#internet #dizayn

🆕🎨 Uchta farq: Google kompaniyasi Chrome yorlig‘ini o‘zgartirmoqda

Google Chrome brauzerining yangi dastlabki relizida (Canary yangilanishlar kanali) ilovalar yorlig‘i o‘zgardi. Yorliq so‘nggi marotaba 2014-yilda yangilangandi.

Dunyodagi eng ommalashgan brauzerdagi o‘zgarishlarni Google dizaynchisi Elvin Xu sharhladi.

👉🏻 Batafsil...

ℹ️ Internet rukni ostidagi qolgan postlarimiz ro‘yxati bilan ham tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

#excel #maslahat

🧾 Uzun jadvallar bilan ishlash

Ko‘pincha, uzun jadvallar bilan bog‘liq muammolar – ularni chop etish bosqichida yuzaga keladi, ma’lumotlar bir nechta sahifa bo‘ylab joylashadi, buning natijasida esa muhim ma’lumotlar e’tibordan chetda qolishi mumkin. Bunday vaziyatlarda quyidagi ko‘rsatmalarga amal qilish maqsadga muvofiqdir:

1️⃣. Jadvalning “shapka”sini har bir sahifaga alohida joylashtiring, bu kerakli ma’lumotlar izlanishini osonlashtiradi.

2️⃣. Kolontitullardan faol foydalaning, ularda muhim ma’lumotlarni qayd etish mumkin (masalan, sana, sahifalar raqamlari, muallif va hkz.).

📝 Manba: @hacks_excel

ℹ️ Qo‘shimcha sifatida tanishish va foydalanish tavsiya etiladi:
• Jadvalning sarlavhasini “qotirib qo‘yamiz”
• Katta jadvallarni chop etish
• Ma’lumotlarni solishtirishda Лист’lar bilan ishlashda qulaylik yaratish haqida
• Microsoft Excel rukni ostidagi qolgan postlar ro‘yxati: 1-qism | 2-qism | 3-qism

👨🏻‍💻@itspecuz | Mundarija

#mulohaza_uchun #game #IT_humor

Men seni faqat ashaddiy geymermisan desam, tuppa-tuzuk muhandis ham ekansanku... 🙄

ℹ️ O‘yinlar haqidagi mavzular, kompyuter dasturi va o‘yinlari hamda mobil ilova va o‘yinlar ro‘yxatini o‘ziga jamlagan postimiz

👨🏻‍💻@itspecuz | Mundarija

#telegram #bilasizmi

Reaksiya effektlari va ularning o‘qilganlik holati. Reaksiyalar uchun animatsiyalar ixcham va barcha chat a’zolari uchun real vaqtda ijro etiladi. Menyudagi emodzi ustiga bosib, ushlab turilsa effekt kattaroq ko‘rinishda uzatiladi.

Reaksiyalar uchun ham o‘qilganlik holati mavjud – reaksiyalari ko‘rilmagan xabarlaringizga tezkor o‘tish uchun chatda yuzaga keluvchi ♡ tugmasi ustiga bosing.

ℹ️ Telegram ilovasi haqida foydali maslahatlar mundarijasi keltirilgan postlarimiz bilan ham tanishing: 1-post | 2-post

👨🏻‍💻@itspecuz | Mundarija

#operatsion_tizim #linux #maslahat

📀 elementary OS — noutbuk uchun

Nomidan ham ko‘rinib turibdiki, Linux'ning ushbu versiyasi juda sodda tuzilgan. Uni o‘zlashtirishda hech qanday muammo yuzaga kelmaydi, u noutbuklarda oson ishga tushiriladi. Bundan tashqari, batareya quvvatini sekin iste’mol qiladi.

elementary OS interfeysi macOS'ni eslatib yuboradi, shunday ekan, distributivdan foydalanish Mac ishqibozlari uchun yoqimli bo‘ladi. Animatsiyalar, oynalar bezatilishi — bu yerda hamma narsa shunchalik silliq va chiroyliki, shunchaki tizimga mahliyo bo‘lishingiz aniq. Shunga qaramay, chiroyli elementary OS qobig‘ining ortida ish uchun zarur bo‘lgan barcha ilovalarni qo‘llab-quvvatlovchi to‘laqonli Linux yotadi.

elementary OS'ning so‘nggi Hera versiyasi ko‘plab yangiliklarni qabul qilib oldi, ulardan eng diqqatga sazovorlari — qorong‘u rejim, “tasvirdagi ichidagi tasvir” qalqib chiquvchi oynasida videolarni tomosha qilish imkoniyati va macOS'dagi kabi sensorli panel imo-ishoralarining qo‘llab-quvvatlanishidir.

