#mulohaza_uchun

Arxitekturaviy yondashuv, kabelni iqtisod qilishning innovatsion yechimi.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

Yaroqsiz batareykani nima qilish kerak? 🔋🤔

Hech e’tibor berganmisiz, nega oddiy batareykalarga tushirilgan chiqindi qutisi suratining ustidan taqiq belgisi tortib qo‘yilgan bo‘ladi?

Bu belgi ishlatilgan batareykalarni chiqindi qutilariga tashlash qat’iyan taqiqlanishini anglatadi. Chunki o‘zi barmoqdek keladigan bu mitti energiya manbalari inson salomatligi va tabiat uchun juda katta zarar yetkazadi.

Kichkina demang bizni...

Bu energiya manbalari kichkina bo‘lishiga qaramay, zarari anchagina. Chiqindiga tashlangan batareykaning ustki qoplamasi turli tashqi ta’sirlar (issiq, eroziya) natijasida eriydi va unda saqlanuvchi kadmiy, simob, nikel, rux, qalay, magniy kabi zaharli moddalar “ozodlikka chiqadi”. Bitta batareyka 20 metr kvadrat yer, 400 litr suv, ikkita daraxt, 1ta tipratikanni zaharlashga yetadigan zararga ega.

Batareykadan havoga ko‘tariladigan va suvga aralashadigan zaharli moddalar kishida o‘pka saratoni, hazm tizimi a’zolari kasalliklari, suyak xastaliklarini keltirib chiqarishi mumkin. Batareykalarni bola o‘ynab, og‘ziga solishiga mutlaqo yo‘l qo‘ymaslik kerak!

Batareykalar umumiy chiqindining 0,25 foizini tashkil etsa-da, chiqindilardan atrof-muhitga yetadigan zararning naq 50 foizi ularning ulushiga to‘g‘ri keladi.

Xorijda qanday?

Yevropa davlatlarida ishlatib bo‘lingan batareykalar utilizatsiya qilish (qayta ishlash) uchun yig‘ib olinadi. Buning uchun barcha do‘konlar va muassasalarda maxsus idishlar ajratilgan.

Savdoga chiqariladigan yangi batareykalarning narxiga utilizatsiya chiqimlari ham qo‘shib hisoblanadi, ma’lum foiz ustama qo‘yiladi. Agar xaridor yangi batareyka xaridi chog‘ida ishlatilgan batareykalarni taqdim etsa, muayyan chegirmaga ega bo‘ladi. G‘arb davlatlarida ishlatilgan batareykalarning 50 foizdan ortig‘i utilizatsiya qilinadi. Misol uchun, Germaniyada avtomobil egasi yangi akkumulyator sotib olmoqchi bo‘lsa, eskisini topshirishi shart, aks holda jarimaga tortiladi. Energiya manbalarini o‘zboshimchalik bilan yo‘qotishga yo‘l qo‘yilmaydi.

Batareyka utilizatsiyasi xomashyo sarfini kamaytiradi

Quvvat beruvchi batareyalar va akkumulyatorlar tarkibida qayta ishlashga yaroqli qismlar kam miqdorni tashkil etadi. Lekin yig‘ib olingan yaroqsiz batareykalarni qayta ishlash orqali yangi batareykalar, plastik, qora qalam, metall, qog‘oz, o‘g‘it, avtomobil shinalari uchun qoplamalar olish mumkin.

O‘zbekistonda-chi?

“Chiqindilar to‘g‘risida”gi O‘zbekiston Respublikasi qonunining 22-moddasida “O‘zbekiston Respublikasida utilizatsiya qilish uchun tegishli texnologiyalar mavjud bo‘lgan chiqindilarning ko‘mib tashlanishiga yo‘l qo‘yilmaydi”, deyilgan. Batareykalar ham utilizatsiya qilinadigan chiqindilar sirasiga kiradi, ammo O‘zbekistonda batareykalarni qayta ishlash bo‘yicha texnologiyalarga ega bo‘lgan birorta korxona mavjud emas.

