#internet

Turli avlodlarning qaysi ijtimoiy tarmoqlardan ko‘proq foydalanishi bo‘yicha AQShdagi tadqiqot natijalari, 2021-yil

📝 Manba: Flowing Data

ℹ️ Internet rukni ostidagi barcha postlarimiz ro‘yxati: 1-qism | 2-qism | 3-qism | 4-qism

👨🏻‍💻@itspecuz | Mundarija

#operatsion_tizim #maslahat #bilasizmi

Microsoft Windows operatsion tizimini kompyuterimizga o‘rnatish uchun UltraISO dasturi yordamida yuklanuvchi fleshkani yaratish 🖥|💻

Juda ko‘p foydalanuvchular Windows yoki boshqa distributivdagi operatsion tizim bilan yuklanuvchi fleshkani yaratishda UltraISO dasturi xizmatiga tayanishadi – bu esa o‘z navbatida oddiy va tezkor usul bo‘lib, odatda yaratilgan yuklanuvchi fleshka ko‘plab kompyuter va noutbuklarda ishlaydi. Ushbu ko‘rsatmamizda biz turli variantlarda qadamma‑qadam UltraISO’da yuklanuvchi fleshkani yaratish jarayonini ko‘rib chiqamiz.

ℹ️ UltraISO yordamida siz har qanday operatsion tizimning (Windows 7, 8-8.1, 10, Linux) obrazidan, shuningdek turli LiveCD’lari bilan yuklanuvchi fleshkani yaratishingiz mumkin.

👉🏻 Batafsil...

ℹ️ Qo‘shimcha sifatida o‘qish va foydalanish tavsiya etiladi:
• Toza Windows 10'ni o‘rnatish
• Buyruq satri orqali yuklanuvchi fleshkani yaratamiz
• Windows 10'ni o‘rnatish uchun PowerShell yordamida yuklanuvchi fleshkani yaratish
• Windows'ni o‘rnatish mahalida Secure Boot'ni o‘chirib qo‘yish
• Drayver nima? Drayver haqida batafsil ma’lumot (video)
• Drayverlarni topish va o‘rnatish
• Printer va skaner uchun drayver yuklash va o‘rnatish
• Kompyuterga dastur yuklash uchun saytlar (+ishonchli)
• Dastur o‘rnatish san’ati
• Dasturni qaysi versiyasi yaxshi: eski yoki yangi?
• Kompyuter dasturlari qanday turlarga bo‘linishi haqida
• Автозагрузка nima? Avtozagruzkadan dasturlarni olib tashlash.
• Kompyuter ishlashini tezlashtiramiz! (video)
• Bir nechta qismlardan iborat dasturlarni o‘rnatish
• Internetda vaqtni xavfsiz o‘tkazish
• Operatsion tizimdagi barcha dasturlarni o‘rnatib bo‘lganingizdan so‘ng antivirus dasturini o‘rnatish, fleshkadan oqilona foydalanish va Total Commander dasturlariga oid tavsiyalar
• Operatsion tizim rukni ostidagi postlar: 1-qism | 2-qism | 3-qism | 4-qism | 5-qism | 6-qism

👨🏻‍💻@itspecuz | Mundarija

#operatsion_tizim #software #security

🗜🔐 Kompyuterdagi ma’lumotlarimizni qanday himoyalashimiz mumkin? (WinRAR misolida)

Agar siz kompyuterda qandaydir maxfiy ma’lumotlarni saqlasangiz va ularning yaqinlaringiz yoki boshqalar tomonidan tasodifan ochib o‘qilishini istamasangiz, u holda eng birinchi hayolingizga keluvchi narsa – bu papkaga parol o‘rnatishdir.

Afsuski, Windows'da bunday funksiya yo‘q, shuning uchun ba’zi hiylalar va qo‘shimcha dasturiy ta’minotlarni qo‘llashga to‘g‘ri keladi. Buning uchun, eng qulay hisoblanuvchi va umid qilamizki, qurilmangizga allaqachon o‘rnatilgan dastur – WinRAR arxivatoridir.

Agarda bu dastur sizda bo‘lmasa, u holda uni rasmiy saytidan yoki kanalimizdan bepul yuklab olishingiz mumkin. Ushbu dastur yordamida siz fayllar hajmini siquvchi (hammasining ham emas!) arxiv yaratishingiz, unga parol o‘rnatishingiz va xohishga ko‘ra, mavjud arxiv fayllariga qo‘shimcha fayllarni joylashtirishingiz mumkin.

Buning uchun quyidagi harakatlar amalga oshiriladi:

1️⃣. Arxivni yarating (ishchi stolida sichqonchaning o‘ng tugmasi bosish orqali) → “Создать” → “Архив WinRAR”.

2️⃣. Uni oching.

3️⃣. Dastur oynasi yuqori qismidagi “Добавить” tugmasi ustiga bosing, kerakli fayllarni tanlang va buni “OK” tugmasini bosish orqali tasdiqlang (yoki Drag'n'Drop, ya’ni kerakli fayllarni belgilab, dastur oynasi ustiga o‘tkazing).

4️⃣. So‘ngra “Установить пароль” tugmasiga bosing, parolni kiriting va “OK” tugmasi bilan kiritilgan o‘zgartirishlarni arxivga nisbatan qo‘llang.

⚠️ Parol bilan himoyalangan arxiv tarkibidagi fayl(lar) nomi va kengaytmasining yon tomonida * belgisi turgan bo‘ladi.

Parolning ushbu tarzda o‘rnatilishida arxiv tarkibini hamma ko‘ra oladi, biroq arxiv tarkibidagi istalgan faylni ishga tushirishga urinishda – dastur parol kiritish lozimligini eslatadi. Agarda siz fayllar ko‘rinib turishini istamasangiz, u holda oynada, parol o‘rnatish chog‘ida, “Шифровать имена файлов” bandini faollashtirib ketishni unutmang.

📝 Manba: @bugfeature

ℹ️ Qo‘shimcha sifatida tanishish va foydalanish tavsiya etiladi:
• Windows'da papkaga parol o‘rnatish haqida
• Papkaga parol qanday o‘rnatiladi? (Encrypto dasturi)
• WinRAR mobil ilovasi
• CyberShredder kompyuter dasturi
• Game Protector kompyuter dasturi
• Adguard kompyuter dasturi
• NetGuard mobil ilovasi
• Text Converter (Codec) mobil ilovasi
• Parolingizni buzish qanchalik oson? Buni onlayn tekshirish yo‘li bor!
• Parolingizni qanchalik tez buzish mumkinligini tekshiramiz (parolning bardoshliligini tekshirish)
• Qanday qilib murakkab parolni yaratish va uni osongina eslab qolish - xakerdan maslahatlar
• Murakkab parolni o‘ylab topish va uni unutmaslikning eng oddiy usuli
• Hujjatni parol bilan himoyalash
• Hujjatga o‘zgartirish kiritishni cheklash
• Windows parolini tiklashning oddiy usuli
• Windows 10'da parol kiritishga bo‘lgan urinishlar soniga limit o‘rnatish
• Kompyuterni bloklash
• Kompyuterni dinamik bloklash
• Google Chrome'dan foydalanish uchun parol o‘rnatish
• Wi-Fi parolini Windows tizimli kompyuter yoki noutbukda aniqlaymiz
• Operatsion tizim rukni ostidagi qolgan postlarimiz ro‘yxati: 1-qism | 2-qism | 3-qism | 4-qism | 5-qism | 6-qism
• Axborot xavfsizligi rukni ostidagi qolgan postlarimiz ro‘yxati: 1-qism | 2-qism

👨🏻‍💻@itspecuz | Mundarija

#smartfon #android

🛠 SD Maid – ilovalar va fayllarni boshqarish uchun ko‘p funksiyali vositalar to‘plami. Android 4.1+. Pro-versiya.

📎 SD Maid v5.6.0 mobil ilovasini yuklab olish.

📲 Foydali mobil ilovalar ro‘yxati: 1-qism | 2-qism.

👨🏻‍💻@itspecuz | Mundarija

#smartfon #android #internet #maslahat

🌐 Chrome brauzeri foydalanuvchilari uchun foydali maslahatlar

Chrome – Google kompaniyasi tomonidan yaratilgan, dunyoda eng mashhur brauzerlardan biri. Aksariyat smartfonlarning o‘zida o‘rnatilgan ushbu ilovaning ba’zi bir imkoniyatlari haqida so‘z yuritamiz.