➕ Afzalliklari: chiroyli interfeys, indi-ilovaladan iborat shaxsiy do‘kon.

➖ Kamchiliklari: Pantheon grafik qobig‘i garchi zamonaviy ko‘rinishga ega bo‘lsa-da, unchalik funksional emas. Sozlamalari kamroq.

✔️ Alternativlari: Pop!_OS, Ubuntu'ga asoslangan distributiv. U oynalarni tashkil qilishning xususiy Pop Shell tizimiga ega, u avtomatik ravishda ekrandagi oynalarni eng samarali tarzda tartibga soladi. Shu tufayli Pop!_OS ultrabuklar va transformerlarning kichik ekranlarida ham yaxshi ko‘rinadi.

📥 elementary OS'ni yuklab olish.

Linux distributivini tanlashda nimalarga e’tibor bermoq lozimligi hamda “Лайфхакер” nashri tomonidan tavsiya etilgan boshqa distributivlar bilan ushbu postimiz orqali tanishishingiz mumkin.

ℹ️ Operatsion tizim rukni ostidagi qolgan postlarimiz bilan ham tanishing: 1-qism | 2-qism | 3-qism | 4-qism | 5-qism

👨🏻‍💻@itspecuz | Mundarija

#mulohaza_uchun #dasturlash #IT_humor

⌨️ Ha, saytlarni yaratish borasida asosan kod yozish (HTML, CSS, BootStrap, JavaScript, jQuery, Ajax, PHP, MySQL, NodeJS, ReactJS va boshq.) bilan kechuvchi web-dasturlash bilan CMS (ya’ni Content Management System: Joomla, Wordpress, Drupal) imkoniyatlaridan foydalanish butkul farq qiladi va bunda siz shunchaki kontent menejer hisoblanasiz... 🙄

👨🏻‍💻@itspecuz | Mundarija

#smartfon #android

🗜 APK fayl formati haqida

APK (Android Package) — Android va Android'ga asoslangan boshqa bir qator operatsion tizimlar uchun arxivli bajariluvchi ilova-fayllari formatidir.

Har bir Android ilovasi barcha dastur kodlari (DEX fayllari), resurslar, aktivlar (assets), AndroidManifest.xml manifest fayli va mahalliy kutubxonalarni (jniLibs) o‘z ichiga olgan yagona faylga kompilyatsiya qilinadi va qolipga solinadi.

Har bir APK-fayli — Dalvik yoki ART virtual mashinasida foydalanish uchun siqilgan arxiv bo‘lib, uni nafaqat Android, balki boshqa tizimlarda ham qo‘llash mumkin.

Chetki, noma’lum manbalardan APK-fayllarini o‘rnatish muayyan xavflarni keltirib chiqarishi mumkin: ko‘pchilik saytlar mashhur ilovalar va o‘yinlarning “qaroqchi versiyalari”ni APK fayllari ko‘rinishida bepul tarqatadi, ularga pullik premium SMS'larni yuborish, ma’lumotlarni o‘g‘irlash, qurilmalarni shifrlash, kuzatuv va boshqa shu kabi zararli xususiyatlar qo‘shilish ehtimoli mavjud.

📝 Manba: @computer_life

ℹ️ Smartfon rukni ostida joylashtirilgan barcha postlarimiz bilan tanishing: 1-qism | 2-qism | 3-qism

👨🏻‍💻@itspecuz | Mundarija

#operatsion_tizim #maslahat

👤 Foydalanuvchi profiliga oid papkalarni boshqa diskka o‘tkazish

Bu haqda aslida ushbu postimizda batafsil so‘z yuritgan edik, u joriy postga nisbatan uzunroq ko‘rinishda yozilgan bo‘lsa-da, undagi keltirilgan tavsiyalar ham hozirgi vaqt uchun o‘z aktualligini yo‘qotmagan.

