​​#smartfon #maslahat

Smartfonni tunda quvvatlashga qo‘yib yotish xavflimi?

Tunda uxlashdan avval telefoningizni quvvatlashga qo‘yib qo‘yasiz, tonggacha batareyasi yuz foizga to‘lib, tayyorgina bo‘lib turadi. Zo‘r-a?

Hamisha ham emas

Gap shundaki, ko‘pincha biz bitta telefonni bir-ikki yil ishlatamiz, keyin yangisini olamiz. Bu muddatda esa foydalanuvchi akkumulyatorning sig‘imi kamayganini sezib ulgurmaydi. Agar siz ham bitta smartfondan ko‘p yillar davomida foydalanmaydigan bo‘lsangiz, uni tunda quvvatlashga qo‘yib uxlayversangiz bo‘ladi.

Bundan tashqari, tez-tez quvvatlantirib turish litiy-ionli batareyalarga salbiy ta’sir ko‘rsatadi. Bunda akkumulyatorning o‘zi tokka to‘lib-toshib ketishi emas, balki tez-tez quvvat olishi asosiy omildir.

Telefonlar uchun quvvatlash uskunalarini ishlab chiqaruvchi Anker kompaniyasining matbuot kotibi Edo Kampos ta’kidlashicha, akkumulyatorlar to‘lganidan keyin ortiqcha tok olmaydi.

Aslida smartfonlar aqlli qurilmalardir. Ular quvvatlanishni to‘xtatish vaqtini bilishadi.
Edo Kampos

Zamonaviy modellar akkumulyatorni ortiqcha to‘lib ketishdan himoyalovchi maxsus chiplar bilan jihozlangan. Shu bois, smartfoningizning o‘z jamlanmasida kelgan yoki unga to‘la mos tushuvchi quvvatlagich orqali tungi quvvatlanishga qo‘yish sababli aytarli zarar yetmaydi.

Ammo gap boshqa yoqda: quvvatlash jarayonining o‘zi smartfon batareyasiga salbiy ta’sir etishi mumkin.

Xo‘sh, nega endi?

Ko‘pchilik telefonlarda avvaldan o‘rnatilgan texnologiya – batareyasini tezkorlik bilan to‘ldirish funksiyasi mavjud. Simsiz quvvatlash sohasidagi Ossia kompaniyasi asoschisi, bosh ilmiy xodimi va texnik direktori Xatem Zeyne so‘zlariga ko‘ra, bu texnologiya qurilmalarning quvvatlash uskunasi kuchiga moslashib qolishiga olib keladi.

Elektr toki batareyaga modullangan ko‘rinishda yetib keladi, bunda litiy ionlarining qutbdan-qutbga harakatlanishi tezligini oshiradi va quvvatlanishni tezlashtiradi. Biroq bu jarayon litiy-ionli va litiy-polimerli akkumulyatorlarning tezroq to‘zishiga sabab bo‘ladi.

Smartfoningizni kuchaytirilgan tezlikda quvvatlash bilan siz batareyaning xizmat qilish vaqtini qisqartirasiz.
Xatem Zeyne

Yechimi bormi?

Agarda litiy-ionli batareyangiz ko‘proq vaqt xizmat qilishini istasangiz, u holda baquvvatligi kamroq gadjet uchun mo‘ljallangan quvvatlagichdan foydalaning, deydi Zeyne. Lekin bu ham batareyangiz umri uzayishiga kafolat bo‘la olmaydi.

Masalan, agarda IPad Pro’ni iPhone quvvatlagichi yordamida quvvatlasak, uning akkumulyatori juda ko‘p vaqtda to‘ladi. Muhandislarning ta’kidlashicha, aynan shu tarzda – sekinlik bilan to‘ldirish batareyaning xizmat muddatini uzaytiradi.
Xatem Zeyne

Agarda akkumulyatori uzoq vaqt xizmat qilsin, desangiz – smartfoningiz qizib ketishiga yo‘l qo‘ymang. Zero, yuqori harorat litiy-ionli batareyalarning tez to‘zib qolishiga olib keladi. Apple saytida ham, 35°C dan yuqori harorat «akkumulyatorning shikastlanishiga sabab bo‘lishi mumkin»ligi aytilgan.

Qanday quvvatlasak to‘g‘ri bo‘ladi?

Zeyne va Kampos ta’kidlashicha, tobora yangi smartfonlarga talab kuchayib borayotgan bugungi sharoitda, ularni tungi quvvatlantirish aytarli salbiy ta’sir ko‘rsatmaydi.

Buning ustiga, so‘rovlar natijalariga ko‘ra, foydalanuvchilarning aksariyati o‘z telefonlarini ikki yil ichida almashtirishadi. Shu vaqt ichida ko‘pchilik batareyalarda to‘zish alomatlari sezilmaydiyam.

Shu bois, qadrdon qurilmangizni bemalol tunda ham quvvatlashga qo‘yib yotaversangiz bo‘ladi.

Biroq keyingi paytlarda akkumulyatorlar turli sabablarga ko‘ra qizib, yonib va hatto portlab ketishi haqidagi xabarlarga tez-tez duch kelayotirmiz. Shunday holatlarning oldini olish va yuz berganida ko‘riladigan choralar haqidagi maqolamiz bilan ham tanishib qo‘yishingizni tavsiya etamiz.

DiMaX Terabayt.uz

👨🏻‍💻@itspecuz

​​#smartfon #android

📲 Google Play Awards 2018: yilning eng zo‘r o‘yin va ilovalari taqdirlandi

Har yili Google kompaniyasi to‘qqizta toifa bo‘yicha o‘tgan bir yil davomidagi eng yaxshi o‘yinlari hamda ilovalarini aniqlab, maxsus taqdirlaydi. Joriy yildagi Google Play Awards sovrindorlarini kompaniya 8 may kuni o‘z blogida e’lon qildi.

Quyida mazkur mukofotga sazovor bo‘lgan Android-ilovalarni keltirmoqdamiz.

1️⃣. Simple Habit Meditation

Ushbu meditatsiya ilovasi mingdan ortiq turli mashqlarni o‘z ichiga oladi. Mashg‘ulotlar mobaynida siz faqatgina ustozning ovozini eshitasiz, u sizga xotirjamlik va ruhiy barqarorlik baxsh etadi.

Simple Habit Meditation ilovasini mana bu havola orqali yuklab olishingiz mumkin.

2️⃣. Be My Eyes

Ko‘zi ojiz kishi mazkur ilova orqali volontyor (ko‘ngilli yordamchi) bilan bog‘lanishi va undan yordam so‘rashi mumkin. Bu – yolg‘iz yashovchi ko‘zi ojizlar uchun tengi yo‘q dastur. Istagan sog‘lom kishi esa volontyor bo‘lib, ushbu dastur orqali ularga ko‘maklasha oladi.

Mazkur ilovani ushbu havola orqali ko‘chirib olish imkoni bor.

3️⃣. Khan Academy

Navbatdagi dastur turli yo‘nalishlar: matematika, fizika, kimyo va boshqa fanlar bo‘yicha ulkan bilimlar omborini jamlagan. Ilova 10 000 dan ortiq videoroliklar va 40 000 ta interfaol mashg‘ulotlarni o‘z ichiga oladi.

“Xon akademiyasi”dan foydalanish uchun uni mana bu havola yordamida o‘rnatib oling.

4️⃣. Old Man’s Journey

Ushbu indi-o‘yinda siz olis safarga chiqqan chol rolida o‘ynaysiz. Siz bosh qahramonning hayot tarixi bilan tanishasiz, hayotning baxtli damlarini u bilan birga yashab ko‘rasiz va mash’um xatolarga yo‘l qo‘yasiz...

Old Man’s Journey o‘yinini esa ushbu havola orqali smartfoningizga o‘rnatib olishingiz mumkin.

5️⃣. Episode

Bu o‘yin romantik sarguzashtlardan iborat, ammo ularning syujeti sizning harakatlaringizga bog‘liq. Betakror personaj yarating, harakat joyini tanlang va o‘z tarixingizni yarating.

Episode o‘yinida o‘zingizni sinab ko‘rish uchun mana bu havola orqali uni yuklab oling.

6️⃣. BBC Earth: Life in VR

Okean tubiga virtual sayohatga yo‘l oling. U yerda yashovchilar hayoti bilan tanishasiz, okean hayotida o‘rmonlarning tutgan o‘rnini bilib olasiz, mikroskopik hayot turlarini batafsil tomosha qilasiz.

BBC Earth: Life in VR dasturini ushbu havola yordamida smartfoningizga o‘rnatib olishingiz mumkin.

7️⃣. Flipkart Online Shopping App

Bu – Hindistondagi ommaviy onlayn savdo maydonchasining rasmiy ilovasidir.

Har ehtimolga qarshi, mana bu havola orqali yuklab olinadi.

8️⃣. Canva

Mazkur universal grafik muharrir yordamida fotosuratlarni qayta ishlash, kollajlar tuzish, taklifnomalar yaratish va boshqa ko‘plab ishlarni amalga oshirish mumkin.

Mana bu havola orqali o‘rnatib olib, bir sinab ko‘ring...

9️⃣. Empires & Puzzles

Ushbu pazl-o‘yinda ko‘pchilikka tanish bo‘lgan «bir qatorga uchtasini terish» mexanikasi qal’alar qurish, boshqa o‘yinchilar bilan o‘ynash hamda o‘z qo‘shinini tashkil etish kabilar bilan uyg‘unlashtirilgan.

Bu o‘yinni ushbu havola yordamida smartfoningizga ko‘chirib olishingiz mumkin

DiMaX Terabayt.uz

👨🏻‍💻@itspecuz

​​#bilasizmi

⌨️ Agar ekranni to‘liq emas, balki aktiv turgan oynani rasmga olish kerak bo‘lsa, u holda Alt+PrintScreen (PrtScr) klavishlarini birgalikda bosish lozim.

👨‍💻@informatika

​​#bilasizmi

🇷🇺Rossiyaning shaharlaridan birida o‘quvchilarni qiz va o‘g‘il bolalarga ajratib o‘qitish kutilmagan natija berdi👦🏻👧🏻

2 yil avval Rossiyaning Biysk shahridagi 20-sonli maktabda 1-sinfga kelgan o‘quvchilarni qiz va o‘g‘il bolalarga ajratib o‘qitish bo‘yicha tajriba boshlangan. Ayni vaqtda bu sinflarning o‘quvchilari 2-sinfda ta’lim olishmoqda va o‘qituvchilar ushbu tajribaning natijalarini keltirib o‘tishga qaror qilishdi.

Natija esa ham o‘qituvchilarni, ham ota-onalarni hayratda qoldirdi. Birinchidan, ikkala sinfda ham fanlarni o‘zlashtirish darajasi oshgan. Ma’lum qilinishicha, aralash sinflarda “to‘rtchilar” va “a’lochilar” o‘rtacha 50 foizni tashkil qilsa, alohida sinflarda ancha yuqoriroq bo‘lgan: “qizlar” sinfida 89 foiz, “o‘g‘il bolalar” sinfida 65 foiz.

Ikkinchidan, aralash sinflarda darslarda 40 foiz o‘quvchilar faol bo‘lsa, alohida sinflarda deyarli hamma faol bo‘lgan. Ruhshunoslar bu muvaffaqiyatni ta’lim qizlar va o‘g‘il bolalar uchun tushunarli tilda olib borilishi bilan tushuntirishmoqda: qizlar turli taqinchoqlar, yumshoq o‘yinchoqlar, gullarni muhokama qilishsa, o‘g‘il bolalarga robotlar, sport, mashinalar va boshqa shunday mavzularda suhbatlashish qiziq.

Bundan tashqari, alohida sinflarda jinslar orasida, ya’ni qizlar va o‘g‘il bolalar orasida raqiblik yo‘q, umumiy sinflarda esa o‘g‘il bolalar e’tibor jalb qilish uchun qizlarni xafa qilishlari mumkin, biroq qizlar ham ulardan qolishmaydilar. Bu esa ta’limdan chalg‘itadi. Bir ruhshunosning e’tibor qaratishicha, qizlar o‘g‘il bolalardan farqli ishga sekinroq kirishadilar, biroq o‘g‘il bolalarga nisbatan bu ishdan uzoqroq “soviydilar”. O‘g‘il bolalarda esa biror mavzu yoki buyumga qiziqish tezroq so‘nadi.

Alohida o‘qitish bolalarning ijtimoiylashuviga xalaqit qiladi, degan taxminga kelinadigan bo‘lsa, mutaxassislar buni “cho‘pchak” deb atashmoqda. Chunki ularning ta’kidlashicha, bolalar baribir birga yashashadi, ko‘chada, ijtimoiy tarmoqlarda muloqot qilishadi va hokazo. Tajribani 8-sinfgacha davom ettirishga qaror qilindi.

Manba: Kun.uz

👨🏻‍💻@itspecuz

#operatsion_tizim #maslahat #security

Windows uchun Macrium Reflect dasturi qattiq disklarning zaxira nusxalarini yaratishda sizga yordam beradi 🗄

Barcha ma’lumotlari va sozlamalari bilan birga tizimni to‘liq nusxalash va bo‘lim (раздел)larning backup’ini hosil qilish.

Tizimni qayta o‘rnatish – bu aslida uzoq vaqt talab etuvchi jarayon emas. Aslida drayver va dasturlarni o‘rnatish uchun ko‘proq vaqtimiz sarflanadi. Windows’ni qayta o‘rnatganingizdan yoki qattiq diskni almashtirganingizdan so‘ng keraksiz ishlarni bajarishdan o‘zingizni halos etish maqsadida Macrium Reflect yordamida tizimning zaxira nusxalarini yaratib borishingiz mumkin.

👉🏻 Batafsil...

👨🏻‍💻@itspecuz

​​#bilasizmi

🚭 Garchi sigaret chekuvchi insonlarning 90% bu yomon odatni tashlashni istagani bilan, faqatgina 2-3% bu odatini tark etishga qodir.

👨🏻‍💻@itspecuz

​​#android

Android smartfoniga periferik qurilmalar qanday ulanadi? 🖨

Android operatsion tizimi turli xil kompyuter periferik qurilmalariga ulanishni qo‘llab-quvvatlashi haqida bilarmidingiz?

Bular esa:

✅ fleshka,
✅ qattiq disk,
✅ sichqoncha,
✅ klaviatura,
✅ o‘yin kontrolleri,
✅ karnaylar,
✅ garnitura,
✅ web-kamera,
✅ printer,
✅ modem
✅ yoki umuman boshqa Android smartfoni bo‘lishi mumkin.

Bu uchun sizga shunchaki – OTG kabeli kerak bo‘ladi, uning bir uchi (microUSB) smartfonga, boshqa uchi (USB-host) esa tashqi qurilma ulanadi. Odatda qo‘shimcha drayverlar talab etilmaydi, smartfon gadgetni aniqlaydi va darhol u bilan ishni boshlashni taklif qiladi.

❗️Biroq, veb-kameraning ishlashi uchun USB Camera ilovasini yuklab olishingiz kerak bo‘ladi.

❗️Printerning to‘g‘ri ishlashi uchun PrintHard ilovasi mos keladi.

❗️Deyarli har qanday modemni smartfon bilan PPP Vidjet 2 do‘stlashtirib qo‘yishi mumkin.

👨🏻‍💻 @itspecuz

#operatsion_tizim

C diskidagi Users papkasidagi foydalanuvchi papkalarini D diskiga mohirona o‘tkazish haqida

👉🏻 https://goo.gl/Qb6GUh

👨🏻‍💻 @itspecuz

​​#bilasizmi

👾 Agar kompyuter virusi kompyuteringizga tushib qolsa, u o‘zini quyidagicha namoyon qiladi:

✅ Ba’zi bir dasturlar ishlamaydi yoki yomon ishlay boshlaydi;

✅ Ekranga noodatiy xabarlar yoki simvollar chiqa boshlaydi;

✅ Kompyuterning ishlash tezligi ancha sekinlashadi;

✅ Ba’zi bir fayllar buziladi, o‘zgaradi yoki kattalashadi;

✅ Operativ xotiraning bo‘sh joyi qisqaradi;

✅ Dasturlarning yuklanish vaqti sekinlashadi.

👨‍💻 @informatika

​​#bilasizmi

👨🏻‍🔧 Veb-dasturchilar bilan veb-dizaynerlarning farqi nimada? 👨🏻‍🎨

Ko‘p hollarda ish beruvchilar dasturchilar dizaynni ham yarata oladi, deb o‘ylashadi. Biroq har ishni o‘zining ustasi qilgani ma’qul. Veb-dizayner bilan veb-dasturchilar o‘rtasida farq bormi? Albatta, bor. Keling bu savolga oydinlik kiritamiz.