Qattiq maishiy chiqindilar bilan ishlash bo‘yicha 2019-2028 yilga mo‘ljallangan strategiyada 2022-2025 yilgacha bo‘lgan oraliqda respublika shaharlarining ko‘p kvartirali turar-joy sektorida chiqindining quyidagi turlari uchun alohida konteynerlar o‘rnatilishi rejalashtirilgan:
- qayta ishlanadigan chiqindilar (polimer, qog‘oz, metall);
- organik chiqindilar (oziq-ovqat va boshqa biologik materiallar);
- qayta ishlanmaydigan chiqindilar (kompozitli materiallar, tozalanmagan materiallar);
- xavfli maishiy chiqindilar (akkumulyator, batareyka, tibbiyot chiqindilari);
- shisha idish buyumlari.

Ammo chiqindilar qayta ishlanmaydigan bo‘lsa, ularni saralashdan naf yo‘q. Saralangan chiqindilarni qayta ishlash butun dunyoda qo‘llanayotgan tendensiya, bu orqali xomashyo sarfini kamaytirish hamda ekologiyaga yetadigan zararni minimallashtirish mumkin. Atrof-muhitga yetkazadigan ziyonini inobatga olgan holda batareykalarning qayta ishlanishi masalasini ham qisqa muddatlarda hal qilish talab etiladi. Buni utilizatsiya sohasiga xususiy sektorni jalb qilish, chiqindilarni qayta ishlovchi texnologiyalar uchun imtiyozlar joriy etish orqali hal qilinadi.

​​Utilizatsiya bo‘yicha hali kerakli tizim ishga tushirilmagan bo‘lsa ham, batareykalarni umumiy chiqindiga qo‘shmaslik tavsiya etiladi. Ularni alohida jamlab, chiqindini yig‘ish punktlariga topshirgan ma’qul. Batareykalar alohida jamlansa, ularni yo‘q qilish va qayta ishlash uchun muqobil yechim izlansa, ehtimol.

Shu o‘rinda layfhak:

Batareykalarni ishlatishdan oldin kontaktli qismlarini qattiq quruq mato bilan yaxshilab ishqalasangiz, ular sizga uzoqroq xizmat qiladi.

Agar batareykalar yoki batareyka o‘rnatilgan qurilma issiqlik ta’sirida uzoq vaqt qolib ketsa, u erib, kuydiruvchi ajralma chiqarishi mumkin. Shu bois bunday holda batareykani qo‘lqop bilan olish tavsiya etiladi.

📝 Saodat Abdurahmonova @kunuzofficial

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#maslahat #smartfon

📱 IMEI-kodni ro'yxatdan o'tkazishning besh usuli.

⏳ Shoshiling, vaqtingiz juda oz qoldi!

📝 Manba: @turon_line

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#tarmoq #internet #bilasizmi #mulohaza_uchun

Ma’lumotlarni uzatish kabelining kesimi. Bunday turdagi kabellar okean tubi bo‘ylab yotqiziladi.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#telegramda_kanal_yuritish

💡 Telegraph’dagi maqolalar matni bo‘ylab tezkor o‘tish

Ba’zida Telegraph orqali yaratilgan maqolalarning matni uzayib ketganida, maqola uchun alohida mundarija qo‘shish va sahifa bo‘ylab tezkor o‘tishni sozlashimizga to‘g‘ri keladi.

O‘QING: Telegraph nima? Undan qanday foydalaniladi?

Buning uchun matnning sarlavhalariga langarlar o‘rnatish va mundarijada ushbu langarlar uchun havolalar qoldirishga to‘g‘ri keladi.

Buni amalga oshirish oson, lekin tezkor o‘tish to‘g‘ri ishlashi uchun ba’zi jihatlariga e’tiborliroq bo‘lish lozim.

Langarlar va havolalarni qo‘shishning bosqichma-bosqish jarayoni

1️⃣. Butun matnni kiritamiz va formatini sozlab chiqamiz.

2️⃣. Matn tarkibidagi sarlavhalarga langarlar o‘rnatamiz - buning uchun sarlavha matnini belgilaymiz va formatni sozlash menyusida katta T harfiga bosamiz.

3️⃣. Mundarija matniga langar uchun havolani qo‘shamiz. Havolaning tarkibida # belgisi va sarlavha matnida keluvchi probellar o‘rniga chiziqcha belgisi qo‘llanilishi lozim.