Windows'ni qo‘llash paytida yuqori samaradorlikni ta’minlashning dastlabki qoidasi: bu tizimli fayllar keltirilgan diskni toza saqlash. Tushunarsiz bo‘lsa-da, ammo haqiqat shuki, ushbu qoidaga rioya qilish Windows'ning ishlash muddatini 2 barobar oshiradi. Biroq mavzuga qaytamiz: tizim fayllariga qo‘shimcha ravishda C diskida joriy kompyuter foydalanuvchilarining papkalari saqlanadi. Bular Документы, Загрузки, Рабочий стол, Видео va boshq. Ushbu direktoriyalar ko‘p qo‘llaniladi — va C diski ularning joyi emasligi aniq!

1️⃣. Qattiq diskimizdagi yaratilgan boshqa disk (masalan, D diski) tarkibida kerakli papkani yaratib olamiz (va keyinchalik u bilan ishlashda nihoyatda e’tiborli bo‘lamiz).

2️⃣. C:\Users\Foydalanuvchi_Nomi papkasiga o‘tamiz.

3️⃣. Aytaylik, “Документы” papkasiga sichqonchaning o‘ng tugmasini bosamiz va yuzaga keluvchi menyudagi so‘nggi — “Свойства” bandini tanlaymiz (yoki papkani tanlagan holda, shunchaki ALT + ENTER klavishlari birikmasini bosamiz).

4️⃣. Ochilgan muloqot oynasining yuqorisidagi varaqa (вкладка)lar orasidan “Расположение”ni tanlaymiz.

5️⃣. Oyna markazidagi “Переместить...” tugmasiga bosamiz.

6️⃣. Dastlabki banddagi ko‘rsatmaga muvofiq yaratilgan papka joylashgan manzilni ko‘rsatamiz va “Выбор папки” tugmasini bosgan holda sodir etmoqchi bo‘lgan harakatimizni tasdiqlaymiz.

7️⃣. Fayllarning yangi manzilga nusxalanib o‘tkazilishini kutamiz va “OK” tugmasini bosgan holda muloqot oynasini yopamiz.

8️⃣. Qolgan zaruriy foydalanuvchi papkalari uchun ham 1-7-bandlarda keltirilgan tavsiyalarni qo‘llaymiz.

Tayyor! “Корзина”ni tozalab turishni (undan o‘chirilgan fayllarni tiklash haqida post), vaqtinchalik fayllarni o‘chirib borishni (hech bo‘lmaganda haftada bir bor) unutmang, buning natijasi o‘laroq, uzilishlarsiz ishlaydigan tizimga ega bo‘ling. Mayli, shu joyida ko‘pchilikning ensasi qotgani aniq, bu ham kafolat bera olmaydi, albatta. Eng yaxshisiga umid qilamiz, eng yomonidan saqlanishga intilamiz!

📝 Manba: @mcrosoft

ℹ️ Qo‘shimcha sifatida tanishish va foydalanish tavsiya etiladi:
• Windows 10, 8.1 va 7'da disk harfini o‘zgartirish
• Tizimdagi disk harfini o‘zgartiramiz
• Windows 10'da Buyruq satri (Командная строка) yordamida disk harfini o‘zgartirish
• Istalgan papka asosida virtual disk yaratish
• C diskidagi “Users” papkasidagi foydalanuvchi papkalarini D diskiga mohirona o‘tkazish
• Windows 10’da “Проводник” ilovasi tomonidan ochiladigan doimiy papkani o‘zgartirish
• Windows haqidagi voz kechish lozim bo‘lgan 5 mashhur afsona
• Buyruq satri orqali yuklanuvchi fleshkani yaratamiz
• Windows 10/11'ning standart vositalari orqali to‘g‘rilashning iloji bo‘lmagan USB fleshkalarni sozlash
• WinPE 10-8 Sergei Strelec yordamchi vositasini qattiq diskdan ishga tushirish
• Operatsion tizim rukni ostidagi qolgan postlarimiz ro‘yxati: 1-qism | 2-qism | 3-qism | 4-qism | 5-qism | 6-qism

👨🏻‍💻@itspecuz | Mundarija

💥💥💥 Windows Server 2019 kursidagi navbatdagi dars -

Mavzu: 10. Windows Server 2019 - Fayl server va uning sozlash turlari

Video ko'rish: ⬇️⬇️⬇️

https://www.youtube.com/watch?v=zzthSTzvgrw

#operatsion_tizim #linux #maslahat

📀 Ubuntu — planshet va transformerlar uchun

Ubuntu — Linux'ning Desktop'lar uchun mo‘ljallangan eng mashhur distributivlaridan biri. U ekrani sensorli bo‘lgan qurilmalarda juda yaxshi ko‘rinuvchi GNOME grafik qobig‘idan foydalanadi. Agar sizda Windows 10 bilan jihozlangan planshetingiz mavjud bo‘lib, unga Linux'ni o‘rnatish istagida bo‘lsangiz, GNOME bilan birga keluvchi Ubuntu bilan qurollanganingiz ma’qul.