1️⃣. Qorong‘i rejimni yoqish

Android 10 tizimida Chrome ko‘rinishini tizim mavzusiga mos ravishda o‘zgartiradi. Oldingi versiyalarda mavzularni “Sozlamalar” → “Mavzu” (Настройки → Темы) bo‘limida almashtirish mumkin.

2️⃣. Varaqa (вкладка)larni surish orqali almashtirish

Chrome brauzerida varaqa (вкладка)lar o‘rtasida almashinish usullaridan biri bu varaqalar tugmachasini bosish va ro‘yxatdan keraklisini tanlashdir. Lekin boshqa usuli ham bor: manzil satri ustida barmog‘ingizni chapga va o‘ngga surish yoki yorliqlarning to‘liq to‘plamini ko‘rish uchun satrdan pastga surish.

3️⃣. Onlayn bo‘lgan zahoti sahifalarni yuklab olish

Internet aloqasi yaxshi bo‘lmaganda biror sahifaga kirish kerak bo‘lsa, Chrome ushbu yechimni taklif qiladi. Oflayn rejimda (internet bo‘lmaganda) kerakli saytni oching (havolani bosish yoki manzil satriga yozish orqali) va “Sahifani keyinroq yuklash” (Загрузить при подключении) tugmasiga bosing. Tarmoqqa ulangandan so‘ng, Chrome sahifani saqlaydi va bu haqda sizga xabar beradi.

4️⃣. Varaqa (вкладка)larni tez yopish

Varaqa tugmasini bir soniya ushlab turing va ochilgan varaqani yopish uchun menyu paydo bo‘ladi. Ushbu usul yordamida yangi varaqalar ham yaratishingiz mumkin, lekin bu usul oddiy menyudan foydalanishga qaraganda tezroq emas.

5️⃣. Sahifalarni PDF formatda saqlash

Yuqorida aytib o‘tilganidek, Chrome sahifalarni telefoningizda oflayn ko‘rish uchun saqlashga imkon beradi. Agar saqlangan sahifani kimgadir jo‘natmoqchi bo‘lsangiz yoki uni boshqa ilovalar o‘qishi mumkin bo‘lgan formatda yuklamoqchi bo‘lsangiz, buni hech qanday qo‘shimcha vositalarsiz amalga oshirishingiz mumkin.

Yuklab olinishi lozim bo‘lgan sahifani toping, so‘ngra asosiy menyuda “Ulashish” (Поделиться) tugmasini bosing. “Chop etish” (Печать)ni tanlang va printerni “PDF sifatida saqlash” (Сохранить как PDF)ga o‘zgartiring. Keyin faylni yuklab olish uchun ko‘k tugmani bosing. PDF fayl formati deyarli har qanday kompyuterda, telefonda yoki planshetda ochilishi mumkin.

6️⃣. Har qanday saytda hajmni o‘zgartirish

Ko‘pgina hollarda, mobil telefonlar uchun optimallashtirilgan saytlar matn hajmini foydalanuvchi qo‘lda o‘zgartirishiga imkon bermaydi. Taqiqni chetlab o‘tish uchun, Chrome sozlamalarini oching, “Qulayliklar” (Спец. возможности) tugmasini bosing va “Hajmni majburiy o‘zgartirish funksiyasini yoqish” (Принудительно включить масштабирование) parametrini tanlang. Endi istalgan sahifani kattalashtirishingiz mumkin.

📝 Manba: @gsmgurus_FAQ

ℹ️ Qo‘shimcha sifatida tanishish va foydalanish tavsiya etiladi:
• Google Chrome brauzeriga oid mavzularni o‘zida jamlagan postimiz.
• Smartfon rukni ostidagi qolgan postlar ro‘yxati: 1-qism | 2-qism | 3-qism | 4-qism
• Internet rukni ostidagi barcha postlar: 1-qism | 2-qism | 3-qism | 4-qism

👨🏻‍💻@itspecuz | Mundarija

#maslahat #learn_english_with_software #mulohaza_uchun

📚 Ingliz tilini serial va kinolar bo‘yicha o‘rganish istagida bo‘lganlar uchun 5 maslahat

1️⃣. Tilni serial va kinolar bo‘yicha noldan (biror so‘z yoki jumlani oldindan bilmay turib) o‘zlashtirishga urinmang.

