قناةٌ لِـفتاة مَـهدوية، تُدعىٰ: مَـليِـكة،

_طَالـِبة مُـمهِدة، أُشارك دِراستـي وتحدياتي وَكُل مايخصُ الخامس عِـلمي 📚..

_أطرحُ فيهـا مَواضيعُ ونقاشات مفيدة وَمُختلـفة، فيما يخصُ الدين والتمهيـد..

_كُتب، والمَزيدُ منها في القناةِ، pdf وأسمائُها ونبذة عنها📍..

_نصائـح عَامـة ونَـافِعـة، في أغلبِ الأمورِ المُفيـدة والدراسـية، وصُـنعِ الذاتِ،وتنظيمِ الوقت⏳..

_أمور عبـادية ودينيـة📿..

_ عـلىٰ حُبِّ ذَلكَ الـقَمرُ الدَرّي المُـنتظر(عجلَ اللّٰــه فَرجـهُ)🌿..

_للأنظِمامِ :
@i6i_ioi

أشملونا في دعواتِكُم❤️‍🩹..
في أمسِ الحاجةِ إليها 🥺..

الناسُ ثلاثة اصناف؟

قال أمير المؤمنين علي (عليهِ السّلامُ): "النَّاسُ ثَلَاثَةٌ: عَالِمٌ رَبَّانِيٌّ، وَ مُتَعَلِّمٌ عَلَى سَبِيلِ نَجَاةٍ، وَ هَمَجٌ رَعَاعٌ..

_عيون الحكم والمواعظ 📚..

ياترىٰ إحنا أي واحد بيها عـلىٰ حسب كلام أمير النحل؟
عالم؟، لالا مو الهدرجة؟..
متعلم ؟، يمكن..
همج؟، نسأل اللّٰــه أن لانكون منهم..
اذًا أنتَ تختار، لاتختار العالي كُلش ولا الواطي!..
لعد مُتعلم علمود النجاة..
يعني أنتَ او أنتَ راح يجي الدوام ويبدأ العجز والكسل والبخل بالدراسة الخ..
خلي ناخذ الدراسة مثل النجاة النا..
إحنا حاليًا ببحر كبير ماعدنا شيء ينقذنا، فجأة ويمر قارب ينجيك وينقذك..
خلي نعتبر العلم والتعلم هيج..
_فضفضة نص ليل😅🌿..

🌿📿..

طريقة دراسة مادة العربي..

_العربي ينقسم إلى ثلاثة اقسام:
الانشاء، القواعد، الأدب..

1_الانشاء: اهنا يعتمد عـلىٰ :
①_الخط والاملاء
②_وكانما جاي اقدم موضوع او تقرير
عن الشي الي مطلوب منك
اتعدد وتذكر
اذا موضوع مابيه مضمون وفكرة وكلام مفيد مراح تحصل عـلىٰ إلي تسعى له🤍🍁..

القواعد:
الحالة الأولى: إذا كنت تفهم من مدرس، فـمن ترجع للبيت راجع المواضيع وحل أمثلة عنه +راجعه ثاني يوم🤍🍁...

الحالة الثانية: اذا متفهم ومعتمد على يوتيوب، أختار المدرس إلي أنت تفهم عليه مو غيرك، ومن تشوف المحاضرة
اشرحه الموضوع لنفسك واكتب الي كتبه الاستاذ حتى تراجعه🤍🍁...

الأدب: كلش سهل حتى احيانًا ميطلب منك فهم المهم تحفظه واذا فهمته بعد هواي أحسن...
يا إما تنزل إله تلخيص
او انت تلخص
ومجرد ما تحفظه راجعه قبل لا تنام🤍🍁..

والتوفيق للجميع يارب🤍🍁..
#نصائح
#تحويل_حتى_الكل_يستفاد

وانتظرونه بالمواد البقيه...

طريقة دِراسة مَـادة الأحياء المُطولة🧬:

١_دفتر خـاص للمـادة:

خصصوا الكم دفتر تنزل بيه التلاخيص سواء من مُدرسكم أو من اليوتيوب، صحيح مُتعب النقل لكن من راح تنقل وتكتب راح تحفظ المعلومات..

٢_الدراسـة اليومية للمـادة:

كل موضوع حدد الكم الأستاذ ترجعون تقروه، ميكون أكثر من ورقتين، ضروري تقرون يوم بيومه حتى لاتصير تراكمات بـالـشهري!..

٣_في الإمتحانات الـشهرية:

اعملو مُلخص خاص فيكم مثلاً فصل كامل تلخصوه بورقة كاملة، يعني مُلخص غير عن تلخيص الأستاذ ، بالمُلخص تنزلون الاسئلة المهمة إلي اتكررت بمُلخص الأستاذ، أسئلة أنتَ إذا بدال الأستاذ تجيبها،التعاريف المهمة والتعاليل..
وهيج راح يصير عندك لكل فصل مُلخص بسيط، تكدر تعتمد عليه في امتحانات نص السنة واخير السنة..
وأحبذ أن تحتفظون بهذه المُلخصات بـفايل خاص أو جنطة حتى ماتتلف أو اتضيع..
أني معتمدة عـلىٰ طريقة المُلخصات واشوفها مهمة ونافِعة💯..

مُوفقين لِكُلِ خير🌿..
#نصائح

حيل محتاجـة دعواتكم هذه اليومين🥺..
ماتتخيلون شكد!، ادعولي أن يصير إلي اريدة وبدون أي مشاكل أو معارضات..
يشهد اللّٰــه إذا صار ما انسة فضلكم أبد ❤️‍🩹..

صبحكم اللّٰــه بالخير🌿..
يالله أكعدوا دوام دوام❤️‍🔥..

يارب سنة دراسية مُوفقة، ببركة فاطِمة ويوسفها🌿🦋..