عندما يؤلمك سن من أسنانك
ومن شدة لألم ، يصبح همك الوحيد !
هو خلعه .. وعندما يتم خلعه .. لا شعوريا يصبح لسانك طوال الوقت يتجه الى ذلك الفراغ الذي تركه السن .. بمعنى أقوى وأفصح أنه ترك فراغا وأصبحت تفتقده ..
غالبا ما يأخذ وقتا طويلا لتتعود على هذا الفراغ .. لكنك ستتعود .. وتسأل نفسك هل كان يجب عليك خلعه ؟ فتقول :
نعم كان يجب ذلك لأنه كان يسبب لك ألما ووجعا .. هكذا هم بعض الأشخاص في حياتنا وبعض المواقف تجبرك على التخلي عنهم .. وتكمل حياتك دونهم .. رغم أنهم كانوا مصدر سعادتك يوما ما .. صحيح سيتركون فراغا في حياتك .. !
لكن يكفي أنه لم يعد هناك ألم ولا وجع ..!

قبل كم يوم داكلب بالفيس دخلت على صفحة واحد ميت من 2018 لكيت اهله واصدقائه وجيرانه كاتبيله تعليقات تبجي الصخر هذا اليگله شكد مشتاقلك واتمنى لو لحظة اشوفك بيها هسه

وذاك اليكله علي اعتذر منك لأن بيوم ردت نطلع سويه وكتلك مشغول شكد محتاج اشوفك واسمع صوتك ونطلع نتمشى سويه على ضفاف دجلة وأمه تكله غرفتك لحد الآن أنام بيها غرفتك وريحتك وصورك على الحايط هي الشي الوحيد الباقيلي بهاي الحياة.

كل التعليقات جانت هينه إلا من لاحظت حساب يعلقله يومية على مدار 7 سنين يومية يكتبله شنو سوه بحياته وبشنو ديحس وره ماركزت بصاحب الحساب طلعت حبيبته قريت الها واحد من التعليقات كايلتله علاوي اني فرحانه وداحس بشعور كلش حلو دا احلم بملك الموت يومية يكلي ما بقى شي وتلتقون.

#ف_احب_اكلكم

احجوا ويا الأشخاص التحبوهم كأنكم اخر مره تحجون وياهم الزموا ايدهم كأنكم اخر مرة تلزموها مغادرتنا من هاي الدنيا تستغرق ثواني فقط وكلنا نصير ذكرى وأكثر ما يؤلم بهذه المغادرة
وقتها المجهول فجأة وبدون ما تستوعب الصار .. يرحلون للأبد. خليك قريب عليهم.

#ما_ازوج_الى_مليونير

الرسول القدوة والزواج السعيد.. قبل أن تكون "أم المؤمنين"... كانت "سيدة قريش" التي أذهلت الجميع بذكائها وثروتها..
خيلوا معي مكة في تلك الأيام... امرأة تتحدى كل تقاليد العصر تُدير أكبر تجارة في الجزيرة العربية، ويحترمها الجميع لدرجة أنهم يلقبونها ب
"الطاهرة"
إنها خديجة بنت خويلد.
لكن ثروتها لم تكن هي كنزها الحقيقي الكنز كان نظرتها الثاقبة وقلبها النقي عندما سمعت عن شاب أمين يقال له "محمد" لم تتردد في توظيفه ليدير تجارتها وراقبته عن كثب... فاكتشفت أنه لا يعرف الكذب، ولا يخون الأمانة، وروحه أصفى من ماء زمزم.
رفضت كل أمراء قريش الأغنياء... واختارت ذلك الشاب اليتيم الذي لم يكن يملك شيئاً سوى صدقه وأخلاقه.
بعد الإسلام، أنفقت كل ثروتها الطائلة في سبيل الدعوة... وقفت بجانبه في أقسى لحظات الحصار والاضطهاد كانت السند والدرع والحب والتأييد.
وحتى بعد رحيلها بقي رسول اللّٰه (صلى اللّٰه عليه وآله) يذكرها بالوفاء ويقول:
"آمنت بي إذ كفر الناس، وصدقتني إذ كذبني الناس، وواستني بمالها إذ حرمني الناس... ما أبدلني اللّٰه خيراً منها"
في زمن اهتم فيه الكثيرون بالمظاهر والماديات... تذكرنا قصة خديجة والنبي (صلى اللّٰه عليه وآله) أن أقوى العلاقات تبنى على أساسين: الإيمان الطيب، والأخلاق العظيمة. فهما أساس البيت السعيد، الذي يصنع تاريخاً بأكمله.
فلننشر قدوتنا... فلننشر قصة الحب الطاهر التي غيرت العالم... واتركو مشاركة المفاهيم المشوهة والصور الزائفة التي صارت سبباً في هدم البيوت حتى قبل اكتمال بنائها.