2️⃣. Tanlagan videongiz siz uchun qiziqarli mavzuda bo‘lishi va til bo‘yicha egallagan joriy darajangizga mos kelishi lozim.

3️⃣. Subtitrlardan foydalaning.

4️⃣. Videoda biroz orqaga qaytib, murakkab tuyulgan joylarini tahlil qilishga erinmang.

5️⃣. Yangi ibora va so‘zlarni muntazam ravishda yozib boring va takrorlang.

ℹ️ Qo‘shimcha sifatida o‘qish va foydalanish tavsiya etiladi:
• Ingliz tili bo‘yicha maslahatlar, dasturlar va mobil ilovalar

👨🏻‍💻@itspecuz | Mundarija

#telegram #unigram #android #iOS #masOS #desktop

🆕 Botlar uchun inqilobiy imkoniyatlar, bildirishnomalar tovushlari va boshqa ko‘plab yangilanishlar

Android, iOS, macOS va Unigram mijozi uchun Telegram 8.7 versiyasiga, Telegram Desktop – 3.7 versiyasiga qadar yangilandi.

Web-botlarning inqilobiy imkoniyatlari

• Dasturchilarga JavaScript yordamida cheksiz xilma-xillikdagi interfeyslarni yaratish uchun vositalar taqdim etilmoqda.
• Yangi avlod Telegram-botlari har qanday veb-saytning o‘rnini to‘liq bosishi mumkin.
• Botlar interfeysda qo‘llaniluvchi rang haqidagi ma’lumotlarni qabul qiladi, kun va tun rejimlari o‘rtasida o‘tganingizda yoki rang mavzusini o‘zgartirganingizda shu zahoti moslasha oladi.
• Yangi avlod botlarini @DurgerKingBot taqdimoti (demosi) misolida sinab ko‘rishingiz mumkin.

Maxsus bildirishnoma tovushlari

• Endi Telegram'ingizda istalgan tovush bildirishnoma bo‘lishi mumkin.
• Telegram kutubxonasidagi tovushlar barcha qo‘llab-quvvatlanuvchi platformalarda mavjud va mutlaqo bepuldir.
• Bildirishnoma tovushini istalgan alohida chatga va kerakli turdagi barcha chatlar (shaxsiy chatlar, kanallar, guruhlar)ga nisbatan o‘rnatish mumkin.
• Qisqa audiofayl yoki chatdagi ovozli xabar ustiga bosing, uni bildirishnomalar ro‘yxatiga qo‘shing va istalgan suhbatlarda qo‘llang.
• Bildirishnomalar uchun tovushlar sifatida 5 soniyadan kamroq va hajmi 300 KB'gacha bo‘lgan audiofayl va ovozli xabarlarni qo‘llash mumkin.
• Mos keluvchi tovushlar uchun misollar @CustomNotificationSounds'da jamlangan.
• Bildirishnomalarni sozlash yoki yangi tovushlarni qo‘shish uchun Настройки (Sozlamalar) > Уведомления и звуки (Bildirishnomalar va tovushlar) bo‘limi bo‘ylab o‘ting.

Bildirishnomalarni istalgan muddatga o‘chirib turish

• Endi bildirishnomalar kelishini to‘xtatib turishni istalgan muddatga qadar o‘rnatish mumkin.
• Yangilangan menyuda bildirishnomalar kelishini to‘liq yoki vaqtinchalik o‘chirish — yoki shunchaki tovushni o‘chirib qo‘yib, ovozsiz bildirishnomalarni qabul qilishda davom etish mumkin.
• Android'da ovozsiz rejimning davomiyligini sozlash uchun chatning yuqori panelida ⋮ belgisi ustiga bosing. iOS'da chat profilidagi Убрать звук (Sukut qilish) bandiga bosing.

Chat profilida yangi avtomatik oʻchirish menyusi

• Endi xabarlarning avtomatik o‘chirilishini faollashtirish uchun kamroq harakat talab etiladi.
• Taymer sozlamalari yanada moslashuvchan bo‘ldi: uni, masalan, 2 kun, 3 hafta, 4 oy va hokazo muddatga qadar o‘rnatish mumkin.
• Chat profilidagi ⋮ belgisiga bosgan holda xabarlarning avtoo‘chirilishini faollashtiring.

Bot-adminlarni tezkor sozlash

• Endi botning profilidan chiqmay turib, maxsus tugmani bosish orqali botni foydalanuvchining guruh yoki kanaliga qo‘shish mumkin.
• Shu yerning o‘zida darhol uning huquqlari va ruxsatlarini sozlab ketish mumkin.
• Kanallarga botlarni faqat adminlar sifatida, guruhlarga esa — ham adminlar, ham ishtirokchilar sifatida qo‘shish mumkin.

Yangilangan “Tasvir ustida tasvir” rejimi (Android)

• Oyna o‘lchamini ikki barmoq bilan ikki chetga yoki markazga surish orqali o‘zgartiring.
• Video ijrochisini tezkor yopish uchun X tugmasiga bosing.
• PiP (Picture in Picture) rejimi yumaloq burchakli yangi dizaynga ega bo‘ldi.

Boshqa yangilanishlar

• Xabarlarni qayta uzatishda xabarning suhbatdoshning muayyan xabariga javob tarzida yuborilganligi haqidagi holatini saqlash.
• Xabarlarning yaxshilangan tarjimasi (iOS).
• Guruhlarda xabarlar tarixini barcha uchun tozalash.
• Telefon raqamini o‘zgartirish interfeysidagi yangi animatsiyalar.
• Ko‘proq animatsiyali emodzilar.

📃 Batafsil ma’lumot uchun havola.

Android: Google Play, rasmiy saytdan yoki tasdiqlangan kanaldan APK.
iOS: App Store.
Desktop: rasmiy saytdan yoki GitHub'dan.
macOS: с App Store yoki tasdiqlangan kanaldan.
Windows 10+ uchun Unigram: Microsoft Store | To‘g‘ridan-to‘g‘ri yuklab olish | O‘rnatish bo‘yicha ko‘rsatma

📝 Manba: @tginfo

ℹ️ Telegram ilovasi haqida foydali maslahatlar mundarijasi keltirilgan postlarimiz bilan ham tanishing: 1-post | 2-post

👨🏻‍💻@itspecuz | Mundarija

#test #excel

Rasmdagi joriy holatda foydalanuvchi tomonidan listni ko‘rishning qaysi rejimi tanlangan? (javob variantlari navbatdagi postda👇🏻)

#mulohaza_uchun #dasturlash #IT_humor

"Assembler" esa evakuator yurib ketayotgan yerdir... 🙄

📌 P.S.: Assembler – mashinaga yo‘naltirilgan quyi darajali dasturlash tili. Dastlabki talqini 1947-yilda ARC2 nomi ostida qo‘llanilgan.

👨🏻‍💻@itspecuz | Mundarija

#smartfon #android #game

🖥 PC Creator PRO - PC Building Simulator

Ushbu o‘yinda siz boshlang‘ichdan professional bosqichga qadar yo‘lni bosib o‘tgan holda, o‘z kompyuter biznesingizni yaratishingiz mumkin. Turli xil tarkibiy qismlarning katta to‘plami va qulay ko‘rish vositalari e’tiboringizga havola etiladi. Pro-versiya.

📎 PC Creator PRO v1.9.64 mobil ilovasini yuklab olish.

📲 Foydali mobil ilovalar ro‘yxati: 1-qism | 2-qism.

👨🏻‍💻@itspecuz | Mundarija

#powerpoint

PowerPoint'ning yangi versiyalari slaydlarning tarkibidan kelib chiqqan holda, ularni bezatish bo‘yicha o‘z takliflarini bera oladi.

Bunda mos keluvchi biror variantni darhol uchratish mumkin, biroq ba’zi slaydlar uchun ushbu foydali funksiya ish bermasligi ham mumkin.

ℹ️ Qo‘shimcha sifatida tanishish va foydalanish tavsiya etiladi:
• Microsoft PowerPoint dasturida qo‘llaniluvchi qaynoq klavishlar ro‘yxati
• Microsoft PowerPoint bo‘yicha video darslar
• Microsoft PowerPoint rukni ostidagi barcha postlarimiz ro‘yxati: 1-qism

👨🏻‍💻@itspecuz | Mundarija

#mulohaza_uchun #maslahat

📖 Odamlar nima o‘qiyotganiga qarab tezroq yoki sekinroq o‘qiydilar

⚠️ Odamlar kompyuterda ishlash vaqtida nafaqat ko‘zni kamroq pirpiratadi, balki displeydagi matnni o‘qish – ulardagi o‘qish tezligini ham pasaytiradi.

O‘rtacha hisob-kitoblarga ko‘ra, ekrandan matnni o‘qish qog‘ozdan o‘qishga qaraganda 10% sekinroqdir.

Oddiy sharoitlarda odamlar ko‘zni daqiqasiga 20 marta pirpiratadi. Kompyuterdan foydalanganda bu qiymat daqiqasiga 7 martaga qadar kamayadi.

☝️Xulosa: tezroq o‘qishni va ko‘z nurini asrashni istasangiz – elektronga nisbatan ko‘proq bosma kitoblarni o‘qing.

ℹ️ Qo‘shimcha sifatida tanishish va foydalanish tavsiya etiladi:
• Talabalar uchun foydali bo‘lishi mumkin bo‘lgan mavzular jamlangan postimiz.

👨🏻‍💻@itspecuz | Mundarija

#smartfon #hardware #mulohaza_uchun #maslahat

🔋🔌 Smartfoningizni quvvatlashdagi bu odatlaringizni darhol to‘xtating

Smartfonlar allaqachon hayotimizning bir qismiga aylanib ulgurdi. Lekin ularning quvvati abadiy emas. Bugungi kunda telefon ishlab chiqaruvchi kompaniyalar o‘z mahsulotlari batareya sig‘imini qancha ko‘paytirmasin, baribir, deyarli har kuni smartfonlarimizni hech bo‘lmaganda bir marta quvvatlaymiz. Biroq, qurilmalarimizni to‘g‘ri zaryadlayapmizmi? Quyida smartfonlarni quvvatlashda ko‘pchilik yo‘l qo‘yadigan ikkita xatolikka to‘xtalib o‘tamiz.

1️⃣. Noto‘g‘ri adapterdan foydalanish

Bugungi mobil telefon ishlab chiqaruvchilarining ko‘pchiligi zaryadlash tezligini yaxshilash uchun “tez zaryadlash” deb ataladigan usuldan foydalanadilar va hozirda flagman smartfonlarning zaryadlash tezligi 100 vattdan oshadi. Yuqori tezlikdagi quvvatlanish ostida kuchlanish nisbati tabiiy ravishda ortadi. Bu haroratning tez ko‘tarilishiga olib keladi va bu mobil telefonlarning yong‘inga moyil bo‘lishining sabablaridan biridir. Ko‘p ishlab chiqaruvchilar qurilma quvvatlangani sari uning zaryadlanishini asta-sekin kamaytirib boradigan himoya strategiyasini tanlagan bo‘lsa-da, zaryadlashning dastlabki bosqichida yuqori quvvatdagi tezlikdan qochib bo‘lmaydi va bunda qurilmaning harorati ko‘tarilishini cheklash juda qiyin.

Mumkin bo‘lgan yong‘in hodisalarining oldini olish uchun mobil telefonni zaryad qilishda faqat rasmiy zaryadlovchi adapterlardan foydalanish taklif etiladi. Boshqa zaryadlovchilardan foydalanganda ham, zaryadlash protokoliga mos keladigan adapterni tanlash lozim. Turli markadagi mobil telefonlar va hatto bir xil brend ostidagi mobil telefonlarning turli seriyalari ham har xil zaryadlash protokollaridan foydalanishi mumkin. Noto‘g‘ri zaryadlovchi adapterdan foydalanish nafaqat batareyani zaryad qila olmasligi, balki telefon batareyasining yomonlashishiga olib keladi.

Hozirda ko‘plab ishlab chiqaruvchilar quvvatlovchi adapterlar uchun mobil telefon to‘liq zaryadlangandan keyin quvvatni aqlli ravishda uzib qo‘yish xususiyatini joriy qilishgan. Shuning uchun ham to‘g‘ri zaryadlovchini tanlash juda muhimdir.

2️⃣. Telefon zaryad olayotganda foydalanish

Mobil telefonlarni zaryad olayotganda ishlatish, o‘ynash – eng ko‘p tarqalgan yomon odatlardan biridir. Yuqorida smartfon quvvatlanishni boshlanganida u tez zaryadlanishi sabab qizishi haqida aytildi. Shuningdek, o‘yin o‘ynayotganda ham telefon yuqori darajada ishlaydi va bu uning haroratini tez oshishiga olib keladi. Shunday qilib, smartfonni quvvatlanayotgan vaqtda o‘ynash uning ikki karra qizishiga va garchi sodir bo‘lish ehtimoli juda kichik bo‘lsa-da, bu uning yonib ketishiga sabab bo‘lishi mumkin.

Darhaqiqat, ba’zilar telefon zaryad olayotgan paytda qo‘ng‘iroq qilish yoki qo‘ng‘iroqqa javob berishga ham odatlanishgan. Smartfon zaryad olayotganda telefonga javob berish ham qurilma haroratini oshiradi va shuning uchun mobil qurilmani quvvatlashga qo‘yishdan oldin uning samolyot rejimini yoqib qo‘ygan ma’quldir.

Bundan tashqari, mobil qurilmalar zaryad olayotganda ularning nurlanishi bir necha barobarga kuchayadi. Radiatsiya to‘lqinlari inson sog‘ligi uchun zararli, albatta va bu zaryad olayotganda telefonlarimizni yolg‘iz qoldirishimiz kerakligining yana bir sababidir.

☝🏻Xulosa shuki, biz o‘zimizga qulay joyda uyqu orqali quvvat olayotganimizda boshqalar bizni bezovta qilishini xohlamaganimizdek, smartfonlar ham zaryad olayotgan vaqtda holi qoldirilishi lozim.

📝 Muhammad Yusuf @terabaytuz

ℹ️ Qo‘shimcha sifatida tanishish va foydalanish tavsiya etiladi:
• Batareyalarga oid mavzularimiz ro‘yxati keltirilgan postimiz.
• Smartfon rukni ostidagi qolgan postlar ro‘yxati: 1-qism | 2-qism | 3-qism | 4-qism

👨🏻‍💻@itspecuz | Mundarija

#mulohaza_uchun #software #IT_humor

Men: <Google Chrome'ni ishga tushiraman>
Chrome: <ishga tushmayapti>
Men: <belgisi ustiga yana 16 marta bosaman>
Chrome: 🙄

👨🏻‍💻@itspecuz | Mundarija

#internet

🗑 O‘z akkauntlaringizni qanday qilib tezkor o‘chirishingiz mumkin?

Ko‘plab kompaniyalar foydalanuvchilarning o‘z akkauntlarini o‘chirishlari murakkab bo‘lishi uchun Dark Pattern texnologiyasini qo‘llashadi.

justdelete.me — bu ijtimoiy tarmoqlar va messenjerlar sahifalariga to‘g‘ridan-to‘g‘ri havolalarni o‘z ichiga oluvchi saytdir.

1️⃣. Yuqorida keltirilgan sayt bo‘ylab o‘ting;
2️⃣. Akkaunti o‘chirilishi lozim bo‘lgan xizmatning nomini qidiruv satriga kiriting;
3️⃣. Paydo bo‘lgan natija ustiga bosing;
4️⃣. Akkauntni o‘chirish jarayonini boshlang.

Sayt akkauntni o‘chirishning murakkablik darajasini ko‘rsatib beradi:
• Easy – o‘chirish oson;
• Medium – qo‘shimcha qadamlarni bajarish talab etiladi;
• Hard – to‘liq o‘chirish xizmat vakillari bilan bog‘lanishni talab etadi;
• Impossible – o‘chirishning imkoni yo‘q.

Shunday qilib, sayt sahifalarini varaqlab o‘chirish tugmachasini izlab o‘tirmay, akkauntlaringizni tezda yo‘q qilishingiz mumkin.

📝 Manba: @bugfeature

ℹ️ Internet rukni ostidagi kanalga joylashtirgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

"Excel - formula ustasi" bepul kursi
#excel / #excel_fu

1-dars. Havolalar (nisbiy, mutlaq,aralash) va ular bilan ishlash. Ko'paytirish jadvalini yaratamiz!
▶️ Ko'rish: Telegram I YouTube
📜 O'rganildi: nisbiy, mutlaq, aralash havolalar; ko'paytirish jadvalini yaratish.

2-dars. Formulada nomlardan foydalanish!
▶️ Ko'rish: Telegram I YouTube
📜 O'rganildi: formulada nomlardan foydalanish.

3-dars. Matematik funksiyalar
▶️ Ko'rish: Telegram I YouTube
📜 O'rganildi: СУММ, СУММЕСЛИ, СУММЕСЛИМН.

4-dars. Statistika formulalari
▶️ Ko'rish: Telegram I YouTube
📜 O'rganildi: МИН, МАКС, СРЗНАЧ, НАИБОЛЬШИЙ, НАИМЕНЬШИЙ, СЧЁТ, СЧЁТЗ, СЧИТАТЬПУСТОТЫ, СЧЁТЕСЛИ, СЧЁТЕСЛИМН, СРЗНАЧЕСЛИ.

5-dars. Matn bilan ishlash uchun formulalar
▶️ Ko'rish: Telegram I YouTube
📜 O'rganildi: сцепить, сжпробелы, строчн, прописн, пропнач, левсимв, правсимв, найти, пстр.

6-dars. Sana bilan ishlash uchun formula va amallar
▶️ Ko'rish: Telegram I YouTube
📜 O'rganildi: сегодня, тдата, чистрабдни, долгода, целое, день, месяц, год, дата.

7-dars. Havola va massivlar bilan ishlash
▶️ Ko'rish: Telegram I YouTube
📜 O'rganildi: впр.

8-dars. Mantiqiy funksiyalar
▶️ Ko'rish: Telegram I YouTube
📜 O'rganildi: если, и, еслиошибка, или.

💻 Kompyuterni birga o'rganamiz ⤵️
Telegram I YouTube I Guruh I Xarita

#mulohaza_uchun #rasm_bilan_ishlash #texnologiya

🤳 Sevimli uy jonivorimizni tasvirga olish uchun innovatsion selfi-tayoqcha.

👨🏻‍💻@itspecuz | Mundarija

#word

DOC va DOCX formatlari o‘rtasidagi farq 🤔

MS Word dasturida hujjatlarni saqlash uchun .docx va .doc eng keng qo‘llaniladigan fayl kengaytmalari hisoblanadi.

Microsoft kompaniyasi MS Word ilovasida qo‘llaniladigan matnli hujjatlar bilan ishlash uchun o‘z formatini ishlab chiqqan. Microsoft Office 97-2003 versiyalarida DOC formatidan foydalanilgan, Microsoft Office 2007 va undan keyingi versiyalarida esa – DOCX formatini qo‘llashga o‘tilgan.

Ushbu formatlar o‘rtasidagi asosiy farqlar quyidagilardan iborat:

— MS Word'ning yangiroq versiyalarida ichki o‘rnatilgan maxsus ZIP-arxiviga siqish funksiyasi tufayli DOCX fayli hajmi DOC fayli hajmiga nisbatan kamroq joy egallaydi.

— DOCX – matn, belgilash, jadvallar, konteyner va ssenariylar haqidagi ma’lumotlarni alohida fayllar va papkalarda saqlovchi konteyner formatidir, DOC formatida esa barcha ma’lumotlar bitta faylda saqlanadi.

— DOCX'dan foydalanganda foydalanuvchi matnli hujjatlar bilan ishlashda ko‘proq funksional imkoniyatlarga ega bo‘ladi.

📝 Manba: @computer_life

ℹ️ Qo‘shimcha sifatida tanishish va foydalanish tavsiya etiladi:
• Hujjatning hajmini maksimal darajada siqish mumkinmi?
• Microsoft Word rukni ostidagi barcha postlarimiz ro‘yxati: 1-qism | 2-qism | 3-qism

👨🏻‍💻@itspecuz | Mundarija