#operatsion_tizim #rasm_bilan_ishlash #internet #word #maslahat

Muayyan shrift nomini qanday aniqlash mumkin? 🤔

Agar siz ko‘pincha grafika, matnlar bilan ishlasangiz yoki saytlar yaratsangiz, u holda chiroyli shriftlar yordamiga tayanishingiz aniq. Internetda bepul yoki pullik shriftlarni yuklab olish uchun saytlar ko‘p.

Ammo ba’zida shunday vaziyat bo‘ladiki, internetda turli resurslarga murojaat etish chog‘ida, masalan, biror matn sarlavhasi shriftiga ahamiyat berasiz va ichingizda: “Menga aynan shu shrift kerak edi”, deysiz. Xo‘sh, uning nomini qanday aniqlash mumkin?

Buning uchun brauzerlar (Chrome, Safari, Firefox) uchun maxsus kengaytma – Fonts Ninja'dan foydalanishni tavsiya etamiz. Ishlash tartibi juda sodda, o‘rnatilganidan so‘ng plaginni faollashtirish va kursorni matn ustiga olib borishning o‘zi yetarlidir. Izlanayotgan shrift sizga mos kelish-kelmasligini aniqlash uchun, o‘sha shrift ko‘rinishidagi biror jumlani kiritish, o‘lchami va harflar o‘rtasidagi intervalni o‘zgartirish imkonini beruvchi maydon ham mavjud.

ℹ️ Qo‘shimcha sifatida o‘qish va foydalanish tavsiya etiladi:
• Microsoft Word’da qoida bo‘yicha o‘rnatilgan shriftni o‘zgartirish
• Microsoft Word dasturida amalga oshirish tavsiya etiluvchi dastlabki sozlamalar
• Microsoft Word'da qo‘llanilgan nostandart shriftni hujjatga biriktirish
• Microsoft Word dasturida shrift o‘lchami qanday o‘lchov birligida o‘rnatiladi?
• Microsoft Word dasturida matn bilan ishlash bo‘yicha foydali maslahat (Shift + Enter, Ctrl + Shift + Probel) + video
• Microsoft Word dasturida matn ostiga chiziq chizish bo‘yicha foydali maslahatlar
• Microsoft Word'da so‘nggi qo‘llangan funksiyani qayta qo‘llash
• Calibri shrifti soxta hujjatlarni aniqlashda yordam berdi
• Windows’da shriftni kattalashtirish
• Kompyuterda ishlashda deyarli barcha yo‘l qo‘yadigan 8 xato
• Telegram Desktop dasturida matnni formatlash uchun klaviatura kombinatsiyalari
• Operatsion tizim rukni ostidagi barcha postlar: 1-qism | 2-qism | 3-qism | 4-qism | 5-qism | 6-qism
• Internet rukni ostidagi barcha postlar: 1-qism | 2-qism | 3-qism | 4-qism
• Microsoft Word rukni ostidagi barcha postlar: 1-qism | 2-qism | 3-qism

👨🏻‍💻@itspecuz | Mundarija

#mulohaza_uchun

QANDAY QILIB BAXTLI YASHASH MUMKIN? 🤔

Zamonaviy yoshlar o‘rtasida o‘tkazilgan so‘rov ularning aksariyati pul va mashhurlikni baxtiyor hayotning asosi deb hisoblashlarini ko‘rsatmoqda. Harvard universiteti tadqiqotchilari tomonidan o‘tkazilgan izlanishlar inson yoshligi o‘tgani sayin mol-davlat uning baxti uchun ahamiyat kasb etmasligini aniqlashdi. Ma’lum bo‘lishicha, insonning turmush o‘rtog‘i bilan mustahkam munosabati, oilasidagi o‘z o‘rni va do‘stlari bilan aloqalari baxtiyor hayotning muhim omillari ekan.

Muqaddas islom dinida ham insonning baxti uch omilga bog‘liqligi, ulardan biri uning ahli ayoli ekani alohida ta’kidlangan.

Izlanishlar davomida ma’lum bo‘lishicha, inson hayotiga keksaygani sayin ikki omil juda salbiy ta’sir ko‘rsatar ekan. Bulardan biri tamaki chekish bo‘lsa, ikkinchisi spirtli ichimliklar iste’moli deyiladi.

