#learn_english_with_software

📚 “Straightforward Macmillan”ning darajalar bo‘yicha ajratilgan dasturlari bilan ingliz tilini o‘zlashtirib boramiz

Sizga taqdim etilayotgan “Straighforward Macmillan Upper Intermediate” kursi dasturiy ta’minoti bilan har kuni kamida 1 soat vaqt ajratgan holda, ingliz tili bo‘yicha bilimlaringizni mustahkamlab borishingiz mumkin. Dastur diskda ko‘p joy egallamasligi bilan ham o‘ziga xosdir, ishlashi uchun ham kompyuterning apparat ta’minotiga yuqori talablar belgilamaydi.

Orangizda ushbu dasturni birinchi darajasidan boshlab o‘rganib kelayotganlar bo‘lsa kerak, barchangizga ingliz tili bo‘yicha olib borayotgan izlanishlaringizda zafarlar tilab qolamiz.

👉🏻 Batafsil...

Dasturning so‘nggi darajasini kanalda bo‘lishishimiz uchun esa ushbu postimiz ostida kamida 5️⃣0️⃣ta ✅ belgisiga bosgan holda, o‘z ovozingizni qoldirishingizni kutib qolamiz. 😉

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#ict_news

Ta’lim sohasida test sinovlarini o’tkazish uchun “xTest” dasturi ishlab chiqildi 🔠

Dastur ta’lim sohasida fanlar bo’yicha test sinovlari jarayonlarini avtomatlashtirish uchun mo’ljallangan.

Dastur savollar va javoblarni kompyuter xotirasiga saqlash va javoblardan iborat kartalar tayyorlash, sinov o’tayotgan auditoriyada savollarni aralash tartibda takrorlamasdan tanlab olish, tanlangan savollar auditoriyaga oldindan yozilgan audio yozuvni eshittirish yoki matn shaklida yetkazish, dastur avtomatik ravishda sinov uchun belgilangan vaqt intervalini kutish, test jarayonini monitoring qilib borish kabi funksional imkoniyatlarga ega.

Mualliflar Sadirov Feruz va Sadirov Xasanlarga ushbu dastur uchun DGU 06156-raqamli guvohnoma berildi.

📝 Manba: ima.uz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​Muhammad al-Xorazmiy nomidagi Toshkent axborot texnologiyalari universiteti qoshidagi O‘zbek-Hind axborot texnologiyalari markazi yozgi ta’tilni mazmunli o‘tkazish uchun farzandlaringizni dasturlash bo‘yicha o‘quv kurslariga taklif etadi!

❗️YOZGI TA’TILNI FOYDALI O‘TKAZISH UCHUN AJOYIB IMKONIYAT❗️

Bolalar uchun vizual dasturlash (Scratch) o‘quv kursida farzandlaringiz turli xil multfilmlar, o‘yinlar, musiqali roliklar, “jonli” rasmlar yaratish orqali dasturlash asoslari va mantig‘i bilan tanishadi.

O‘quv kursining umumiy davomiyligi 1 oy bo‘lib, haftasiga 3 marotaba 2 soatdan o‘zbek va rus guruhlarida olib boriladi. O‘quv kurslari mos tarzda iyun, iyul va avgust oylarida tashkil etiladi.

⌨️ O‘quv kursiga quyidagi havola bo‘yicha ro‘yxatdan o‘tishingiz mumkin: http://bit.ly/2Yw9DZX