Masalan, agar sarlavha (matndagi langar) sizda quyidagi ko‘rinishda bo‘lsa: Birinchi sarlavha

Ushbu langar uchun havola quyidagicha bo‘lishi lozim: #Birinchi-sarlavha



Ko‘rib turganingizdek, maqola matni bo‘ylab tezkor o‘tishni sozlashning hech qanday murakkab joyi yo‘q!

📌 P.S.: Sizlarga bir sahifa tarkibida mundarija, langarlar va tezkor o‘tish uchun havolalarni o‘z ichiga olgan maqolani misol tariqasida keltirdik: http://bit.ly/35KL4vY

👨🏻‍💻@itspecuz | Mundarija

#mulohaza_uchun

Ta’tildaligingizda sizdan zudlik bilan bir yumush bo‘yicha yordam so‘rashganida

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#operatsion_tizim

Windows 10’da shaffoflik — faollashtirish, o‘chirish va sozlash

Windows 10’ning so‘nggi versiyalarida vazifalar paneli va “Пуск” menyusi, shuningdek “Параметры” oynasining ba’zi oynalari uchun shaffoflik elementlari mavjud. Odatda ular qoida bo‘yicha faollashtirilgan bo‘ladi, lekin har doim ham emas. Agarda shaffoflik sozlamalarini o‘zgartirmoqchi bo‘lsangiz, tizimda buning uchun unchalik imkoniyatlar ko‘p emas, lekin shunday bo‘lsa-da buni amalga oshirish mumkin.

Batafsil...

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#mulohaza_uchun

Kod yozishga endigina kirishgan shogirdingni ishini kuzatayotganingda.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#bilasizmi #internet

Eng yaxshi 100 ta veb saytlar reytingi 2019-yil iyun oyi natijalari

📝 Manba: @mathinfouz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#ict_news

“Kompyuter savodxonligi – intellektual musobaqa” o‘tkazildi.

📝 Manba: Mitc.uz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#mulohaza_uchun

ULAR QANDAY G‘OLIB BO‘LDILAR (1-qism) 🤔

Bir kunda muvaffaqiyatli bo‘lishning imkoni yo‘q. Omad esa boshqa narsa. Shubhasiz, muvaffaqiyat – qattiq mehnat samarasi. Ammo mehnatning o‘zi kifoya qilganida tinim bilmas eshak dunyodagi eng muvaffaqiyatli jonzot bo‘lishi kerak edi. Muvaffaqiyatli bo‘lishning ham o‘z sirlari bor.

Savol tug‘iladi: g‘olib insonlarni g‘alabaga boshlagan, og‘ir damlarda ilhomlantirgan kuch nima edi? Ularning hayot yo‘llarini sinchiklab o‘rganib chiqsak, umumiy jihatlarni ko‘rishimiz mumkin.

Maqsadli harakat va uni sevish

Maqsad qanchalar aniq bo‘lsa, unga yetish ham shu qadar oson kechadi. O‘zimiz qilayotgan ishga mehr qo‘yish esa muvaffaqiyatga yanada tezroq yetishimizga xizmat qiladi. Aslida qancha harakat qilganimiz emas, to‘g‘ri yo‘lda harakat qilayotganimiz va unga qanchalar jiddiy yondashishimiz muhim. Unutmang: noto‘g‘ri tanlangan maqsad va ish – bir umrlik dushman.

Xato va kamchiligingizni yon-atrofdagilardan so‘rang

Har doim muvaffaqiyatsizligingizning omillarini aniqlang, ya’ni qilgan xatolaringizni topib, ojiz nuqtangizni biling. Ko‘pchiligimiz bunday vaziyatda boshqalardan shubha qilamiz, ularni o‘zimizga dushman hisoblaymiz va nafratlanamiz yoki nuqul aybdorlarni izlaymiz. Bunday vaziyatda bahoni his-tuyg‘ular emas, aqlimiz berishi kerak. Taniqli tadbirkor Bill Geyts aytgani kabi, barchamiz bizga aslida qanday odam ekanligimizni aytadigan do‘stlarga muhtojmiz. Ular bizga o‘z ustimizda ishlashimiz uchun kerak.