بحياتنا راح نصادف هواي عالم بيهم الي يخليك تعرف قيمه ناسك وبيهم إلي يخليك تتندم انك انطيته مكانة بحياتك بيهم إلي يتمسك بيك بدون أي مجهود منك بس لأنه يحبك وناس تسعى لخسارتك رغم انت بعيونك مخليهم وناس مخليتك بعيونها بدون أي مقابل أكو الي يشوفك اعظم شي بالوجود و انت مقصر بحقه و ملتفت لشخص محسسِك بمنيه بوجوده وياك وعلى لحظة يعوفك اكو الي يخليك تحب نفسك حتى بتفاصيلك إلي ما تنحب و أكو الي يحسسك بنقص رغم انت ما بيك أي شائبة حِب نفسك و أختار اللي يقدسك بمشاعر و تفاصيل و سوالف ومواقف والي يشوفك انت بجهة و العالم
كله بجهة 🤍

" الشخص الصح "

كل حياتنا اختيارات سواء مكان نسكن بي سواء دراستنا سواء شغلنــا سواء أكلاتنــا مشروباتنا و حتى ادق وابسط التفاصيل الكلمات الي ننطقها هي بأختيارنا بس الشيء المهم شنو نختار وشلون نختار و متى نختار ؟

كذلك الأشخاص الي نعيش ونتعايش معاهم بحياتنا هم اختياراتنا ماكو شيء اسمه القدر جمعني بهلشخص غصب عني ولا نذب الصوج ع رب العالمين لا هلشخص لما يكون جزء من حياتنا ف بقبول منا احنا يا تُرى لو رافضين وجوده من البداية كان بقى ؟ اكيد لا

لذلك أهم شيء نفكر و نكون كد هلأختيار وبمجرد ما كلت اختيار شخص راح بالكم حُب كـ حبيب او زواج وهلتفكير غلط الحياة مو بس هيج ! كل احنه نحتاج شخص صح و حقيقي هلشخص نلكه بي الحُب والصداقة والقرب والتملك والراحة والسعادة و الارشاد للأشياء الصحيحة ونكمل مشوار حياتنا صح بسببه وغيرها من الأشياء الحلوه الي نكدر نلكاها عنده

هسه اكيد كلتو شنو هذا ملاك وين نلكاه لا مو ملاك وموجود لو بعد الالاف المُدن و الأهم من هذا ان هالشخص مثلي مثلك ماكو انسان سيء بالعكس بس اكو انسان صح وتفكيره صح وكل شخص يناسب شخص ما فأذا عندكم هلشخص أمانة متخسروه 🤍.

مرات بالبيت من نريد نعلك صورة أو لوحه منكدر نميز اذا جانت عدله أو مايله لان قريبين منها ف شنسوي نصيح واحد ثاني بعيد عليها حتى يكدر يشوف اذا جانت عدله أو مايله
من كد مانحب وفرحانين وقريبين من الناس منكدر نميز أو نشوف عيوبهم وزلاتهم مثل اللوحة
لازم نرجع كم خطوة ليوره حتى نكدر نشوف الميلان وين
ممكن كل الي شفناه واحنه قريبين جان مجرد جزء من لوحة محلوة مجرد لون حلو وسط خربطه ألوان 🤍
#توجيه

الجمال الخارجي ماكو أسهل من تغييره، اذا جنت سمين تكدر تضعف، واذا ضعيف تكدر تسمن، واذا أسمر تكدر تسوي ليزر تفتَّح بشرتك، واذا شعرك واكع ينبت بالزرع، والعين صارت تتلون بالينسر، يعني شوية فلوس وياها جهد راح توصل لنتائج مرضية، بس الجمال الداخلي هذا ماتكدر تغيره عند اي احد
ونهائيا متكدر توصله اله .. الطيبة، الأدب، حُب الخير للغير، الحنيّة، العين المليانة، الشهامة .. الصفات هاي هي الجمال الحقيقي وهي هاي الي تلفت الانتباه وتحليك بعين أي حد يشوفك، أما الشكل والجسم وماشابه هذن تدخل بيهن مسابقات جمال بس ما يدخلنك بكلبي

في الجامعة تدرك إن الصورة المرسومة في أذهان الناس مجرد وهم ، وإن الحياة هناك ليست كما يتخيلها البعض أو كما روج لها في الأفلام، بل ستكشف إن الشهادات لا تصنع المثقفين، وإن بعض الطلاب مجرد عابرين بلا شغف وبلا عمق ، وحتى الأساتذة قد يحملون الألقاب لكنهم أحيانا يفتقدون إلى جوهر الثقافة وروح التعليم الحقيقية .
قد يكون واقعا مختلفا ،
حيث يعلوا فيه صوت الفوضى على صوت الفكر ، هناك من يغرق في تفاصيل تافهة ، بينما يركض الآخر خلف تفاصيل لا تحمل معنى عمق التجربة . ومع ذلك هناك لحظات مختلفة تمنحنا الأمل ....

مقتنع تمامًا إنه الحياة مليانة فرص حلوة وجديدة، حرفيا الحياة ما توكف على شي، كل يوم رح تفتحلك باب من أبوابها، طموحك وأحلامك ما إلهم حدود، ولا يقيدهم وقت، ولا يحكمهم عُمُر، ما يمنعك توصلهم إلا تنازلك عنهم، الحياة رح تحطك بطريق ومكان جديد، يأما تكمل وتكسب الرهان يأما تنسحب وتضل بنفس المكان، كل ما فتحت كلبك للحياة، راح تنطيك كل الفرص الممكنة، ولو بعد حين، أنت بإيدك تختار، أما تتغير أو تضل على وضعك ، أنتَ تختارحياتك، وترسم نجاحك، يأما تختار تكمل، أو تظل عالق بالنص، بين الماضي والمستقبل، بين الوهم والحقيقة، بين النهاية والبداية راح تنطيك فرص هواية، بس ما تعرف شوكت راح تكون الفرصة الأخيرة، ما تخلي هالعمر يروح بدون ما أنت بعيد بأحلامك

صباح الخير
صباح الفرص الجديدة والبدايات الجميلة صباح الخير للماضين في سبل الحياة تحقيقا لمعنى الحياة، الذين يحيكون ثياب الإنجاز بخيوط الإرادة والعمل ، الساعين بجد نحو أهدافهم دون كلل أو ملل الذين يزرعون خطواتهم بتذكر جمال غاياتهم

خل احجيلكم شي

اول ما دخلنا الجامعة، صديقي تعرف على بنية ويانه، محترمة وذكية، واعجب بيها ، جان مستقر بحياته، عنده شغله الخاص، وأهله واصلين ، صار بينهم صداقة وبعد سنه من وصلنا للمرحلة الثانيه، حبها وعرض عليها الزواج، لكنها رفضت بحجة
انها ممستعدة. بالمرحلة الثانيه دخلت علاقة ويه شخص ثاني، وصديقي انسحب بهدوء، وبعد فترة انفصلت عن هذا الشخص، وبمدة قصيرة رجعت لصديقي، تحجيله عن مشاعرها وتريد تنطي فرصة لان هي تسرعت من رفضت ،بس صديقي رفض رغم انه بعده
عنده مشاعر الها.
ومن تناقشت وياه بالموضوع كلي: "ما أقبل أكون خيار بديل، ممستعد أكون الاحتياط، لو جانت تريدني جان قبلت بيه من البداية، مو تروح تجرب وبعدين من تفشل تتذكرني ، اني ماريد اكون الplan b او الحل الآمن بعد الخيبات."

#نصيحه
-"لا تقبل بشخص يختارك من ميلكي
غيرك."

حاول تترك أثر حلو وين ما رحت لو كان شي بسيط ، المهم إنو يرسم بسمة يفرح قلب ، ويعطي سعادة ، هاد الأثر رح يرجعلك ، ورح تشعر بنفس الشعور يلي خلقته عند غيرك ، وكنت سبب لسعادته ، حاول بكل يوم جديد إنك تنهيه وفي شي حلو مقدمه لغيرك ، لو كان كلمة ، دعوة ، نظرة أو مساعدة

أنّها مُثالية جداً .

أاهَ من عينَاها

أنظر إليها
بأعجاب
وإنبهار شديدً
قد غُرقت في التأمُل
أنظر إليها والدهشة في عيوني
رباه . ما هذا الجمالُ ؟
أحسد جميع الناظرين إليها
أن عيونها أمنة جداً ومريحة للنظر .

"كما تدين تدان،
وكما تعين تعان، وكما ترحم تُرحم،
وكما تزرع تحصد " هذا النصٍ سجله في رفوف غفلتك وسيخبرك الزمان عنه يومًا ما ولك مثل ما فعلت ولو بعد حين" كما تدين تدان وأن لم يكن بنفس الموقف فسيكون بنفس الألم، عندما تظلم ستُظلم، عندما تكذب سيكذب عليك وعندما تخونٍ ستُخان أفعل الأن ما تحب أن يفعل بك غدًا الدُنيا قانون يُسمى الدوران سيعود إليك يومًا ما سواء كان خيرًا ام شراً فأحسنٍ صنع ما تود أن يعود إليك في الغد، ستزوركم أفعالكم يوما ما فلا تتعجبوا فكل ساق سيسقي بما
سقى به غيره"

"لَا يُكَلِّفُ اللَّهُ نَفْسًا إِلَّا وُسْعَهَا"

شوف ، هاي الآية بيها راحة نفس عجيبة، لأن مرات الإنسان يوصل مرحلة يحس الدنيا ثكيلة عليه، التعب زايد، والهموم متراكمة، ويكول "ما أكدر بعد".
اللّٰه سبحانه هنا يريد يطمنك ويكلك: "تره أنا أعرف حدودك، وأعرف شنو تكدر عليه، ما راح أحمّلك شي فوق طاقتك".
يعني إذا جنت تمر بضيق، اللّٰه دا يعرف إنك تكدر تصبر عليه، مو لأنك ضعيف، بالعكس، لأن بيك قوة يمكن إنت ما شايفها بنفسك بعد.
وهاي القوة تطلع وقت الشدّة، والله يريد يطلع أجمل شي بيك من خلال الابتلاء.
الوسع مو بس طاقة الجسد، لا، يشمل طاقة النفس، وطاقة العقل، وطاقة القلب.
فالله دا يتعامل وياك ككل، مو كالة لازم تنتج، لا، كروح تمتحن وتنضج وتتعلم وتتكامل.
وإذا تفكر شوية، راح تحس إن كل امتحان مرّيت بيه، طلع بيه خير بعدين - علمك, قواك, قرّبك من ربك، خلّاك تفهم معنى الصبر، أو خلاك تعرف قيمة النعمة بعد ما راحت ورجعت.
اللّٰه ما يظلم أحد، ولا يطلب منّا شي فوق حدودنا، بس مرات يخلينا نكتشف حدودنا الحقيقية من خلال الصعوبات.
كل شي تمر ببه، حتى لو يوجّعك، بيه رسالة خفية من اللّٰه تكول :

"إنت تكدر، لأنّي أنا أعرفك أكثر من نفسك." ♥️

«وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحبُّوا شَيْئًا وَهُوَ شَرٌّ لَكُمْ وَاللَّهُ يَعْلَم وَأَنْتُمْ لَا
تَعْلَمُونَ)

#شوفو ، هاي الآية تكلك شي مهم جداً عن الحياة وعن حكم اللّه:
أحياناً الإنسان يكره شي يصير بحياته، مثلاً خسارة، مرض، أو فشل، ويحسّ إنه نهاية العالم. بس الحقيقة، اللّٰه سبحانه وتعالى يعرف شنو الخير اللي وراه، حتى لو إحنا ما شوفناه. يعني يمكن هذا الشي اللي تكرهه اليوم، بعد فترة يصير سبب بنجاحك أو سعادتك أو تعلمك شي مهم.
ومن الجهة الثانية، الإنسان يحب شغلات أو ناس أو أمور، ويحس إنّها راح تسعده، بس أحياناً هاي الأشياء تكون ضارة له. يمكن تحرقه بالنهاية، أو تخليه يبعد عن الطريق الصحيح.
النقطة العميقة بالآية: اللّٰه أعلم، وأنت مو عالم.
هذا يعلّمنا التواضع، ويعلّمنا الصبر والثقة بحكمة الله. مو كل شي نفهمه أو نشوفه واضح للعين، لكن كلشي بيصير بحكمة ربّانية. 🤍

اقروها للاخير راح تفديكم