا مسترخی تھکاوٹ کمزوری اور لو بلڈپریشرکا شکار ہوگا
اب ایسے مریض کو خواب کیسے آتے ہیں ؟ ایسا مریض خواب میں طوفان بارش پانی اور سفید چیزوں کو اکثر دیکھتا ہے
بخار کی کیفیت۔۔ بخار شدید لرزے سے چڑھےگا اور شدید کمزوری بھی ھوگی مزید علامات مزاجی اخراج خون رطوبتی چھالے دانے
خواہشات کبھی ترش کبھی میٹھے مشروبات یعنی کبھی اعصابی تو کبھی عضلاتی اشیاء کی خواہش
(نوٹ۔ ایسااس لئے ہوتا ہےکہ عادت اورطبیعت تو اعصابی اغذیہ کےلئے مجبور کرتی ہے لیکن فطری طور پرطبیعت مرض سےچھٹکارہ پانےکےلئےعضلاتی اشیاء مانگتی ہےجیسےاعصابی مریض حرکت سے سکون محسوس کرتاہےلیکن طبیعت آرام پرست ہوتی ہے )
کن چیزوں سے تکلیف بڑھتی ہے۔۔مرطوب موسم اور غذا سے اور مرض کی شدت عموما آدھی رات کے بعد ہوتی ہے
اگر موسم خشک اور غذا خشک ہو تو مرض میں کمی واقع ھوتی ہے
اب اگلی قسط میں انشااللہ ہر واضح علامت جن مین سم الفار استعمال ہوسکتا ہے وہ لکھوں گا اور نقصانات کہاں کہاں اور کتنا کرتا ہے وہ بھی لکھوں گا یعنی فائدے اورنقصانات سب لکھے جائیں گے بحث کافی ھوگئی ہے اس کے بعد استعمال کرنے کے آسان طریقے بھی لکھ دونگا کوشش ہوتی ہے کہ آپ کےلئے ہر وہ بات لکھی جاۓ جو آپ کو کتابوں میں بھی پڑھنے کو نہ ملے اور باقائدہ پریکٹکلی طور پر درست اور آپ کے لئے آسان بھی ہو

https://T.me/jabirpalanpuri

*سنکھیا یعنی سم الفار*

قسط 4۔
سنکھیا کے فوائد پڑھنے سے پہلے ایک دفعہ پھر سے سابقہ قسطوں کو پڑھیں تاکہ آپ کو اعصابی تحریک کی مرکزی علامات پھر سے آپ کو یاد یعنی دماغ مین تازہ ہوجائیں، یہ ان تمام تکالیف کو دور کرنےکا بہترین ذریعہ ہے یعنی ڈھیلے مسترخی رطوبات سے بھرے قلب وعضلات اور جوڑ بلغمی بوجھ سے چھٹکارہ پاکر مضبوط تنومند اور متحرک ہو جائیں
ایک بات یاد رکھیں اس کا اثر خصوصاً غیرارادی عضلات دل معدہ پھیپھڑوں اور جسم کےاعضاء کےاندورنی پردوں پر ہوتا ہے، سنگرھنی کچے اخراجات جیسے بلغم ودیگر رطوبات گاڑھی ہو کر رک جاتی ہیں اور امساک قائم ھوجاتا ہے فالتو رطوبات جذب ھوکر برص جذام آتشک چیچک اور فساد جلد وخون کا تمام مادہ ختم ہوجاتی ہے عفونتی جراثیمی بلغمی بخاروں کا نیست کرنے اور بلغمی دمہ اور تنفس کی بیماریوں کے خاتمے بایان عرق النساء اور بایان فالج اور لقوہ اور بائیں طرف ہونے والا خدر کےلئے اعلی درجہ کی دوا ہے
رات کو ہونے والی چھپاکی والرجی اور لمبی نیند اور شوگر کی وجہ سے ہونے والی گینگرین کاربنکل پھوڑا میں اس کا تنہا استعمال ھی شافی علاج ہے یہ بات بھی یاد رکھیں قوت ہاضمہ بھی تیز کرتا ہے اور اشتہاء بھی بڑھاتا ہے خون مین سرخ دانوں یعنی RBC کو تیزی سے اضافہ کرتا ہے اور دوران خون بڑھاتا ہے یعنی ایسی امراض جن میں سفید خون کے سیلز زیادہ اور سرخ سیلز کم ھوجاتے ہیں فائدہ مند ہے امید ہے بات سمجھ گئے ہونگے نہیں سمجھ آئی تو کچھ یوں سمجھ لیں لیوکیمیا کے علاج میں استعمال کریں
اب بات آگے سمجھیں یاداشت اور فہم فراست کا تعلق بھی اور کسی بھی چیز یا بات کو پرکھنے کی طاقت کا تعلق بھی غیرارادی عضلات سے ہی ہوا کرتا ہے اس لئے سم الفار میں یہ خوبی بھی ہے کہ یہ یاداشت کو درست کرتا ہے اور عقل کو تیز کرتا ہے
زکام، ہیضہ، اسہال، درد فم معدہ، یا کثرت بول میں بھی اعلی دوا ہے امید ہے بات یہ بھی سمجھ لی ہوگی کہ میں نے اتنی تفصیل سے پچھلی قسطوں میں اعصابی نظام پہ کیوں لکھا ہے
اب مختصراً آپ کو یہ بتا دوں سم الفار پانی والے پھلوں کو زیادہ استعمال کرنے والے سبزی خوروں میں نیز مشروبات کے عادی لوگوں کی خصوصی دوا ہے یعنی مسکن اعضاء کو متحرک کرنے اور تحریک شدہ اعضاء کو تحلیل کے ذریعے معتدل کرنا اس کا خاصہ ہے جیسے جلتے غدد میں رطوبات کے اجتماع سے تسکین واقع ھوجاتی ہے
اب ایک خاص بات سمجھ لیں
ایلوپیتھی میں دو اصطلاحات کا استعمال ھوتا ہے ایک کو سمپےتھےٹک اور دوسری اصطلاح کو پیراسمپےتھیٹک سٹیمولیشن استعمال ھوتی ہیں کیا آپ کوعلم ہے یہ اصطلاحات کس مقام پہ استعمال ھوتی ہیں
سمپےتھےٹک دل کی دھڑکن فی منٹ تیز کردیتی ہے جب دل ڈوب رہا ہو اور اس کی حرکات تری کی وجہ سے نہایت سست پڑجائیی تو سم الفار اس سمپےتھےٹک سٹیمولیشن کےلئے بہترین چیز ہے یہ بھی یاد رکھیں یہ دائمی فائدہ دیتا ہے جبکہ پیراسمپےتھیٹک یاویگس سٹیمولیشن دل کی حرکت کو آہستہ کرتی یے اس کے لئے وقتی علاج کی خاطر ایکونائٹ یعنی میٹھا تیلیہ بہترین دوا ہے اب دائمی علاج کےلئے غدی دوائیں استعمال کریں
دوستوں میرا خیال ہے کافی کچھ فائدے بتا دیئے ہیں اب ہم اگلی قسط مین نقصانات پہ روشنی اور طریقہ استعمال پہ بھی بحث نئے انداز میں کریں گے
انشااللہ ان تمام باتون سے بہترین بات جو میں اب بتانے لگا ہو یہ بات سمجھ لیں اب وہ لوگ جن کے بدن کو کوئی ایسی مرض لاحق ہے جہاں سم الفار کی شدید ضرورت ہے اب انہیں نہ تو بازار سے ملتا ہے اور نہ ہی وہ کشتہ بنا کر استعمال کر سکتے ہیں وہ اخروٹ کھایا کریں کیونکہ اخروٹ مین قدرتی طور پر کافی مقدار میں سم الفار پایاجاتا ہے کیسی بات ہے میرے دوستو ذرا پلے باندھ لیں اور اگلی قسط کاانتظار کریں.
جاری........