📞 Murojaat uchun telefon: +998712386524

🌐 Rasmiy saytimiz: www.uicit.uz

SIZLARNI KUTIB QOLAMIZ, BIZ BILAN YOZ O‘TADI SOZ! 😉

📌 Scratch — bu bolalar uchun oddiy, tushunarli va niyoyatda qiziqarli dasturlash tilidir. Unda yodda tutish va xatosiz yozish lozim bo‘lgan kodlarni shunchaki uchratmaysiz. Sizdan talab etiladigani — bu faqat o‘qish va hisoblashni bilishdir. “Lego” konstruktori bilan bo‘lgani kabi, Scratch yordamida turli rangdagi “g‘ishtchalar” — bloklardan dasturlarni yig‘ish mumkin. Dasturda har qanday o‘zgartirishlarni istalgan paytda amalga oshirish va buni dastur ishlashiga qanday ta’sir etganini darhol ko‘rish mumkin. Batafsil tushuntirishlar, qadamma-qadam ko‘rib chiqilgan misollar va ko‘plab mashqlar Scratch’ni qiyinchiliksiz o‘rganishda yordam beradi. O‘quv kursi 8 yoshdan boshlab bolalar (va ularning ota-onalari), shuningdek dasturlashni noldan o‘rganish istagini bildirgan barcha uchun to‘g‘ri keladi.

👨🏻‍💻 “UICIT” kanaliga ulanish uchun👇🏻
https://t.me/joinchat/AAAAAEvAZRehyp9DhtvTfA

#bilasizmi #hardware

Dunyodagi birinchi 1Tb hajmdagi microSD kartasi sotuvga chiqarildi. Joriy yilning qishida Western Digital kompaniyasi MWC taqdimotida 1Tb hajmdagi eng tezkor UHS-I microSD xotira kartasini taqdim etdi. Uning narxi 450 AQSh dollarini tashkil etmoqda va hozircha Western Digital yangi kartalarni faqatgina Amazon saytida sotmoqda.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#telegram #internet #mulohaza_uchun

Telegram asoschisi Durov: “Nima uchun WhatsApp hech qachon xavfsiz bo‘la olmaydi?” 🤔

Kuni kecha Isroilning NSO Group kompaniyasi WhatsApp himoyasidagi “tuynuk”dan foydalanib kelayotgani haqida xabar bergandik. Mazkur kompaniya o‘zi aynan josuslik dasturlarini ishlab chiqarishi bilan mashhur.

Shu mashmashalar ortidan VKontakte ijtimoiy tarmog‘ining hamda Telegram messenjerining asoschisi Pavel Durov ham “Nima uchun WhatsApp hech qachon xavfsiz bo‘la olmaydi?” sarlavhali postida ushbu messenjerni qattiq tanqid qildi.

Durovning ta’kidlashicha, WhatsApp’da foydalanuvchining surati, manzili va kontaktlariga kirish imkonini beruvchi “tuynuk” mavjudligi aniqlanganiga unchalik ham hayron qolmagan. Bu – WhatsApp tarixida birinchi bo‘layotgan voqea emas.

Telegram asoschisi ta’kidlagan ikkinchi kamchilik – WhatsApp dastlabki kodining yopiqligidir. Ayni shu bois uni xolis dasturchilar, xavfsizlik sohasidagi mutaxassislar tekshirib ko‘ra olishmaydi. Durovga ko‘ra, dasturchilar hatto bu messenjer kodini ataylab chalkashtirib tashlashgan – chetdan hech kim uni tushunib qolmasligi uchun. Ayni shu yondashuviga ko‘ra WhatsApp ochiq kodli Telegram messenjeriga qarama-qarshidir.

WhatsApp messenjerining egasi Facebook kompaniyasi ekanligini ham Durov yana bir bor eslatib o‘tgan – bu kompaniya AQSh Federal qidiruv byurosi bilan hamkorlikda gumon qilinadi. Durov bu taxminiga asos qilib shuni keltiradiki, Telegram’dan farqli ravishda, WhatsApp messenjeri Rossiyada va Eronda bloklanmagan. Demak – hukumat uning foydalanuvchilari yozishmalariga hamda shaxsiy ma’lumotlariga kira oladi.