Veb-dizayner nima ish qiladi

Maket yaratadi, interfeysni quradi va mijozning veb-sayt bilan o‘zaro hamkorligini o‘ylab topadi — g‘oyani va tarixni chiroyli vizual dizaynga aylantiradi. Xuddi me’mor uyning rejasini tuzganidek, veb-dizayner ham sayt maketini yaratadi va hayotga tatbiq etadi.

Veb-dasturchining o‘rni qanday?

Veb-dasturchi veb-dizaynerning g‘oyasini maketga aylantirib ish mahsulotiga aylantiradi. Uning vazifasi — kelgusi resursning mijoz (frontend) yoki server qismini (backend) yaratadi. Yana full-stack dasturchilar ham bor — ular to‘liq ish ilovasini, ya’ni backend’ni ham, frontend’ni ham yaratadi.

Veb-dasturchi sayt dizaynini yarata oladimi?

Yaratadi, Lekin unga ishonish kerak emas. Dizayn bilan o‘zining mutaxassisi shug‘ullangani yaxshi.

Frontend-dasturchi kim?

Frontend-dasturchi dizayner tayyorlagan maket orqali saytning tashqi ko‘rinishini ishlab chiqadi, ishchi interfeys yaratadi. Odatda, foydalanish uchun HTML tili, CSS, JavaScript va turli freymvorklari qo‘llaniladi.

Backend-dasturchi kim?

Backend-dasturchi resursning server qismi bilan shug‘ullanadi. Backend bilan shug‘ullangan kishi server mantig‘ini yaratadi, ya’ni qanday qilib ishlashini tushunishi kerak. Ko‘pchillik veb-ilovalar ma’lumotlar bazasini ishlatadi. Shu bois backend-dasturchi ommabop MBBT (Ma’lumotlar bazalarini boshqaruv tizimi) bilan ishlashni bilishi kerak.

Full-stack dasturchi kim?

Full-stack dasturchi veb-dasturchining barcha bilimi va tajribasini egallagan bo‘lishi kerak, ya’ni frontend yo‘nalishida ham, backend yo‘nalishida ham birday ishlay olishi kerak. Hozirda full-stack dasturchilari sahifalovchi, mijoz va resursning server qismi, shuningdek ma’lumotlar bazasi va turli freymvorklar bilan ishlay olishi talab etiladi.

Saroy Terabayt.uz

👨🏻‍💻@itspecuz

​​#android #smartfon

Android’da mobil internet tufayli balans hisobining nolga tushishini oldini olish⛔️

Chet elda sayohat qilayotganimizda biz ko‘pincha Internetga kirish uchun mahalliy SIM-kartalarni xarid qilishimizga to‘g‘ri keladi. Trafik paketi odatda ma’lum miqdordagi gigabaytlarda cheklangan bo‘ladi. Sarflangan hajm noxush syurprizga aylanmasligi uchun 3 oddiy qadamni amalga oshirgan holda mobil trafik sarfi uchun cheklov o‘rnatish mumkin. Buning uchun esa quyidagi harakatlarni amalga oshirish lozim:

1️⃣ Настройки → Беспроводные сети’ga kiramiz.

2️⃣ Передача данных menyusini tanlaymiz (smartfonning modeliga qarab aniq nomlanishi farq qilishi mumkin).

3️⃣ Unda Ограничение использования мобильного Интернета bandini topamiz.

4️⃣ Uning yonida maxsus belgi (галочка)ni o‘rnatgan holda, biz belgilangan limitga yetib kelganimizda modemning ma’lumotlarni uzatish (передача данных)ni to‘xtatishiga amin bo‘lishimiz mumkin. Ma’lumotlarni uzatish (передача данных)ning o‘chirilishi chegarasini pastroqda, trafik dinamikasini aks ettiruvchi grafikda o‘rnatishingiz mumkin.

❗️Endi siz balansning to‘satdan nolga tushib qolishidan qo‘rqmasdan, Internetdan ishonchli va qulay foydalanishingiz mumkin.

👨🏻‍💻@itspecuz

​​☪️ Barchangizga ramazon oyi muborak bo‘lsin! 🕋

Assalomu alaykum AKT shinavandalari, kanalimiz kuzatuvchilari. Sizlarni ertangi boshlanadigan muborak Ramazon oyi bilan qutlaymiz!

