Word dasturida matnlar bilan ishlash davomida eng ko‘p duch kelinadigan holatlardan biri – bu qatorlar o‘rtasidagi intervallarni berish holatidir. Qatorlar orasidagi intervallarni qiymatini tezkor ravishda klaviatura kombinatsiyalari yordamida ham o‘zgartirish mumkin. Buning uchun kerakli matn tanlang (butun matnni belgilamoqchi bo‘lsangiz CTRL va A tugmalarini birgalikda bosing).
Agarda qatorlar orasidagi interval 1 (bir) qiymat bo‘lishini xoxlasangiz, CTRL va 1 klaviatura tugmalarini bosing, ya’ni CTRL+1;
Agarda qatorlar orasidagi interval 1.5 (bir yarim) qiymat bo‘lishini xoxlasangiz, CTRL va 5 klaviatura tugmalarini bosing, ya’ni CTRL+5.
Agarda qatorlar orasidagi interval 2 (ikki) qiymat bo‘lishini xoxlasangiz, CTRL va 2 klaviatura tugmalarini bosing, ya’ni CTRL+2.
P.S.: Shuni yodda saqlash lozimki, raqamlar aks etgan klaviaturalar faqatgina tepa qator uchun o‘rinli, ya’ni bu kombinatsiyalarda klaviaturaning o‘ng qismidagi raqam klaviaturalaridan foydalana olmaysiz!!!

Kanalimizga a’zo bo‘ling va do‘stlaringizni ham kanalimizga taklif eting: @itspecuz

WORD dasturidagi matnlar orasidagi birorta so‘zni yoki matn qismini tanlab, CTRL+D klaviatura birikmalarini bosgan holda, ochilgan oynada “скрытый” bo‘limini belgilang va OK tugmasini bosing. Natijada, siz belgilagan so‘z ko‘rinmay (maxfiy bo‘lib) qoladi. Bu holatni bekor qilish uchun matnni hamma qismini tanlagan holda (CTRL+A tugmalar birikmasi yordamida ham qilish mumkin), “скрытый” bo‘limining belgilanish holatini bekor qilamiz

Ko‘pchilik sevib foydalanayotgan Telegram messenjerining mobil qurilmalarga mo‘ljallangan ilovasi yangilandi. Undagi o‘zgarishlar to‘g‘risida messenjerning rasmiy saytida ma’lumot berilgan.

Yangi talqinda foydalanuvchilar uchun yoqimli o‘zgarishlar va yaxshilanishlar mavjud. Ularning asosiylari quyidagilardir:

1. Fotosuratlarni guruhlash.

Endi bir nechta fotosuratlar yoki videolavhalarni yuborishda ularni bitta albomga birlashtirish – guruhlash mumkin.

Har bir albom o‘ntagacha rasm yoki lavhani o‘z ichiga oladi. Qabul qiluvchiga esa har bir surat yoki rolik alohida bildirishnomalarda emas, balki yaxlit albom bitta bildirishnomada boradi.
Shuningdek, fotosuratlarni qay tartibda jo‘natishni tanlash imkoniyati ham taqdim etilgan. Bu esa rasmlarning ketma-ketligini buzmasdan jo‘natish va qabul qilishga imkon beradi.

2. «Tanlanganlar» («Izbrannoe») yoki «Saqlangan xabarlar» funksiyasi.

Oldingi versiyalarda menyuni ochganda yuqori qismda turadigan «Bulut» endi menyu ro‘yxatiga ko‘chirilgan va «Saqlangan xabarlar» (yoki «Избранное») deb nomlangan.

Avval unga biror matn yoki rasm, video va hokazolarni o‘zingiz alohida yangi xabar tarzida yuborishingiz kerak bo‘lsa, endi Telegram 4.5 talqinida, boshqa chatlardagi biror xabarni shu o‘zingizga – «Saqlangan xabarlar»ga yubora olasiz. U biror xabarni boshqaga yo‘naltirish – «Переслать» menyusining boshida turganligi esa ishni ancha osonlashtiradi.

Shu tariqa, turli kanallardagi, guruhlardagi yoki shaxsiy yozishmalaringizdagi muhim xabarlarni «Избранное» chatiga yuborish mumkin. Har bir «Saqlangan xabar» yonida «Перейти к» tugmachasi mavjud, u orqali ushbu xabarning dastlabki o‘rni – boshlang‘ich chatdagi joyiga bora olasiz.

«Saqlangan xabarlar»ni topish oson – unga chatlar ro‘yxatidan o‘tsangiz bo‘ladi. Shuningdek, «Избранное»ga Android-ilovada yon panel – menyudan, iOS-ilovada esa Settings menyusidan ham o‘tish imkoni mavjud.