Jamoa bilan ishlash

Agar biz siz bilan qo‘limizdagi olmalarni almashsak, har birimizda bittadan olma bo‘ladi. Agar biz o‘zimizdagi innovatsion g‘oyalarni o‘rtoqlashsak, har birimizda 2 tadan g‘oya bo‘ladi. Bu – jamoa bo‘lib ishlashning afzal tomoni.

Biror muvaffaqiyatli odamdan so‘rasangiz, muvaffaqiyatining omillari qatorida jamoa bilan ishlashning ahamiyatini ham ta’kidlaydi. “Maslahatli osh tarqamas” yoki “Ko‘pdan quyon qochib qutulmas” kabi naqllarda hikmat bor. Hamkasblarni hurmat qilish, ish yuzasidan fikr almashish, ularga yordam berishga odatlanish kerak. Bu odat insonning oilaviy hayotiga ham ta’sir o‘tkazadi. Mashhur tadbirkor Genri Ford aytgani kabi, agar jamoa birgalikda harakatlansa, muvaffaqiyatsizlik ham o‘zi haqida qayg‘urib qoladi.

Muvaffaqiyatsizlikdan so‘ng oyoqqa turish

Muvaffaqiyat yetti marta yiqilib, sakkiz marta oyoqqa turish degani. Oyoqqa turishni o‘rganish uchun esa yiqilish kerak bo‘ladi. Har bir omadsizlik saboq bo‘lsin. Shuni anglasak, yanada kuchli, irodali bo‘lib boramiz. Janubiy Afrika Respublikasining yetakchisi, taniqli siyosiy arbob Nelson Mandela aytgani kabi, odamga uning muvaffaqiyati bilan emas, necha marta yiqilib, necha marotaba yana oyoqqa turganiga qarab baho berish kerak.

Chin dildan kechirim so‘rash

Ba’zida uzr so‘rash eng mushkul ishga o‘xshab ko‘rinadi. Vaziyatdan chiqib ketish uchun uzr so‘ramoqlik eng yaxshi imkon. Ammo u samimiy bo‘lmasa, vaziyatni yanada chigallashtiradi. Kimnidir xatoingiz bilan xafa qilsangiz, u insonga boshqa bunga yo‘l qo‘ymasligingiz haqida gapiring. Hindiston ozodlik yo‘lboshchisi Mahatma Gandining fikricha, ojizlar kechirishni bilmaydilar. Binobarin, kechirimlilik – kuchlilarga xos fazilat.

Ushbu maqolaning 2-qismi

📝 Manba: Shuhrat Sattorovning “Biz g‘alaba qozonamiz: muvaffaqiyat va munosib hayot sirlari” kitobi

“Kim neni izlasa, topgay begumon ...”

📖 Kanaldagi ushbu kitob bo‘yicha shu kunga qadar ulashilgan mavzulardan iborat mundarija ushbu postimizda.

👨🏻‍💻@itspecuz

🤗Assalom alaykum.
🥳Ushbu dasturimizni yangilangan versiyasi kochirib oling!!!
🤩Yangiliklar bo'limi hamda boshqa qulayliklar sizni kutmoqda.
🥰Albatta dasturimiz yoqsa playmarket orqali 5 ta yulduzcha qoyishizi so'rimiz!!!

#ict_news #smartfon

IMEI-kod mobil qurilmani O‘zbekiston hududiga olib kirayotgan yuridik yoki olib kirayotgan jismoniy shaxs tomonidan ro‘yxatdan o‘tkaziladi 📱📶

Ayni kunlarda mobil qurilmalarining IMEI-kodini ro‘yxatdan o‘tkazish masalasi ommaviy axborot vositalarida keng yoritib borilmoqda. Shunday bo‘lsada, har bir fuqaro uchun muhim bo‘lgan ushbu tizim haqida ko‘plab savollar yuzaga kelmoqda. Shuni e’tiborga olib IMEI-kod bo‘yicha eng ko‘p berilayotgan dolzarb savollarga yana bir bor oydinlik kiritamiz. Bu hamma bilishi lozim bo‘lgan ma’lumotlar, chunki IMEI-kodlarni bepul ro‘yxatdan o‘tkazish uchun berilgan muddat tugadi.

1️⃣. IMEI-kod kim tomonidan ro‘yxatdan o‘tkaziladi?

