طلابي الحلوين🌹
لما قول وقتي ضيق هذا لايعني أنه لااملك الوقت بشكل كامل
لكن الاستراحة وحياتي الشخصية هي جزء من برنامجي المخطط له لرفع الإنتاحية بالعمل
مو العبرة يكون عندي ألف طالب وانضغط
العبرة يكون عندي نصهم وأقدر وازن بين عملي وبين حياتي الشخصية..
اتمنى ماحدا يزعل مني لما قول لطالب وقتي ضيق
تنويه: أنا مابعطي خصوصي ابداً وبتمنى ماحدا يقلي خود شو مابدك صدقا الموضوع مانو مادي إنما أنا منظم وقتي بين التدريس وحياتي الشخصية
اتمنى التفهم❤️

أي طالب بكالوريا مشترك بدوراتي الأونلاين
رح يساوي بما يزيد عن 70 أختبار مؤتمت والنتيجة بتطلع للطالب خلال ثانية بشكل آلي، وبتنرسل نسخة من الحل لعندي عالحاسب..
هيك نمط من الأختبارت رح تعلم الطالب كيف يتمرن على المؤتمت ويعرف يتصرف صح..
يعني ضمن دروتي الأونلاين نو بس عم اشرح الدروس بالفديوهات كمان فية كتير أختبارات مؤتمتة آلية...
هاد الكلام بيشمل ايضا العاشر والحادي عشر وباقي الصفوف🌹

شاركو بالأستفتاء على قناتي👇
http://youtube.com/post/Ugkxa1h1wfznNAaNZ6KfKsuM7-Wf2XgSnBcR?si=iTbR6VYBLpxoXfyu

إن شاءالله مبارك لكم جميعاً طلابنا الحلوين بتفوقكم ونجاحكم، وإن شاءالله التعويض للراسبين في العام القادم..

طلابي الحلوين المشتركين معي في دورات الأونلاين أو كانو مسجلين بدوراتي ضمن المعاهد والمدارس، أي طالب حصل على النتيجة 3000ومافوق يتواصل معي على الواتس ليستلم هدية حلوان التفوق والتميز وتحفيزاً للمراحل القادمة..
الهدية رح تكون مقدمة من المدرس جعفر محمد لطلابه ورح تصل للمكان المتواجد فية الطالب بأي مكان بسوريا.
مبارك لكم جميعاً♥️

مرة تانية مبارك لكم النجاح والتفوق بصف التاسع..
لمن يرغب يمكنة الإنضمام لمجموعة التلغرام لصف العاشر، ساويتا هلا كرمال تتساعدو فيها، وجميع المسجات تتم مرقبتها من خلالي ومن خلال المشرفين🌹
https://t.me/jafar_10_math

🔴هام لطلاب البكالوريا دورة 2025♥️👇
http://youtube.com/post/Ugkx4CR9I4fBypgDTvcOV4AsjzI2pJpo1ic4?si=47HEgC6N7Ckvh0lV

إعلان:
فتح التسجيل لدورة رياضيات أونلاين لصف البكالوريا..
شرح كامل الدروس وكامل الأفكار وكامل تمارين الدروس وكامل تمارين الوحدات، يتم شرحهم بالفديوهات ويستطيع الطالب مشاهدة الفديوهات متى شاء وتبقى مع الطالب لنهاية العام، بالإضافة لأختبارات مؤتمتة تُصحح آلياً ويتم عرض النتيجة للطالب بشكل مباشرة مع معرفة أين الأخطاء مع التصحيح..
كلفة الاشتراك للجزء الأول 250ألف.
وكلفة الاشتراك للجزء الثاني 250ألف.
وكلفة الاشتراك للجزئين معاً 400ألف.
الكلفة شاملة لكامل المذكور فوق..
التسجيل على الواتس 0994392550