3. Yaxshilangan qidiruv.

Turli botlar yoki ommaviy guruhlar va kanallarni izlash ancha osonlashdi. Shunchaki umumiy qidiruv maydonchasida o‘zingizga kerakli nomni tera boshlasangiz bas – shu nomdagi kanal, guruh va botlar ro‘yxati chiqib keladi. Bunda birinchi o‘rinda eng ommabop guruh, botlar va kanallar ko‘rinadi.

4. Biriktirilgan xabarlar.

Endi kanal ma’murlari (administratorlari) undagi biror xabarni biriktirib qo‘yishlari mumkin. Shu tariqa, e’lon, qoidalar va hokazo tarzdagi biror muhim xabarni kanal a’zolariga hamisha ko‘rinib turadigan qilib qo‘ysa bo‘ladi.

5. iOS-gadjetlar uchun yengilliklar va iPhone X qo‘llab-quvvatlanishi.

iOS operatsion tizimi boshqaruvi ostida ishlovchi devayslar uchun taqdim etilgan Telegram 4.5 yangi sozlamalar bilan boyitilgan va ularning ko‘rinishi ham yaxshilangan. Shuningdek, ilovaning yangi talqini Apple’ning «yubiley ayfoni» displeyiga ham moslashtirilgan. Unda iPhone X modelida ishlash bilan bog‘liq muammolar, xatoliklar bartaraf etilgan.

E’tiboringiz uchun rahmat!

Biz bilan birga bo‘ling: @itspecuz

"Xushxabar: Telegram 4.5 talqinigacha yangilandi, o‘zgarishlar bilan tanishing!" nomli maqolamizga baho bering:

#internet

Eng tezkor Firefox Quantum brauzeri taqdim etildi – Chrome’dan 30 foizga tejamkorroq 🚀

Mozilla kompaniyasi o‘z desktop brauzerining yangi talqini – Firefox 57’ni foydalanishga topshirdi. Bu haqda uning rasmiy saytida ma’lumot berilgan.

Yangi talqin Firefox Quantum deb nomlanadi va u Firefox tarixidagi eng tezkor brauzer sifatida ilgari surilmoqda. Ishlab chiquvchilarning ta’kidlashlaricha, yarim yil avvalgi brauzerdan ikki karra tezkorroq. Rasmiy saytida yozilishicha, Firefox’ning yangi talqini tizim resurslarini Google Chrome’dan ko‘ra naq 30 foizga kamroq sarflaydi.

Firefox Quantum talqini Stylo nomli qayta ishlangan CSS dvijogi bazasida ishlaydi. Unda ko‘p miqdorda ochilgan sahifalar bilan ishlashda tezkorlikni ta’minlash uchun varaqa (vkladka)larning ustunligi (prioriteti)ni belgilash bo‘yicha yangi texnologiya qo‘llaniladi. Bunda ayni damda foydalanuvchi tomonidan ishlatilayotgan varaqaga ustunlik beriladi, fondagi vkladkalarga esa resurs kam sarflanib turadi.

Shuningdek, ishlab chiquvchilar brauzerning sekin ishlashiga olib kelayotgan turli xatoliklarni bartaraf etishganini aytishgan.

Bundan tashqari, Firefox Quantum brauzeri kvadrat varaqali Photon interfeysiga, yangi menyu dizayniga ega va URL hamda qidiruv qatori birlashtirilgan ilk versiya bo‘ldi. Photon interfeysi yuqori sifatli displeylar uchun, shuningdek, tachskrinli kompyuterlar uchun eng yaxshi tarzda optimizatsiya qilingan.

Windows, Mac hamda Linux operatsion tizimli kompyuterlar uchun Firefox Quantum versiyasini ushbu loyihaning rasmiy saytidan yuklab olish mumkin.

🌐 Link: https://www.mozilla.org/ru/firefox/

👨🏻‍💻@itspecuz

"Eng tezkor Firefox Quantum brauzeri taqdim etildi – Chrome’dan 30 foizga tejamkorroq" nomli maqolamizga baho bering:

#operatsion_tizim #android

Ekrandan videoni yozib olish uchun bepul ilovalar 🎥

Ushbu ilovalar sizga kompyuter, planshet yoki smartfon ekranida sodir bo‘layotgan harakatlarni yozib olishda yordam beradi.

1️⃣. OBS Studio

Platformalar: Windows, macOS, Linux.

Ochiq kodli kross-platformali dastur. Juda tez va funksional. Rus tilidagi interfeys bilan tanishish uchun bir oz vaqt sarflab siz qiyinchiliksiz ekranning tarkibini yozib olishingiz mumkin.

