Xatirchi tumanidagi AT shaharchada Amir Temur tavalludi munosabati bilan tadbir tashkil etildi

⚜️Tadbir yoshlarning tarixiy meros va zamonaviy bilimlarni uyg‘unlashtirishiga xizmat qiluvchi ikki asosiy yo‘nalishda tashkil etildi. Ma’naviy-ma’rifiy qismda o‘quvchilar tomonidan Amir Temur hayoti va faoliyatiga bag‘ishlangan qisqa prezentatsiyalar hamda sahna ko‘rinishlari namoyish etilib, Sohibqiron siymosi yana bir bor jonli tarzda gavdalantirildi.

🏷Shuningdek, AT yo‘nalishida “Ideathon” loyihasi doirasida ishtirokchilar belgilangan vaqt ichida Amir Temur merosiga oid innovatsion g‘oyalar va dasturiy yechimlar ustida ishladilar.

✅Ushbu jarayon yoshlarning kreativ fikrlashini rivojlantirish, tarixiy qadriyatlarni texnologiya bilan uyg‘unlashtirish va kelajak sari innovatsion yondashuvni shakllantirishga xizmat qildi.

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

Samarqandda “GAP” ayollar IT-klubining navbatdagi uchrashuvi tashkil etildi

⚜️Joriy yilning 18-iyun kuni Samarqand shahridagi School 21 majmuasida “GAP” Ayollar IT-klubining navbatdagi uchrashuvi bo‘lib o‘tdi. Tadbir davomida spikerlar tomonidan raqamli ta’lim yo‘nalishida xotin-qizlar uchun yaratilayotgan yangi imkoniyatlar, amaliy loyihalar hamda mavjud qo‘llab-quvvatlash mexanizmlari haqida batafsil ma’lumotlar taqdim etildi.

✅Shuningdek, LogiPeek startapi asoschisi Nafisa Mirzayeva “Startaplarda qizlar: 0 dan CEO darajasigacha” mavzusida ma’ruza qildi. Ma’ruza davomida Nafisa startap ekotizimida muvaffaqiyatga erishish yo‘llari, investitsiya jalb etish jarayonlari hamda ayol-qizlarning innovatsion loyihalardagi o‘rni haqida o‘z tajribasi bilan o‘rtoqlashdi.

❗️Tadbir yakunida ishtirokchilar va spikerlar o‘rtasida savol-javoblar tashkil etilib, raqamli texnologiyalar, sun’iy intellekt, startaplar hamda raqamli ta’lim imkoniyatlariga oid savollarga javoblar berildi.

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

Koreyalik talabalar Oʻzbekistonning iqtidorli yoshlari bilan birgalikda raqamli loyihalar ustida ishladilar

🗣Joriy yilning 26–28-iyun kunlari Samarqand shahrida Raqamli texnologiyalar vazirligi, Raqamli ta’limni rivojlantirish markazi, School 21, Raqamli texnologiyalar maktabi hamda Korea IT Academy (KITA) hamkorligida tashkil etilgan “Uzbekistan Summer Camp 2026” xalqaro yozgi oromgohining ikkinchi mavsumi muvaffaqiyatli o‘tkazildi.

⚜️Dastur davomida ishtirokchilar ijtimoiy ahamiyatga ega masalalar yuzasidan innovatsion loyihalar ishlab chiqib, jamoaviy ishlash hamda xalqaro tajriba almashish bo‘yicha amaliy ko‘nikmalarini mustahkamladilar. Tadbir yakunida ularga sertifikatlar va esdalik sovg‘alari topshirildi.

✅Mazkur tashabbus ikki mamlakat yoshlari o‘rtasida bilim va tajriba almashish, innovatsion fikrlashni rivojlantirish hamda madaniy aloqalarni mustahkamlashga xizmat qiluvchi samarali xalqaro platforma sifatida o‘z ahamiyatini namoyon etdi.

🌐Sayt 🚀Telegram 🔵Facebook
📷 Instagram 🎬YouTube 🎰Linkedin