صباح الخير
شكراً لكل مُدير أو مؤسس منصة حاكاني وطلب مني العمل معو..
كتير أصحاب منصات بحاكوني لكون مُدرس بمنصاتهم..
وحابب خبركم هون بشكل عام منشان ماحدا يعرض عليي هالأمرر..
أنا مو حابب التزم بأي منصة فقط عم اعطي لوحدي وبحط السعر الرمزي يلي بناسب جميع الطلاب، بشكل عام مافيي اتقبل فكرة احتكار دروسي من قِبل أي منصة بأسعار عالية..
بتمنى ماحدا ياخد الموضوع بشكل شخصي..
ولكن انا بدأت بالعمل لوحدي وحابب تابع لوحدي وبدأت بأسعار رمزية ورح تابع بأسهار رمزية..
بتمنى التوفيق لجميع الطلاب ولجميع المنصات وبتمنى تراعو الطلاب بالأسعار🌹

إذا طلبت تشاركو هي الصورة بستوري ضمن حسابكم عالفيس والتلغرام والواتس، رح تساعدوني بنشر القناة والكل يعرف بوجودها!؟🙂
بتمنى تشاركو معي بنشر القناة لتصل للكل🌹🌹

عادة مابحب أستبق الأمور..
بإذن الله قريباً رح يتم إطلاق تطبيق للأندرويد والأيفون عبارة منصة كاملة متكاملة لشرح مادة الرياضيات من الصف الأول لصف البكالوريا وكلو رح يكون بشرحي حتى التطبيق برمجتي وبمساعدة بعض الأصدقاء المبرمجين، رح يكون التطبيق مجاني بنسبة 70٪
أما 30٪ رح يكون مأجور لدعم المنصة والأستمرار بالعمل حيث ستشمل كلفة باقات الأنترنت والسيرفر ورواتب المهندسين وستشمل التراخيص المطلوبة في وزارة التربية والإعلام والإتصالات..
صدقاً رح تكون منصة شبة مجانية وبأفضل شرح ومستوى..
شو بتقترحو عليي أسم للتطبيق؟؟

🔴 لا إلغاء لشهادة التاسع 🔴

معاون وزير التربية الدكتور رامي الضلي لـ كلام صافي عبر إذاعة أرابيسك :

♦️سيصدر قرار قريباً فيما يخص شهادة التعليم الأساسي سيُخفف الأعباء عن الوزارة والطلاب وأولياء الأمور والجهازين الإداري والتدريسي.

♦️سيبقى هناك جانب من الأعباء ولكن القرار سيتلقاه الشارع بكل أريحية وسيكون فيه الخير للتلاميذ وأولياء الأمور.
• شهادة التعليم الأساسي لازالت موجودة وستبقى, وهي شهادة أساسية يستمر فيها التوظيف حسب القانون الأساسي للعاملين في الدولة حتى وإن أصبح هناك أي تعديل بموجب قانون آخر فستبقى.

بتمرق أوقات بحس بضغط كبير، بحس أنو مو قادر إلحق، ضغط من الطلاب وتصوير فديوهات من صف السابع للبكالوريا وقبل ماصورهم لازم حضرهم وبعد ماصورهم لازم ساويلهم مونتاج وبعدها برفعهم عالنت ويوميا بساوي اختبار لصف معين، ويومياً عندي على الأقل 50محادثة عالواتس لرد على الطلاب وساعدهم، بالإضافة لوقتي بالمعهد، واتعلمت البرمجة وقررت أنا صمم التطبيق بنفسي مع مساعدة خفيفة من صديقي مهندس برمجيات، وأهم شي ساعة ونص يومياً تمرين رياضة، إذا بقلكم أنو بتمرق أيام كتير بتمنى أقعد ساعة أصفن فيها ب ولاشي، مابعرف بس حاسس عندي شي قوي وقادر قدمو لهاد الجيل وفيد الطلاب والجيل الجديد بشكل عام..
طيب شو فائدة هالحكي، صدقوني كلنا مننضغط، أبوك وأمك بيشتغلو ليل ونهار، كلنا عنا شغل وضغط بس ولامرة قررنا نستسلم ونوقف شغل لأنو الحياة مستمرة وبدنا نعيش، لهيك مو انت لوحدك مضغوط، مو لوحدك ماعم تلحق، كل إنسان عندو ضغط بس الإنسان الشاطر يلي قادر ينظم هالضغط ويستفاد منوو..
كونو قد المسؤولية واستمرو نحو النجااح♥️♥️