Boisi tamaki chekish insonda juda ko‘plab kasalliklarning paydo bo‘lishiga, xususan, insonning o‘ziga bo‘lgan ishonchini mustahkamlab turuvchi jinsiy hayotining nosog‘lomlashuviga olib kelsa, spirtli ichimliklar uning tushkunlikka bo‘lgan moyilligini oshiradi. Ayniqsa, o‘rta yoshda yuzaga kelgan oilalar buzilishi o‘rganilganida, erkaklarning spirtli ichimliklar iste’moliga mukkasidan ketishi nikoh buzilishining bosh omili ekanligi aniqlangan.

Shu bilan birga, mustahkam rishtalar bog‘langan oilada er va xotinning davriy kasallik, ruhiy va xotira pasayishi kabi xastaliklardan himoyalanganlik darajasi yuqori bo‘lishi aniqlangan.

Qolaversa, oilada baxtli bo‘lgan erkaklarning yuqori salohiyatli kishilardan ham farovon yashashi, hayotda chinakamiga baxtli bo‘lishi aniqlangan.

Tadqiqot xulosalari shuni ko‘rsatmoqdaki, nafaqaga chiqqan insonlarning ijtimoiy hayotda faol bo‘lishi, do‘stlari bilan bordi-keldi qilishi, jamiyat bilan aloqalari mustahkam bo‘lishi ularning uzoq va sog‘lom hayot kechirishining asosi ekan.

📝 Manba: Shuhrat Sattorovning “Biz g‘alaba qozonamiz: muvaffaqiyat va munosib hayot sirlari” kitobi

“Kim neni izlasa, topgay begumon ...”

📖 Kanaldagi ushbu kitob bo‘yicha shu kunga qadar ulashilgan mavzulardan iborat mundarija ushbu postimizda.

👨🏻‍💻@itspecuz | Mundarija

#mulohaza_uchun #internet #telegram

Ortga nazar: emojilarning matnli shakllarini yodga olamiz! 🥳

Yaqin yillar ichida chatlarda emoji yoki smayliklardan foydalanish keng ommalashdi. Telegram va WhatsApp kabi messenjerlarning bunda ahamiyati katta. Ayniqsa, animatsion stikerlarning chiqarilgani so‘zlashuv davomida emotsiyalarni yorqinroq ifodalash imkonini yaratdi.

Hozirgi emojilar rasm ko‘rinishida, biroq ilgarilari smayliklar matn ko‘rinishida bo‘lgan. Quyida mana shu (deyarli unutilgan) matnli emojilar ro‘yxatini keltirib o‘tamiz:

~:0 — chaqaloq
O:-) — farishta
\:D/ — raqs
:ʼ( — yig‘lash
:_( — yig‘lash
O.o — zo‘r
*<:o) — masqaraboz
=^.^= — mushuk
</3 — singan qalb
(*v*) — qush
:-D — katta tabassum
(.V.) — o‘zga sayyoralik
8-) — ko‘zoynak
*-* — hayron qolish
:o3 — kuchuk
:*) — mast
>:) — yovuz kulish
<>< — baliq
:-( — qovoq solish
:( — qovoq solish
:-P — g‘azablangan
=P — g‘azablangan
X-( — g‘azablangan
:-* — o‘pich
:-)* — o‘pich
(-}{-) — o‘pich
:* — o’pich
$_$ — ochko’z
:-> — kulgi
=) — xursand
:-) — xursand
:) — xursand
<3 — yurak
{} — quchoqlash
:-| — “Menga farqi yo’q”
X-P — hazil
^_^ — juda xursand
=D — baland ovozda kulish
(-: — kulish
:-) — kulish
:) — kulish
XD — kulish
<:3)~ — sichqon
~,~ — uxlash
:-)(-: — “Turmush qurganman”
)-: — xafa yuz
=/ — g‘azablangan
=8) — cho‘chqa
8-# — zombi
:-E — vampir
@~)~~~~ — atirgul
=( — xafa
:-( — xafa
:( — xafa
:-Q — chekish
:P — tilni chiqarish
=D — juda xursand
;-) — ko‘z qisish
;) — ko‘z qisish
|-O — esnash