https://T.me/jabirpalanpuri

*سم الفار یعنی سنکھیا*

قسط 5۔۔۔۔۔
عجیب بات ہے اتنی لمبی چوڑی تشریح کردی لیکن لفظ سم الفار کی تشریح یاد ہی نہین رہی تو دوستو آئیے جوبات یاد آگئی ہے اس سے ادھار نہ کریں
سم الفار دراصل دو لفظوں سے جڑ کر ایک لفظ بنا ہے پہلا لفظ ہے سم جس کے معنی زہر کے ہیں اب دوسرا لفظ ہے فار جس کے معنی چوہے کے ہیں یعنی چوہے مارنے والی زہر
لیکن چوہا تو بہت چھوٹا جانور ہے آپ بندے کو آدھا ماشہ ھی کھلا کر دیکھ لیں چند منٹوں میں خون کی الٹی کرے گا اور روح قفس سے آزاد کروا لے گا چلیں اب پہلے اس کی وہ علامات ہی لکھتے ہیں جو زائد مقدار میں کھانے سے پیدا ھوتی ہیں لیکن ان تمام باتوں سے بھی پہلے ایک تعریف سم الفار کی اور کردوں یہ بات یاد رکھیں کسی بھی دوا کے جسم پراثرات کے لئے درجات مقرر ہیں یعنی کسی دوا کا درجہ صرف محرک تک محدود ہے تو کوئی محرک بھی ہے اور ساتھ شدید بھی ہے یعنی شدید محرک دوا ہے اب اس سے آگے کچھ دوائیں صرف تریاق والی صفت رکھتی ہیں کچھ ملین اثرات رکھتی ہیں اب آگے کچھ دوائیں مسہل ھونے کی صفت رکھتی ہیں تو کچھ اکسیر کے درجہ پہ فائز ہیں ویسے تو ان اصطلاحات کا علم سب اطباء لازماً ھونا چاہیے لیکن بدقسمتی سمجھ لیں نوے فیصد اطباء دوا نام اکسیر تو رکھ دیں گے لیکن اکسیر کا مطلب نہیں سمجھتے اب بات کا مطلب سمجھانے کےلئے ھلکی تشریح کردیتا ہوں تفصیل پھر کبھی لکھ لیں گے تریاق صفت دوا وہ ہے جو وقتی طور پہ بدن کو فائدہ دے کر بدن سے خارج ھوجاتی ہے اکسیر صفت دوا لمبا عرصہ جسم مین موجود رہ کر بدن پہ اثرانداز ھوتی رہتی ہے گاؤں اور دیہات کے بھولے اور سادے لوگ گاؤں کے ڈاکٹر سے طاقت کی بوتل لگواتے ہیں سرخ رنگ کے طاقت والے ٹیکے بھی ڈلواتے ہیں لیکن فائدہ کچھ بھی نہ ھونے کا رونا روتے ہیں دراصل یہ علم نہیں ھوتا بارہ سے چھتیس گھنٹہ کے اندر سب کچھ تو بدن سے خارج ہوچکا ہوتا ہے اب اثرات کیسے ؟
ڈرپ وقتی ریلیف بطور غذا اور دوا ہوتی ہے اس کے علاوہ کچھ بھی نہیں ہوتی اسی طرح طب میں بھی بےشمار ادویات وقتی فائدہ کےلئے ہوتی ہیں لیکن سم الفار وقتی فائدہ کے لئے دوا نہیں ہے بلکہ اس کا ایک فائدہ قیامت تک کا ہے یعنی موت لاتی ہے باقی جواثرات بدن پہ کرتی ہے وہ دیکھ لیں
سم الفار بدن سے بہت ہی آہستہ آہستہ خارج ھوتا ہے اس لئے لمبے عرصہ تک کھانا یا زائد مقدار کھانا یا پھر غلط موقع پہ کھانا یا پھر غلط انداز مین کھانا زہریلے اثرات لازماً پیدا کرتا ہے
اکثر پہلے لوگ کسی کی بھی جان لینے یعنی قتل تک کرنے کےلئے اسے ہی استعمال کرتے تھے اس کے کھلانے فوری طور پر سمی اثرات ظاہر ہوا کرتے ہیں اور مندرجہ ذیل علامات پیدا ہوا کرتی ہیں