Displeydagi video bilan birgalikda mikrofonning ovozini yozib borish hamda veb-kameradan olinayotgan tasvirni biriktirish mumkin. OBS Studio ekranning yozish o‘lchami (разрешение) ni va yozish formatini (FLV, MP4, MKV, MOV va boshqalar) tanlash imkonini beradi. Bundan tashqari u videoni to‘g‘ridan-to‘g‘ri Twitch va YouTube’ga uzata oladi, shuning uchun ham geymerlar orasida juda ommabop sanaladi.

O‘yinlarni yozib olish va boshqa murakkab vazifalarni amalga oshirish uchun OBS Studio’ning to‘liq salohiyatidan foydalanishni istasangiz, Internet tarmog‘ida dasturni qo‘lda sozlash bo‘yicha ko‘rsatmalarni topishingiz mumkin. Ular tezlik va tasvir sifati o‘rtasidagi mukammal muvozanatga erishishga yordam beradi.

Aytish mumkin bo‘lgan birgina kamchilik - ichki muharrirning yetishmasligidir. Ammo yozib olingan tasvirni kesish yoki qandaydir o‘zgartirish kerak bo‘lsa, videolarni tahrirlash uchun maxsus dasturlardan foydalanishingiz mumkin.

🌐 Link: https://obsproject.com/download

2️⃣. DU Recorder

Platformalar: Android.

Google Play’dagi ekran tarkibini yozib olish uchun mashhur dastur. Unga juda yuqori baho beriladi. Bundan tashqari DU Recorder mutlaqo bepul va reclama bilan asabga tegmaydi.

Funktsional jihatdan, DU Recorder ham chakki emas. Siz bir vaqtning o‘zida kamera, mikrofon, ekrandan videoni olishingiz va har qanday vaqtda jarayonni pauza qilishingiz mumkin. Dastur bir soniyada 60 kadr tezligida 1080p gacha o‘lcham (разрешение) dagi yozib olishni qo‘llab-quvvatlaydi.

Bundan tashqari, DU Recorder YouTube, Facebook va Twitch’da videoni to‘g‘ridan-to‘g‘ri uzatishga imkon beradi. Ichki muharrir orqali tayyor roliklarni kesish va hattoki gifkalarga aylantirish mumkin hisoblanadi.

🌐 Link: https://apkpure.com/du-recorder-%E2%80%93-screen-recorder-video-editor-live/com.duapps.recorder

👨🏻‍💻@itspecuz

DU Recorder'ni o‘rnatib oling @itspecuz

35-MAVZU: Oyning 1-kunini haftaning qaysi kuniga to‘g‘ri kelishini aniqlash

Ushbu Excel faylida 👆 keltirilgan jadvalning foydali tomoni: Bu oyning 1-kuni haftaning qaysi kuniga to‘g‘ri kelishini aniqlash hisoblanadi. Bundan tashqari bu orqali biz haftaning qaysi kunida tug‘ilganimizni aniqlashimiz mumkin. Shunchaki sanani 01.MM.YYYY (M-month, Y-year) formatida kiritishimiz lozim.

Shuni inobatga olishingiz lozimki, Excel sanalar bilan ishlaganda 1900 yildan oldingi yillarni aniqlay olmaydi, masalan 31.12.1899 kiritilganda xatolik kelib chiqadi. Shuning uchun fayldagi namunada 01.01.1990 sanasi o‘rnatilgan.

Kamchiligi: Oy kunlari maksimal qilib 31 kun deb belgilangan, fevral oyining 28 yoki 29, qolgan oylarning 30 yoki 31 kun kelishi inobatga olinmagan.

Bu shunchaki qiziqishimiz doirasida ishlab chiqildi. Ushbu fayldan qo‘llanilgan formulalarni ko‘rib chiqish, nimanidir o‘rganish uchun foydalaning 😉.

E’tiboringiz uchun rahmat!

Biz bilan birga bo‘ling: @itspecuz

"35-MAVZU: Oyning 1-kunini haftaning qaysi kuniga to‘g‘ri kelishini aniqlash" nomli maqolamizga baho bering:

#smartfon #mulohaza_uchun

Smartfon haqida 7 ta cho‘pchak 📱

Tan olish lozim, smartfon juda murakkab texnologik qurilma. Uning ishlashi va komponentlari borasida barchamizda to‘g‘ri tasavvur bo‘lmasligi mumkin. Mazkur maqolada smartfon to‘g‘risida keng tarqalgan xato fikrlarni jamladik. Ushbu cho‘pchak fikrlar bilan yaxshi tanishib olsangiz, kelajakda smartfon xarid qilganingizda ular sizga asqotadi.