Bulardan tashqari, WhatsApp’da xabarlarni shifrlash yo‘lga qo‘yilgan paytda yana bir funksiya – chatlarning zaxira nusxasini “bulutli” serverda saqlab qo‘yish imkoni ham yo‘lga qo‘yilgandi. Durovning fikricha, bu aslida tuzoq bo‘lib, shifrlangan bo‘lishiga qaramasdan, foydalanuvchilarning ma’lumotlarini uchinchi shaxslarga taqdim etish imkonini beradi.

WhatsApp asoschilaridan biri Facebook bilan kelishmovchilik sababli kompaniyadan ketgan, ikkinchisi esa barchaga mazkur ijtimoiy tarmoqdagi akkauntlarini o‘chirib tashlashni maslahat bergan. Ularning ikkalasi ham kompromiss uchun “o‘z foydalanuvchilarining maxfiyligini sotishgan”ligini tan olishgan.

Va nihoyat, WhatsApp keyingi paytlarda Telegram’ga kiritilgan yangi funksiyalarni o‘zlashtirib kelayotganiga ham P.Durov e’tibor qaratgan. Bunday holat Facebook hamda uning loyihalari, jumladan – Instagram uchun oddiy holdir, deydi u.

📝 DiMaX @terabaytuz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#telegram #internet #maslahat

Telegram-kanallarini brauzer orqali ko‘rish💪

Telegram brauzer orqali ommaviy kanallarni ko‘rish imkoniyatini qo‘shdi. Buning uchun brauzerning qidiruv satriga kanalning havolasini kiritish (masalan, t.me/itspecuz) va “Preview Channel” ustiga bosish lozim.

Shunday qilib, messenjerda akkauntga ega bo‘lmay turib, kanallarning tarkibini o‘qish mumkin.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#bilasizmi #telegram #mulohaza_uchun

Eng birinchi kanalni ko‘ryabsizmi? Tovlamachilarning kanali endi shu ko‘rinishda belgilanadi: SCAM

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#iPhone #iOS

iPhone’dagi Safari’da tasodifan yopilgan sahifani qanday tez ochish mumkin? 📲🔁

🔙 Agar siz Safari’da sahifani tasodifan yopib qo‘yib, uni tez qayta ochmoqchi bo‘lsangiz, unda buning uchun qulay, lekin kamchilik biladigan usul mavjud.

1️⃣ Ochilgan sahifalarni ko‘rish menyusiga o‘ting.
2️⃣ “+” tugmasiga bosing.

✅ Soniyadan so‘ng barcha yaqin orada yopilgan sahifalarni o‘zida jamlovchi sahifa ochiladi.

🔝 Ushbu usul tufayli siz nohosdan yopilgan sahifani qayta ochish uchun brauzer tarixiga o‘tib o‘tirmaysiz.

📝 Manba: @smartphonesecrets

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#ict_news #mulohaza_uchun

Barcha kommunal to‘lovlar uchun yagona mobil ilova yaratish taklif qilinmoqda 📲

“Mening fikrim” jamoaviy murojaatlar portalida Mening uyim mobil ilovasini yaratish haqida petitsiya e'lon qilindi.

Qayd etilishicha, barcha kommunal to‘lovlarni o‘z vaqtida to‘lash, amaldagi balans, foydalanish shartlari va yangiliklarni bilib borish imkoniyatini beradigan Mening uyim mobil ilovasini yaratish kerak.

Ushbu mobil ilova orqali fuqaro o‘z hisobiga to‘lovlarni erkin ravishda to‘lashi, qarzdorlik holati haqida muntazam ravishda xabardor bo‘lib turishi mumkin bo‘ladi. Shunda iste'molchilar penya kabi ortiqcha to‘lovlarni to‘lashga majbur bo‘lishmaydi.

“Shu sababli, Mening uyim mobil ilovasini yaratish va uning muntazam ravishda faoliyat yuritishini taklif qilaman”, - deb yozadi murojaat muallifi.

