#ict_news #telegram

TON Nima edi va nima uchun to‘xtatildi? 🤔

“Oxirgi 2,5 yildan buyon bizning ba’zi eng zo‘r muhandislarimiz TON nomli keyingi avlod blokcheyn-platformasi va biz Gram deb nomlamoqchi bo‘lgan kriptovalyuta ustida ishlab kelmoqda edi. TON bu Bitcoin va Ethereum tomonidan peshqadamlik qilinib kelinayotgan markazlashmaganlik prinsplarini ulashish, tezlik va qamrov doirasida ulardan g‘oyat ustun kelishi uchun loyihalanayotgan edi. Natijadan juda mag‘rur edik - biz yaratgan texnologiya g‘oya va qiymati baland narsalarni ochiq, bepul va markazlashmagan ayirboshlovini amalga oshirishga imkon berar edi. Telegram bilan integrasiya qilinganida, TON odamlarning ma’lumot va mablag‘larni saqlashi va ayirboshlashi masalasida inqilob qilish salohiyatiga ega edi.

Afsuski, Amerika sudi TONni amalga oshishidan to‘xtatib qoldi. Qanday deysizmi? Tasavvur qiling, bir qancha odamlar o‘rtaga pul tashlab, oltin koni qurishga va keyinchalik undan olinadigan oltinni bo‘lishishga kirishishdi. Keyin kon quruvchilari yoniga sudya kelib, “Daromad maqsadida oltin koniga ko‘p odamlar sarmoya kiritdi. Va ular oltinni o‘zlariga xohlamay, uni boshqa odamlarga sotishni xohlashadi. Shu sababdan sizlarni ularga oltin berishingiz mumkin emas.”

Agar bu siz uchun tushunarsiz bo‘lsa, yolg‘iz emassiz - TON (oltin koni) va uning sarmoyadorlari va Gram(oltin)lar bilan ham xuddi shunday bo‘ldi. Sudya shu sababni pesh qilib, odamlar Bitcoin sotib yoki sotib olganidek Gramlarni sotishi yoki sotib ololmasligini ta’kidladi.

Yanada tushunarsiz jihati esa, AQSh sudi Gramlar faqatgina Amerika hududida emas, balki butun dunyo bo‘yicha ta’qiqlanishini ta’kidlab o‘tdi. Nega deysizmi? Chunki, uning aytishicha, TON platformasi ishga tushganidan so‘ng amerika fuqarolari unga ulanishning yo‘lini topishlari mumkin ekan. Shuni oldini olish maqsadida Gramlarning dunyoning hech bir burchagida ishlab chiqarilishiga yo‘l qo‘yilmaydi, hatto boshqa davlatlarni TONga qarshiliklari bo‘lmasa ham.

Sud qarori shuningdek, boshqa davlatlar o‘z fuqarolari uchun nima yaxshiyu, nima yomon ekanini hal qilishga qaror qila olmasligiga sha’ma qiladi. Agar AQSh to‘satdan qahvani ta’qiqlamoqchi bo‘lsa va biror amerikalik borishi mumkin, deya Italiyadagi qahva do‘konlarini yopishni talab qilsa, bunga birov rozi bo‘lmasligi tabiiy.

Shunga qaramay, TONni davom ettirmaslik haqidagi og‘ir qarorga keldik.

Afsuski, AQSh sudi bir masalada haq edi: biz, Amerika tashqarisidagi odamlar, o‘z prezidentimizga ovoz bera olamiz, parlamentimizni saylay olamiz, lekin baribir moliya va texnologiya masalalarida Amerikaga qarammiz (yaxshiki, qahva masalasida emas). AQSh o‘zining dollar va global moliyaviy tizim ustidan nazoratidan foydalanib, istalgan bank yoki bank hisobini to‘xtatib qo‘yishi mumkin. U Apple va Google ustidan hukmronligidan foydalanib, dasturlarni App Store va Google Playdan o‘chirib tashlashni talab qilishi mumkin. Shunday ekan, ha, boshqa davlatlar o‘z hududida nimaga erkinlik berishlari to‘liq o‘zlariga bog‘liq emas. Baxtga qarshi, boshqa joyda yashaydigan dunyo aholisining 96 foizi qolgan 4 foiz odamlar tomonidan saylanadigan odamning qarorlariga qaram bo‘lib qolgan. Balki bu kelajakda o‘zgarar. Lekin bugun biz shafqatsiz girdob ichida qolganmiz: haddan tashqari markazlashgan dunyoning muvozanatini aynan o‘sha haddan ortiq markazlashganligi sabab o‘zgartira olmaymiz. Shunga qaramay, biz harakat qildik. Biz buni keyingi avlod dasturchilari bizning xatolarimizdan xulosa qilishlari uchun qoldirmoqdamiz.