1) Kamerada megapiksellar qancha ko‘p bo‘lsa, u shuncha yaxshi suratga oladi

Bekorga biz ushbu ma’lumotni birinchi qatorga joylashtirmadik. Ko‘pchilikda aynan kamera borasida mana shunday xato fikr mavjud. To‘g‘ri, qachonlardir hali smartfonlar kuchli dasturga ega bo‘lmagan paytlarda kameraning suratga olish sifati undagi megapiksellar soniga bog‘liq bo‘lgan. Biroq ayni paytda smartfonlardagi kameraning tasvirga olish kuchi, asosan, uchta parametrga, jumladan, tasvirlarni qayta ishlaydigan chaqqon protsessor, kamera moduli va uning qo‘shimcha parametrlari (matritsa o‘lchami, diafragma, qarshi yorqinlik moduli va boshqalar) va qayta ishlash algoritmlariga bog‘liq. Kuchli va sifatli kameraga ega smartfon arzon narxda sotilishi mushkul. Agar bizning bu fikrimizga qo‘shilmasangiz, so‘nggi vaqtda smartfon sanoatidagi boshqa bir misolni keltiramiz. Deylik, Samsung Galaxy S6 kamerasining sensori 16 MP bo‘lgan bo‘lsa, undan keyin chiqqan Samsung Galaxy S7 12 MPli dual piksel texnologiyasidagi kamera bilan jihozlandi. Shuning o‘zi ham gap megapiksellarda emasligini isbotlaydi. Shu bois smartfon sotib olishdan oldin tarmoqda tarqalgan kamera tavsiflari bilan tanishib chiqishni maslahat beramiz.

2) Batareyaning sig‘imi qancha ko‘p bo‘lsa, smartfon shuncha uzoqroq ishlaydi

Ha, bu fikrda ham jon borday tuyuladi. Biroq batareyaning ishlashi turli omillar bilan chambarchas aloqador. Masalan, smartfon displeyining diagonali qancha kam bo‘lsa, batareya sarfi shuncha qisqaradi yoki aksincha. Shu bilan birga protsessorning quvvati ham batareya sarfiga jiddiy ta’sir ko‘rsatadi. Bu jarayonda, ayniqsa, operatsion tizimning ishlab chiqaruvchi tomonidan qay darajada optimallashtirilgani ham katta ahamiyatga ega.
Shuning uchun smartfon xarid qilganda batareya sig‘imi, ekran diagonali va matritsasi hamda operatsion tizim versiyasini hisobga olish tavsiya etiladi.

3) Protsessorda yadrolar soni qancha ko‘p bo‘lsa, smartfon shunchalik tez ishlaydi

Bu smartfon haqidagi eng yolg‘on cho‘pchak bo‘lsa kerak. Sababi, protsessorlardagi yadrolarning ko‘pligi qurilmada bajariladigan jarayonlarni taqsimlash natijasida gadjetning ishlashini tezlashtirib beradi, xolos. Yadrolarning ko‘pligi, asosan, og‘ir fayllar va grafika bilan ishlashda qo‘l keladi. Shuning uchun agar siz smartfondan o‘yin o‘ynash, yuqori formatli tasvirlar bilan ishlash uchun foydalansangiz, u holda sakkiz yadroli protsessor bilan jihozlangan qurilmani xarid qilganingiz ma’qul. Agar smartfonni suhbat, internet-syorfing, elektron pochta va messenjerlarni ishlatish uchun xarid qilmoqchi bo‘lsangiz, unda to‘rt yadroli gadjet sizning talablaringizga to‘liq javob bera oladi. Unutmang, protsessorda yadrolar qancha ko‘p bo‘lsa, uning narxi shuncha qimmat bo‘ladi

4) “Brend” uchun pul to‘lash – nodonlik

Ba’zida qulog‘imizga shunday fikrlar ham chalinib qoladi: “Biror mashhur brend uchun pul to‘lash shart emas, boshqa o‘rtahol ishlab chiqaruvchilar ham “brend”lardan qolishmaydigan smartfonlar tayyorlayapti. Protsessori, tezkor xotira va hatto ekrani bir xil, biroq narxi ancha arzon”. Bir qarashda ushbu mulohazalarda mantiq borday ko‘rinadi. Ammo unga ishonishdan oldin yana bir bor o‘ylab ko‘rish zarar qilmaydi. Siz qanchalik arzon smartfon xarid qilsangiz, undagi parametrlar shunchalik kuchsiz bo‘ladi.