📝 Mirzoxidbek @terabaytuz

✅ Kanalimizdagi bundan ilgari ulashilgan Telegram emodzilari haqidagi postlar bilan tanishing:
1️⃣ | 2️⃣ | 3️⃣ | 4️⃣ | 5️⃣ | 6️⃣ | 7️⃣ | 8️⃣ | 9️⃣ | 🔟 | 11 | 12 | 13

👨🏻‍💻@itspecuz | Mundarija

#smartfon #android #game

🕹 Geometry Dash — eski, barchaga yaxshi ma’lum bo‘lgan arkada, yanada ko‘proq bosqichlar, yangi musiqa va mahluqlar. Android 4.0+. Barchasi blokdan chiqarilgan.

📎 Geometry Dash v2.2.142 mobil o‘yinini yuklab olish.

ℹ️ Qo‘shimcha sifatida o‘qish va foydalanish tavsiya etiladi:
• Angry Birds mobil o‘yini
• Subway Surfers mobil o‘yini
• O‘yin haqida IT-hazil
• Tap Tap Dash mobil o‘yini
• Numpuz mobil o‘yini
• O‘yinlar haqida mulohazaga chorlovchi post
• Windows 10’da o‘yin rejimi qanday faollashtiriladi?
• Ko'paytirish jadvali mobil ilovasi
• Google Chrome’dagi dinozavrcha keltirilgan o‘yinda to‘siqlar bo‘ylab o‘tish
• Qarshi oling: Grasshopper – JavaScript’da dasturlashni o‘rgatuvchi bepul o‘yin!
• Bolalarni dasturlashga o‘rgatuvchi eng yaxshi 9 o‘yin
• Ingliz tilini o‘rganish uchun 5 o‘yin
• Android’da o‘yinlardagi grafika sifatini oshirish
• Foydali mobil ilovalar ro‘yxati: 1-qism | 2-qism

👨🏻‍💻@itspecuz | Mundarija

#telegram

Mana necha yildirki, ketma-ket 31-dekabr kuni Telegram Android'da bayromona animatsiya qo‘llanilib keladi.

Telegram'dagi shapkachaning ustiga bir marta bosganingizda qor ❄️ yog‘ishni boshlaydi, ikki marta bosganingizda esa mushaklar (salyut) 🎇 otilib chiqadi.

ℹ️ Telegram ilovasi haqida foydali maslahatlar mundarijasi keltirilgan postlarimiz bilan tanishing: 1-post | 2-post

👨🏻‍💻@itspecuz | Mundarija

#maslahat #mulohaza_uchun

⚡️ Yangi start!

Har yili Yangi yilda o‘zimizga “yangi” hayotni boshlashga va’da beramiz. Buning o‘rniga esa har yili biz “eski”si bilan yashashni davom ettiramiz. Chunki har yili, kurantlar bong urgan chog‘da, biz eski yil bilan xayrlashamiz, yangisidan esa bizning o‘rnimizga barchasini hal etuvchi sehrli tayoqchani kutib qolamiz. Lekin yangi yil bayrami bilan birga sehr ham tarqalib ketadi, oddiy kunlar qaytadi, ularda esa nimagadir erishish uchun nimadir qilish lozim bo‘ladi. Buning uchun esa...

🎯 Yangi yilga reja tuzib qo‘yish lozim – bu orzularning aynan haqiqatga aylanishiga ko‘mak beradi. Har bir “xohlayman”ga “qanday qilib?”ni o‘ylab toping. Mavhum fikrlash bilan ko‘p narsalar amalga oshmaydigandek tuyuladi. Lekin aniqroq fikrlashni boshlaganimizda, maqsadga erishish yo‘li qanchalik qisqa va sodda ekanligi ma’lum bo‘lib qoladi.

😱 Internet-syorfing va ijtimoiy tarmoqlarni cheklash lozim. Internet allaqachon biz uchun muhim ma’lumotlar manbai va qulay aloqa vositasiga aylanib ulgurgan, biroq rasmlarga ko‘r-ko‘rona layk bosish va tasma bo‘yicha siljishga kuniga qancha vaqtingizni sarflaysiz? Internet-syorfing ba’zida navbatda turganimizda yoki transportda ketayotganimizda vaqtni “o‘ldirishga”, yoki shunchaki “ishdan chiqqan paytimizda” biroz o‘zimizga kelib olishimizga yordam beradi. Lekin ko‘pincha bu shunchaki qimmatbaho vaqtimizni o‘girlovchi mahluqdir. Ushbu mahluqni esa har birimiz jilovlay olishimiz lozim.

