#word

🔢 Hujjatdagi arab raqamlarini rim raqamlariga o‘girish

Rim raqamlarini ifodalash uchun oddiy inglizcha harflardan foydalanish har doim ham qulay emas, ayniqsa barcha raqamlar qanday yozilishini aniq bilmaganimizda.

Arab raqamini rim raqamiga aylantirish uchun CTRL + F9 klavishlari birikmasini bosish lozim, paydo bo‘lgan qavslar ichiga tenglik belgisi (=), istalgan sonni, qiya slesh belgisi (\), asteriks belgisi (*) va ROMAN so‘zini kiritish lozim.

Bularning barchasi natijada quyidagi ko‘rinishda bo‘ladi: {=40\*ROMAN}.

Funksiya qo‘llanilishi uchun F9'ni bosamiz. Tayyor! Arab raqami avtomatik ravishda rim raqamiga o‘giriladi.

❗️Rim raqamlari kichik lotin harflari ko‘rinishida aks etishi uchun funksiyadagi roman ham kichik harflarda keltirilishi lozim.

ℹ️ Microsoft Word rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism.

👨🏻‍💻@itspecuz | Mundarija

#telegram #telegramda_kanal_yuritish

Foydalanuvchilarning yo‘nalishlar doirasida erkak va ayol jinsi bo‘yicha taqsimoti 👨🏻‍💻👩🏻‍💻

Obunachilarning yo‘nalishlar doirasida jinsi bo‘yicha taqsimotiga tasodifan ko‘zimiz tushib qoldi, rasm 2019-yilga tegishli bo‘lsa-da, statistika bugungi kunga qadar unchalik o‘zgarmagan.
Manba

Obunachilarning jinsi, obunachilar ismlarini to‘plagan va ularni bazadagi erkak va ayollar ismlari bilan solishtirgan @crosser_bot yordamida aniqlangan (hozirgi kunda ushbu xizmatdan foydalanish pullik bo'lgan),

📝 Manba: @TG1ife

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija

#smartfon #android #maslahat

Ushbu videoda Android bazasida ishlovchi smartfonlar uchun animatsiya effektlarini tezlashtirish bo‘yicha maslahat berilgan.

Bu bo‘yicha kanalimizga ulashilgan post bilan ham tanishib ko‘rishingiz mumkin.

🎞 Video manbasi

ℹ️ Smartfon rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

#operatsion_tizim

🖥 32 va 64 bitli Windows'lar o‘rtasidagi farq

Windows operatsion tizimi razryadligining ikki versiyasi mavjud: 32 bitli va 64 bitli, ularning belgilanishlari esa quyidagicha: 32-bit (x86) va 64-bit (x64). 64 bitli tizim, 32 bitli operatsion tizimga qaraganda katta hajmdagi hisoblashlarda samaraliroq hisoblanadi. 64 bitli Windows'da, shunga o‘xshash 32 bitli tizimga qaraganda resurslarga talabchan bo‘lgan dasturlar ishlashi uchun kamroq vaqt sarflanadi.

Umumiy ish faoliyatini yaxshilashdan tashqari, ushbu ikki turdagi tizimlar orasidagi asosiy farq, ma’lum miqdordagi xotira bilan ishlashni qo‘llab-quvvatlashidadir. Windows'ning 32 bitli versiyasida, tizim arxitekturasining o‘ziga xos xususiyati tufayli, kompyuterda o‘rnatilgan 4 Gb'dan kam, 64 bitli versiyasida esa 16 TB'gacha RAM (tezkor/operativ xotira) ishlatiladi

❗️Ikki razryaddan birini tanlash uchun ham bu asosiy mezon sifatida xizmat qiladi, kompyuterga o‘rnatilgan operativ xotira 3 GB'dan kam bo‘lsa — 32 bitli tizim, 4 Gb va undan katta bo‘lsa — 64 bitli tizim o‘rnatiladi.

Windows x64'da 64 va 32 bitli, x32'da esa faqat 32 bitli dasturlarni o‘rnatish mumkin. Windows uchun yaratilgan dasturlarning aksariyati 32 bitli razryadlikni qo’llab-quvvatlaydi. Ushbu dasturlarni istalgan razryadlikdagi kompyuterlarga o’rnatish mumkin.

📌 P.S.: Kompyuterdagi 32-bitli tizimni faqat qayta o‘rnatish (Переустановка Windows) orqaligina 64-bitli tizimga va aksincha o‘zgartirish mumkin!

ℹ️ Qo‘shimcha sifatida o‘qish va foydalanish tavsiya etiladi:
• Windows’da razryadlik (разрядность) nima va u nima uchun kerak?
• Operatsion tizim rukni ostida kanalga joylashtirilgan barcha postlar ro‘yxati: 1-qism | 2-qism | 3-qism | 4-qism | 5-qism | 6-qism

👨🏻‍💻@itspecuz | Mundarija

#maslahat

Ko‘zoynak taquvchilar maska taqsa, maskadan chiqqan nafasga ko‘zoynak odatda parlanib qoladi 👓

Soqol olishda ishlatiladigan penani oz miqdorda ko‘zoynakning shishalariga surib, quruq latta bilan artib tashlasangiz, parlanmaydi.

❗️Faqat juda berilib ishqalamang, bunda ko‘zoynakni tozalash uchun maxsus matodan foydalaning, qog‘ozli sochiq yoki salfetka linzaning ustida kichik tirnalishlar hosil qilishi mumkin.

Bu usulni yomg‘ir paytida parlanmasligi uchun avtomobil oynalariga ham qo‘llash tavsiya qilinadi. Sinalgan.

Pena o‘rnida glitserin ishlatsa ham bo‘ladi

© Dilshod Odilov @Shunaqangi_gaplar

👨🏻‍💻@itspecuz | Mundarija

#telegram

💸 Telegram 1 milliard dollarlik obligatsiyalarni sotdi

Pavel Durovning xabar berishicha Telegram yirik sarmoyadorlarga (qarz shaklida) obligatsiyalarni sotish orqali 1 milliard dollardan ko‘proq mablag‘ni qo‘lga kiritdi.

Uning so‘zlariga ko‘ra, bu Telegram'ga o‘z qadriyatlari va mustaqilligini saqlagan holda, global o‘sishni davom ettirishga imkon beradi. Shuningdek, ushbu resurslardan o‘tgan yilning oxirida Durov e’lon qilgan monetizatsiya strategiyasini amalga oshirish uchun foydalaniladi.

“Deyarli 8 yil oldin Telegram ishga tushirilganida ta’kidlaganimdek, Telegram'ning asosiy maqsadi kelajakda bir necha yillar (hattoki asrlar) davomida insoniyatga xizmat qilishi mumkin bo‘lgan moliyaviy barqaror loyihaga aylanishdir. Bugungi yangilik – bu maqsad sari qo‘yilgan yana bir qadamdir.” — Pavel Durov.

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija

#smartfon #android #maslahat

Ushbu videoda Android bazasida ishlovchi smartfonning ish vaqtini ko‘paytirish borasida maslahat berilgan.

❗️Video ko‘rsatma Xiaomi kompaniyasiga tegishli smartfon yordamida yozilgan bo‘lib, boshqa kompaniya smartfonlari sozlamalari bilan mos kelmasligi mumkin.

🎞 Video manbasi

ℹ️ Smartfon rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

#smartfon #android #maslahat

Google yuborgan yangilanishi tufayli ba'zi Android ilovalarining ishlashida xatoliklar yuzaga kelmoqda 🥴

Google kompaniyasining "Android System Webview" uchun yangilanish yuborganiga hali ko‘p vaqt o‘tmadi. Bu ilovalar ichidagi internet kontentini aks ettirish uchun kerak bo‘luvchi komponent hisoblanadi.

Ushbu ilovaning yangilanishi internetga bog‘liqligi bo‘lgan ilovalarning ishlashida nosozliklar yuzaga kelishiga sabab bo‘ldi. Bunday ilovalar sarasiga VPN-mijozlari, ba’zi brauzerlar, onlayn o‘yinlar, messenjerlar va Google'ga tegishli ilovalar kiradi.

Google Workspace saytining 23-martda bergan ma’lumotiga ko‘ra, muammo keyingi yangilanishda bartaraf etilgan. “Android System Webview View” va “Google Chrome”ni “Google Play” orqali yangilab olish tavsiya etiladi.

📝 Manba: @bugfeature

ℹ️ Smartfon rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

#smartfon #maslahat #mulohaza_uchun

⏰ Smartfoningizdagi keraksiz bildirishnomalarni o‘chiring!

Assalomu alaykum, aziz do‘stlar! Balki siz buni sezmayotgandirsiz, biroq smartfoningizdagi bildirishnomalar sizni chalg‘itmoqda va qimmatli vaqtingizni shafqatsiz o‘g‘irlamoqda!

Ularni o‘chirib qo‘yishga qanday sabablar mavjud?

🔷 Statistikaga ko‘ra, dastlabki boshlab qo‘yilgan faoliyatga qaytish uchun insonga o‘rtacha 9,5 daqiqa vaqt kerak bo‘ladi, biroq faoliyatga to‘liq qaytgani bilan, unga bo‘lgan e’tibor (konsentratsiya) taxminan 40%'ga pasayadi, miya o‘z fokusini yo‘qotadi.
🔷 Inson kun davomida bildirishnomalarga o‘rtacha 18 martadan ko‘proq chalg‘iydi, bunga misol tariqasida elektron pochta, ijtimoiy tarmoqlar va video-xostinglar bildirishnomalarini keltirish mumkin.
🔷 Bildirishnomalar havotir va qaramlikka sabab bo‘ladi: zamonaviy inson kamida olti daqiqada bir marta telefoniga chalg‘iydi.

Albatta, pozitiv bildirishnomalar ham bor – rivojlantiruvchi kanallar, muhim yangiliklar, oila va yaqin insonlar tomonidan qo‘ng‘iroqlar va xabarlar, biroq qolgan “axlat”lardan qanday xalos bo‘lish mumkin?

🔸 Asosiy qoida – shunchaki sizga hayotingizda ko‘maklashmaydigan bildirishnomalarni o‘chiring.
🔸 Kun davomida bildirishnomasi o‘chirib qo‘yilgan resurslarni tekshirish uchun vaqt ajrating. Ushbu tarzda bunday “uzilish”ga tezroq ko‘nikasiz, ha, foydasi tegishi mumkin bo‘lgan axborotni ham o‘tkazib yubormaysiz.
🔸 Smartfoningizdagi vibratsiyali va rangli bildirishnomalarni o‘chirib qo‘ying. Ular qo‘shimcha taktil va assotsiativ qaramlikni keltirib chiqaradi, bu esa bildirishnomalarga chalg‘ish odatidan xalos bo‘lishingizga xalaqit beradi.

🚀 Tez orada siz muhim bo‘lmagan bildirishnomalarga chalg‘imaslikka odatlanasiz, konsentratsiyangiz yaxshilanadi, o‘zingizni osuda va baxtli his etishni boshlaysiz. Endi sizning xotirjamligingiz va hayotingizga tashqi ta’sirlar bo‘lmaydi!

E'tiboringiz uchun rahmat! 🤝

ℹ️ Smartfon rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

#telegram

Telegram seansini masofadan turib yakunlash 🔒

Agar siz 📱Telegram Messenger yoki 🖥 Telegram Desktop'ga boshqa qurilma yordamida ulangan bo‘lib, undan chiqishni unutib qo‘ygan bo‘lsangiz, unda havotirga o‘rin yo‘q, boisi o‘sha qurilmadagi qayd yozuvingizdan masofadan turib chiqishingiz mumkin.

Buning uchun Настройки -> Устройства ketma-ketligi bo‘ylab o‘ting. U yerda siz ilovaga ulangan barcha qurilmalarni ko‘rishingiz mumkin. Yopishni istagan seansingizni tanlang va bu harakatni tasdiqlang.

Shuni yodda tutingki, (siz avtorizatsiyadan o‘tgan) yangi qurilmalar orqali eskiroq seanslarni yakunlash xavfsizlik maqsadida berkitilgan.