Interfeysning yirik elementlari, sozlanuvchan imo-ishoralar va kengaytmalar — touchscreen'lar uchun ushbu distributivni ajoyib tizimga aylantiradi.

➕ Afzalliklari: Ubuntu — keng tarqalgan distributiv, bu esa sizga kerak bo‘lishi mumkin bo‘lgan barcha dasturiy ta’minotlar muammosiz topilishini anglatadi. Bundan tashqari, Linux haqidagi saytlarning aksariyati aynan Ubuntu'ga bag‘ishlangan.

➖ Kamchiliklari: GNOME qobig‘i qulay, ammo boshlanishiga noodatiy tuyuladi.

✔️ Alternativlari: Solus — grafik qobiq sifatida bu yerda Budgie qo‘llaniladi. Bu yengil vaznli interfeys bo‘lib, sensorli ekranlarda qo‘llash uchun juda qulay sanaladi.

📥 Ubuntu'ni yuklab olish.

Linux distributivini tanlashda nimalarga e’tibor bermoq lozimligi hamda “Лайфхакер” nashri tomonidan tavsiya etilgan boshqa distributivlar bilan ushbu postimiz orqali tanishishingiz mumkin.

ℹ️ Operatsion tizim rukni ostidagi qolgan postlarimiz bilan ham tanishing: 1-qism | 2-qism | 3-qism | 4-qism | 5-qism

👨🏻‍💻@itspecuz | Mundarija

#mulohaza_uchun #maslahat #muvaffaqiyatli_insonlar

📋 Stiv Jobs kabi taqdimot o‘tkazish: 5 qoida

01. Qog‘ozda rejalashtirish bilan boshlang. Stiv Jobs o‘z chiqishlari rejasini taqdimotidan ancha oldin yozib borgan.

02. Vizual slaydlarni yarating. Ko‘p matn yozish shart emas. Asosiy g‘oyani shakllantiring va uni slaydga joylashtiring.

03. Twitter-sarlavhalar. Stiv Jobsning o‘zi yaxshi sarlavha Twitter'dagi singari xabardan ortiq bo‘lmasligi kerak deb hisoblagan. Ular auditoriyadagilarning xotirasida qoladi va tushunarli bo‘ladi.

04. Chiqishingizni mashq qiling. Stiv odatda bir necha hafta davomida faqat o‘z taqdimoti ustida ishlagan, nutqi, ohangi, to‘xtalishlari, imo-ishoralarini mukammallashtirish va qaytarib borish bilan mashg‘ul bo‘lgan.

05. O‘z ishtiyoqingizni ko‘rsating. Stiv Jobs o‘zi uchun muhim bo‘lgan Apple'ga bo‘lgan ishtiyoqini namoyish etgan. Chiqishlaringizga hazil-mutoyibani qo‘shishni ham unutmang.

ℹ️ Stiv Jobsning nomi keltirilgan ushbu postlarimiz bilan ham tanishing:
• iPod, iPhone va iPad so‘zlaridagi “i” harfi nimani anglatadi?
• Apple kompaniyasining tarixi boshlangan joy va kun
• Stiv Jobs Apple muhandislari tomonidan unga taqdim etilgan dastlabki iPod'ni akvariumga uloqtirgan
• Stiv Jobs va “Pixar” animatsion kompaniyasi
• Stiv Jobs'dan omadning 6 siri
• Stiv Jobsning o‘limidan oldin aytgan oxirgi so‘zlari...
• Boshqa mashhur insonlar haqida o‘qib ko‘rish uchun havolalar qoldirilgan postimiz

👨🏻‍💻@itspecuz | Mundarija

#mulohaza_uchun #smartfon #texnologiya

📷 Do‘kondagi mahsulot joylashuvini aniqlash uchun yechim

QR-kod skanerlanganidan so‘ng, sizga kerakli bo‘lgan mahsulot qaysi qatorda joylashganini aniqlab, u tomon sizni strelkachalar yordamida yo‘naltiruvchi maxsus mobil ilova.

📌 P.S.: O‘z-o‘ziga xizmat ko‘rsatish uchun ajoyib g‘oya va yechim, shunday emasmi? 😊

ℹ️ Smartfon rukni ostida joylashtirilgan barcha postlarimiz bilan tanishing: 1-qism | 2-qism | 3-qism

👨🏻‍💻@itspecuz | Mundarija

#mulohaza_uchun #telegram #IT_humor

Postni qaysi qurilmada va qanday uslubda tayyorlashing muhim emas, asosiysi – bu natija ukajon... 🙄

📌 P.S.: Kanali uchun postni transport ichida, smartfon yordamida, tinimsiz o‘nqir-chonqirliklardan o‘tib, tinchgina qimirlamay o‘tirib keta olmaydigan adminlarga bag‘ishlanadi! 😉

👨🏻‍💻@itspecuz | Mundarija

#powerpoint

↕️↔️ Shakl va obyektlar bilan ishlashda CTRL va SHIFT klavishlari bilan bog‘liq layfxaklar

Ko‘pincha taqdimotimizdagi slaydlarda turli shakl va obyektlardan foydalanish va ularning o‘lchamlarini moslashtirishga to‘g‘ri keladi. PowerPoint'da shakl burchaklaridan biridagi markerni tutgan holda shunchaki surishdan tashqari, ularning o‘lchamlarini o‘zgartirish borasida yana bir nechta qo‘shimcha opsiyalar mavjud.

1️⃣. Agar bunda SHIFT klavishini bosib turgan holda shakl burchaklaridan biri siljitilsa, shakl o‘lchami o‘z proporsiyasini saqlagan holda surilayotgan tomonga qarab o‘zgaradi.

2️⃣. Agar shakl CTRL klavishini bosib turgan holda siljitilsa, uning o‘lchami proporsiyalarni saqlamagan holda, shaklning joriy markaziga nisbatan o‘zgaradi.

3️⃣. Agarda CTRL + SHIFT birikmasi bosilib, shakl burchaklaridan biri siljitilsa – uning o‘lchami proporsional ravishda shakl markaziga nisbatan o‘zgaradi.

Post ostidagi video ko‘rsatmaga muvofiq buni amalda sinab ko‘ring va ishingizni soddalashtiring👇🏻🎞.

📝 Manba: @office_killer

ℹ️ Microsoft PowerPoint rukni ostidagi qolgan postlarimiz ro‘yxati: 1-qism

👨🏻‍💻@itspecuz | Mundarija

#operatsion_tizim #linux #maslahat

📀 Xubuntu — eski kompyuter yoki netbuklar uchun

Ubuntu'ning ushbu versiyasi yengil va resurslarni iste’mol qilishda kamtarin bo‘lgan Xfce qobig‘iga asoslanadi. Uning talabchanligi juda past va shu bilan birga oson sozlanadi. Agar sizda Windows yordamida boshqarilishi mushkul bo‘lgan biror kompyuter yoki netbuk bir chetda ishsiz yotgan bo‘lsa, unga Xubuntu'ni o‘rnatish orqali ikkinchi hayot ato etishingiz mumkin.

Ushbu distributiv tizim resurslarini kam iste’mol qiladi va deyarli har qanday konfiguratsiyada ishlashga qodir.

➕ Afzalliklari: juda tez va yengil tizim bo‘lib, shu bilan birga o‘zining katta opasi bo‘lmish Ubuntu bilan bir xil paket va ilovalarni qo‘llab-quvvatlaydi.

➖ Kamchiliklari: garchi nisbatan kamroq xususiyatlarga ega bo‘lsa-da, LXDE yoki i3 kabi qobiqlar Xfce'ga nisbatan tezroq, shuning uchun haqiqatan ham eski mashinalar uchun ularni tanlash ma’qulroqdir.

✔️ Alternativlari: Ubuntu MATE — MATE qobig‘i konservativ ruhda yaratilgan, u juda yengil va kompyuterni ortiqcha yuklamaydi. Shu bilan birga u juda ko‘plab imkoniyatlarga ega. Lubuntu — bu LXDE/LXQT'ga asoslangan yanada tezroq tizim: kamroq sozlamalar, ko‘proq ish samaradorligi. Puppy Linux — bu ixcham “cho‘ntak” distributivi bo‘lib, u hatto 300 MB operativ xotiraga ega shaxsiy kompyuterda ham ishlay oladi.

📥 Xubuntu'ni yuklab olish.

Linux distributivini tanlashda nimalarga e’tibor bermoq lozimligi hamda “Лайфхакер” nashri tomonidan tavsiya etilgan boshqa distributivlar bilan ushbu postimiz orqali tanishishingiz mumkin.

ℹ️ Operatsion tizim rukni ostidagi qolgan postlarimiz bilan ham tanishing: 1-qism | 2-qism | 3-qism | 4-qism | 5-qism

👨🏻‍💻@itspecuz | Mundarija

🤔 Kompyuterni yaxshi bilaman, degan inson nimalarni bilishi kerak?

🔹 Kompyuter parametrlarini aniqlash & sotib olish;
🔹 Arxiv fayllar bilan ishlash;
🔹 Antivirus dasturlaridan foydalanish va viruslardan himoyalanish;
🔹 Ofis dasturlari (Word, Excel, PowerPoint) & PDF hujjatlarini tayyorlash & tahrirlash;
🔹 Kerak bo'lganda Windows'ni mustaqil o'rnatish;
🔹 Videomontaj va mediaga oid ishlarni bajarish va h.k...

❓Siz bulardan qaysilarini yetarli darajada bilasiz?

Agar ikkilanayotgan bo'lsangiz, Sizga bir maslahat: kompyuter & kompyuter dasturlari bilan ishlashni videodarslar orqali bepul ta'lim berib kelayotgan Kompyuter Akademiyasidan o'rganing!

📍Manzil: @kompyuter_akademiyasi

#mulohaza_uchun #internet

Shimoliy Koreya rasmiylari G‘arb jurnalistlariga shimoliy koreyaliklar internetdan erkin foydalanishlari mumkinligini ko‘rsatishga qaror qilishdi, biroq nimadir noto‘g‘ri ketdi.

Video lavhada yozilayotgan xabarlar:

“So‘ngra bizga talabalar internetdan foydalanadigan kompyuter xonasini ko‘rsatishdi. Barchasi o‘z o‘rnida degan taassurotni uyg‘otadi. Bu har qanday universitetdagi oddiy kompyuter xonasidek ko‘rinishda. Biroq keyin u yerdagi mutlaq sukunat e’tiborimizni tortdi. Hech kim hech narsa qilmayotgan edi. Hech kim matn kiritmayotgandi, sichqoncha tugmasini bosmayotgandi. Mutlaqo hech nima. Google qidiruv tizimiga qarab turgan yigitga ko‘zimiz tushdi. Biroq u hech narsa izlamayotgandi. U shunchaki ekranga mazmunsiz tikilib turardi.”

ℹ️ Internet rukni ostidagi kanalga joylashtirgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

#internet

O‘z akkauntlaringizni qanday qilib tezkor o‘chirishingiz mumkin? 🗑

Ko‘plab kompaniyalar foydalanuvchilarning o‘z akkauntlarini o‘chirishlari murakkab bo‘lishi uchun Dark Pattern texnologiyasini qo‘llashadi.

justdelete.me — bu ijtimoiy tarmoqlar va messenjerlar sahifalariga to‘g‘ridan-to‘g‘ri havolalarni o‘z ichiga oluvchi saytdir.

1️⃣. Yuqorida keltirilgan sayt bo‘ylab o‘ting;
2️⃣. Akkaunti o‘chirilishi lozim bo‘lgan xizmatning nomini qidiruv satriga kiriting;
3️⃣. Paydo bo‘lgan natija ustiga bosing;
4️⃣. Akkauntni o‘chirish jarayonini boshlang.

Sayt akkauntni o‘chirishning murakkablik darajasini ko‘rsatib beradi:
• Easy – o‘chirish oson;
• Medium – qo‘shimcha qadamlarni bajarish talab etiladi;
• Hard – to‘liq o‘chirish xizmat vakillari bilan bog‘lanishni talab etadi;
• Impossible – o‘chirishning imkoni yo‘q.

Shunday qilib, sayt sahifalarini varaqlab o‘chirish tugmachasini izlab o‘tirmay, akkauntlaringizni tezda yo‘q qilishingiz mumkin.

📝 Manba: @bugfeature

ℹ️ Internet rukni ostidagi kanalga joylashtirgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija