🇺🇿 Boku shahrida joylashgan 53-sonli umumiy o'rta ta'lim maktabida O'zbekiston kuni o'tkazildi

🌐 "SAF 2022" Xalqaro festivalida ishtirok etgan va bir necha toifalarda g'oliblikni qo'lga kiritgan O'zbekiston STEAM jamoasi, O'zbekiston Respublikasi delegatsiyasi bilan birgalikda Boku shahridagi 53-sonli umumiy o'rta ta'lim maktabida tashkil etilgan 🇺🇿 "O'zbekiston kuni" ga taklif qilindi.

🇺🇿 Maktab o'quvchilari O'zbekiston Respublikasi Konstitutsiyasi haqidagi bilimlarini hamda xalqimiz madaniyatiga xos raqs va kuy-qo'shiqlarni namoyish etdilar.

🌍 O'zbekiston 2022-yilda OCEP dasturiga kirdi. Ushbu dastur madaniyat, ta'lim va davlatlarning do'stona munosabatlarini o'rnatish uchun xizmat qiladi. Ozarbayjon Respublikasida OCEP dasturiga 2019-yilda a'zo bo'lgan.

❤️ Ushbu dasturni qo'llab-quvvatlash maqsadida O'zbekiston va Ozarbayjon maktablari o'rtasida hamkorlikni davom ettirish rejalashtirilgan.

#Seminar

📢 "Zamonaviy maktab” larga qo‘yiladigan talablar asosida baholangan Xorazm viloyatining 110 ta maktablari natijalari eʼlon qilindi

📍 Xorazm viloyatidan qatnashgan maktablarni taqdirlash marosimi Urganch shahridagi Yoshlar markazi binosida tashkil etildi. Unda 2022-yilda “Zamonaviy maktab” larga qo‘yiladigan talablar asosida baholangan 110 ta maktablar natijalari eʼlon qilindi.

⭐ Taʼkidlash kerakki, Xorazm viloyati umumiy natijalarga ko‘ra eng yaxshi ko'rsatgichni qayd etdi.

🚩 Tadbirda yaxshi natija ko'rsatgan maktablarga muvofiqlik sertifikatlari topshirildi, past natija ko‘rsatgan maktablarni "Zamonaviy maktab" larga qo‘yiladigan talablarga muvofiqlashtirish bo‘yicha tegishli tavsiyalar taqdim etildi.

📷 Tadbirdan fotolavhalar.

🇺🇿 Oltin medal sohiblari Islom Karimov nomidagi Xalqaro aeroportda kutib olindi

🌐 "SAF 2022" Xalqaro festivalida ishtirok etgan va bir necha toifalarda g'oliblikni qo'lga kiritgan O'zbekiston STEAM jamoasi kuni kecha Toshkent shahriga yetib keldilar.

📍 Islom Karimov nomidagi Xalqaro aeroportda Ozarbayjon poytaxti Boku shahrida bo'lib o'tgan "SAF 2022" Xalqaro festivalida Vatanimiz sha'nini munosib himoya qilgan hamda g'oliblikni qo'lga kiritgan bir guruh yoshlarni kutib olish marosimi bo'lib o'tdi.

🚩Eslatib o'tamiz, O'zbekiston STEAM jamoasining kichik yoshdagi vakillari🥇 "Robokids Primary" toifasida Oliy o‘rin sohibiga aylangan bo'salar, yuqori sinfda o'qiydigan jamoa a'zolari🥉"High school survivor" toifasida Bronza medaliga sazovor bo'ldilar.

🏆 Maktab o'quvchilari orasida mashhur bo'lgan kibersport ustasi Shoxruz Nazarov (bloger Yakudza) bilan fan klub uchrashuvi bo'lib o'tdi

👍 ITSM markazi tomonidan poytaxtimizning Yunusobod tumanida joylashgan 260-sonli umumiy o'rta ta'lim maktabida, yoshlar orasida mashhur bo'lgan kibersport ustasi, bloger Shoxruz Nazarov (bloger Yakudza) bilan uchrashuv tashkil etildi.

🤖 Ushbu tadbirda ishtirok etgan 5-6-7-sinf o'quvchilari o'zlari yoqtirgan bloger hamda kiber sportchisiga ikki yo'nalishda ham qanday qilib muvaffaqiyatga erishish mumkinligi, blogerlik faoliyatiga oid savollar berdilar.

🤖Bundan tashqari, bugungi kunda IT-kasblariga bo'lgan talab va ularni samarali o'zlashtirish kabi mavzularda o'quvchilarni qiziqtirgan savollarga Markaz mutaxassislari tomonidan atroflicha javob berildi. Shu o'rinda Xalq ta'limi vazirligining You Tube dagi Milliy ta'lim resurslari rasmiy kanalida 30 dan ortiq zamonaviy IT-kasblari bepul joylab borilayotgani haqida ma'lumotlar taqdim etildi va amalda sahifadan foydalanish ko'rsatib berildi.