IMEI-kod mobil qurilmani O‘zbekiston hududiga olib kirgan yuridik yoki jismoniy shaxs tomonidan ro‘yxatdan o‘tkaziladi. Demak bundan ko‘rinib turibdiki, mobil qurilmani sotib olayotgan fuqaro ro‘yxatdan o‘tkazishi shart emas. Ushbu qurilmaning ro‘yxatdan o‘tgan yoki o‘tmaganligini bilish uchun:
1) UZIMEI rasmiy veb-sayti orqali;
2) 1170 qisqa raqamiga qo‘ng‘iroq qilish orqali;
3) USSD *1170# yoki SMS 1170 so‘rovlari yordamida bilib olishingiz mumkin.

Agar siz sotib olayotgan mobil qurilma ro‘yxatdan o‘tmagan bo‘lsa, bilingki, bu qurilma O‘zbekiston Respublikasi hududiga noqonuniy olib kirilgan bo‘lishi mumkin, ushbu ma’lumot asosida Siz huquqni himoya qiluvchi organlarga murojaat qilishingiz mumkin. Yuqorida ta’kidlaganimizdek, IMEI-kod mobil qurilmani O‘zbekiston hududiga olib kirgan yuridik yoki jismoniy shaxs tomonidan ro‘yxatdan o‘tkazilishi belgilangan.

2️⃣. IMEI-kod nima?

Mobil qurilmaning 15 xonalik seriya raqami IMEI-kod deyiladi. IMEI-kod SIM-kartalar ishlashini ta’minlovchi barcha mobil qurilmalarda mavjud bo‘lib, SIM-kartaning har bir slotiga alohida beriladi. Agar mobil qurilmada SIM-kartalarning ikki yoki undan ko‘p slotlari mavjud bo‘lsa, ushbu mobil qurilma ikki yoki undan ortiq IMEI-kodlarga ham ega bo‘ladi.

Demak, agar sizda ikkita SIM-karta bilan ishlaydigan mobil qurilmangiz bo‘lsa, ikkita IMEI-kod olishingiz lozim bo‘ladi.

3️⃣. IMEI-kod nimaga kerak?

• mobil qurilmalarning IMEI-kodi/kodlarini tekshirish orqali sifatsiz, inson sog‘lig‘iga zarar keltiradigan va respublika hududiga noqonuniy yo‘l bilan olib kirilgan qurilmalar savdosining oldini olish uchun;

• mobil qurilma yo‘qolib qolgan yoki o‘g‘irlangan holatda uning qidiruv ishlarini tezkor amalga oshirish uchun;

• mobil gadjetlarni qo‘llagan holda sodir etiladigan jinoyatlarni samarali va tezkor fosh etish uchun;

• soliq va bojxona tizimida korrupsiya xavfini qisqartirish uchun.

4️⃣. Qurilmaning IMEI-kodini qayerdan bilish mumkin?

IMEI-kod qurilmaning klaviaturasida *#06# buyrug‘ini terish orqali bilib olish mumkin. Bundan tashqari, ushbu kod qurilmani qutisida, kafolat kartasida va ayrim qurilmalarning batareyasi ostida yozilgan bo‘ladi.

5️⃣. Qachon ro‘yxatdan o‘tkazish kerak?

Qurilma orqali birinchi tarmoq hodisasi sodir etilgandan so‘ng (ya’ni birinchi marta SIM-karta qo‘yilganidan keyin) 30 kun ichida IMEI-kodi ro‘yxatdan o‘tkazilishi kerak. Hozirda foydalanilayotgan mobil qurilmalarning IMEI-kodi 1 noyabrgacha avtomatik ro‘yxatdan o‘tkazilgan (tekshirib ko‘rishingiz mumkin).

Demak, mobil qurilmalar tizim operatoriga murojaat qilish orqali:
1 noyabrdan 1 dekabrgacha – bepul edi;
1 dekabrdan – to‘lov asosida ro‘yxatga olinadi.

