لوم النفس
احنا لمن نجي ل شخص سوى شي مو زين ويانه راح نلوم ونعاتب لكن راح نشوف هل شي ماكو نتيجة لان هو خلاص عمل عملته وما عليه شي ، من نطبق هل شي علينا نلوم نفسنا ونستمر بس من نتعمق ماراح نشوف اكو نتيجة لان جاي نسوي شي بلا فائدة أو معنى بس رغم معرفتنا و اكتشافنا للحقيقة نستمر للضغط اكو مرات اشياء تصير هي مو بيدنا مثلا يصير ظرف عدنا نخسر امور دراستنا هواي شغلات راح نظل نلوم نفسنا ولكن الحقيقه هي نفسنا مو بيدها قابل هي الي سوت هيج اكو نفس تأذي نفسها، لكن هاي الحياة والي يكتب لنا الله سبحانه وتعالى ومو معقولة نلوم او نعترض امر الله استغفر الله
اكو نوع من اللوم الثاني
من تحجي وي شخص او تسوي ردة فعل او شي راح تندم وتلوم نفسك بهل تصرف زين اكو مرات اشخاص نعطيها فوك استحقاقها واكو مواقف تجبرنا نقابل افعالهم بالمثل لان يستحقون ف صدكني الي تسوي مو غباء وانما هو الصح لان مستحيل نفسك تعطي رد فعل او كلام الا اذا كان المقابل هو يستحق
النوع الثالث لوم النفس بالدراسة
الدراسة كل انسان والله انطاه طاقة ف من تجيك نتيجة على كد طاقتك لاتحط نفسك وتلومها لان هي هيج نخلقت مثلا نروح نعترض ربي ليش هيج خليتني ترا مستحيل الله تريد شي وما ينطي لك عبثا لا هو ضام لك الاجمل اصلا الله مياخذ شي الا وله بيها ارادة هواي انواع من لوم النفس لكن تأكدوا كل تأثير بالنفس هو تأثير للصحة وما انفسكم الا امانة الله ف حافظوا عليها وكونوا مراعين.