📌 P.S.: Har ehtimolga qarshi yuqoridagi ketma-ketlik bo‘yicha kerakli bo‘limga o‘tib, joriy qo‘llanilayotgan seanslaringizdan tashqarida bo‘lgan eskiroq seanslaringizdan chiqib, xavfsizligingizni ta’minlayvering.

Chunki joriy seansga keluvchi kod yoki QR-kodli ulanish orqali yana boshqa qurilmalarga tezkor ulanib olsa bo‘ladi, ikki bosqichli autentifikatsiyani ham faollashtirishni unutmang!

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija

#smartfon #android #game

🤫 Android 10'dagi sirli o‘yinni qanday ochish mumkin?

Mana bir necha yildirki, Google o‘z operatsion tizimining turli versiyalarida sirli panelni yashirib keladi. Ushbu sirli paneldagi o‘yinga Android'ning 10-versiyasida qanday murojaat etish tartibi esa quyidagicha:

1️⃣. “Настройки”ga va undagi “О телефоне” bo‘limiga o‘ting.
2️⃣. So‘ngra “Версия Android” satriga tezkor ravishda bir necha marotaba bosing.
3️⃣. “Android 10” logotipi paydo bo‘ladi. 10 sonini “Q” harfi shaklida joylashtiring.

Logotipdagi “1” raqamini boshqarish uchun, uning ustiga ikki marta bosing, so‘ngra darhol ushlab turing, raqam aylanishni boshlaydi. Barchasini to‘g‘ri amalga oshirganingizni kulrang va oq chiziqlar harakatlanishni boshlaganidan bilib olasiz.

Shundan so‘ng ushbu sirli panelning ikkinchi qismi — Picross o‘yini paydo bo‘ladi. Bu chetda ko‘rsatilgan sonlarga mos tarzda maydondagi katakchalarni to‘ldirish bilan bog‘liq boshqotirmadir (yapon krossvordiga o‘xshab ketadi, ammo kataklarni to‘ldirish qoidasi farqlanadi).

Agar siz undagi jumboqqa yechim topsangiz — katta piksellar ko‘rinishidagi rasm va ostida uning miniatyura ko‘rinishi bilan birga tavsifi paydo bo‘ladi. Tavsif ustiga bosgan paytingizda o‘yinning keyingi bosqichi boshlanadi.

ℹ️ Smartfon rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

#excel

Ikki sana oralig‘ida qancha ishchi kunlari mavjudligini hisoblash 🗓

Xodimlar bo‘limi mutaxassislari, loyiha menejerlari va shunchaki rahbarlarda doimiy yuzaga keladigan masala – sanalar o‘rtasidagi ishchi kunlarini, dam olish kunlari va bayramlarni hisobga olgan holda hisoblashdir.

Buning uchun Excel'da ajoyib funksiya mavjud — ЧИСТРАБДНИ.

Ushbu funksiya atributlari quyidagicha:

=ЧИСТРАБДНИ(нач_дата; кон_дата; [праздники])

— нач дата – (начальная дата) ishchi kunlar hisoblanishi lozim bo‘lgan boshlang‘ich sana;
— кон дата – (конечная дата) ishchi kunlarni hisoblash uchun yakuniy sana.
— [праздники] – majburiy bo‘lmagan atribut.

Agar so‘nggi atributdan foydalanmasangiz, formula shunchaki shanba va yakshanbalarsiz kunlar miqdorini hisoblab beradi.

Agar bayramlar va qo‘shimcha dam olish kunlarini biror yacheyka yoki yacheykalar diapazoniga havola ko‘rinishida ko‘rsatsangiz, u holda rasmiy va norasmiy dam olish kunlarini ham hisobga olish lozimligini ta’kidlab o‘tgan bo‘lasiz.

🎞 Batafsil ma’lumotni post ostiga biriktirilgan video orqali olishingiz mumkin👇🏻.

ℹ️ Qo‘shimcha sifatida tanishish va foydalanish tavsiya etiladi:
• КОНМЕСЯЦА funksiyasi
• РАЗНДАТ funksiyasi
• ЧИСТРАБДНИ.МЕЖД funksiyasi
• Microsoft Excel dasturida sanalar o‘rtasidagi farqni hisoblash
• Oyning 1-kunini haftaning qaysi kuniga to‘g‘ri kelishini aniqlash
• Microsoft Excelda joriy sana uchun hafta kunini aniqlash
• Matn va sanani qanday qilib biriktirib yozish mumkin?
• Excel'da tavallud topgan sanangiz bo‘yicha nimalarni aniqlash mumkin?
• Sananing elementlarini nusxalab Excelga o‘tkazganimizda yuzaga keladigan yana bir muammoning yechimi
• Excel bilan 10 tezkor tryuk
• Excel'da hayotingizni osonlashtiruvchi 10 ta formula
• Ishchi kitoblarida qo‘llash mumkin bo‘lgan tezkor tryuklar
• Microsoft Excel rukni ostidagi qolgan postlarimiz ro‘yxati: 1-qism | 2-qism | 3-qism

👨🏻‍💻@itspecuz | Mundarija

#smartfon #android

👨🏻 Anyface — ovoz va turli effektlarni qo'shish orqali yuzni oddiy animatsiyaga keltirish uchun ilova. Android 7.0+. To'liq versiya.

📎 Anyface Full v1.0.14 mobil ilovasini yuklab olish.

📲 Foydali mobil ilovalar ro‘yxati: 1-qism | 2-qism.

👨🏻‍💻@itspecuz | Mundarija

#telegram

Guruh chatlariga kanal nomidan kirish 🆕

Telegram'ning kelajakdagi yangilanishlaridan birida, kanal adminlarida guruhlarga kanal nomidan ulanish imkoniyati paydo bo'ladi, ushbu ma'lumotni tarjimalar platformasi moderatori tasdiqladi.

Ehtimol, kanal egalari o'zlarining shaxsiy kanallari nomidan postlarga sharhlar yozishlari ham mumkin.

Bu kanal adminining shaxsiy profilini nafaqat kanalga tegishli guruh, balki boshqa guruhlarda ham yashirishga yordam beradi.

Ushbu funksiyaning qachon paydo bo'lishi hozircha noma'lum.

📝 Manba: @tginfo

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija

#surovnoma #hardware

⌨️ O‘zingiz uchun ishlatishga qaysi klaviatura turini ma’qul deb bilasiz?

💿 Tavsiya etiladi: СОЛО на клавиатуре dasturi

📝 Manba: @solonabiraem

👨🏻‍💻@itspecuz | Mundarija

#powerpoint

Shriftlarni tezkor tarzda almashtiramiz! 🚀

Taqdimotni yaratish vaqtida ko‘pincha yuzaga keluvchi muammo — bu bir vaqtning o‘zida bir nechta slaydlarda ma’lum bir shriftni boshqasiga almashtirishdir.

Bunday holatda bizga menyu satrining Главная varaqa (вкладка)sidagi Замена шрифтов buyrug‘i yordam berishi mumkin. Shriftlarni almashtirish oynachasida almashtirilishi kerak bo‘lgan shriftni tanlash va uni aynan qaysi shriftga almashtirishni ko‘rsatib o‘tish mumkin.

Ushbu buyruqning asosiy afzalligi — almashtirish bir vaqtning o‘zida taqdimotning barcha slaydlarida amalga oshiriladi.

🎞 Batafsil ma’lumotni postga biriktirilgan video orqali olishingiz mumkin 👇🏻.

⚠️ Taqdimot tayyorlashda imkon qadar, bizda Microsoft Word dasturida foydalanish bo‘yicha urfga kirgan serifli – Times New Roman shriftidan foydalanmang, chunki uning uzoqroqdan turib o‘qilishi biroz mushkul.

Uning o‘rniga serifsiz – Calibri, Arial, Verdana, Tahoma shriftlaridan birini foydalanish uchun tanlashingiz mumkin, o‘zingiz uchun buni solishtirib, sinab ko‘rishingiz mumkin.

Shunda auditoriyaning ortidan turib taqdimotni kuzatuvchi tinglovchilarda matnni ilg‘ash borasida muammo yuzaga kelmaydi.

