Telegram'ning mobil versiyalari uchun yangilanish chiqib qoladi yaqin orada, shunda mana shu xabarni ko‘rish mumkin bo‘ladi 😉

Ushbu xabarni ko‘ra olmayotganlar uchun, animatsiyalangan stikerni kutib oling!

#bilasizmi

Dunyo bo‘ylab butun ma’lumotlarning 80%-i ingliz tilida saqlanadi.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#mulohaza_uchun #hardware

Klaviaturaning siz bilmagan elementar jihati ⌨️🤔

Har birimiz deyarli har kuni kompyuterdan foydalanamiz, klaviatura bilan matn teramiz, biroq PCdan shunchalik ko‘p foydalanganimizdan undagi ba’zi mayda jihatlarga hattoki e’tibor ham bermaymiz.

Masalan, ko‘pchilik QWERTY klaviaturadagi F va J tugmalarining pastki qismida bo‘rtib chiqqan chiziqcha borligini payqamagan bo‘lsa kerak. Xo‘sh, bu bo‘rtmalardan maqsad nima?

Bu klavishlarining pastki qismida joylashgan bo‘rtmalar yozayotgan kishiga o‘ng va chap barmoqlarni klavishlar paneliga qaramasdan ham, klaviatura bo‘ylab to‘g‘ri joylashtirish imkonini berish uchun ataylab yaratilgan. Barmoqlarni "home row" (bosh qator) deb ataluvchi klavishlar guruhi bo‘ylab to‘g‘ri joylashtirish bilan boshqa klavishlarni klaviaturaga qaramasdan ham to‘g‘ri aniqlay olish va yozish tezligini oshirish mumkin. QWERTY klaviaturada "home row" guruhiga o‘ng qo‘l barmoqlari uchun J, K, L; chap qo‘l barmoqlari uchun esa A, S, D, F tugmalari kiradi.

Bundan tashqari sonlar panelidagi "5" klavishida ham ayni bo‘rtiq mavjud bo‘lib, u ham yuqoridagi kabi vazifani bajaradi.

📝 Mirzohidbek Abdurahmonov @terabaytuz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#maslahat

Sog‘lom turmush targ‘ibotchisi Rashid Usmonov tomonidan bildirilgan maslahat bizning fikri ojizimizcha barcha uchun foydali, degan umiddamiz!

📝 Manba: @usmonovuz

👨🏻‍💻“IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#maslahat #mulohaza_uchun

“Dasturchilikni o’rganish uchun matematikani bilish kerak. Men esa tarixchi, biolog, sartarosh yoki jurnalist bo’lsam”, degan gaplar bilan tushkunlikka tushmang.

Men yozmoqchi bo’lgan mavzuni faqat shu soha borasida tushunib, o’qishga harakat qiling. Toki “Boshqa sohalar-chi?” – degan savol sizni chalg’itmasin. Demak, boshladik.

Hindiston deganda odamlarning xayoliga birinchi bo’lib nima keladi, bilmayman. Ammo men bu davlatni eslashim bilan tasavvurimda ularning dasturchilari (programmistlari) paydo bo’ladi. Balki buning asosiy sababi AQShga borib, o’sha dasturchilarni tayyorlash bilan shug’ullanadigan kompaniyada biroz o’rganib, undan so’ng qaysi IT (axborot texnologiyalari) kompaniyasiga ishga kirish uchun suhbatga borgan bo’lsam, o’sha kompaniyalarning deyarli barcha menejerlari hind bo’lib chiqqanidir?

Ha, hindlar nafaqat Amerika, balki Yevropadagi ko’plab davlatlarda ham IT kompaniyalarining asosiy richaglari hisoblanadi. Tabiiy savol tug’iladi: “Qanday qilib hindlar bu sohada barchadan ilgarilab ketdi? Demak, ularda dasturchilikni o’rganishga qobiliyatli insonlar ko’p ekan-da? Javob oddiy: Yo’q, yo’q va yana yo’q. Ular ham siz va bizga o’xshagan oddiy insonlar. Faqat bizdan ustun tomoni – ular biron bir narsani o’rganish uchun yoshining katta yoki kichikligiga qarab o’tirmaydi, o’rganadi. Chet elga chiqsa, qora mehnat orqali pul topishni emas, balki o’sha davlatdagi eng katta kompaniyalarda ishlab pul topish uchun harakat qiladi. Buning uchun nimani o’rganish kerak bo’lsa, o’rganadi. Amerikada qora mehnat qilib pul topadigan bironta hindni topolmaysiz, ishonavering. Bill Geyts ham o’z kompaniyasining boshqaruvini aynan amerikalik biron tanishiga, qarindoshiga, yoki qiziga emas, balki asli kelib chiqishi hindistonlik bo’lgan insonga topshirganligi ko’pchiligimizga sir emas. Hindlarni ko’p maqtab yubordim, shekilli. Endi asl maqsadga o’tsam.