🕯 Yangi yil haqida nimalar yozishmasin va gapirishmasin, uni qanchalar sehrli xususiyatlar bilan bezatishmasin, munajjimlar qanchalik bashorat qilishmasin - bu shunchaki taqvimiy hisob, vaqtni belgilash usulidir. 31-dekabrdan 1-yanvarga o‘tar tun esa 5-dan 6-martga o‘tar tun bilan bir xil, u hayotimizda hech nimani o‘zgartirmaydi. Bizsiz hech nimani o‘zgartirmaydi. Biz esa “bugun”imizda yashaymiz. Buguningizni esa hozirning o‘zidayoq yaratishni boshlang.

Yangi yilingiz qutlug‘ bo‘lsin azizlar!

Biz bilan birga bo‘ling, kanalimizdan uzoqlashmang!

👨🏻‍💻 IT specialist va @uzabt kanali ma’muriyati

#mulohaza_uchun #maslahat

Har kuni kitob o‘qish uchun 9 sabab + sovg‘a! 📚

1. Miyaning qarishini sekinlashtirish;
2. Ishdan so‘ng hordiq chiqarish;
3. Lug‘aviy boylikni oshirish;
4. Tezroq fikrlashni boshlash;
5. Tahlil qilish va diqqatni bir joyga jamlashni o‘rganish;
6. Uyquni yaxshilash;
7. Ilhomlanish;
8. Vaqtichog‘lik qilish;
9. Chet tilini o‘rganish.

Bu borada Alimoff Team barcha uchun yangi yil sovg‘asini tayyorlabdi!

Jamoa Uolter Ayzeksonning xalqaro bestseller bo‘lgan “Innovatorlar: Bir guruh daholar, xakerlar va giklar qanday qilib raqamli inqilobni amalga oshirdilar“ nomli kitobini ilk bora o‘zbek tiliga o‘girdi.

Stiv Jobs haqidagi kitobidan keyin Uolter Ayzekson, kompyuterlar va Internetni yaratgan odamlar haqida hozirda tarjima qilinib ommaga ilk bora taqdim etilayotgan ajoyib kitobni yozgan. Bu raqamli inqilobning turli bosqichlari va orzularga qanday erishish haqidagi hikoya. Kitob XIX asrning qirqinchi yillaridan boshlab, kompyuterda dasturlash tamoyillarini birinchi bo‘lib topgan ayol – Ada Lavleys bilan boshlanadi.

Buyuk raqamli inqilobchilar haqida so‘zlaydigan ushbu kitob, yoshlarimizga juda katta motivatsiya bo‘lib, kasb tanlashda yo‘l chirog‘i bo‘lib xizmat qilishiga ishonamiz.

Bu ishlarni jamoa xolis amalga oshirib kelmoqda. Bundan hech qanday tijoriy maqsad ko‘zlanmagan.

📥 Kitobni PDF va EPUB formatlarida yuklab olishingiz mumkin.

📌 P.S.: Kitob kanalimiz mavzusiga yaqin bo‘lganligi uchun, biz ham kanalimiz muxlislari bilan ushbu ajoyib kitobni bo‘lishishga qaror qildik. Marhamat, mutolaa qiling, do‘stlaringiz bilan baham ko‘ring, asosiysi, kirib kelgan yangi 2021-yilda doim salomat bo‘ling! 😉

👨🏻‍💻@itspecuz | Mundarija

💟 Grafik dizaynni video darslar va amaliy mashqlar orqali o‘rganmoqchi bo‘lganlar uchun maxsus kanal: ➡️ t.me/sociallyuz

#mulohaza_uchun #operatsion_tizim #IT_humor

Ushbu uy egasi Microsoft korporatsiyasiga tegishli, 1985-yilda yaratilib, ushbu kunga qadar yangilanib kelayotgan operatsion tizimning ashaddiy muxlisi ko‘rinadi... 🙄

👨🏻‍💻@itspecuz | Mundarija

#operatsion_tizim

Windows 10'da “Выполнить” oynasi uchun buyruqlar (1-qism) 🛠

Tizimning turli yordamchi va amaliy dasturlarini tezkor tarzda ishga tushirish uchun xizmat qiluvchi Выполнить oynasini biz WIN + R klavishlari birikmasi yordamida ekranga chaqiramiz.

📝 O‘QING: WIN (Windows) tugmasi qaysi?

Masalan, Редактор реестра (Reyestr muharriri)ni ishga tushirish uchun biz regedit, Сведения о системе (Tizim haqida ma’lumotlar)ni ishga tushirish uchun esa – msinfo32 buyrug‘idan foydalanamiz.

Jami 3 qismdan iborat postlarimiz orqali Выполнить oynasi uchun asosiy buyruqlar ro‘yxati bilan yaqindan tanishamiz.

1️⃣. Tizim yordamchi dasturlari va u bilan birga keluvchi ba’zi dasturlarni ishga tushirish uchun buyruqlar:

❗️ Ushbu buyruqlarni .exe qo‘shimchasisiz ham kiritishingiz mumkin.

• explorer.exe – bir qarashda ushbu buyruq foydalidek tuyulmaydi: u shunchaki Проводник oynasini ekranga chaqiradi, lekin bu muammosiz ishlayotgan tizim uchun shunday. Aytaylik, siz tizimni ishga tushirayotib, “qora ekran” va “sichqoncha ko‘rsatkichi” holatiga duch kelib qolsangiz, ushbu buyruq boshqacha tarzda ishlash ehtimolligi bor: u ishchi stoli, vazifalar paneli va Windows'ning odatiy boshqa elementlarini ishga tushiradi (bu payt CTRL + SHIFT + ESC klavishlari birikmasi yordamida Диспетчер задач oynasi ishga tushiriladi va unda Файл -> Новая задача (Выполнить...) bandlari orqali Выполнить oynasi chaqiriladi).

• msconfig.exe – buyrug‘i yordamida biz har tomonlama foydali bo‘lgan Конфигурация системы oynasini ekranga chaqiramiz. Ushbu oyna yordamida biz: turli parametrlar bilan xavfsiz rejim (Безопасный режим)ni faollashtirishimiz yoki Windows 10'ning odatiy yuklanishini amalga oshirishimiz; yuklanishdan keraksiz operatsion tizimlarni olib tashlashimiz; Сервис varaqa (вкладка)sida tizim bilan birga keluvchi diagnostika dasturlarini ishga tushirishimiz mumkin.

• control.exe – buyrug‘i Windows'ning Панель управления oynasini ekranga chaqiradi.

• msinfo32.exe – buyrug‘i yordamida biz Сведения о системе oynasini ekranga chaqiramiz. Ushbu oynada kompyuteringizning apparat va dasturiy komponentlari haqida: asosiy plataning modeli, MAC-manzil, operativ (tezkor) xotira hajmi, protsessor yadrolari soni, Windows 10'ning versiyasi va razryadi (arxitekturasi) kabi ma’lumotlarni olishimiz mumkin.

• cleanmgr.exe – buyrug‘i tizim bilan birga keluvchi Очистка диска Windows yordamchi dasturini ishga tushiradi. Ushbu dastur keraksiz vaqtinchalik fayllar, Очистить системные файлы tugmasi bosilganida esa — hajmi ba’zida gigabaytlardan ham oshuvchi, qo‘llanilmayotgan tizim fayllarini o‘chirish uchun mo‘ljallangan.

• mstsc.exe – Подключение к удаленному рабочему столу oynasini ekranga chaqiradi.

• sdclt.exe – buyrug‘i tizimni tiklash diskini yaratish, fayllarning tarixini sozlash, tizimning rezerv nusxasini yaratish imkonini beruvchi Windows 10'ni rezerv nusxalash va tiklash parametrlari oynasini ishga tushiradi.

• mmc.exe – Консоль управления (MMC) oynasini ishga tushiradi — bu, birinchi navbatda tizim administratorlari uchun tizimning apparat va dasturiy komponentlari holatini boshqarish va monitoring qilishga mo‘ljallangan Microsoft'ga va boshqa ishlab chiqaruvchilarga tegishli ulanadigan platformalar bilan ishlash uchun vositadir.

• resmon.exe – buyrug‘i tizim resurslarining samaradorligi va iste’molini tahlil qilish uchun qulay bo‘lishi mumkin bo‘lgan, tizim bilan birga keluvchi Монитор ресурсов yordamchi dasturini ekranga chaqirish uchun xizmat qiladi.

🔽 Ushbu postning 2-qismi | 3-qismi

ℹ️ Qo‘shimcha sifatida tanishish va foydalanish tavsiya etiladi:
• Win+R yordamida ishga tushiriladigan komandalar
• Operatsion tizim rukni ostidagi barcha postlar: 1-qism | 2-qism | 3-qism | 4-qism | 5-qism | 6-qism

👨🏻‍💻@itspecuz | Mundarija

#bilasizmi

👩‍⚕️👩‍🏫 2021-yilda eng talab yuqori bo‘lgan kasblar ro‘yxati:

• Turli sohalar bo‘yicha tahlilchilar;
• Muhandislar va arxitektorlar;
• Savdo bo‘yicha mutaxassislar;
• Tibbiyot mutaxassislari;
• Korxonalarni boshqarish bo‘yicha maslahatchilar;
• Dasturchilar va ishlab chiqaruvchilar;
• Sanoat dizaynerlari;
• O‘qituvchilar, murabbiylar, repetitorlar, trenerlar.

📌 P.S.: Xo‘sh, sizning kelajakda egallamoqchi bo‘lgan sohangiz shularning orasida bormi?

👨🏻‍💻@itspecuz | Mundarija

#ict_news #internet #security

Adobe Flash rasmiy ravishda “iste’foga chiqdi”. Kompaniya xavfsizlik bilan bog‘liq muammolar bois 1996 yilda chiqqan plaginini qo‘llab-quvvatlashni to‘xtatdi.

Adobe plagin uchun ortiq yangilanishlar taklif qilmaydi va insonlarni uni o‘chirib tashlashga chorlamoqda. Shuningdek Flash o‘yinlar va videolarni qo‘llab-quvvatlashni 12-yanvardan boshlab to‘xtatadi.

📌 P.S.: 24 yil bizga hamrohlik qilib kelgan brauzerlarga qo‘shimcha sifatida ishlatilgan ushbu ajoyib plagin bilan xayrlashamiz 😢 va Adobe kompaniyasidan yaxshi yangiliklarni kutib qolamiz! ✊🏻

ℹ️ Qo‘shimcha sifatida o‘qish va foydalanish tavsiya etiladi:
• Adobe kompaniyasining barcha dasturlari bilan tanishamiz!

👨🏻‍💻@itspecuz | Mundarija

#operatsion_tizim

Windows 10'da “Выполнить” oynasi uchun buyruqlar (2-qism) 🛠

🔼 Ushbu postning 1-qismi

• regedit.exe – juda ko‘p marotaba esga olinuvchi buyruq, Редактор реестра oynasini ishga tushiradi, u tizimning “juda nozik”, foydalanuvchidan o‘ta ehtiyotkorlikni talab etuvchi sozlamalarini amalga oshirish uchun xizmat qiladi. Uni boshqarishni yaxshi tushunib olish orqali tizimni o‘zingiz uchun qulay holda sozlash va uning ishlash tezligini ancha oshirishingiz mumkin.

• perfmon.exe – tizim samaradorligini kuzatish vositalarini o‘z ichiga oluvchi Системный монитор yordamchi dasturini ishga tushiradi. Shuningdek u, tizim barqarorligi monitorini o‘z ichiga oladi.

• mrt.exe – buyrug‘i tizim bilan birga keluvchi Средство удаления вредоносных программ Microsoft Windows yordamchi dasturini ishga tushiradi, uning tizimda mavjudligini ko‘pchilik bilmasligi ham mumkin (Защитник Windows bilan adashtirmang). U har oy yangilanadi va kompyuterga tahdid solishi mumkin bo‘lgan holatlarni tekshirish uchun birlamchi vosita sifatida xizmat qilishi mumkin.

• winver.exe — o‘rnatilgan Windows'ning versiyasi, nashri va yig‘ilishi (сборка) haqida ma’lumot beruvchi oynani ekranga chaqiradi.