يلي حل الأختبار السابق
بإمكانو يتأكد من اجوبتو وياخد علامة الأختبار، بعد ماينقلهم للرابط👇
https://docs.google.com/forms/d/e/1FAIpQLSdZOhRsj0fAiIs8XVJW2PFuj1uWXNAhCsvj6vCswpbhdAKopQ/viewform?usp=sf_link

للتنوية: هيدا هو مببدا الأختبارات ضمن دوراتي الأونلاين، دورة كاملة متكاملة، بتحضر الفديوهات وبعدين بتساوي أختبار مؤتمت وبتاخد علامتك فورا، وهيدا المببدا معتمدو لجميع الصفوف بدوراتي الأونلاين🌹

هذا التصميم سيتم طبعه على فنجان كبير أنيق، وسيتم إهداءه للطلاب المتفوقين المشتركين بدوراتي الأونلاين، وسيصل للطلاب لمحافظاتهم في مناطق سكنهم، وداخل كل فنحان مبلغ مالي بقيمة 50ألف حلوان بسيط للطالب..
قبل طباعة التصميم نسأل الطالب المتفوق عن الألوان التي يرغب بها ونضع صورته أو أي صورة يختارها، مع علامة الطالب، ويتم التعديل على التصميم بما يُرضي الطالب قبل طباعته...
هذا الفنجان سيبقى مُرافق للطالب أثناء دراسته ويكون مُحفز له في المراحل القادمة...
بالعام القادم للطلاب المتفوقين رح تكون كمان نفس الهدية ولكن داخل كل فنحان مبلغ 100ألف..
هذة الهدايا مُقدمة من منصة جعفر محمد رياضيات التعليمية♥️

لاتبدأ بكالوريا وحادي عشر إذا مو حضران هاد الفديو..
النسب مثلثية والإرجاع للربع الأول والدائرة المثلثية والعديد من الأفكار وكلهم بفديو واحد🌹👇
https://youtu.be/NKeVd0ztSy8?si=IMiF86I64lANFyx_

طلابي البكالوريا في المعاهد والمدارس أو المشتركين معي بدورات الأونلاين..
الشرح التقليدي للمادة مافينا نستغنا عنو، ولما نقول كلمة تلقيدي يعني أشرح المنهاج شرح نظامي وحل التمرين نظامي وناخود القوانين ونطبقهم نظامي، وبعد مانخلص الدرس والمنهاج فية كثير فديوهات رح تنزل كيف منحل الأسئلة المؤتمتة، يعني نحنا كمدرسين مجبرين نشرح التمارين والدروس بالشكل المعتاد، وفيما يلي عم يتم التوسع لنظام الأتمتة، لازم الطالب يكون خبير بالطرق التلقيدية والأتمتة، وبصراحة التقليدي بكمل الأتمتة...
بتمنالكم التوفيق جميعاً وان شاءالله القادم أجمل♥️

طلابي الحلوين❤
كلفة الأشتراك بدورة العاشر الأونلاين لعام 2025 لكامل دروس الرياضيات للفصلين معاً 150ألف ليرة سورية فقط وترسل لمرة واحدة فقط بالحوالات
الدورة هي شرح كامل المادة بالفديوهات حتى تمارين الدروس تم شرحها بالصيف وجاهزة الأن للمشاهدة، وبتحضرو الفديوهات براحتكم وبتبقى معكم لنهاية العام..
التسجيل حالياً على الواتس 0994392550
تنويه: يمكنكم التسجيل متى شئتم من بداية العام لنهاية العام..
بحبكم جميعاّ❤