📝 Manba: @xabardoruz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#operatsion_tizim

Windows 10’da kompyuter va noutbukni tungi rejimga avtomatik o‘tadigan qilamiz 🏙🌃

Xabaringiz borki, Windows 10 operatsion tizimida yorqin va to‘qrang (tungi) rejim mavjud, ammo ularning biridan ikkinchisiga o‘tish uchun “Персонализация” parametrlariga kirish kerak. Biz esa ushbu ishni kerakli paytda o‘zi amalga oshiruvchi Auto-Night-Mode nomli utilitani tavsiya etmoqchimiz.

👉🏻 Batafsil...

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#bilasizmi #game

Kompyuter o‘yinlari reaksiya va e’tiborni kuchaytirishi ilmiy jihatdan isbotlangan. 🕹

👨🏻‍💻@itspecuz

#operatsion_tizim #software #maslahat

⌨️ Windows uchun “Соло на клавиатуре” klaviatura trenajyori

Chiqqan sanasi: 2011
Dasturning nomlanishi: СОЛО на клавиатуре 3 в 1
Dastur versiyasi: 9.0.5.65

Rasmiy sayt manzili: http://ergosolo.ru/
Interfeys tili: Ruscha
Davolash: talab etilmaydi

Tizim talablari: Windows XP/Vista/7

Tavsifi: ⌨️ Соло на клавиатуре — o‘n barmoqda qaramasdan terish usulini, ya’ni barcha (yoki aksariyat) barmoqlarni ishlatib, klaviatura klavishlariga qaramasdan matnni “ko‘r-ko‘rona” terishni o‘rgatish uchun mo‘ljallangan dastur hisoblanadi. Oxirgi, to‘qqizinchi versiyasida interfeys o‘zgartirilgan, o‘rganishga bo‘lgan yondashuv qiziqarliroq ko‘rinishga keltirilgan, o‘yinlar va testlar qo‘shilgan — barchasi “СОЛО” amaliyotidan o‘tuvchi foydalanuvchilarning nisbatan qisqa muddatda o‘n barmoqli qaramasdan terish ko‘nikmalarini egallashi va o‘z xarakterining eng yaxshi qirralari: maqsad sari intiluvchanlik, chidamlilik, qat’iyatlikni rivojlantirish uchun puxta o‘ylangan. Dasturning “3 tasi 1 da” versiyasi o‘z ichiga uch kursni oladi: “Ruscha kurs”, “Inglizcha kurs” va “Raqamlarni bo‘ysundirish”.

ℹ️ Qo‘shimcha sifatida tanishish va foydalanish tavsiya etiladi:
• Onlayn klaviatura trenajyorlari
• Klaviaturaga qaramasdan tezkor matn kiritish ko‘nikmasini shakllantirish (Ratatype)
• Klaviaturada tezkor matn kiritish uchun Stamina xizmati
• Raqobatlashish rejimini taqdim etuvchi klaviatura trenajyori (TypeRacer)
• Klaviatura bilan ishlashga oid mavzularni o‘ziga jamlagan postimiz
• Operatsion tizim rukni ostidagi barcha postlar: 1-qism | 2-qism | 3-qism | 4-qism | 5-qism | 6-qism

👨🏻‍💻@itspecuz | Mundarija

#ict_news #hardware

Yaponlar o‘zi tiklanuvchi akkumulyator yaratishdi 🇯🇵🔋

Yaponiyalik olimlar o‘zini o‘zi tiklovchi akkumulyatorlar texnologiyasini ishlab chiqishdi. Bu haqda “EurekAlert” yozmoqda.

Hozirgi qurilmalar litiy-ionli yoki natriy-ionli akkumulyatorlarda ishlaydi. Ammo qayta-qayta quvvatlanaverganidan so‘ng vaqt o‘tishi bilan har ikki turdagi akkumulyator ham dastlabki sig‘imini yo‘qotadi. Bunga sabab shuki, akkumulyatorning ichki qatlamlari yemirila boshlashi oqibatida yoriqlar paydo bo‘ladi va oqibatda batareya quvvat oluvchanligi pasayib ketadi.