• calc.exe — tizim bilan birga keluvchi Калькулятор dasturini ishga tushiradi.

• charmap.exe — foydalanuvchiga klaviaturada uchramaydigan, qo‘shimcha belgi (simvol)lardan foydalanish imkonini beruvchi Таблица символов yordamchi dasturini ishga tushiradi.

• osk.exe — sichqoncha yordamida boshqariluvchi ekran klaviaturasini ishga tushiradi.

• taskmgr.exe — Windows'da ishlab turgan jarayonlar, xizmatlar, avtoyuklanishda turgan dasturlar, protsessor, operativ xotira, disklar, tarmoqning ishlash ko‘rsatkichini o‘zida aks ettiruvchi oynasi ishga tushiradi.

• dxdiag.exe — tizim, kompyuterning grafik va ovoz komponentlari parametrlari va imkoniyatlari haqidagi ma’lumotlarni o‘zida aks ettiruvchi, DirectX diagnostika uchun yordamchi dasturini ishga tushiradi.

• shutdown.exe — kompyuterni o‘chirish, qayta yuklash va boshqa vazifalar uchun buyruq, masalan, shutdown /o /r /t 0 buyrug‘i kompyuterni tiklash muhitida qayta yuklash uchun xizmat qiladi.

2️⃣. Boshqaruv paneli (Панель управления) va boshqaruv konsoli (Консоль управления)larga tegishli elementlarini ishga tushirish buyruqlari:

• compmgmt.msc — buyrug‘i kompyuterni boshqarish elementlari (tizim yordamchi dasturlari)ni taqdim etuvchi oynani ochadi. Ularning barchasini alohida ochish ham mumkin, albatta, biroq kimgadir aynan shunday interfeys ma’qul kelishi mumkin.

• devmgmt.msc — Kompyuterga ichki va tashqi ulangan qurilmalar dispetcheri (Диспетчер устройств).

• diskmgmt.msc — Windows disklarini boshqarish (Управление дисками). (Qattiq) diskni bo‘lim (раздел)larga bo‘lish va disklar bilan ishlashdagi boshqa maqsadlar uchun qo‘llanishi mumkin.

• eventvwr.msc — Windows hodisalarini kuzatish (Просмотр событий). Nosozliklar yuz berganda tizimning xatti-harakatlarini tahlil qilish, xatoliklar sabablarini aniqlashga imkon beradi.

• services.msc — buyrug‘i Xizmatlar (Службы) oynasini ishga tushiradi, u orqali Windows'dagi ishlab turgan xizmatlarning joriy holatini ko‘rish, ularni ishga tushirish yoki to‘xtatish, ishga tushirish turini o‘zgartirish mumkin.

🔽 Ushbu postning 3-qismi

ℹ️ Kanalimizdagi ushbu rukn ostida joylashtirilgan postlar bilan tanishing:
• Win+R yordamida ishga tushiriladigan komandalar
• Operatsion tizim rukni ostidagi postlar: 1-qism | 2-qism | 3-qism | 4-qism | 5-qism | 6-qism

👨🏻‍💻@itspecuz | Mundarija

#bilasizmi #mulohaza_uchun #operatsion_tizim #software #smartfon #android #iOS

O‘rganish uchun Top-7 mobil ilovalar ro‘yxati 📖

📌 1. Timetable (Android uchun)
📌 2. Evernote (iOS, Windows Phone va Android uchun)
📌 3. FBReader (Windows, Android va boshq.)
📌 4. MyScript Calculator (Android va iOS uchun)
📌 5. Duolingo (Android va iOS uchun)
📌 6. Wikipedia Mobile (Android, Windows Phone, iOS uchun)
📌 7. Words (Android va iOS uchun)

📥 Ilovalarni App Store va Play Market'lardan izlab ko‘ring va yuklab oling 😉

ℹ️ Qo‘shimcha sifatida o‘qish va foydalanish tavsiya etiladi:
• Ingliz tili bo‘yicha maslahatlar, dasturlar va mobil ilovalar
• Foydali mobil ilovalar ro‘yxati: 1-qism | 2-qism

👨🏻‍💻@itspecuz | Mundarija