Malaka oshirish kurslari uchun mentorlar tanlovi!

🏷“IT Shaharcha” loyihasi doirasida Sun’iy intellekt va SI agentlar, FullStack dasturlash hamda Graphic Design yo‘nalishlari bo‘yicha malaka oshirish kurslari uchun tajribali mentorlar taklif etiladi.

➡️ Nomzodlardan:

➡️Tanlangan yo‘nalish bo‘yicha kamida ➡️3 yillik amaliy tajriba;
➡️Zamonaviy dastur va vositalarni mukammal bilish;
➡️Oflayn va onlayn dars o‘tish tajribasi;
➡️Kuchli kommunikatsiya va taqdimot ko‘nikmalari;
➡️O‘zbek, rus yoki ingliz tillaridan kamida ikkitasi bo‘yicha dars bera olish talab etiladi.
➡️Mentorlar nafaqat o‘z sohasi bo‘yicha bilim berishi, balki tinglovchilarni samarali o‘qitishga tayyorlay olishi lozim.

📩 Ariza topshirish havolasi.

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

🟡 Abituriyentlar uchun muhim yangilik!

💻 my.gov.uz orqali 2026/2027 oʻquv yili uchun oliy taʼlim muassasalarining bakalavriat taʼlim yoʻnalishiga onlayn hujjat topshirish boshlandi!

💻 Qabul 2 bosqichda amalga oshiriladi.

🔄1-bosqich 5-iyundan 25-iyungacha (shu kuni ham):
⏺️Test sinovi topshirish uchun roʻyxatdan oʻtiladi;
⏺️Topshiriladigan fanlar majmuasi, taʼlim tili va test topshirish hududi tanlanadi;
⏺️Kirish imtihonlari tarkibida kasbiy (ijodiy) imtihon bo‘lsa, tegishli OTM tanlanadi.

❗️25-iyunga qadar topshirilgan arizadagi ma’lumotlarni tahrirlash imkoniyati mavjud.

🔄2-bosqich (test sinovlari yakunlangach 15 kun ichida):
⏺️Oliy taʼlim muassasasi;
⏺️Bakalavriat taʼlim yoʻnalishi;
⏺️Taʼlim shakli va tanlov ustuvorligi tanlanadi.

💰Test sinovlarida ishtirok etish uchun abituriyentlardan bazaviy hisoblashning 50 foizi (206 000 so‘m) miqdorida to‘lov undiriladi.

💬 Quyidagi toifaga kiruvchi abituriyentlar to‘lovdan ozod etiladi:

⏺️Test sinovlari tashkil etilayotgan o‘quv yilida ta’lim muassasalarini bitirganlar;

⏺️Nogironligi bo‘lgan shaxslar;

⏺️“Ijtimoiy reyestr” axborot tizimida ro‘yxatga olingan shaxslar va ularning farzandlari;

⏺️“Yoshlar daftari”ga kiritilgan yoshlar;

⏺️To‘liq davlat ta’minotidagi shaxslar.

❗️Eslatib oʻtamiz!

📆 Test sinovi natijalari – ertasi kuniga, mandat natijalari esa tanlov yakunlanganidan keyin bir hafta ichida eʼlon qilinadi.

🎉 Barcha abituriyentlarga imtihonlarda omad tilaymiz!

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

🇺🇿🇺🇿🇺🇿🇺🇿🇺🇿🇺🇿

#Mustaqillik35 #Uzb35

Yagona Vatan, yagona xalq boʻlib, yangi hayot va kelajak yaratamiz!

🇺🇿 O‘zbekiston Respublikasi mustaqilligining 35 yilligi munosabati bilan mamlakatimiz raqamli ekotizimini rivojlantirishga hissa qo‘shayotgan asosiy xalqaro hamkorlar va diplomatlar oʻz fikrlarini bildirmoqda.

Ushbu videoda dunyoning yetakchi telekommunikatsiya xoldinglaridan biri — VEON Group bosh direktori Kaan Terzioglu O‘zbekistondagi investitsiya muhiti, raqamli infratuzilmaning jadal rivojlanishi hamda mamlakatning mintaqaviy raqamli xabga aylanish salohiyati yuzasidan o‘z fikr-mulohazalari bilan o‘rtoqlashadi.

Kaan Terziogluning O‘zbekistonning raqamli salohiyati, investitsiya muhiti va mamlakatning mintaqaviy raqamli xabga aylanish istiqbollari haqidagi batafsil fikrlari bilan quyidagi video orqali tanishishingiz mumkin:

▶️ https://youtu.be/hf7H9OsTQo8

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

✔️ Cyber University: jamiyatda kiberxavfsizlik madaniyatini shakllantirishga qaratilgan tashabbus doirasida yil yakuniga qadar 840 ming nafardan ortiq aholini qamrab olish rejalashtirilgan

☄️Raqamli transformatsiya sharoitida kiberxavfsizlik va sun’iy intellekt bo‘yicha bilimlar har bir fuqaro uchun muhim ahamiyat kasb etmoqda. Shu maqsadda Cyber University davlat universiteti tomonidan respublika hududlarida aholining kiberxavfsizlik madaniyatini yuksaltirish hamda sun’iy intellekt texnologiyalaridan to‘g‘ri va mas’uliyatli foydalanish ko‘nikmalarini shakllantirishga qaratilgan amaliy tadbirlar tashkil etilmoqda.

⚡️Qishki ta’til davomida ushbu tashabbus doirasida 134 ming nafar aholi qamrab olindi. Yil yakuniga qadar esa 840 ming nafardan ortiq aholini qamrab olish rejalashtirilgan.
Tadbirlarda internet firibgarligi va fishing hujumlaridan himoyalanish, shaxsiy ma’lumotlarni muhofaza qilish, kuchli parollar va ikki bosqichli himoyadan foydalanish, shuningdek, ChatGPT hamda boshqa sun’iy intellekt vositalaridan xavfsiz va samarali foydalanish bo‘yicha amaliy tavsiyalar berilmoqda.

⌛Tashabbusning o‘ziga xos jihati shundaki, ushbu tadbirlar Cyber University talabalari tomonidan mahallalar, ta’lim muassasalari va mehnat jamoalarida amalga oshirilmoqda. Bu orqali universitet zamonaviy bilim va ko‘nikmalarni keng jamoatchilikka yetkazish orqali mamlakatda kiberxavfsizlik madaniyatini yuksaltirishga hissa qo‘shmoqda.

🌐Website 🚀Telegram 📷Instagram 🔵Facebook 🎬Youtube 🎰Linkedin