Va foydalanuvchi yangi akkumulyator sotib olishga majbur bo‘ladi.

Yapon texnologiyasi esa maxsus tiklanuvchi material yordamida batareyaning umrini uzaytirib beradi.

Bu akkumulyator qatlamlari kulon tortishishi bilan ushlab turiladi, ya’ni u odatiy akumulyatorlarda qo‘llanilayotgan Van-der-Vaals kuchlaridan baquvvatroq.

Yaponlar yaratgan material tiklana oladi, smartfonlar va avtomobillar akkumuyatorlari uchun birdek tatbiq etishi mumkin.

📝 Manba: @xabaruzofficial

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#telegram #mulohaza_uchun

Telegram’dagi shubhali kanallarga “firibgarlik” yorlig‘i qo‘yila boshladi. Ro‘yxatda O‘zbekistonning kanali ham bor! 🚫🔖

Telegram messenjeri ma’muriyati shubhali kanallar, akkauntlar va botlarga nisbatan “firibgarlik” (SCAM) yorlig‘ini ishlata boshladi. Bu haqda “Novosti Uzbekistana” xabariga asoslanib Daryo nashri yozmoqda.

O‘QING: Endi Telegram’ni o‘rnatmasdan turib ham undagi kanallarni o‘qish mumkin!

Bugungi kunda yorliq 49 ta kanalga, jumladan, O‘zbekistonning 1 ta kanaliga ham berilgan. “Qora ro‘yxat”da Rossiya yetakchilik qilmoqda (45 ta kanal).

Shuningdek, Ukrainaning 2 ta kanali va Buyuk Britaniyaning 1 ta kanali ham kirgan. Ko‘pchiligi “savdo” va “boshqa” kategoriyaga tegishli. Bunday kanallarning umumiy a’zosi 1,7 million kishini tashkil qiladi.

Xuddi shunday yorliqni shubhali hisoblangan kanal administratorlari ham olgan. Uni profildagi tasvirdan topish mumkin.

Firibgar deya e’tirof etilgan kanallarga to‘g‘ridan-to‘g‘ri yoki ichki havola orqali kirish mumkin. Ammo messenjerning qidiruv tizimi orqali topib bo‘lmaydi.

Xabarda aytilishicha, bunday yorliq berish TON blokcheyn-platformasidagi e’lon bilan bog‘liq bo‘lishi mumkin. Shuningdek, Telegram bunday yorliqni olmaslik uchun qanday qoidalarga amal qilish kerakligi haqida rasmiy ma’lumot bermagan.

📝 DiMaX @terabaytuz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#mulohaza_uchun

Hayot – bu dunyo tomonidan o‘zida yashab turgan insonlarga doimiy tarzda bir xil topishmoq savoli beriladigan o‘yindir: “Qani topinglarchi, men qandayman?” va har bir inson o‘z tasavvurlaridan kelib chiqib, bunga: “sen beshafqatsan” yoki “sen shinamsan” deya javob qaytaradi.

Yoki “quvnoq, g‘amgin, do‘stona, dushmanona, baxtli, baxtsiz”.

Qizig‘i shundaki: ushbu viktorinada har bir kishi g‘alaba qozonadi! Dunyo buni tasdiqlaydi va har bir inson qarshisida buyurtma qilingan qiyofasida namoyon bo‘ladi.

Dunyo, xuddi oyna kabi sizning unga bo‘lgan munosabatingizni aks ettiradi.

📝 Manba: @transu

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#ict_news #internet

O‘zbekiston simli internet tezligi bo‘yicha reytingda 7 pog‘ona yuqoriladi 📈

O‘zbekiston simli tezlik bo‘yicha reytingda 7 pog‘ona yuqoriladi. Irlandiyaning Ookla kompaniyasiga qarashli Speedtest.net sayti 2019 yil aprel oyi yakunlari bo‘yicha dunyodagi simsiz va simli internet tezligi haqidagi ma’lumotlarni o‘z ichiga olgan Speedtest Global Index oylik reytingini e’lon qildi, deb yozadi Spot.

Batafsil...

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#telegramda_kanal_yuritish #rasm_bilan_ishlash

💡 Post matnining ostki qismiga rasm, video yoki GIF-fayl qanday biriktiriladi?

Ostiga media (rasm, video yoki GIF) biriktirilgan matnli postni tayyorlash uchun bizga quyidagilar talab etiladi:

1. Postning ostki qismida ko‘rsatish uchun kerakli bo‘lgan fayllarni internetga yuklash va yuklangan fayl uchun havolani olish.

2. Post matniga faylning sirli havolasini qo‘shish.

@ControllerBot boti orqali postni qo‘shganimizda barchasi oddiy bajariladi – botda post uchun mediani biriktirish funksiyasi mavjud. Batafsil ushbu postimizda.

Postlarni kanallar va guruhlarga botlar yordamisiz qo‘shishda esa savol yuzaga keladi: “Postga qo‘shiladigan o‘sha sirli havolani olish uchun mediani qanday qilib va qayerga yuklash lozim?”

Bunda bizga @MediaUploadBot, @mediauploader_bot yoki @Uploader_Telegraph_bot yordamga keladi. Ushbu botlar sizning rasm, video va GIF-fayllaringizni o‘ziga yuklab oladi va darhol havolasini uzatadi.

Olingan havolani postning boshlanishida biror tinish belgisi yoki emodzi ortiga berkitamiz. Masalan, e’tiborni jalb etish maqsadida biz postlarimizni emodzilar bilan boshlaymiz, aynan shu kichik elementlarning ortida biriktirilayotgan medianing havolasini berkitish qulaydir.

Havolani berkitish deganda - biriktirilayotgan media uchun olingan havolani postga qo‘shish tushuniladi. Xuddi oddiy matn bilan bo‘lgandagi kabi, biroq havola matn tarkibida sezilar-sezilmas darajada aks etishi lozim.

Bor yo‘g‘i shu - biriktirilgan mediali postimiz nashr etish uchun tayyor :)

📌 P.S.: Postning ostki qismiga biriktiriladigan rasm, video yoki GIF-faylning hajmi 5Mb’dan oshmasligi lozim.

ℹ️ Telegram ilovasi haqida foydali maslahatlar mundarijasi keltirilgan postlarimiz bilan ham tanishing: 1-post | 2-post

👨🏻‍💻@itspecuz | Mundarija

​​#ict_news

🇺🇸🚫🇨🇳 Google korporatsiyasi Huawei bilan hamkorlikni to‘xtatdi. Xitoy kompaniyasi qurilmalarini nima kutmoqda? 🤔

Google korporatsiyasi Xitoyning Huawei kompaniyasi bilan hamkorlikni to‘xtatdi. Bunga AQSh hukumatining Xitoy gigantini qora ro‘yxatga kiritish haqidagi qarori sabab bo‘ldi.

Nima bo‘ldi?

16 may kuni AQSh savdo vazirligi Xitoyning Huawei telekommunikatsiya kompaniyasi va u bilan aloqador yuridik shaxslarni qora ro‘yxatga kiritishga qaror qildi. Qaror 17 maydan kuchga kirdi.

Shundan so‘ng Google korporatsiyasi Xitoy kompaniyasi bilan hamkorlikni to‘xtatdi.

Keyinroq Bloomberg agentligi Intel, Qualcomm, Xilinx va Broadcom kompaniyalari ham Huawei kompaniyasiga o‘z mahsulotlarini yetkazib berishni to‘xtatganini ma'lum qildi.

Huawei’ni nima kutmoqda?

O‘zaro hamkorlikning to‘xtatilishi Huawei erkin olish mumkin bo‘lgan mahsulotlardan tashqari, Google’ning barcha texnologiyalari va dasturiy ta'minotidan mahrum bo‘lishini anglatadi.

Masalan, Huawei Android tizimi yangilanishlaridan mosuvo bo‘ladi.

Bundan tashqari, Xitoy kompaniyasi Google dasturlarini, masalan, Google Play va Gmail elektron pochtasini o‘rnata olmaydi.

Huawei qurilmalari egalari nima qiladi?

Google’ning bildirishicha, allaqachon Huawei qurilmalariga ega bo‘lgan foydalanuvchilarda Google Play va Google Play Protect ilovalari ishlashda davom etishini bildirdi.

📝 Manba: @xabardoruz

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

​​#telegramda_kanal_yuritish

💡 Murojaatlar bilan ishlash uchun maxsus botdan foydalanish (Livegram Bot)

Kanalni yaratgan mahalingizda, kanal foydalanuvchilari bilan bog‘lanish maqsadida maxsus bot yaratib, sozlab olishni tavsiya etamiz. Shunda kanallaringiz va guruhlaringizni kuzatuvchilar hattoki muloqot uchun cheklov olgan bo‘lishsa ham (SPAM uchun jazolangan), sizga yoza olishlari mumkin bo‘ladi. Bu shuningdek sizga inkognito (kanal foydalanuvchilaridan panada) bo‘lishda yordam beradi.

Masalan, bizning kanalimizga qidiruv satriga @itspecuz manzilini kiritgan holda o‘tiladi va kanal ma’muriga @itspecuz_comment_bot orqali murojaat etiladi.

Kanal uchun bot manzilini imkon qadar tezroq o‘zlashtirib olganingiz ma’qul, chunki manzillarni o‘zlashtirib, keyin pulga sotishga qiziquvchilar talaygina topiladi...

Murojaatlar uchun bot qanday yaratiladi?

@LivegramBot (Livegram Bot) konstruktori yordamida murojaatlar uchun botni qanday yaratishni kanalimizda joylashtirilgan maxsus post orqali bilib olishingiz mumkin. Ushbu postimizga faqatgina shuni qo‘shimcha qilamizki, botga kelgan xabarga javob qaytarishingiz uchun murojaatchini tanlab, unga “Ответить” (Reply) amalini qo‘llashingiz lozim, aks holda xabaringiz kimga yuborilishini bilmay o‘zingizga qaytib keladi (Aksariyat mushtariylarimizdan shu savol kelib tushadi).

Ushbu postimizda yuqorida keltirilgan postda uchratmaydiganingiz, ya’ni botni (lozim bo‘lgan taqdirda) maxsus chatingizga qo‘shib qo‘yish imkoniyati haqida so‘z yuritiladi.

Murojaatlar uchun botni maxsus chatingizga qo‘shish bor yo‘g‘i bir daqiqa vaqtingizni oladi va sizga ko‘proq imkoniyatlarni taqdim etadi!

Botni chatga ulaganingizdan so‘ng, har bir foydalanuvchidan yuboriladigan xabar sizning chatingizga kelib tushadi. Foydalanuvchilar bilan olib borgan muloqotingiz tarixi sizda doimiy tarzda saqlanib boradi.

Foydalanuvchilar chatga qo‘shilmaydi - barcha javoblarni bot orqali olishadi. Ushbu chat faqat sizda namoyon bo‘ladi.

Chatga foydalanuvchilar tomonidan kelib tushadigan xabarlarga javob qaytarish maqsadida menejerlarni qo‘shishingiz mumkin. Barcha muloqotlarni ko‘rib turgan holda yordamchilaringizning ishini nazorat qilib borishingiz mumkin. Garchi menejerlardan birortasi ishiga mas’uliyatsizlik bilan yondashib, olib borgan muloqotlarini o‘chirishga urinib ko‘rsa ham - ular sizda o‘chmaydi.

Murojaatlar uchun botni qanday qilib chatga qo‘shish mumkin?

1️⃣. Privativ (xususiy) guruhni yaratasiz - siz unda yagona admin bo‘lishingiz lozim.

2️⃣. Unga oddiy foydalanuvchi sifatida murojaatlar uchun botni qo‘shasiz. @LivegramBot botlar konstruktori orqali sizning botingiz chatga ulanganligi haqida bildirishnoma olasiz.

3️⃣. Lozim bo‘lgan taqdirda o‘z yordamchilaringizni ham chatga oddiy foydalanuvchi sifatida qo‘shasiz.

MUHIM, foydalanuvchilarga javob yozish uchun shunchaki chatga yozmaysiz, balki har doim buni ОТВЕТИТЬ (REPLY) orqali amalga oshirasiz. Bu orqali botga xabaringizni aynan qaysi murojaatchiga yuborayotganingizni bildirasiz. Yordamchilaringiz siz bilan yoki o‘zaro maslahatlashish maqsadida guruh orqali shunchaki yozishishlari mumkin, bu kanal mushtariylariga yuborilmaydi.

Allaqachon yuborilgan xabaringizda imloviy xatolik mavjudligini aniqlagan taqdiringizda uni chatda tuzatishingiz (ИЗМЕНИТЬ (EDIT)) mumkin - bot foydalanuvchi tomonida buni o‘zi to‘g‘irlaydi. Agar shunchaki o‘chirsangiz - foydalanuvchi tomonida u o‘chmaydi, shuning uchun xabarlarni o‘chirishga urinmasdan, matn terishda yo‘l qo‘yilgan xatoliklarni to‘g‘irlashni maslahat beramiz.

Foydalanuvchilarga chat orqali javob berganingizda siz yuqorida aytib o‘tilganidek - inkognito bo‘lib qolasiz, javoblarni ular botingiz orqali qabul qilishadi.

P.S. Barchasi bajarilganidan so‘ng, sizda Telegram’da foydalanuvchilarni to‘laqonli qo‘llab-quvvatlash xizmati yaratilgan va sozlangan bo‘ladi. Kanal va guruhlaringizning izohida bog‘lanish uchun ma’lumot (qo‘llab-quvvatlash xizmati botining manzili)ni qo‘shib qo‘ysangiz bo‘ldi.

👨🏻‍💻@itspecuz

​​#smartfon #maslahat

⏰Yotoqxonada gadjetlardan foydalanmang

Oramizda ko‘pchiligimiz uyquga ketishdan oldin smartfon ekraniga termulib yotishni xush ko‘ramiz, lekin bu juda yomon odat sanaladi.

🔸Kun kechga qarab borgani sayin miya melatonin moddasini hosil qila boshlaydi va u tez orada uyquga ketishimizda yordam beradi.
🔸Biroq Milliy uyqu fondi va Mayyo klinikasi bergan ma’lumotlar ko‘ra, smartfonlar, planshetlar va noutbuklar ekranlaridan taraladigan ko‘k nurlanish ushbu jarayonni sekinlashtiradi.
🔸Shuningdek u miyani “yoqiq” holatda qolishiga olib keluvchi kortizol moddasining ishlab chiqarilishiga olib keladi.

Natijada siz borgan sari uyquning chala bo‘layotganidan shikoyat qilasiz, uyqu vaqtida amalga oshuvchi sinaptik yangilanish jarayoni buziladi, ongingizning o‘tkirligi pasayadi.

📍Bundan saqlanish esa oson – shunchaki to‘shakda gadjetlardan foydalanmang.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg

#bilasizmi

Dunyodagi birinchi dasturchi ingliz ayol Ada Lavleys bo‘lgan.

👨🏻‍💻 “IT-specialist” kanaliga ulanish uchun👇🏻
https://t.me/joinchat/AAAAAEI9ZzrOPL6R7x1Fvg