Agar shaxsiy biznesingiz bo’lib, u orqali yaxshi pul topayotgan bo’lsangiz, yoki kasbingizni sevib, shu sohada miriqib ishlayotgan bo’lsangiz ham, bu maqolani albatta oxirigacha o’qing. Chunki kelajakda farzandingiz sizning kasb yo’lingizdan ketmasligi yoki siz qiynalib o’rgangan sohani farzandingiz osonroq va tezroq o’rganishiga bu yozaganlarimning foydasi tegishi mumkin.
Dasturchilikni har kim o’rganishi mumkin. Ha, hattoki siz ham. “Uni o’rganish uchun matematikani bilish kerak”, degan tushuncha menda ham bo’lgan. Toki matematikani bilmagan ba’zi hind dasturchilar bilan uchrashgunimcha, hali balog’at yoshiga yetmay, 7-8 yoki 11 yoshida, o’zining shaxsiy dastur ilovasini tuzib, millionlab dollar topayotgan yoshgina bolakaylarni qanday qilib bunday muvaffaqiyatga erishganlarining sababini Internetda ko’rib bilgunimcha men ham shunday o’ylaganman.

Kasbingizdan qoniqmayapsizmi? Unda ishdan so’ng biroz vaqt ajratib, maxsus kurslarga borib o’rganing. Buni reklama deb tushunmang. Men bironta ham dasturchilikni o’rgatadigan maxsus kurs ochmaganman, yoki kuchli dasturchi ham emasman. Shunchaki, o’zimga yoqqan ishni sizga ham ilinyapman.

Hammamizda ozmi-ko’pmi, dangasalik bor. Aytaylik, o’zingiz o’rganishni xohlamadingiz. Unda kun kelib, farzandingizga imkon va sharoit qilib bering. 18 yoshga to’lib, universitetga kirib, diplom olishini emas, balki 18 yoshgacha tajribali dasturchi bo’lishini o’ylang va shunga harakat qiling. Yosh bolalar uchun ham dasturchilikni o’rgatadigan maxsus kurslar bor va ularning soni kun sayin ko’paymoqda. “Diplomli bo’laman”, deb, oliygohda o’qib, diplomni olib, so’ng uni keraksiz matohdek sandiqqa solib qo’yganlarimiz qancha. Dasturchi uchun esa diplom kerak emas. Chunki siz ishlamoqchi bo’lgan kompaniyaga sizning diplomingiz emas, bilimingiz va tajribangiz kerak.

Bugun biz dasturchi bo’ladigan kun. Bugun farzandlarimiz dasturchi bo’ladigan kun. Ertaga kech bo’ladi. Balki, o’sha erta hech qachon kelmas.

📝 Muzaffar Umar @informatika

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

ALVARO RETANA
ARIE VAYNER
BRUCE PINSKY
ERROL ROBICHAUX
JOHN CAVANAUGH
KHALID RAZA
MOSADDAQ TURABI
RUSS WHITE
THOMAS WHALEY
WILLIAM PARKHURST

Yuqoridagi shaxslar Cisco bo`yicha eng yuqori toifada turuvchi CCAr sertifikati sohiblari. Ular dunyo bo`yicha bor yog`e 10 tani tashkil etadi. Bu sertifikatni olish uchun imtihon narxi 15.000 $.

@tarmoq_tizim

​​#telegram

Telegram'ning Plus Messenger ilovasi joriy yilning 22 iyul sanasida 5.9.0.0 versiyasiga yangilandi. Agar ushbu ilovadan foydalanib kelayotgan bo’lsangiz, unda ilovani yangilab olishni tavsiya etamiz.

Ushbu yangilanish rasmiy Telegram ilovasidagi kabi animatsiyali stikerlarni va yana ko’plab imkoniyatlarni qo’llab-quvvatlaydi.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#telegram #mulohaza_uchun

O‘zbekistondagi Telegram kanallar soxta foydalanuvchilardan “tozalanmoqda” 🧹

So‘nggi kunlarda jahon bo‘ylab ayrim mashhur, “millioner” Telegram kanallardagi obunachilar soni keskin kamayib ketishi kuzatilmoqda. Bundan O‘zbekistondan turib yuritiladigan va xalq o‘rtasida ommalashgan ayrim Telegram kanallar ham mustasno emas. Buni Telegram kanallar haqidagi statistik ma’lumotlarni kuzatib boruvchi Telegram Analytics saytida ko‘rish mumkin.

Bir muddat avval Osiyoning janubiy qismida ixtiro qilingan usul — soxta akkauntlar hisobiga kanal obunachilarini ko‘paytirish avj olgan va O‘zbekistondagi ayrim “ko‘ngilochar” Telegram kanallar o‘z obunachilari sonini millionlik ko‘rsatkichlarga yaqinlashtirib olishgan edi.

Ular bu usuldan foydalanib, reklama beruvchilarning reklamasini aslida yo‘q foydalanuvchilarga go‘yoki namoyish etishga qiziqtirib, aldab kelishayotgandi.

Endi Telegram asoschilari kanallardagi botlar va soxta foydalanuvchilarga qarshi kurash e’lon qilgan ko‘rinadi. Buning oqibatida foydalanuvchilar sonini sun’iy oshirgan kanallarga “qirg‘in” keldi. O‘tkazilayotgan profilaktika sababli aynan mana shunday shubhali kanallar kuniga 30-60 minglab “foydalanuvchisi”dan judo bo‘lmoqda.

“Obunachilar sonini ko‘paytirish xizmati”dan foydalanmagan kanallarda esa muntazam o‘sish davom etmoqda.

📝 Manba: @tuit_online

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#operatsion_tizim

Windows 7 Logon Background Changer 🖼

Windows 7’da parol kiritish oynasi ortidagi rasmni almashtirish uchun oddiy va qulay dastur. Xohishga ko‘ra istalgan rasmni tanlash mumkin. Og‘ir rasmlarni avtomatik kichraytiradi va moslashtiradi.

📌 Diqqat! Windows 7’ning barcha versiyalarida ishlaydi (Home Basic, Home Premium, Professional, Ultimate va Enterprise, x86 yoki x64 (32 yoki 64 bit), shuningdek Windows Server 2008 R2). Windows 7 Starter’da ishlamaydi.

📥 Dasturni yuklab olish

ℹ️ Kanalga ushbu rukn ostida joylashtirilgan barcha postlarimiz bilan tanishing:
• 1-qism | 2-qism | 3-qism | 4-qism
• Foydali mobil ilovalar ro‘yxati: 1-qism | 2-qism

👨🏻‍💻@itspecuz | Mundarija

#bilasizmi

Amazon asoschisi Djeff Bezos rasman o‘z turmush o‘rtog‘i bilan ajrashdi va unga 38.000.000.000 AQSh dollarini berdi. Bezos sobiq turmush o‘rtog‘iga kompaniyaning 4% aksiyalarini o‘tkazadi. Ushbu summa esa sayyoramizning Top-25 eng boy insonlari qatoriga ko‘tarilish uchun yetarlidir. Djeff Bezos - hali ham sayyoramizdagi eng boy inson sanaladi.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#operatsion_tizim #tarmoq #internet #security #maslahat

Wi-Fi parolini Windows tizimli kompyuter yoki noutbukda aniqlaymiz 💻🖥🔐

Odatda uydagi yoki ishxonadagi Wi-Fi tarmog‘iga bir marta ulangach, paroli kompyuterimiz, smartfonimiz yoxud noutbukimizda saqlanib qoladi, o‘zimiz esa unutib yuboramiz. Biroq keyinchalik biror sabab bilan (masalan – mehmonga taqdim etish uchun) Wi-Fi paroli kerak bo‘lib qolishi mumkin...

To‘g‘ri, agarda router qutisi o‘zingizda bo‘lib, undagi dastlabki parolni o‘zgartirmagan bo‘lsangiz – uni topish muammo emas. Shuningdek, router sozlamalari orqali ham Wi-Fi parolini aniqlash imkoni bor. Biroq Wi-Fi tarmog‘i o‘zingizniki bo‘lmasa, routerga kira olmasangiz, u holda tarmoq parolini boshqa yo‘llar bilan aniqlashga to‘g‘ri keladi.

Bugun sizlarga Wi-Fi tarmog‘ining parolini Windows tizimli kompyuter yoki noutbuklarda aniqlashning oson yo‘lini ko‘rsatmoqchimiz. Buning uchun avval o‘sha tarmoqqa ulangan Windows-qurilmangizda PowerShell dasturini yoki buyruqlar satrini ma’mur (administrator) nomidan ochasiz. U yerga netsh wlan show profiles buyrug‘ini kiritib, “Enter” klavishasini bosasiz. Shunda mazkur kompyuter (yoki noutbuk) qachonlardir ulangan barcha Wi-Fi tarmoqlarining nomlari ro‘yxat tarzida chiqadi. Ulardan keraklisining – ayni hozir parolini aniqlash zarur bo‘layotgan tarmoqning nomini eslab qolasiz yoki nusxalab olasiz.

Keyingi qadamda netsh wlan show profile name=TarmoqNomi key=clear buyrug‘ini kiritasiz; agarda bu nom ikki yoki undan oshiq so‘zdan iborat bo‘lsa, barchasini bitta qilib "Tarmoq nomi" tarzida qo‘shtirnoq bilan yozasiz. Buyruqni kiritib bo‘lgach “Enter” klavishasini bossangiz, o‘sha tarmoqqa tegishli ma’lumotlar batafsil ko‘rsatiladi. “Параметры безопасности” bo‘limidagi “Содержимое ключа” qatorida esa aynan siz izlayotgan parol aks etgan bo‘ladi (maqola ostida biriktirilgan rasmga e’tibor bering).

Ushbu usulning yaxshi tomoni shundaki, ayni damda o‘sha – paroli qidirilayotgan tarmoqqa ulangan bo‘lishingiz ham talab etilmaydi. Ishlatayotgan noutbukingiz yoki kompyuteringiz qachondir bir marta bo‘lsayam ulangan barcha Wi-Fi tarmoqlarining parollarini istalgan paytda shu yo‘l bilan aniqlay olasiz.

📝 DiMaX @terabaytuz

ℹ️ Qo‘shimcha sifatida tanishish va foydalanish tavsiya etiladi:
• Operatsion tizim rukni ostidagi barcha postlar: 1-qism | 2-qism | 3-qism | 4-qism | 5-qism | 6-qism
• Tarmoq rukni ostidagi barcha postlar: 1-qism
• Internet rukni ostidagi barcha postlar ro‘yxati: 1-qism | 2-qism | 3-qism | 4-qism
• Axborot xavfsizligi rukni ostidagi barcha postlar: 1-qism | 2-qism

👨🏻‍💻@itspecuz | Mundarija

​​#bilasizmi #smartfon #security

Avtomobil kaliti o‘tmishda qoladi: endi smartfon bilan...

CCC (Car Connectivity Consortium) konsorsiumi o‘zining ilk Digital Key standartini ommaga namoyish qildi. U avtomobillar uchun virtual kalitni smartfonga yuklab olish imkonini beradi.

Ushbu konsorsiumga taniqli avtokonsernlar bilan birga smartfon ishlab chiqaruvchilar ham kirgan. Ular qatorida Apple, Audi, BMW, General Motors, Hyundai, LG Electronics, Panasonic, Samsung va Volkswagen kabi gigantlar bor.

Virtual kalit yordamida NFC bilan ta’minlangan smartfon orqali avtomobilingizni ham ochasiz, ham yopasiz, dvigatelni yoqasiz, istasangiz avtomobilingizni boshqa haydovchi boshqarishga imkon berasiz. Shu bilan birga, mazkur standart xavfsizlik masalasiga ham alohida urg‘u beradi.

Konsorsium ishtirokchilari allaqachon Digital Key standartining ikkinchi bosqichi ustida tadqiqot ishlarini boshlab yuborishgan. Yangi mahsulot 2019 yilning birinchi choragida taqdim etiladi. U avtomobil bilan smart-qurilma orasida standartlashtirilgan autentifikatsiya protokolini taqdim etishi kerak.

Xullas, kelgusida kimdir mashinangizni o‘g‘irlamoqchi bo‘lsa, avval smartfoningizni qo‘lga kiritishi kerak bo‘ladi.

📝 Saroy Terabayt.uz

👨🏻‍💻@itspecuz

​​#ict_news #android

Androidlar endi shirinliklar nomi bilan atalmaydi 🤖🤔

“Google” bunday buyon “Android” operatsion tizimlarini desertlar nomi bilan atamaydi. Mana masalan, oxirgi versiyasi shunchaki — “Android 10”.

Shu paytgacha androidlar shirinliklar nomi bilan atalib kelinardi: “Gingerbread” (2010), “Ice Cream Sandwich” (2011), “Jelly Bean” (2012-2013), “KitKat” (2013), “Lollipop” (2014-2015), “Marshmallow” (2015), “Nougat” (2016), “Oreo” (2017), “Pie” (2018), ya’ni har xil pechenyelar, muzqaymoqlar, shokoladlardan tortib piroggacha.

Oxirgi versiyani bir oz muddat “Q” deb atashdi, keyin oddiygina “Android 10” qilib qo‘yishdi.

“Google” kompaniyasi izohiga ko‘ra, bu shirinliklarning nomlari turli mamlakatlarda yashovchi aksariyat odamlar uchun hech narsani anglatmaydi, qaysi biri eski-yangiligini ham. Buning ustiga inglizzabonlardan boshqalar bu nomlarni aytishga qiynalishadi.

Kompaniya logotipdagi kichkina robot va matndagi yashil rangni ham o‘zgartirdi, aytilishicha, ko‘zi yaxshi o‘tmaydiganlar qora rangdagi matnni yaxshiroq o‘qiy olishadi.

📝 Manba

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#ict_news #telegram

Telegram kriptovalyutasi: chiqish kunigacha aniq bo‘ldi! 🔜

Ommabop va xavfsiz Telegram messenjeri asoschisi o‘z kriptovalyutasini ham chiqarishga tayyorgarlik ko‘rayotgani haqida bir qator xabarlar berganmiz. Biroq ko‘pchilik kutayotgan bu voqeaning qachon amalga oshishi hamon so‘roq ostida edi.

The New York Times nashriga ko‘ra, kompaniya o‘z kriptopulining “birinchi partiyasi”ni shu ikki oy ichida amalga kiritadi. Ushbu nashr qo‘lga kiritgan huquqiy hujjatlarga ko‘ra, Telegram o‘z valyutasini shu yilning 31 oktabriga qadar yo‘lga qo‘yishi kerak. Aks holda, uning uchun to‘plangan 1,7 milliard dollaridan mosuvo bo‘ladi – bu esa hatto Pavel Durov uchun ham, Telegram uchun ham juda katta pul!

Shu boisdan ayni damda Telegram shu kriptovalyutasini imkon qadar tezroq muomalaga chiqarishga bor e’tiborini qaratgan. Messenjerning barcha foydalanuvchilari mazkur kriptopullarni Gram nomli raqamli hamyonda saqlashlari mumkin bo‘ladi.

📝 DiMaX @terabaytuz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#bilasizmi #mulohaza_uchun

📱Kelajak sensori

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#telegram

Telegram navbatdagi yangilanishni tayyorlamoqda! 🔜

Messenjerning navbatdagi versiyasida chatlar, guruhlar, kanallarda keyinga qoldirilgan xabarlarni yuborish imkoniyati paydo bo‘ladi. Shuningdek dasturchilar telefon raqamingiz boshqa abonentning kontaktlarida saqlangan taqdirda ham, uni berkitish opsiyasini qo‘shishmoqda. Bundan tashqari iOS foydalanuvchilari uchun ham Android-mijozida bo‘lgani kabi, mavzular muharriri (редактор тем) paydo bo‘ladi.

Bu haqda rasmiy tarjimalar platformasi orqali ma’lum bo‘ldi.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#excel

Vazifaning bajarilish holatini vizual tasvirlashda shartli formatlashdan foydalanish ✅❌

Vazifaning bajarilish holati yoki biror bir narsaning mavjudligini qushcha belgisi orqali vizual ravishda tasvirlash juda qulay hisoblanadi. Excel’da chekbokslar bilan vaqtni ketkazmaslik uchun turli xil alternativ variantlardan foydalanishimiz mumkin. Ulardan biri – shartli formatlashdir.

Iks belgisi uchun katakchaga 0 va qushcha belgisi uchun 1’ni kiritamiz. Dasturda chiroyli belgilar bilan birga mos tarzda qoidani belgilab o‘tamiz va katakchalarda raqamlarni ko‘rsatishni o‘chirib qo‘yamiz. Ortiqcha ma’lumot kiritilganda shartli formatlash ishlamay qolishi holatiga duch kelmaslik uchun, har ehtimolga qarshi kiritiladigan ma’lumotlarni tekshirishni sozlab qo‘yish foydadan holi bo‘lmaydi. Batafsilroq esa yuqoridagi videoda 👆🏻.

ℹ️ Qo‘shimcha sifatida o‘qish va foydalanish tavsiya etiladi:
• Excel yacheykalaridagi yozuvlarni shartli formatlashning imkoniyatlari

👨🏻‍💻@itspecuz | Mundarija