مسموم کے پیٹ میں شدید مروڑ درد اٹھتا ہے،
گلا دکھتا ہے گھٹتا ہے اور چھل جایا کرتا ہے،
خون کی الٹی آنی شروع ہوجاتی ہے،
پیاس باربار لگتی ہے مگر بندہ پانی گھونٹ گھونٹ ہی پی سکتا ہے،
نبض بڑی کمزور ہوجایا کرتی ہے،
سانس رکتا ہے،
جسم اکڑنے لگتا ہے،
کئی بار شدید متعفن دست آتے ہیں،
اس کا علاج۔۔۔مریض کو نمک ملا پانی دیں ایک دوگلاس یکلخت پلائیں تاکہ قے آۓ یا پھر ایک چمچہ پسی ہوئی رائی ایک گلاس پانی میں ملا کردیں اس سے بھی فورا قے آجایا کرتی ہے اگر سٹامک پمپ میسر ہے اور استعمال کا طریقہ سمجھتے ہیں تو اس سے معدہ دھوئیں،
مریض کوگرم کریں اور دودھ اور گھی ملا کر پلائیں،
غدی اعصابی ادویات سے علاج کریں،
چارکول عرق چونا لوہے کا زنگ بھی سمی اثرات فورا ختم کرتا ہے بعض دفعہ مریض نہ تو کسی حکیم اور نہ کسی ڈاکٹر کے پاس پہنچ سکتا ہے لیکن یہ چیزیں عام میسر آسکتی ہیں پہلے یہی بطور علاج دیں،
کوشش کریں مریض کو فوراً کسی معالج کے پاس پہنچائیں یا ہسپتال قریب ہو وہاں لے جائیں
اب بلڈپریشر بہت ہی گرتا ہے اس لئے مریض کو فورا ایفڈرین کا انجیکشن یا ڈیکاڈران کورامن وغیرہ دیں
جاری......

https://T.me/jabirpalanpuri

*سم الفار یعنی سنکھیا*

قسط6۔۔آخری۔۔
آج آپ کو مختلف وہ طریقہ استعمال بتانے کی کوشش کی جاۓ گی جو سب سے مختلف ہو سب سے پہلے تو یہ بتا دوں طب سے زیادہ ھیوموپیتھی میں سم الفار کو استعمال کیا جاتا ہے اور ھیوموپیتھی میں سم الفار کے مختلف قسم کے مرکبات یا سادہ سم الفار کا بھی استعمال ہوتا ہے یہاں تک کہ الٹی روکنے کی سب سے بہترین دوا بھی شاید سم الفار کو ہی سمجھا جاتا ہے خیر ھیوموپیتھی کے مرکبات کو میں زیادہ تو نہیں جانتا چند ایک کا مجھے علم ہے آپ کی معلومات کے لئے انہیں یہاں لکھے دیتا ہوں اگر ضرورت پڑے تو ھیوموپیتھی سٹور سے باآسانی مل جاتے ہیں لیکن یہ بات بھی یاد رکھیں ان ادویات کا استعمال سمجھنے کے لئے ھیوموپیتھی کا بھی سمجھنا بہت ضروری ہے کیونکہ ھیوموپیتھی الٹی گنگا ہے وہ الگ سے طریقہ علاج ہے لیکن کچھ ادویات آپ استعمال کرسکتے ہیں وہ بھی طاقت کے لحاظ سے 3X تک پوٹینسی کی مالک ہو اگر نظریہ پہ مکمل عبور ہو اور مفردات پہ بھی مکمل عبور ہو تب جاکر انہین استعمال کرنا درست ہے میں اسی لئے کہا کرتا ہوں کہ طب اتنی بھی آسان نہیں ہے اسے سمجھنے کےلئے لمبا عرصہ چاہئیے ہوتا ہے صرف نسخوں کے پیچھے بھاگنے والا طبیب نہیں ہوا کرتا جب طب کی سمجھ آجائے تو بندہ نسخوں کا محتاج نہیں رہتا
خیر آئے اپنے موضوع پہ ہی رہتے ہیں سم الفار کے ھیوموپیتھی مرکبات میں چند مشہور مرکبات ہیں
*آرسینک ہائیڈروجی نائیسیٹم*
یہ آرسینک اور زنک کا مرکب ہے جب ملایاجاتا ہےتو گیس کی صورت اختیار کرجاتا ہے

*آرسینک برومیئم*
یہ سم الفار اور تیزاب برومائڈ کا مرکب ہے
*آرسینک آیوڈیٹم*
یہ سنکھیا اور آیوڈین کا مرکب ہے سفلس اور خنازیر جیسی امراض میں مفید ہے
*آرسینک میٹیٹیکم*
دھاتی سم الفار ہے
*آرسینک سلفوریئمربرم*
یہ سرخ سنکھیا ہے ریال گر بھی کہلاتا ہے ان میں سب سے اچھی دوا آرسینک آیوڈیٹم ہے
باقی آج آرسینک کا مدرٹینکچر بنانے کا طریقہ لکھے دیتا ہوں آپ آرسینک ایسڈ بشکل سفوف سوگرام لیں اور اسے آٹھ سوگنا کشید شدہ یعنی انتہائی فلٹر شدہ پانی میں ابال لیں بہترین طریقہ فلاسک میں ابالیں جب حل ہوجائے تو پھر فلٹر پیپر سے چھان لیں اب یہ کشید شدہ پانی میں سو سی سی الکوحل ملانا ہوتا ہے اور پھر اس میں اور کشید شدہ پانی اتنا ملانا ہوتا ہے کہ سب محلول کی مقدار ایک ہزار سی سی ھوجائے بس مدرٹینکچر تیار ہے اس میں ایک تا تین قطرے ایک گلاس تک پانی مین ملا کر استعمال بعد از غذا کئے جاسکتے ہیں خیر یہ آپ کی معلومات کے لئے لکھا ہے اور ھیوموپیتھی میں ایک طریقہ یہ بھی ہے سم الفار سفید تولہ پانی کشید شدہ 60تولہ میں جوش دے کر فلٹر کریں اور اس میں مذید نوے تولہ پانی کشید شدہ اور دس تولہ الکوحل شامل کریں دوستو یہ 1xپوٹینسی تیار ہے
آئے آپ کو سم الفار کا استعمال اسی انداز میں طبی طور پر کرنے کا طریقہ بھی بتاتے ہیں
سم الفار سفید دو گرام چینی 250 گرام پہلے دونوں کو علیحدہ علیحدہ باریک پیس لیں مثل غبار کریں پھر اس باریک شدہ سم الفار میں تھوڑی تھوڑی چینی بھی باریک شدہ ملاتے جائیں اور خوب کھرل کرتے جائی3 تسلی سے چار گھنٹہ کھرل کریں اب تیار ہے اس میں سے نوجوان کے لئے حد خوراک رتی بھر دن مین دوبار استعمال کرسکتے ہیں یہ محفوظ طریقہ ہے سم الفار کے استعمال کا نہ کشتہ کرنے کی ضرورت اور نہ ہی کسی اور مصیبت میں پڑنے کی ضروت ہے
اب ایک اور طریقہ بھی سمجھ لیں ایک رتی سم الفار کو ایک دہکتے کوئلے پہ ڈال کر اس پہ ایک گلاس شیشے کا اوندھا کر دے اب جو دھواں اس گلاس سے چمٹ گیا ہے آپ اسے بہترین ڈسٹ سم الفار کہہ سکتے ہیں اب اس گلاس کو ایک لٹر پانی میں سے اچھی طرح گزار لیں یا دھولیں اب اس پانی کو محفوظ کرلیں اس پانی کا ایک چمچ ایک گلاس دودھ مین شامل کرکے دن میں دوبار دے سکتے ہیں
اب آپ کو روغن سم الفار بتاتا ہوں سم الفار اور سوڈا خوردنی برابر وزن پیس کر دگنے پانی میں ملا کر آگ پہ رکھ دیں بہتر ہے سائنٹیفیک سٹور سے سستے داموں مل جاتا ہے اگر میسر نہیں ہے تو لوہے کی کڑاہی استعمال کرلیں اب جیسے ہی پانی خشک ہو آگ سےاتار لیں اب اس مرکب سے خود بخود روغن نکلنا شروع ھو جائے گا یہ تیل ایک تولہ 150تولہ روغن لونگ یا تلوں کے تیل میں شامل کرکے بطور مالش یا طلا استعمال کرسکتے ہیں دوستو یہ محفوظ ترین طریقے ہیں سم الفار کو استعمال کرنے کے اب ایک اور بات کی وضاحت بھی کردوں نظریہ مفرد اعضاء میں حب مقوی خاص کا بہت مشہورعام نسخہ ہے جس میں سم الفار، کشتہ فولاد، رائی، اور سرخ مرچ وغیرہ شامل ہیں یاد رکھیں کبھی یہ دوا بہت ہی مفید تھی اب وقت کے ساتھ ساتھ مزاج بدل چکے ہیں تقریباً عضلاتی مزاج عام ہوچکا ہے اب اس کا استعمال عام نظریہ کے طبیب کو کرنا میرے نزدیک جرم ہے کیونکہ جہاں تک میں جانتا ہوں مندرجہ ذیل نقصان ھوسکتا ہے اگر آپ نے درست تشخيص نہیں کی اور آپ نے اس کا استعمال کروایا ہے تو مریض کو پہلے تو معدہ میں جلن، سکڑ اور ہھر معدہ میں زخم کردیتی ہے اگر بندہ ان سے ب