Sotib olingan, ammo shu kungacha ishlatilmagan (yangi) mobil qurilmalar taqdiri nima bo‘ladi? Unday qurilmalarni, afsuski, jismoniy shaxslar endi ro‘yxatdan o‘tkaza olmaydilar. Yuridik shaxslar esa tizim operatoriga murojaat asosida, kerakli hujjatlarni taqdim etganidan so‘ng, bunday qurilmalarni ro‘yxatdan o‘tkazishlari mumkin.

IMEI-kod qancha to‘lov evaziga ro‘yxatdan o‘tkaziladi?

Bitta IMEI-kodi uchun BHMdan foiz hisobida:
import qiluvchi uchun – 20% (44 600 so‘m);
ishlab chiqaruvchi uchun – 10% (22 300 so‘m).

Jismoniy shaxs (rezident) uchun birinchi tarmoq hodisasidan boshlab:
30 kun ichida – 20% (44 600 so‘m);
30 kun o‘tgandan keyin – 25% (55 750 so‘m).

​​Jismoniy shaxs (norezident) uchun:
chet el SIM-kartasidan (roumingdan) foydalanilganda – bepul;
mahalliy SIM-kartadan 30 kun ichida foydalanilganda – bepul;
mahalliy SIM-kartadan 30 o‘tgandan keyin foydalanilganda – 20% (44 600 so‘m).

6️⃣. Tizim operatoriga qanday murojaat qilinadi?

Buning 5 ta yo‘li bor:
1) uzimei.uz sayti orqali;
2) my.gov.uz sayti orqali;
3) 1170 raqamiga SMS yuborish orqali;
4) *1170# ga USSD-so‘rov yuborish orqali;
5) Pochta aloqa bo‘limiga yoki tizim operatoriga (Toshkent sh., Olmazor tumani, Sebzor ko‘chasi, 18-A manziliga) shaxsan borish orqali.

7️⃣. SIM-kartani o‘zgartirganda, IMEI-kodni qayta ro‘yxatdan o‘tkazish kerakmi?

Yo‘q. IMEI-kod 1 marotaba UZIMEI tizimida ro‘yxatdan o‘tkaziladi. SIM-karta o‘zgartirilganda IMEI-kodni qayta ro‘yxatdan o‘tkazish talab qilinmaydi.

8️⃣. IMEI-kod kim tomonidan ro‘yxatdan o‘tkaziladi?

IMEI-kod mobil qurilmani O‘zbekiston hududiga olib kirgan yuridik yo jismoniy shaxs tomonidan ro‘yxatdan o‘tkaziladi.

9️⃣. IMEI-kodning holatini qanday tekshirsa bo‘ladi?

1) UZIMEI rasmiy veb-sayti orqali;
2) 1170 qisqa raqamiga qo‘ng‘iroq qilish orqali;
3) USSD *1170# yoki SMS 1170 so‘rovlari yordamida.

📝 Manba: Mitc.uz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#mulohaza_uchun

ULAR QANDAY G‘OLIB BO‘LDILAR (2-qism) 🤔

Ushbu maqolaning 1-qismi

Rahmat aytish

Atrofimizdagi odamlarning, biz e’tibor qilmaydigan hamkasblarimizning, yaqinlarimizning yonimizda ekanliklari ba’zida sezilmasa ham ular bizning muvaffaqiyatimiz uchun xizmat qilayotgan bo‘ladilar. Taqdir misoli zanjir! Ota-onangiz, turmush o‘rtog‘ingiz, hamkasblaringiz, do‘stlaringiz, hamkorlaringizga tez-tez minnatdorchilik bildirib turing. Bu odat o‘zaro rishtalarni mustahkamlaydi.

Xokisorlik

Microsoft kompaniyasi asoschisi Bill Geytsning aytishicha, muvaffaqiyat yaxshi ustoz bo‘la olmaydi. U ko‘pincha insonni takabbur qilib qo‘yadi.

Birovni nazar-pisand qilmaslik – muvaffaqiyat yo‘lini to‘sib turadigan bosh omil. Xokisor va shikastnafas, tavozeli odamga barcha eshiklar ochiladi. Bu odat o‘z ekasining halol, diyonatli ekanini anglatadi. Barchaga teng munosabatda bo‘ling. Takabburlik qanchalar baland bo‘lsa, muvaffaqiyatsizlikka duchor bo‘lish darajasi ham shu qadar yuqori bo‘ladi. Taniqli adib Robindranat Tagor aytgani kabi, eshikni muloyimlik bilan taqillatishni o‘ylagan insonga eshiklar doimo ochiq.

To‘g‘ri, ba’zida ilmli, ziyoli insonlarda ham takabburlikka o‘xshash fe’lga guvoh bo‘lamiz. Aslida bunday insonlarning qalblarida boshqa – xokisor qiyofa yashiringan bo‘ladi. Ular o‘z qadr-qimmatlarini g‘urur bilan himoya qilmoqchi bo‘ladilar. Ulardagi asl qiyofani kashf qilish va ular bilan do‘st bo‘lish uchun hayotimizdagi o‘rinlarini anglab yetishlariga yordam berishimiz kerak.

O‘zgarish

“O‘zgarish – o‘rganishning mevasidir”, degan gapda jon bor. Dunyoni ko‘rish uchun avvalo o‘zgarish kerak. Hayot ham muntazam yangilanishlar bilan go‘zal. Hayot qonuniga ko‘ra, atrofimizdagi odamlar, narsalar, lahzalar, hislar, vaziyat muntazam o‘zgaradi. Shunday payt bo‘ladiki, moslashish eng yaxshi choraga aylanadi. Albert Eynshteyn aytgani kabi, muammoni uni yuzaga keltirgan tafakkur bilan hal qilib bo‘lmagani bois, ba’zida evrilish va qarashlarni o‘zgartirishga to‘g‘ri keladi. Unutmang, bugun biz tashlayotgan qadam – kelajak ibtidosidir. Kelajak esa yangilanish, o‘zgarish bilan ahamiyatli.

Qaror qabul qilishda ikkilanmang

Qaror-tanlovlar – hayotning mohiyati, biz aslida o‘z qarorlarimizning natijasimiz. Ikkilanish o‘z xohishini bilmaslikdan yuzaga keladi. Bu ko‘pincha noqulay vaziyatga sababchi bo‘ladi. Tushlikda nima yeyishga uzoq vaqt bosh qotirgan odam hayotdagi muhim qarorlarni qabul qilishga ham qiynaladi. Qaror qabul qila olmagandan ko‘ra, xato bo‘lsa ham, o‘z vaqtida qaror qabul qilgan yaxshi. Hech bo‘lmasa xatodan to‘g‘ri xulosa chiqarish uchun.

Zarur vaziyatda “yo‘q” deya oling

O‘z o‘rnida aytilgan “yo‘q” sizni ham, bu javobni olgan kishini ham muqarrar ko‘ngilsizliklardan himoya qiladi. Nomunosib odamga aytilgan “yo‘q” – munosib odam uchun imkon eshigini ochadi. Unutmang, o‘zingizni sharhlamay turib, doimo “YO‘Q” deyish huquqingiz bo‘ladi. Dilingizdagi doimo tilingizda bo‘lsin.

Xayrixohlik va hurmat ko‘rsatish

Bugun xayrixohlik anqoning urug‘iga aylanib qoldi. Shu bois bo‘lsa kerak, odamlar o‘rtasida o‘zaro hurmat ham kamayib qolgandek. Odamlarga hurmat ularni tushunishga, ular haqida shoshilinch xulosa chiqarmaslikka xizmat qiladi. Bu odat sizga odamlar bilan yaxshi munosabatda bo‘lishni o‘rgatadi. Muvaffaqiyat oxir-oqibat sizdagi odamlarning ko‘ngliga yo‘l topa olish qobiliyati bilan hisoblashadi. Mohir jang san’ati ustasi Bryus Li aytgani kabi, bilim sizga kuch va ishonch bersa, fe’l-atvoringiz hurmat keltiradi.

O‘z-o‘zini boshqara olish

Yuqorida ham ta’kidlagan edim: insonning eng ulkan janggi o‘zi bilan kechadi. Jahlni tiyish, g‘azabni jilovlash insonning o‘ziga bo‘lgan ishonchini oshiradi. Xitoy faylasufi Lao szi aytganidek, boshqalarni boshqarish – kuch, o‘z-o‘zini boshqarish – qudratdir.