Ushbu barokatli oyda barchamizga yaratgandan hidoyat, yaxshiliklar tilagan holda, oldimizga qo‘ygan ezgu maqsadlarimizga halol va to‘g‘ri yo‘l bilan yetishishni, bilim olish (zero, bilim olish ham ibodatdir) yo‘lida sabr, kuch-quvvat va teran tafakkur ato etishini tilab qolamiz. Barcha buyuklar hamda fozillar ta’kidlaganidek halollik, to‘g‘rilik bilan erishilgan natijalar bardavom va totlidir. Barchamizni ana shu halollikdan adashtirmasin!

👨🏻‍💻@itspecuz

​​#maslahat

💻 Dasturchilikdagi 3 kunda o‘zlashtirsa bo‘ladigan ko‘nikmalar

Dasturchilik birmuncha murakkab, ayrimlar uchun hatto vahimali darajada qiyin ko‘rinadigan soha. Biroq unda ham oson o‘zlashtirish mumkin bo‘lgan jihatlar mavjud.

Biz quyida, dasturchilikka qiziqqanlar uch kundayoq nimalarni o‘zlashtira olishlari mumkinligini sanab o‘tamiz. Ishtiyoq va ozroq qunt bo‘lsa, siz shularni o‘rganib olishingiz mumkin:

1️⃣. Linux

Linux bilan ishlash asoslarini uch kunda o‘rganish mumkin. Linux – eng keng tarqalgan, ommabop operatsion tizimlardan biri. Dasturchilikda asosan ushbu tizimdan foydalaniladi, ko‘pincha masofadagi serverlar uchun ham qo‘llanadi. Shuningdek, Kali Linux distributivi ko‘pincha axborot xavfsizligi sohasidagi mutaxassislar va xakerlar tomonidan ishlatiladi.

2️⃣. Versiyalar nazorati tizimi

Shuncha muddat mobaynida yana Versiyalar nazorati tizimi – VCS’lardan birini o‘zlashtirib olishingiz mumkin. Mazkur jihoz xatolardan saqlanishingizni kafolatlaydi. Chunki, agarda dasturdagi o‘zgartirishlar kerakli natijani bermasa, bir necha bosqich orqaga qaytishga to‘g‘ri keladi. Mana shu paytda VCS’lar rosa ish beradi.

3️⃣. Muhim resurslardan foydalanish

Agarda dasturlashga qiziqsangiz, Stack Overflow hamda uning ruscha analogi – Hashcode saytlarida profil ochib olganingiz ma’qul. Shundan keyin, mazkur savol va javoblar tizimlaridan foydalanishni o‘rgana boshlaysiz. U yerda kimdir foydali maslahatlar oladi, yana kimlardir bepul amaliyot o‘taydi.

4️⃣. JavaScript asoslari

Qisqa muddatda o‘rganish mumkin bo‘lganlardan yana biri JavaScript hisoblanadi. U Github’dagi eng ommabop dasturlash tilidir. Dasturchilikda Node.js paydo bo‘lganidan keyin, JavaScript nafaqat frontend uchun qo‘llanuvchi texnologiya sifatida, balki backend va konsol utilitalarini yaratishda ham faol qo‘llanmoqda.

5️⃣. Saralash

Uch kunda saralash algoritmlaridan birini o‘rganib olishingiz imkoni bor. Umuman olganda, tizimga solish hamisha ham ishni osonlashtiradi. Koderlar uchun esa u suv va havodek muhim.

6️⃣. Buyruqlar satrida ishlash

Dasturchining oddiy foydalanuvchidan farq qiluvchi jihatlaridan biri – buyruqlar satri bilan samarali ishlay olishidir. Siz ham buni o‘rganib olsangiz, ishingiz tezlashadi. Shuningdek, buyruqlar satrida ishlash masofadagi server bilan ishlash uchun eng kerakli malakalardan biridir.