چ جاۓ تو گردے ضرور خراب کردیتی ہے سم الفار سیدھا جاکر گردوں میں بیٹھ جاتا ہے اور خارج ہونے کا نام بھی نہیں لیتا اب گردوں کے نازک ریشے بلکہ نیفرونز تک کو نقصان پہنچتا ہے اب آپ ہی فیصلہ کر لیں آپ کو کیا فائدہ ملا بالکل اسی طرح عام طور پہ جو کشتہ سم الفار استعمال کرنے کے فوائد بتاۓ جاتے ہیں یہ ظلم عظیم ہے معصوم لوگوں کے ساتھ ایسی کوئی دوا ہرگز استعمال نہ کیا کریں جس میں سم الفار کا سرعام استعمال کیا گیا ہو انتہائی محفوظ طریقے میں نے آپ کو بتا دیے ہیں یاد رکھیں بہت ہی شدید مجبوری جب سمجھ لوں کہ سم الفار کا استعمال ناگزیر ہوچکا ہے تب استعمال کرتا ہوں یہ استعمال بھی اپنی چالیس سالہ پریکٹس میں چند بار کیا ہوگا ورنہ میں استعمال نہی کرتا کیونکہ متبادل دوائیں اور غذائیں بے شمار ہیں اب سم الفار کی جگہ اگر مریض کو اخروٹ کھانے کی ھدایت کریں گے تو مریض بھی خوش ہوگا دعائیں دے گا چلو بیماری کے بہانے اخروٹ کھانے کو ملے ہیں چلغوزے دیں میرا ایک یقین یہ بھی ہے جس بندے کو روزانہ چھٹانک بھر بھی چلغوزے روزانہ کھانے کو ملیں عمر چاہے سوسال ہوجائے مردانہ طور پہ تندرست رہتا ہے.
*(محترم گروپ ممبران آپ نے سم الفار کا آرٹیکل قسطوں میں پڑھا یہ آرٹیکل مطب کامل کے ایڈمین محمود بھٹہ صاحب کا تھا جو پڑوس کے ملک کے ایک ماہر حکیم اور نباض ہیں اس کو گروپ میں شامل کرنے کا اصل مقصد گروپ میں کچھ دن پہلے ایک نسخہ آیا تھا جس میں سم الفار کی مقدار خوراک زیادہ ہونے کی وجہ سے اس وقت حکیم محمد عمر صاحب پانی پتی نے اس نسخے پر اعتراض کیا تھا، اور اس کے نقصانات سے اس حکیم کو آگاہ کیا تھا اس وجہ سے میں نے بھی پوری تفصیلات دستیاب ہونے پر اس کو گروپ میں شامل کیا ہے.*
دعائیں کرے اللہ تعالیٰ مجھے آپ لوگوں کے لئے آسانیاں تقسیم کرنے والا بنائے. آمین
طالب دعاء
*احقر جابر پالن پوری*


https://T.me/jabirpalanpuri

*السلام علیکم*
سب سے پہلے نسخہ کی طرف آتے ہیں پھر اس کے فائدے بتاتا ہوں
*ھوالشافی*
تخم کاسنی 100 گرام،
زیرہ سفید. 100 گرام ،
گل سرخ ایرانی (صرف پتی شامل کرنی ہے) 50 گرام،
گل نیلوفر. 50 گرام،
کشنیز 25 گرام ،
الاہچی سبز 10 گرام،
صندل سفید اصل 10 گرام،
*ترکیب اور استعمال*
سب ادویات کو علیحدہ علیحدہ پیس کر مکس کر لیں.
دن میں دو بار ایک چمچ سادہ پانی کے ساتھ استعمال کریں،

*فوائد*
معدہ، جگر،مثانے کی گرمی کے لیے بہترین نسخہ ہے. ہائی بلڈپرشیر والے مریض کو استعمال کروائیں بہت زبردست رزلٹ دیتا ہے. تمام گرم امراض میں فائدہ مند ہے، یرقان کے مریض استعمال کریں فائدہ دے گا، جن لوگوں کو گھبراہٹ رہتی ہے، دل کی ڈھرکن ہر وقت زیادہ رہتی ہو یہ دوا بنا کراستعمال کریں.
دعا کیجیے کہ اللہ پاک مجھے آسانیاں تقسیم کرنے کی توفیق عطا فرماے امین.
طالب دعاء
*احقر جابر پالن پوری*


https://T.me/jabirpalanpuri

*مولود منی کا آسان اور بے خطا نسخہ*
محترم گروپ ممبران ،
میری کوشش یہی ہوتی ہے کہ لوگوں کو کم دام اور آسان نسخہ سے روشناس کرایا جائے جس سے ان کو فیض حاصل ہو.
اور اللہ تعالیٰ بھی میرے لئے آسانی پیدا فرمائے. آمین

یہ نسخہ مادہ تولید کی کمی سے مردانہ کمزوری ,نامردی اور بے اولادی کا تیر با ہدف علاج ہے.

*ھوالشافی*
تخم بھنڈی ،
تخم لاجونتی،
(یعنی چھوئی موئی کے بیچ)
برابر ہم وزن لیں

*ترکیب*
دونوں اجزاء کو باریک پیس لیں اور اتنا شہد ملائیں کہ معجون یعنی حلوہ سا بن جائے.

*استعمال*
صبح نہار منہ آدھا کھانے والا چمچ دودھ کے ساتھ لیں.

انشاءاللہ دس دن میں رزلٹ پائیں گے.

نوٹ :-
جن کو شہد موافق نہ لگے وہ بغیر شہد ملائے آدھا چمچ چھوٹا صبح نہار منہ دودھ سے لیں.

اللہ تعالی سب کے لیے باعث نفع و شفاءنصیب فرمائے.
آمین.
اپنی خصوصی دعاؤں میں یاد رکھیں.
*احقر جابر پالن پوری*


https://T.me/jabirpalanpuri

*پانچ روگ‘ ایک انوکھا کامیاب علاج*
اس ترقی یافتہ دور میں جب جسم کی رگ رگ کو آپ مشین پر بیٹھے دیکھ سکتے ہیں۔ آخر کیوں وہی جسم پھر بھی تندرست نہیں ہوتا۔ کتنے مریض ایسے ہیں جو کئی سال علاج کے بعد تھک ہار کر بیٹھ جاتے ہیں یا پھر بڑے سے بڑا معالج یہ کہہ کر علاج ختم کر دیتا ہے کہ آپ کو دعا کی ضرورت ہے یا تشخیص میں غلطی ہو گئی تھی۔ زیر نظر ایک ایسے ٹوٹکے اور آسان عمل کی طرف قارئین کو متوجہ کرنا چاہتا ہوں جو کرنے میں نہایت آسان اور نتیجے میں حیرت انگیز نتائج کا حامل ہے۔ آپ جب اس کی وضاحت اور تفصیلی فوائد پڑھیں گے تو احساس ہو گا واقعی یہ ایک لاجواب تجربہ اور اچھوتی تحقیق ہے۔
*کالے یرقان کا علاج: (1)*
ایک صاحب حیران و پریشان تھے کہ مجھے کالا یرقان یعنی ہیپاٹائٹس ہو گیا ہے ‘ کئی رپورٹس کرائیں ہر جگہ کالا یرقان ہی نکلا پھر انجکشن لگوائے‘ بڑے مہنگے اور قیمتی انجکشن لگوائے لیکن فائدہ نہ ہوا۔ موصوف کوئی آسان اور بہتر طریقہ کے ذریعے علاج چاہتے تھے کہ میرا علاج ہو جائے۔ انہیں یہ گھوٹہ استعمال کرنے کو عرض کیا۔ چند ہفتے کے استعمال سے ایسے صحت مند اور گلاب کے پھول کی طرح ہوئے کہ جیسے پہلے کچھ تھا ہی نہیں۔ ہر رپورٹ بالکل نارمل آئی۔
*88 مایوس مریضوں کا علاج*
ملنے والوں میں سے ایک انسان دوست شخص سے ملاقات ہوئی کہنے لگے میں نے اس گھوٹے والے نسخہ سے اب تک 88 ایسے کالے یرقان کے مریض تندرست ہوتے دیکھے ہیں جو ہر طرف سے بالکل مایوس ہو گئے تھے۔ اس کے علاوہ عام یرقان ہو یا وہ مریض جن کو یرقان معمولی تھا وہ تو بہت جلد تندرست ہو گئے۔ حتیٰ کہ دوسروں کو کہا کہ واقعی یہ نسخہ لاجواب ہے ہر اس مریض کیلئے جسے کالا یرقان ہو یا پھر اس کا کالا یرقان بگڑ گیا ہو‘ حتیٰ کہ تلی کے بڑھنے اور بگڑنے میں فائدہ مند ہے۔ پھر کالے یرقان کی وجہ سے جو جسمانی کمزوری ہو گئی تھی اس میں بھی خاطر خواہ نفع ہوا۔ مسلسل کچھ عرصہ اس کا استعمال ہی آپ کو سو فیصد فائدہ دے سکتا ہے۔ بس ایک بار آزماکر دیکھیں۔
*تھیلیسیمیا سے نجات پائیں: (2)*
تھیلسیمیا یعنی وہ مریض جنہیں ہر ہفتے یا ہر ماہ خون کی بوتل لگتی ہے اور ان کا جسم خود خون بنانے کے قابل نہیں۔ اس مرض کاسوائے خون بنانے کے دنیا میں اور کہیں علاج نہیں خود مجھے بھی اس کا علم نہیں تھا کہ یہ گھوٹہ اس مرض میں فائدہ مند ہو سکتا ہے۔ ہوا یہ کہ ایک خاتون یہ گھوٹہ اس مرض کے لئے بتاتی تھی اور میرے سننے میں 3 واقعات ایسے آئے جو بالکل تندرست ہو گئے اور کچھ واقعات ایسے آئے جنہیں فائدہ نہیں ہوا۔ بقول اس خاتون کے جنہیں فائدہ نہیں ہوا انہوں نے اعتماد‘ تسلی اور توجہ سے وہ دوائی یعنی گھوٹہ استعمال نہیں کیا۔ واقعی ایسا ہوا ان میں سے دو چار سے ملا تو انہیں بے یقینی اور بے توجہی کا شکار پایا۔ پھر یہ گھوٹہ مستقل بے شمار لوگوں کو بتانا شروع کیا۔ جس نے بھی تھیلسیمیا میں اسے آزمایا اسے خوب سے خوب تر فائدہ ہوا اور چند ماہ کے متواتر استعمال سے مریض کو خوب نفع ہوا۔ آج بھی میرے نوٹس میں ایسے مریض ہیں جو ہر ماہ خون لینے کیلئے عاجز آجاتے تھے۔ جب انہیں یہ نسخہ یعنی گھوٹہ استعمال کرایا انہیں حیرت انگیز نفع ہوا ‘ بے شمار مائیں اپنے بچوں کی صحت یابی پر دعائیں دے رہی ہیں۔
*ٹائیفائیڈ سے چھٹکارا: (3)*
ٹائیفائیڈ ایک ایسا بخار ہے جو بظاہر ختم ہو جاتا ہے یعنی انٹی بائیوٹک سے دب جاتا ہے لیکن جاتا نہیں۔ پھر یہ کبھی کبھی جسم میں ظاہر ہو جاتا ہے یا ایسے مریض جنہیں کبھی ملیریا ہوا تو وہ بھی جسم میں ظاہر ہو جاتا ہے۔ دن ڈوبتے ہی جسم میں توڑ پھوڑ شروع ہوکر بخار چڑھ جاتا ہے۔ صبح جسم بالکل تندرست ہوجاتا ہے۔ ایسے کئی نہیں بلکہ ہزاروں لوگ ملے جو پرانے بخار میں مبتلا تھے۔ انہیں گھوٹہ استعمال کرایا کوئی دنوں میں‘ کوئی ہفتوں میں ‘کوئی چند ماہ میں ہمیشہ کیلئے تندرست ہو گئے۔ ایک صاحب اس مرض سے اتنے عاجز آئے سارا دن بیٹھ کر ہائے ہائے کرتے گھر والے عاجز اور تنگ آ گئے۔ ایک بہو تھی وہ روٹھ گئی‘ بیوی پہلے ہی مر گئی تھی اب کوئی روٹی پکا کر دینے والا نہ تھا۔ انہیں یہی گھوٹہ استعمال کرایا گھر میں سکون آ گیا۔
*ٹی بی سے نجات کا راستہ: (4)*
ایسے لوگ کہ ٹی بی کا باقاعدہ اٹھارہ ماہ علاج کرایا ‘ کوئٹہ کے قریب ایک جگہ بہت عرصہ داخل رہے لیکن ٹی بی پھر شروع ہوگئی۔ پھر بیرون ملک چلے گئے۔ بیٹیاں اور دو بیٹے یورپ میں عرصہ دراز سے بلا رہے تھے۔ انہوں نے وہاں علاج کرایا بالکل تندرست ہو گئے چہرہ اور جسم سرخ و سفید ہو گئے لیکن پھر اپنے وطن جہلم پہنچے تو پھر ویسے ہو گئے اور پہلے سے زیادہ بیمار ہو گئے ‘ ہمارے ایک محبت کرنے والے معالج نے انہیں یہی گھوٹہ استعمال کرایا۔ چند ہفتوں کے استعمال سے ایسے صحت یاب ہوئے کہ آج 6 سال ہو گئے ہیں پھر تکلیف نہیں ہوئی۔
*مجھے نسخہ کیسے ملا۔۔۔!*
واقعہ یوں ہوا کہ قارئین کی تحریریں عبقری کیلئے ڈھیروں موصول ہوتی ہیں اور ایسے لوگ اپنے تجربات ارسال کرتے ہیں اور ایسے رازوں سے پردہ