ℹ️ Qo‘shimcha sifatida tanishish va foydalanish tavsiya etiladi:
• “Serif” va “Sans-serif” shriftlarining farqi
• Microsoft PowerPoint dasturida qo‘llaniluvchi qaynoq klavishlar ro‘yxati
• Microsoft Word dasturida qo‘llaniluvchi qaynoq klavishlar ro‘yxati
• Microsoft Excel dasturida qo‘llaniluvchi qaynoq klavishlar ro‘yxati
• Microsoft PowerPoint rukni ostidagi barcha postlarimiz ro‘yxati: 1-qism

👨🏻‍💻@itspecuz | Mundarija

#maslahat

🙋🏻‍♂️🙋🏻‍♀️ Xayrli kun, kanalimizning aziz muxlis va muxlisalari!

Khan Academy Oʻzbek jamoasining ta’lim sohasida olib borayotgan mashaqqatli mehnatiga cheksiz hurmatimizni izhor etgan holda, sizning e’tiboringizga ular tomonidan yaratilgan videodarslarining bizning sohamizda kerak bo‘lishi mumkin bo‘lgan Telegram-kanallari ro‘yxatini taqdim etmoqchimiz!

MATEMATIKA:
• Boshlangʻich matematika — @kau_boshlangich_matematika
• Arifmetika — @kau_arifmetika
• Geometriya asoslari — @kau_geometriya_asoslari
• Boshlangʻich algebra — @kau_boshlangich_algebra
• Algebra 1 — @kau_algebra1
• Geometriya — @kau_geometriya
• Algebra 2 — @kau_algebra2
• Trigonometriya — @kau_trigonometriya
• Matematik analiz asoslari — @kau_matanaliz_asoslari
• Differensial tenglamalar — @kau_differensial_tenglamalar
• Chiziqli algebra — @kau_chiziqli_algebra

ANIQ VA TABIIY FANLAR:
• Fizika — @kau_fizika

AXBOROT TEXNOLOGIYALARI:
• Dasturlash — @kau_dasturlash
• Informatika — @kau_informatika

➕ Sohamizga oid bo‘lmagan (balki qaysidir ma’noda oid bo‘lishi ham mumkin bo‘lgan) kanallarni esa @kau_kurslar kanaliga o‘tgan holda ko‘rishingiz, obuna bo‘lib kuzatib borishingiz mumkin.

Aziz do‘stlar, ushbu imkoniyatlarning barchasi yurtimiz yoshlariga o‘quv dargohlarida olayotgan bilimlariga qo‘shimcha ravishda, jahon standartlariga mos qo‘shimcha bilim bo‘lishi uchun taqdim etilmoqda, Khan Academy Oʻzbek jamoasining faoliyati yurishishi uchun qanchadan-qancha ko‘ngillilar yordam qo‘lini cho‘zmoqda.

Shunday ekan, sizlardan ham ushbu resurslar mavjudligini yaqinlaringizga yetkazishni, ushbu postni imkon qadar sifatli ta’limning qadriga yetuvchi insonlarga yetib borishida qo‘llab-quvvatlashingizni so‘rab qolamiz! 🤝

Khan Academy Oʻzbek jamoasiga yana bir bor cheksiz hurmatimizni izhor etgan holda, jamoaga qo‘shilish imkoniyati bo‘lsa, bundan faqat va faqat xursand bo‘lishimizni bildirib qolamiz! 🤲

👨🏻‍💻@itspecuz

Reklama emas

#telegram

Mualliflik huquqi bilan himoyalangan filmlar, qo‘shiqlar, multfilmlar, kitoblar va boshqa kontentlarni ulashuvchi kanallarni rasmda ko‘rsatilgan holat kutmoqda.

Telegram o‘z tarkibiga o‘g‘irlangan kontentni olgan deyarli barcha postlarni, hattoki ular reklama tarkibida berilayotgan bo‘lsa ham, avtomatik ravishda o‘chiradi.

Siz ham bundan ogoh bo‘ling va shunga ko‘ra ish tuting.

📝 Manba: @raskruti

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija