الإنسولين ببساطة … افهمه صح = تتحكم في السكر صح 🤝

أهم حاجة في أي Hormonal Replacement Therapy إنك تحاول تقلد الفسيولوجي الطبيعي للجسم… لأن ده النظام المثالي اللي الجسم شغال بيه وربنا خلقه عليه 👌

خلينا نفهم الطبيعي الأول:
أول ما الأكل يدخل الفم 🍔
الجسم (عن طريق الشم والتذوق) يبعت إشارة للبنكرياس
يطلع كمية كبيرة من الإنسولين بسرعة
تحرق الجلوكوز اللي جاي مع الأكل
وبعدها الإنسولين يقل بسرعة

أثناء النوم 🌙
مفيش أكل
الجسم محتاج بس كمية صغيرة جدا من الإنسولين
تفضل شغالة بشكل ثابت عشان تمنع ارتفاع السكر

وده بالظبط اللي بنحاول نوصله بالعلاج بالإنسولين 🎯

🔹 1. إنسولين سريع المفعول (Rapid / Short Acting)
📍 بيتاخد مع الوجبات
📍 بيغطي الارتفاع السريع في السكر بعد الأكل
💊 زي: Actrapid – Novorapid

🔹 2. إنسولين طويل المفعول (Long Acting)
📍 غالبا بيتاخد بالليل
📍 يشتغل بهدوء وعلى مدى طويل
📍 يمنع ارتفاع السكر أثناء النوم
💊 زي: Lantus – Tresiba

🔹 3. إنسولين مخلوط (Premixed)
📍 جرعة صباح + جرعة مساء
📍 بيجمع بين النوعين
💊 زي: Mixtard

🤔 لكن بصراحة…
النوع ده مش بحبه أوي بصراحة ❌
لأنه مش بيحاكي الفسيولوجي الطبيعي بدقة
بس العيان بيحبه عشان بيريح دماغه وبياخد جرعتين بس خلال اليوم كله

شوية أرقام تهمك في عملية نقل الدم للعيان معتقدش إنك ممكن تستغنى عنها 🤝

1- ما هو حجم كيس الدم ؟ حوالي 350 مل ✅
نقل الدم بيتم في عيان critical لازم تكون عارف بتدخله كمية قد ايه بالظبط 👌

2- ما هي درجة الحرارة المناسبة لحفظ كيس الدم ؟
الدم بيتم تخزينه في الثلاجة من درجة حرارة 1 إلى 6 مئوية ✅ لو تلجته يبوظ , لو سخنته يبوظ ❎

3- كم يوم يعتبر الدم صالح داخل التلاجة بتاعته ؟
الدم صالح في تخزينه في الثلاجة إلى 42 يوم حد أقصى ✅ لو تعدى هذة المدة فهو غير صالح للإعطاء ❎

4- ما هي أقصى مدة يمكن نقل كيس الدم خلالها بعد خروجة من التلاجة ؟
الدم صالح للإعطاء بعد خروجه من الثلاجة في ظرف 4 ساعات فقط ✅ لو تخطى المدة وجب التخلص من كيس الدم ❎

5- ما هو مقدار التغير في ال Hb level المتوقع بعدما أعطيت العيان كيس دم واحد ؟
كيس الدم متوقع إنه يرفع ال Hb بمقدار 1 جرام لكل كيس وال Hct متوقع إرتفاعه بمقدار 3% ✅ ده مهم عشان تعرف العيان بتاعك محتاج كام كيس 🤔

عم عطية تعبان جالك ووصفتله دوا، قام هو شاف جاره تعبان راح واصفله نفس الدوا لأنه تعبان نفس التعب 💊

الفرق بينك وبين عم عطية البقال، إنه بقال بس انت طبيب 🤷‍♂️
وده لا يعيب عم عطية ، بل يعيبك انت يا متعلم يا بتاع الشهادات 🙄
أصل عم عطية لما جالك بنزلة معوية وروحت واصفله Ciprodiazole اللي بيتكون من Ciprofloxacin + metronidazole عشان انت شاطر ومذاكر ماشاء الله عليك وعارف ان ال ciprofloxacin هو أول مضاد حيوي في حالات ال bacterial GE وكذلك ال metronidazole هو علاج ال amebiasis اللي هو بردو very common الحقيقة ...
Ciprodiazole contains 500mg ciprofloxacin & 500mg metronidazole
ما هي جرعة ال cipro في ال GE ؟ 500 كل 12 ساعة
ما هي جرعة ال metronidazole في ال amebiasis ؟ 500 كل 8 ساعات
كدة انت هتدي العيان برشامة كل 8 ساعات ولا كل 12 ساعة 😅
العيب مش عند عم عطية العيب على المتعلم بتاع المدارس اللي مبصش على مكونات الدوا قبل ما يوصفه 😐 كذلك محددش هو بيوصفه ليه بالظبط ✍🏻
بالمناسبة ال metronidazole 500mg كل 12 ساعة هي جرعة تنفع في ال giardiasis ولكن لو أنا خلاص متأكد إنها giardiasis طيب ما هوصفله فلاجيل فقط بدون الحاجة لميكس ال cipro metro 🤷🏻

ركز يا دكترة في اللي بتوصفه واللي بتعالجه ✌🏻

الـ Brain بيقولك اديني السلاحين دول وسأغزو العالم 🧠
سلاحين لو موفرتهمش للمخ للأسف انت المسئول الأول عن اللي حصل للعيان بتاعك 🥹
في دقيقة واحدة شوف الفيديو ده 👇🏻
https://www.facebook.com/share/v/1GYSHE3PG1/

3 نصائح من دهب في دقيقتين تحطهم قدام عينيك وانت بتتعامل مع عيان DCL 👇👇

https://www.facebook.com/share/v/1DmfKbffsu/

لما بتقيم العيان بتاعك على ال GCS بتدي ال Flexion 3 وبتدري ال Extension 2 ، فكرت بقى ليه ال Extension أسوء من ال Flexion !! 😐
فنجان قهوة وركز معايا في الحتة اللي تعدل المزاج دي 😇
👇🏻👇🏻👇🏻
https://www.facebook.com/share/v/18i2qWBmWn/

عيان الـ COPD هيجيلك بـ oxygen saturation 88% وهتبقى غلطان لو اديته أكسجين ❌ ‼️
عيان الـ CO poisoning هيجيلك بـ saturation 99% وهتبقى غلطان لو مديتوش أكسجين ❌ ‼️
إزاي بقى الكلام ده 😅 اسمع الفيديو ده 🧠

👇🏻👇🏻👇🏻
https://www.facebook.com/share/v/1D6HWFeTXA/

أيه مدى أهمية ال Dexa & Avil قبل محلول الحديد ؟ 🤔

أنا بقى هقلب الترابيزة وهقول : ما مدى الضرر اللي هيحصل للمريض بسبب الديكسا والأفيل 😏

مفيش حاجة اسمها روتين ديكسا وأفيل قبل الحديد يا جماعة بدون سابق history of allergic reaction فملوش أي معنى تديها للعيان

طيب بخصوص السؤال بتاع (( مدى الضرر )) هل أنا جاي أكبر المواضيع 😅 لا والله خالص ؛ خد عندك ✋

عيان الحديد ده مش هينقل امبول والسلام لا غالبا بيحتاج ينقل كمية كبيرة تعالى نفترض إنه محتاج ينقل ٢٠ أمبول كإجمالي ؛ كل جلسة ٣ أمبولات يعني محتاج ٧ جلسات وهو بيعمل جلستين أسبوعيا يعني هيخش في 4 اسابيع بياخد ديكسا 8 مج كل 3 ايام وده مش جرعة بسيطة بالمناسبة عشان تبقى مدرك الكمية ال 8mg dexa بتساوي 55mg solupred ؛ حضرتك وزمايلك كل واحد في يومه لما العيان بيجيله بيحب يأمن نفسه ويديله ال Dexa and Avil ؛ انت عارف انك بالشكل ده المفروض تعمله gradual tapering ؛ مين بقى هيعملهوله ! محدش هيفتكر طبعا 😁 وعشان ايه اصلا !! ولا حاجة 😅

مفيش ديكسا وأفيل قبل نقل الحديد يا دكاترة 👌 إلا لو كان فيه history of allergic reaction فعلا 🤝

عيان مصدع لو اديته مسكن ومشيته تبقى غلطان ، ولو قعدت تعمله فحوصات عشان تدور على سبب للصداع تبقى غلطان ❌
حالة بتوضحلك قد ايه صبرك في الـ History taking هو أهم من أي خطوة تانية ممكن تقدمها للعيان 🤝
جزء من محاضرات الـ Headache في الـ Neurological emergencies training program 🧠
👇🏻👇🏻👇🏻👇🏻
https://www.facebook.com/share/v/1Ad9anSEea/

حاجة common هتشخصها بدون ما تكلفه العيان جنية واحد فحوصات 🫡و هتوفر على العيان علب من المسكنات 🤕
جزء من محاضرات الـ Headache في الـ Neurological emergencies training program 🧠
👇🏻👇🏻👇🏻👇🏻
https://www.facebook.com/share/v/1Ba2JQjKP6/

🚨 Live ER Simulation Session 🚨

بكرة الجمعة 8 مايو هنقدم لايف تفاعلي للأطباء عن التعامل مع حالات
🔥 Disturbed Conscious Level (DCL) 🔥

المحاضرة هتكون بشكل عملي وتفاعلي بالكامل:
✅ Real Emergency Simulation
✅ Approach to DCL in the ER
✅ Interactive decision making مع الحضور
✅ Differential diagnosis & immediate management
✅ Airway, glucose, imaging, investigations & critical actions
✅ Real-life ER pitfalls & practical tips

📍 Platform: Google Meet
🗓 الجمعة 8 مايو الساعة ١٠ مساءا بتوقيت مصر

دي جزء من البرنامج التدريبي الخاص بال Neurological emergencies اللي عاملينه ، والمحاضرة دي حضورها مجاني تماماًَ ✅
هنحاول نعيش السيناريو الحقيقي جوه الطوارئ خطوة بخطوة، وكأنك الـ on-call physician المسؤول عن الحالة.

مستنيينكم 🔥

النهاردة الساعة 10 مساءاً هنبدأ ان شاء الله محاضرة أونلاين هيتم تسجيلها للي مش هيقدر يحضر، بتتكلم عن حالة presented to you in ER with acute DCL وهنبدأ نعمل simulation حقيقي للخطوات اللي هتتاخد مع الحالة دي بظروفها الخاصة في الطوارئ لحد ما نوصل لتشخيصها وال initial management بتاعها ، الحضور هما اللي بيعملوا Management بنفسهم 🤚🏼

هتكون على Google meet ✅
ده اللينك https://meet.google.com/xut-bask-tkq وهيشتغل الساعة 10 لما نبدأ إن شاء الله 🌟

لينك محاضرة اللايف DCL simulation case
https://youtu.be/PaWOzH1QN6U?si=m5HKDqIDDW2tI2Vd

هتتحط في الموقف ده كتير ♻️
العيانة اللي خارجة من العمليات بعد بنج نصفي حاسة بصداع 🤕
وبيقولولك الدكتور بتاعها قالنا سيبوها نايمة فلات 🚫
هي ليه مصدعة وتحل المشكلة دي إزاي 🤔

جزء من محاضرات ال Headache في ال Neurological emergencies training program 👇🏻👇🏻
https://www.facebook.com/share/v/18tRe5i9jw/

زنقة القلوب 🫀

إيه هو الـ Cardiac Tamponade وليه بيحصل؟
الـ Cardiac Tamponade بتحصل لما يتجمع سائل بكمية كبيرة وسريعة في الـ pericardial sac. السائل ده بيضغط على القلب وبيخليه مش قادر يتمدد ويستقبل الدم بشكل كافي، وبالتالي كفاءة الضخ بتاعته بتقل بشكل كبير. ⬇️

الأسباب ممكن تكون trauma ، أو بعد cardiac surgeries، أو pericarditis مهما كان سببها زي ال uremia مثلاً، أو حتى بعض أنواع الـ cancers اللي بتنتشر للقلب. 🫀

الثلاثي اللي بيشخصها : Beck's Triad
((بيك)) حطلنا 3 علامات رئيسية لو شفتهم مع بعض، لازم تفكر في Cardiac Tamponade:

Hypotension: 🔴
دي علامة على إن القلب مش بيضخ الدم بكفاءة كافية لبقية الجسم. الضغط جوه الـ pericardial sac بيضغط على القلب وبيمنعه من الامتلاء بشكل كامل بالدم، وبالتالي كمية الدم اللي بيضخها بتقل.

Muffled heart sounds: 🔇
بسبب وجود السائل ده حوالين القلب، صوت نبضات القلب اللي بنسمعه بالسماعة بيكون ضعيف ومكتوم، كأن فيه حاجز بين السماعة والقلب.

Elevated Jugular Venous Pressure (JVP): 💢
لما القلب مايقدرش يستقبل الدم اللي راجع له من الجسم كويس (خاصة من الجزء العلوي)، الدم ده بيبدأ يتجمع في الأوردة الكبيرة زي ال jugular vein، فبنلاحظ إن الوريد ده منتفخ وواضح. دي علامة على إن فيه ضغط عالي في right atrium بسبب عدم قدرته على الامتلاء.

بجانب الـ Beck's Triad والفحص الإكلينيكي، الإيكو هو الأداة الأساسية لتأكيد التشخيص. هو اللي بيورينا وجود السائل حوالين القلب وكميته، وتأثيره على حركة القلب زي ما هو واضح عندك في الصورة كدة. 🤚

التصرف لازم يكون سريع ! العلاج الرئيسي هو pericardiocentesis، وهي عملية سحب السائل من الكيس بإبرة خاصة تحت توجيه الإيكو. ده بيخفف الضغط عن القلب وبيحسن حالة المريض. ✅

الـ Cardiac Tamponade دي fatal ولو قعدت سنة تعمل CPR للمريض بتاعك من غير ما تفضي للقلب مساحة يتحرك فيها فمش هينوبك غير تكسير عضم الشيست مش أكتر. خليك سريع في لقط الـ Beck's Triad. 🫡

#By_Dr_Mo #IV_Notes #Cardiology #medicine

عارف إنك بتخاف من ال Facial palsy وبتفكر إزاي هتتأكد إذا كان ال facial drop ده منجرد حاجة benign زي ال Bell's palsy ولا ده فعلاً حوار كبير زي ال Stroke ... في عشر دقائق هتعرف وتفهم وتحفظ إزاي تفرق ما بينهم 👇
ده جزء من محاضرات كورس ال 🧠Neurological emergencies

https://www.facebook.com/reel/1527558805465613/

من الحاجات المهمة في الممارسة اليومية إننا نبقى واخدين بالنا من الـ drug interactions عند أي مريض على Warfarin، خصوصا مع المسكنات الشائعة لأن أي عيان هتلاقيه بيستخدمها بشكل متكرر فوارد جدا تقع في المشكلة دي

الـ NSAIDs مع الـ Warfarin

الـ NSAIDs زي:
Ibuprofen بروفين
Diclofenac فولتارين
Ketorolac كيتولاك

ممكن تزود خطر الـ bleeding بشكل كبير مع الـ Warfarin، وده بيحصل حتى لو الـ INR طبيعي.
وفي بعض الحالات ممكن كمان يحصل زيادة في الـ INR
لكن النقطة الأهم إن المريض ممكن ينزف حتى مع therapeutic INR.

عشان كده يفضل نتجنب الـ NSAIDs مع الـ Warfarin قدر الإمكان.
ولو ضروري أقل dose لأقصر مدة

أما الـ Paracetamol (Acetaminophen) زي بنادول مع الـ Warfarin
ناس كتير فاكرة إن الـ Paracetamol آمن تماما مع الـ Warfarin، لكنه برضه ممكن يعمل interaction مهم.
الفرق إن الـ Paracetamol بيزود تأثير الـ Warfarin عن طريق زيادة الـ INR نفسه، خاصة مع إستخدمات جرعات عالية أكتر من 2 جرام يوميا ومع إستمرار التناول لفترة أطول ( بتكلم في أيام مش شهور )

برغم ده يظل بردو الـ Paracetamol هو ال preferred analgesic مقارنة بالـ NSAIDs في المرضى اللي على الـ Warfarin.
لكن لازم ناخد بالنا من:
prolonged regular use
high doses
elderly patients
liver disease
وفي الحالات دي الأفضل نتابع الـ INR بشكل أقرب.