اٹھاتے ہیں جو شاید اپنے کسی قریبی عزیز کو بھی نہ بتا سکیں انہیں تحریروں میں ایک زرگر نے یہی گھوٹے کا نسخہ لکھا کہ وہ اسے شوگر کیلئے استعمال کرتے ہیں۔ پہلے خود کو تھی‘ بیوی کو تھی‘ خالہ زاد دو بیٹوں کو تھی اور خاندان کے اور کئی لوگوں کو تھی۔ انہیں خوب فائدہ ہوا۔ پھر میں نے اس کی ترکیب مکمل تحریر کرکے فوٹو کاپی کرا کر لوگوں میں تقسیم کرنا شروع کر دی۔ اب تو ایسے رزلٹ ملے کہ میں خود حیران ہوا کہ اتنے فوائد اس عام سے ٹوٹکے کے ہو سکتے ہیں۔ اب یہی ٹوٹکہ عبقری کے لئے ارسال کر رہا ہوں اور ساتھ وہ فوٹو کاپی بھی ارسال کی پھر میں نے اپنے مریضوں کو بتانا شروع کیا۔جس جس کو بھی بتایا اور اس نے اعتماد ‘ توجہ‘ دھیان اور خوب مستقل مزاجی سے استعمال کیا۔ خود کئی بڑے بڑے نامور ڈاکٹروں نے استعمال کیا۔ ایک ڈاکٹر کے بقول اس نسخے نے میرے دل کے والو کو کھول دیا۔ ایک پروفیسر ڈاکٹر کے بقول اس گھوٹے نے میرے گردوں کے نظام کو بحال کر دیا۔ میں عرصہ دراز سے گردوں کے فیل ہونے کے مرض میں مبتلا تھا۔ اس کے علاوہ یہ گھوٹہ جوڑوں کے درد‘ بواسیر‘ گیس بادی‘ تبخیر میں نہایت مفید پایا۔ بس تسلی سے استعمال کریں ‘ تھوڑی محنت کر لیں ‘ زیادہ نفع پائیں۔
*ھوالشافی*
*ترکیب اور فارمولہ:*
گلو سبز (ایک بیل جس کے پتے گول پان کی طرح ہوتے ہیں‘ رسے کی طرح درختوں اور دیواروں پر چڑھ جاتی ہے) ایک بالشت کے برابر لے کر اس کے باریک ٹکڑے کر لیں۔
کالی مرچ 21 عدد‘
اجوائن دیسی 10گرام‘
مغز بادام 21 عدد‘
ریوند خطائی چنے کے برابر۔

ان سب کو ½ کلو تیز گرم پانی میں رات کو بھگو دیں۔ صبح باداموں کی سردائی کی طرح چاہیں تو مٹی کی کونڈی میں گھوٹ لیں ورنہ بلینڈر جس میں کیلے وغیرہ کا ملک شیک بناتے ہیں۔ خوب گھوٹ کر مل چھان کر اگر میٹھے کو طبیعت اور صحت اجازت دے تو ڈال کر بالکل چھوٹے چھوٹے گھونٹ پئیں۔ شیک کرتے ہوئے اگر مزید پانی کی ضرورت ہو تو ڈال سکتے ہیں۔ جن علاقوں میں تازہ گلو نہیں ملتی وہاں والے خشک گلو 2 بالشت استعمال کر سکتے ہیں۔ بہرحال فائدہ ضرورہوتا ہے۔ زیادہ فائدے کے حصول کیلئے شام کا بھگویا ہوا صبح گھوٹ کر استعمال کریں اور صبح کا بھگویا ہوا شام کو گھوٹ کر استعمال کریں۔
*اوپر جو ترکیب لکھی ہے یہ ایک وقت کے استعمال کا وزن ہے۔* آپ ایک وقت میں یہ گھوٹہ نہیں پی سکتے تو تھوڑا تھوڑا کر کے بھی سارے دن میں پی سکتے ہیں لیکن صبح نہار منہ جو پیا جائے اس کا نفع زیادہ ہے۔ گرمیوں میں تازہ گھوٹا اور سردیوں میں اس گھوٹے کو گھوٹ چھان کر نیم گرم کر لیں۔ قارئین آپ بھی اپنے تجربات استعمال کے بعد لکھیں اور اپنے تجربات اور مشاہدات لکھا کریں۔
(حکیم محمد طارق محمود چغتائی)
دعاء کرے اللہ تعالیٰ آسانیاں تقسیم کرنے والا بنائے
طالب دعاء
*حقر جابر پالن پوری*

https://T.me/jabirpalanpuri

*آج کے دور کی خاص ضرورت*

سب سے پہلے اس کے اجزاء سے روشناس کرواتا ہوں اس کے بعد اس کے فوائد بتاتا ہوں
*ھوالشافی*
حنظل( بیج نکال کر شامل کرنا ہے)50 گرام،
رائ 50 گرام ،
گندھک آملہ سار 50 گرام ،

*ترکیب اور استعمال*
کوٹ چھان کر سفوف بنالیں اور 250 mg والے کپیسول بھر لیں.
دن میں تین بار کھانا کھانے کے بعد ایک کیپسول پانی سے استمال کرے کمزور معدہ والے دن میں دو بار تاذہ پانی سے یا دودھ کے ساتھ لے سکتے ہیں. .

*فوائد*
*پھوڑے، پھنسیاں،*
*قبض،*
*خون کی خرابی،*
*گیس،*
*بواسیر،*
*خون کو پتلا کرتی ہے،*
*انٹی بائیوٹک ہے،*
*دافع درد.جوڑوں کا درد،*
*لمبے عرصے تک استعمال کرنے سے موٹاپے کو ختم کرتی ہے،*
*قبض کی بہترین دوا ہے،*
*آنتوں کی خشکی ختم کرتی ہے،*

دعاء کرے اللہ پاک مجھے آسانیاں تقسیم کرنے کی توفیق عطا فرمائے آمین۔
طالب دعاء
*احقر جابر پالن پوری*


https://T.me/jabirpalanpuri