Men bu postni Telegramning TONdagi ishtiroki rasman yakunlanganini e’lon qilish uchun yozyapman. Balki ayrim saytlar meni nomim yoki Telegram brendi yoki TON abbreviasiyalaridan o‘z proyektlarini rivojlantirish maqsadida foydalanishlariga ko‘zingiz tushar, balki tushgandir ham. Ularga pulingiz yoki ma’lumotlaringizni ishonib topshirmang. Jamoamizning na hozirgi va na sobiq a’zolari bunday loyihalarga aloqador emas. Biz TON uchun yaratgan texnologiyaga asoslangan tarmoqlar ishga tushishi mumkinligini hisobga olib, ularga aloqamiz bo‘lmasligini va ularni qo‘llab-quvvatlash fikridan yiroq ekanimizni aytib o‘tmoqchiman. Shunday ekan, ehtiyot bo‘ling, sizni aldashlariga yo‘l qo‘ymang.

Bu post yakunida markazlashmaganlik, dunyodagi muvozanat va tenglikka talpinadigan barchaga omad tilamoqchiman. Sizlar to‘g‘ri kurash olib bormoqdasizlar. Bu kurash bizning avlod uchun eng muhim jang bo‘lib qolishi ham mumkin. Umid qilamanki, biz yiqilgan joydan sizlar o‘ta olasizlar.”

📝 Pavel Durov

👨🏻‍💻@itspecuz

#mulohaza_uchun

Kodda breakpoints’ni qo‘shishni unutganingizda…

👨🏻‍💻@itspecuz

#excel #word

Tezroq ishlash uchun “Автозамена”dan foydalaning! 🔄

Bu doimiy tarzda bir xil ma’lumotlarni kiritadiganlar uchun foydali.

Masalan, xodimlarning ismi o‘rniga bosh harflarni kiritish kifoya qiladi va Excel yoki Word ularni to‘liq ismlari bilan mustaqil ravishda o‘zgartiradi.

Buning uchun quyidagi tartibda o‘tish kerak bo‘ladi: Файл → Параметры → Правописание → Параметры автозамены...

👨🏻‍💻@itspecuz | Mundarija

#maslahat #smartfon #android #it_darslar

IT ONLINE - KELAJAKKA INTILIB! 📲

XXI asrga kelib, smartfonlar orqali ta’lim olish uchun yangi imkoniyatlar yaratilmoqda. Bu imkoniyatlar har kuni yangi bilimlarni kashf etilishiga zamin yaratmoqda.

Axborot texnologiyalarining barcha sohalari uchun o‘zbek tilidagi ma’lumotlar juda kamligi va boshqa omillarni hisobga olib O‘zbekistonda kelajak kasblarini smartfonda o‘rganishingiz, bilimingizni oshirish hamda yangi imkoniyatlarni kashf etishingizga imkon beruvchi IT online mobil ilovasini taqdim etamiz.

Ushbu ilovada axborot texnologiyalarning barcha soha va yo‘nalishlari bo‘yicha har kuni yangi darslar, videolar, maslahatlar va IT sohasi bo‘yicha o‘zbek tilidagi manbalar joylashtirilib boriladi.

IT sohalarini o‘rganing, bilim oling hamda O‘zbekistonimiz taraqqiyotiga hissa qo‘shing!

IT online ilovasi sodda ko‘rinishda bo‘lib, tezkor ishlashi ta’minlangan.

📝 Manba: @informatika

👨🏻‍💻@itspecuz

#smartfon #android

🚫 AdGuard — qurilmangizga o‘rnatilgan istalgan turdagi brauzer, shuningdek har qanday turdagi ilovalarda, masalan, bepul o‘yinlar va ilovalardagi reklamani bloklash imkonini beruvchu mobil ilova. Android 5.0+. Cheklanmagan obuna.

📎 AdGuard Premium v4.4.195 mobil ilovasini yuklab olish.

📲 Foydali mobil ilovalar ro‘yxati: 1-qism | 2-qism.

👨🏻‍💻@itspecuz | Mundarija

#excel

Noyob ro‘yxatni yaratishning 3 usuli (1-qism) 🔂

Vazifa: ma’lumotlar ro‘yxati, masalan, familiyalar mavjud, umumiy ro‘yxatdan faqat noyob qiymatlarni tanlash lozim.

Birinchi usul:
Удалить дубликаты buyrug‘i.
Agar ro‘yxat alohida bo‘lsa, unda barchasi uning o‘zida, agar bunday bo‘lmasa — uni avval alohida joyga nusxalab olish lozim. Shundan so‘ng Данные vkladkasi → Удалить дубликаты → ОК bo‘yicha o‘tiladi. Noyob qiymatlar ro‘yxati tuziladi.

👨🏻‍💻@itspecuz

#test #excel

A3 yacheykasining pastki o‘ng burchagidagi markerni tutgan holda A7 yacheykasiga qadar siljitilsa nima sodir bo‘ladi?

#test #excel

C1 yacheykasidagi formula hisoblashi natijasini ko‘rsating.

#bilasizmi #smartfon

Smartfon ishlab chiqaruvchilarning marketing hiylalari 📱🤔

Smartfonlar bozoridagi raqobatning yuqoriligi, ishlab chiqaruvchi kompaniyalar mijozlarning e’tiborini o‘ziga qaratish uchun reklamaning turli xil usullaridan foydalanishadi.
Lekin, marketing hiylasi deb oddiyroq nomlangan quyidagi usullarni qanday nomlashni o‘zingiz hal qiling.

1️⃣. Qalbaki fotosurat

Eng keng tarqalgan usullardan biri, professional fotoapparatda olingan fotosuratlarni smartfonda olingan deb da’vo qilinishi.

2️⃣. Benchmark (qurilmaning ish tezligini baholash va taqqoslash) ilovalarini aldash

Tez-tez har xil smartfonlarning benchmark ilovalaridagi (AnTuTu, PCMark) ro‘yxatini va yuqori ballariga ko‘zingiz tushgan bo‘lsa kerak.
Sintetik testlardagi baholash, smartfonning odatiy foydalanish jarayonidagi tezligini baholash emas. Lekin shunday bo‘lsada ayrim foydalanuvchilar ushbu testlarga ishonishadi.

Muammo shundaki, smartfon ishlab chiqaruvchilari benchmark ilovasi ishga tushirilganligini aniqlab, vaqtincha maxsus "kuchaytirilgan" rejimga o‘ta oladilar.

Qiziq, internet tezligini o‘lchash saytlarini (serverlari) ham aniqlab, maxsus rejimni qo‘llash mumkinmikan?

3️⃣. Tez va qisqa muddatda millionlab sotuvlar

Ma’lum bir smartfon sotuvning ilk kunidayoq 60 soniyada sotib tugatilgani va kompaniya bunday bir necha million dollar foyda qilganligi haqidagi xabarlar. Aytaylik, 1000 dollarlik smarftondan 1000 dona sotilsa ham million dollar bo‘ladi. Xitoy, Hindiston kabi aholi soni milliarddan oshadigan davlatlar uchun 1000-2000 dona smartfonni qancha muddatda sotish mumkin?

4️⃣. Nomi o‘zgartirilgan “yangi” smartfonlar

Masalan, biror davlatda yaxshi sotilmagan smartfonni yangicha nomlab boshqa davlatlarda sotilishi.
Ko‘pincha tizimni yangiroq versiyasi o‘rnatilib innovatsion yangi smartfon ko‘rinishida “qayta tug‘iladi”.

📝 Manba: @gsmgurus_FAQ

👨🏻‍💻@itspecuz

#ict_news #smartfon #android #iOS

Dunyodagi eng mashhur smartfon nomi ma’lum bo‘ldi 📱

Joriy yil birinchi chorakda “iPhone 11” dunyo bo‘yicha eng mashhur smartfonga aylandi, deya xabar berdi “Omdia”.

Joriy yilning dastlabki uch oyida “Apple” 19,5 million dona “iPhone 11” yetkazib berdi. Bu o‘tgan yilning shu davriga nisbatan qariyb olti million dona ko‘p degani.

“Apple” “iPhone 11”ning bahosi bilan uning funksionalligi o‘rtasida muvozanatni topishga muvaffaq bo‘ldi. Bu esa smartfonning jozibadorligini oshirdi”, — deb yozadi “Omdia”.

Mashhurlik bobida ikkinchi o‘rin “Samsung Galaxy A51”ga nasib etdi (6,8 million), “Xiaomi”ning “Redmi Note 8” smartfoni esa kuchli uchlikka yakun yasab berdi. Hammasi bo‘lib dastlabki o‘ntalikka “Apple” va “Samsung”ning to‘rttadan hamda “Xiaomi”ning ikkita modeli kiritildi.

Hisobot mualliflari 5G quvvatiga ega yangi “Samsung Galaxy S20+” flagmani yutuqlariga e’tibor qaratishdi. Ushbu modelni uch yarim million mijoz xarid qilishgan. Bu esa dunyoda sotuv bo‘yicha to‘qqizinchi o‘rinni egallashiga va beshinchi avlod tarmoqlarida ishlaydigan eng mashhur smartfonga aylanishiga imkon berdi.

📝 Manba: Xabar.uz

👨🏻‍💻@itspecuz