🤔 O‘ylaymizki, dasturlashga qiziqsangiz va harakat qilsangiz, maslahatlarimiz sizga asqotadi. 👍

DiMaX Terabayt.uz

👨🏻‍💻@itspecuz

#android #smartfon

📲 Android uchun diktofon tanlaymiz

👉🏻 https://goo.gl/oMDVYY

👨🏻‍💻@itspecuz

Ramazon taqvimi boti.
Saharlik va iftorlik vaqtlarini bilib oling:
https://t.me/ramazontaqvimbot

Кимки ёлғон сўзлашни тарк этмаса ва Аллоҳ қайтарган нарсалардан қайтмаса, рўза тутиб, емай-ичмай қўйгани билан рўзаси қабул бўлмайди. Аллоҳ унга раҳмат назарини ташламайди.

Имом ал-Бухорийнинг «Ал-жомеъ ас-сахих» китобидан.
https://play.google.com/store/apps/details?id=uz.cieuz.al_jome_as_sahih

#maslahat #smartfon #android

Smartfondan bu narsalarni o‘chirib tashlang!

👉🏻 https://goo.gl/kEH7Uy

👨🏻‍💻 @itspecuz

#game

🕹Barcha geymerlar uchun qadrdon bo‘lishga ulgurgan Counter Strike o‘yini kodlari ⌨️

1️⃣. impulse 101 - 16000$ pul

2️⃣. give spaceweaponawp - Snayper

3️⃣. svaim - Snayper avtomatik nishonga oladi

4️⃣. svgravity 101 (-999 -999999) - Baland sakrash

5️⃣. glzmax[0-9999] - Devordan o‘tadigan o‘q

6️⃣. lambert -1.0001 - Qorong‘i joyni yoritish

7️⃣. clhidefrags 0 - Boshqa o‘yinchilarni ko‘rish

8️⃣. clforwardspeed 999 - Oldinga qarab tez yurish

9️⃣. clbackspeed 999 - Orqaga qarab tez yurish

1️⃣0️⃣. clsidespeed 999 - Joyidan tez qo‘zg‘alish

1️⃣1️⃣. +reload - Avto perezaryadkani yoqish

1️⃣2️⃣. -reload - Avto perezaryadkani o‘chirish

1️⃣3️⃣. mpc4timer [1-100] - Bombani vaqtini belgilash

1️⃣4️⃣. svclienttrace 9999 - Avtopritselni yoqish

1️⃣5️⃣. svclienttrace 0000 - Avtopritselni o‘chirish

1️⃣6️⃣. adjust crosshair - Pritsel rangini o‘zgartirish

1️⃣7️⃣. timeleft - Qolgan vaqtni ko‘rsatish

1️⃣8️⃣. crosshair [1-5] - Metkani qimirlatmasdan harakatlanish

1️⃣9️⃣. mpfreezetime [sekund] - O‘yin vaqtini kamaytirish

2️⃣0️⃣. mproundtime [3-15] - O‘yin raundlarini belgilash

2️⃣1️⃣. mptimelimit - O‘yin vaqtini sozlash

2️⃣2️⃣. mpfriendlyfire [0 yoki 1] - Sherikni o‘ldirish (friendly fire)

2️⃣3️⃣. mpfootsteps [0 yoki 1] - Qoldirilgan izni yoqish va o‘chirish

2️⃣4️⃣. svclienttrace 999999999 - Istagan o‘q aniq tegadi

2️⃣5️⃣. changelevel [map name] - Kartani o‘zgartirish

2️⃣6️⃣. give [weapon name] - Qurol olish

2️⃣7️⃣. skin [skin name] - Skinni almashtirish

2️⃣8️⃣. svstpsize (18-1000) - Devorga chiqadi

2️⃣9️⃣. botshovnav 1 - Botni qayerdaligini ko‘rsatish

3️⃣0️⃣. botsnipersonly - Botlarga snayper oldirish

3️⃣1️⃣. mplimitteams (2-1) - 10 kishiga 1 kishi qarshi

3️⃣2️⃣. botstop (0-1) - Botlarni to‘xtatish

3️⃣3️⃣. cllw (1-0) - Metkani kichraytirish

3️⃣4️⃣. svkniversonly - Botlarga pichoq oldirish

3️⃣5️⃣. botpistoletsonly - Botlarga pistolet oldirish

3️⃣6️⃣. svairclan - Tez yurish

3️⃣7️⃣. sv_cheats 1 - Pul

👨🏻‍💻@itspecuz & @android_4ik

Thailand english :D