Har kuni ijobiy nuqtai-nazar bilan yashash juda muhim. Muammolar haqida jar solish emas, ulardan xolos bo‘lish yo‘lini topish donolik. Yuqorida biz aytib o‘tgan insonlar kabi, hayotda muvaffaqiyatsizlikka uchrab, ammo bo‘sh kelmay baxtini, omadini topgan insonlar juda ko‘p. Hayot ba’zida aqlga sig‘maydigan darajada fojeaga aylanadi. Nima bo‘lganda ham, mutoyibani unutmang. Oxir-oqibat so‘nggi tahlillar hech bo‘lmaganda kulishni unutmaganligingizdan darak beradi.

📝 Manba: Shuhrat Sattorovning “Biz g‘alaba qozonamiz: muvaffaqiyat va munosib hayot sirlari” kitobi

“Kim neni izlasa, topgay begumon ...”

📖 Kanaldagi ushbu kitob bo‘yicha shu kunga qadar ulashilgan mavzulardan iborat mundarija ushbu postimizda.

👨🏻‍💻@itspecuz

#ict_news

UMS endi “Mobiuz” deb nomlanadi 🔄

UMS mobil operatori rebrending o‘tkazib, o‘z nomini Mobiuz deya o‘zgartirdi. Bu haqda bugun, 2-dekabr kuni Toshkentda tashkil etilgan taqdimot marosimida e’lon qilindi.

Tadbirda Axborot texnologiyalari va kommunikatsiyalarini rivojlantirish vaziri Shuhrat Sodiqov ishtirok etdi.

Taqdimot marosimida kompaniya bosh direktori Sobir Aripov so‘nggi yillarda ko‘p narsa o‘zgargani va UMS brendi ham o‘zini oqlamay qo‘yganini ma’lum qildi.

– 2018 yilda prezident qarori bilan bizning kompaniyamizga raqamli iqtisodiyotni rivojlantirish borasida bir qator muhim vazifalar yuklatilgan edi. Bu esa bizni nafaqat mobil aloqa xizmatlari sohasida, balki boshqa yo‘nalishlarda, jumladan, sifatli internet, tarmoqni to‘liq modernizatsiya qilish, hukumat aloqasini yo‘lga qo‘yish, ma’lumotlarni qayta ishlash markazlarini barpo etish, Elektron hukumatni rivojlantirishda ishtirok etishishimizni talab etadi. Buning uchun o‘zimizga beshta ustuvor vazifani belgilab oldik, — dedi kompaniya bosh direktori.

Qayd etilishicha, ayni vaqtda yo‘l xaritasi va 2019-2021 yillarda rivojlanish konsepsiyasi ishlab chiqilgan. Jizzax viloyatida ma’lumotlarni qayta ishlash markazini qurish hamda xalqaro internet kanaliga bevosita chiqish loyihalarini boshlash shular sirasiga kiradi.

Taqdimotda nafaqat nom o‘zgarayotgani qayd etildi, balki kompaniya rivojlanishning yangi bosqichini boshlayotgani aytib o‘tildi.

📍P.S. Ushbu mobil operatorning doimiy mijozi sifatida, uning faoliyatiga muvaffaqiyatlar tilab qolaman! (buni reklama deya qabul qilmang).

📝 Manba: @mitcuz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#bilasizmi #mulohaza_uchun #game

Sony PlayStation eng ko‘p sotiluvchi o‘yin pristavkalari brendi sifatida qayd etildi va Ginnesning rekordlar kitobiga kiritildi.

Jami 450 milliondan ortiq konsollar sotildi 🎮

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#mulohaza_uchun

“Men hech qachon yutqazmadim. Yo yutdim yoki tajriba orttirdim”

Nelson Mandela

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#operatsion_tizim

Windows 10’da gibernatsiya 😴

Ushbu maqolada: Windows 10’da gibernatsiyani faollashtirish yoki o‘chirish, hiberfil.sys faylini tiklash yoki o‘chirish (yoki uning hajmini kichraytirish), shuningdek “Пуск” menyusiga “Гибернация” bandini qo‘shish haqida batafsil to‘xtalib o‘tamiz. Birato‘lasi gibernatsiya rejimini o‘chirishning ba’zi oqibatlari haqida ham so‘z yuritiladi.

Batafsil...

👨🏻‍💻@itspecuz | Mundarija